ദുബൈ: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) സ്പോർട്സ് വിംഗിന്റെ ആഭിമുഖ്യത്തിൽ ദുബൈ അൽ തവാർ ഹാംപ്ട്ടൺ ഹൈറ്റ്സ് ഇന്റർനാഷണൽ സ്കൂൾ ഗ്രൗണ്ടിൽ സംഘടിപ്പിച്ച PPL സെവൻസ് ഫുട്ബോൾ ടൂർണമെന്റ് – സീസൺ 4 ൽ നാട്ടുകൂട്ടം പൊന്നാനി ചാമ്പ്യന്മാരായി. യു എ ഇ യിൽ നിന്നുള്ള പൊന്നാനി താലൂക്കിനെ പ്രതിനിധീകരിച്ച 12 ശക്തരായ ടീമുകൾ പങ്കെടുത്ത ടൂർണമെന്റ് ആവേശകരമായ മത്സരങ്ങൾക്കാണ് സാക്ഷ്യം വഹിച്ചത്. ഫൈനൽ മത്സരത്തിൽ നിശ്ചിത സമയത്ത് ഗോൾ രഹിത സമനില പാലിച്ചതിനെ തുടർന്ന് നടന്ന പെനാൽറ്റി ഷൂട്ടൗട്ടിലും സമനില (4-4) തുടർന്നതോടെ ടോസിലൂടെയാണ് നാട്ടുകൂട്ടം പൊന്നാനി കിരീടം സ്വന്തമാക്കിയത്. സെമിഫൈനൽ മത്സരങ്ങളിൽ കരുത്തരായ അൽ ശബാബ് മാണൂർ, അൽ വഹ്ദ കറക് എഫ്.സി. ടീമുകളെ മറികടന്നാണ് O2 പൊന്നാനിയും നാട്ടുകൂട്ടം പൊന്നാനിയും ഫൈനലിൽ പ്രവേശിച്ചത്. ഫൈനൽ മത്സരത്തിൽ മികച്ച പ്രകടനം കാഴ്ചവെച്ച O2 പൊന്നാനിയുടെ നിയാസിന് മാൻ ഓഫ് ദ ഫൈനൽ ട്രോഫിയും, അക്ബർ ട്രാവൽസ് സ്പോൺസർ ചെയ്ത ഡിസ്‌കൗണ്ട് കൂപ്പണും ലഭിച്ചു. ടൂർണമെന്റിൽ കൂടുതൽ ഗോളുകൾ നേടി റിഷാദ് (നാട്ടുകൂട്ടം) ടോപ് സ്കോറർ ട്രോഫിയും, മികച്ച സേവുകളിലൂടെ ഫാസിൽ (O2) ബെസ്റ്റ് ഗോൾകീപ്പർ ട്രോഫിയും നേടി. ഇരുവർക്കും അക്ബർ ട്രാവൽസ് ഡിസ്‌കൗണ്ട് കൂപ്പണുകളും സമ്മാനിച്ചു. ടൂർണമെന്റിലുടനീളം മികച്ച പ്രകടനം കാഴ്ചവെച്ച് ടീമിനെ കിരീടത്തിലേക്ക് നയിച്ച അഷ്ഫൽ പ്ലേയർ ഓഫ് ദ ടൂർണമെന്റ് ട്രോഫിയും, ഹോളിഡേ പാണ്ട സ്പോൺസർ ചെയ്ത സർ ബനിയാസ് ഐലൻഡ് സ്റ്റേക്കേഷൻ കൂപ്പണും കരസ്ഥമാക്കി ടൂർണമെന്റിന്റെ താരമായി. സെക്കൻഡ് റണ്ണർഅപ്പ് ട്രോഫി അൽ വഹ്ദ കറക് എഫ് സി യും, ഫെയർ പ്ലേ ട്രോഫി അൽ ശബാബ് മാണൂർ ടീമും സ്വന്തമാക്കി. നേരത്തെ ടൂർണമെന്റ് ഉദ്ഘാടന സെഷനിൽ ജനറൽ കൺവീനർ അമീൻ മാറഞ്ചേരി സ്വാഗതം പറഞ്ഞു. സംഘാടക സമിതി