റിയാദ്: പൊന്നാനി കൾച്ചറൽ വേൾഡ് ഫൌണ്ടേഷൻ സൗദി റിയാദ് കമ്മിറ്റിയുടെ ആഭിമുഖ്യത്തിൽ കേരളപ്പിറവി ദിനം സമുചിതമായി അഘോഷിച്ചു. ജനസേവന വിഭാഗം കൺവീനർ റസാഖ് പുറങ്ങിൻ്റെ നേതൃത്വത്തിൽ കേക്ക് മുറിച്ച് പരിപാടിക്ക് തുടക്കം കുറിച്ചു. ദിറാബ് നൈസ് ഡേ റിസോർട്ടിൽ നടന്ന ചടങ്ങിൽ പ്രസിഡൻ്റ് അൻസാർ നെയ്തല്ലൂർ അധ്യക്ഷത വഹിച്ചു. തുടർന്നു നടന്ന കേരള സംബന്ധമായ ക്വിസ്സ് മത്സരത്തിന് ജന.സെക്രട്ടറി കബീർ കാടൻസ് നേതൃത്വം നൽകി. മൽസരത്തിൽ വിജയികളായ ഷഫ്‌ന മുഫാഷിർ, ആയിഷ റബ്ല,ഫാത്തിമ സാധിയ, ഷംസു, അൻവർ എന്നിവർക്ക് അസ്‌ലം കളക്കര, രമേശ്‌ വെള്ളേപ്പാടം, ബക്കർ കിളിയിൽ,സംറൂദ്, ജാഫർ തുടങ്ങിയവർക്ക് സമ്മാനം നൽകി. അൻവർഷാ, സുഹൈൽ മഖ്ദൂം, സമീറാ ഷമീർ, സാബിറാ ലബീബ് തുടങ്ങിയവരുടെ ക്യാപ്റ്റൻസിയിൽ അന്യം നിന്നുപോകുന്ന പഴയ കാല ഗെയിമുകൾ നടത്തി. ഷമീർ മേഘ,എം എ ഖാദർ ഫാജിസ് പി. വി ,അഷ്‌കർ വി , അൽത്താഫ്, മുജീബ് പള്ളിക്കര, അലി എന്നിവർ നേതൃത്വം നൽകി.