ചെയർമാൻ നസീർ ചുങ്കത്ത് ആമുഖ പ്രഭാഷണം നടത്തി. സഫാരി ഗ്രൂപ്പ് ചെയർമാൻ അബൂബക്കർ മടപ്പാട്ട് ടൂർണമെന്റ് ട്രോഫി അനാവരണം ചെയ്‌തു. മത്സരങ്ങളുടെ കിക്കോഫ് കർമ്മം ഫോറം ഗ്രൂപ്പ് ഡയറക്ടർ തൽഹത്ത് നിർവഹിച്ചു. PCWF ഹോം പ്രൊജക്റ്റ്‌ യു എ ഇ തല പ്രചാരണ ഉത്ഘാടനം മോഡേൺ ഹെയർ ഫിക്സിങ് എം ഡി മുജീബ് തറമ്മൽ നിർവഹിച്ചു. ഡോ. സലീൽ (ആദം മെഡിക്കൽ സെന്റർ), ഷാജി (ഇൻസുൽതേം), അബ്ദുൽ സത്താർ (റിയൽ ബേവ്), നവാഗത സംവിധായകൻ കബീർ പുഴമ്പ്രം എന്നിവർ ചടങ്ങിൽ സന്നിഹിതരായിരുന്നു. ചാമ്പ്യന്മാരായ നാട്ടുകൂട്ടം പൊന്നാനിക്ക് ചാമ്പ്യൻസ് ട്രോഫിയും അക്ബർ ട്രാവൽസ് സ്പോൺസർ ചെയ്ത ഒരു ലക്ഷം രൂപയുടെ ക്യാഷ് പ്രൈസും അക്ബർ ട്രാവൽസ് മാർക്കറ്റിംഗ് മാനേജർ ഷാഹിദ്, ഉംറ ഓപ്പറേഷൻ ഹെഡ് അഷ്കർ എന്നിവർ ചേർന്ന് സമ്മാനിച്ചു. റണ്ണർഅപ്പ് ട്രോഫിയും സാൻ ഗ്രൂപ്പ് സ്പോൺസർ ചെയ്ത 50,000 രൂപയുടെ ചെക്കും സാൻ ഗ്രൂപ്പ് CEO സാബിത്ത്, പ്രോജക്ട് മാനേജർ ഷാക്കിത്ത് എന്നിവർ നൽകി. മറ്റു ട്രോഫികളും മെഡലുകളും PCWF സെൻട്രൽ കമ്മിറ്റി ഭാരവാഹികളും, ടൂർണമെന്റ് സംഘാടക സമിതി ഭാരവാഹികളും അംഗങ്ങളും ചേർന്ന് വിതരണം ചെയ്തു.

പൊന്നാനി : ഇന്ത്യയുടെ എഴുപത്തി ഏഴാമത് റിപ്പബ്ലിക് ദിനാഘോഷം പൊന്നാനി കൾച്ചറൽ വേൾഡ് ഫൗണ്ടേഷൻ മൻസിപ്പിൽ കമ്മിറ്റി കേന്ദ്ര കമ്മിറ്റി ഓഫീസിൽ വെച്ച് സംഘടിപ്പിച്ചു. കേന്ദ്ര വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ പതാക ഉയർത്തി. ഡോ: അബ്ദുറഹിമാൻ കുട്ടി റിപ്പബ്ലിക് ദിന സന്ദേശം നൽകി. വനിത കേന്ദ്ര പ്രസിഡന്റ് ടി മുനീറ, ബിജു ദേവസി (സഊദി), കെ പി അബ്ദുൽ റസാഖ്, പത്മാവതി എന്നിവർ സംസാരിച്ചു. രാജൻ തലക്കാട്ട്, പി.എം അബ്ദുട്ടി, യഹിയ എ വി, ഫൈസൽ ബാജി, ബാബു എലൈറ്റ്, കെ വി ഉമ്മർ, ആദിൽ, സബീന ബാബു, റെജുല, സുലൈഖ, സുചിത്ര, സെലീന, സതി, നിഅമ തുടങ്ങിയവർ പങ്കെടുത്തു. മുനിസിപ്പൽ സെക്രട്ടറി മുജീബ് കിസ്മത്ത് സ്വാഗതവും, മുൻസിപ്പൽ വനിതാ പ്രസിഡന്റ് റംല കെ പി നന്ദിയും പറഞ്ഞു

എടപ്പാൾ : വർഗ്ഗീയതയെ ചെറുത്തു തോൽപ്പിക്കാൻ നമ്മളെല്ലാം ഒന്നാണെന്ന പൊന്നാനിയുടെ മാനവിക സംസ്ക്കാരത്തെ മുറുകെ പിടിച്ച് മുന്നോട്ട് പോകണമെന്ന് പ്രശസ്ത സാഹിത്യകാരൻ കെ പി രാമനുണ്ണി പറഞ്ഞു. പൊന്നാനി സംസ്ക്കാരത്തിന്റെ വിശാലതയുടെ പരിപ്രേക്ഷമാണ് പി സി ഡബ്യു എഫ് എന്ന സംഘടനയെന്നും, താലൂക്ക് നിവാസികളെല്ലാം ഇതിൽ അണിനിരക്കണമെന്നും സംഘടനയുടെ ഉപദേശക സമിതി ചെയർമാൻ കൂടിയായ അദ്ദേഹം അഭിപ്രായപ്പെട്ടു. നടുവട്ടം വിവ പാലസിൽ നടന്ന പതിനെട്ടാം വാർഷിക പ്രതിനിധി സഭ ഓൺലൈനിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഗ്ലോബൽ പ്രസിഡന്റ് സി എസ് പൊന്നാനി അധ്യക്ഷത വഹിച്ചു. പ്രവർത്തന റിപ്പോർട്ട് ജനറൽ സെക്രട്ടറി സി വി മുഹമ്മദ് നവാസും, സാമ്പത്തിക റിപ്പോർട്ട് ട്രഷറർ അടാട്ട് വാസുദേവൻ മാസ്റ്ററും അവതരിപ്പിച്ചു. റിപ്പോർട്ടിന്മേൽ ചർച്ച നടന്നു. 2026 - വാർഷിക കലണ്ടർ അവതരണം വർക്കിംഗ് പ്രസിഢണ്ട് പി കോയക്കുട്ടി മാസ്റ്റർ നിർവ്വഹിച്ചു. "കൂടയുളളവർക്ക് കൂടൊരുക്കാം" ഭവന നിർമ്മാണ പദ്ധതിയുടെ ഭാഗമായി പ്രഥമ വീട് നിർമ്മാണത്തിന് കാലടി പഞ്ചായത്തിലെ പി ആരിഫയെ തെരെഞ്ഞെടുത്തു. അടുത്ത ദിവസം തന്നെ നിർമ്മാണ പ്രവർത്തനങ്ങൾ ആരംഭിക്കും. പി സി ഡബ്യു എഫ് മാനേജ്മെന്റ് സിസ്റ്റം (PMC) ഉപാധ്യക്ഷൻ ഡോ: അബ്ദുറഹ്മാൻ കുട്ടി ലോഞ്ചിംഗ് ചെയ്തു. ഫെബ്രുവരി വരി 8 ന് പൊന്നാനി ഏ വി സ്കൂളിൽ വെച്ച് ബോൺ & ജോയിന്റ് ഫൗണ്ടേഷനുമായി സഹകരിച്ച് സൗജന്യ ഓർത്തോ മെഡിക്കൽ ക്യാമ്പ് നടത്താൻ തീരുമാനിച്ചു. ഫെബ്രുവരി 15 മുതൽ മാർച്ച് 31 വരെ നീണ്ട് നിൽക്കുന്ന "റിലീഫ് 2026" ധന സമാഹരണ യഞ്ജം സംഘടിപ്പിക്കാനും, റിലീഫ് കാലാവധിയിൽ എല്ലാ ഘടകങ്ങളും ഭവന നിർമ്മാണം ഉൾപ്പെടെയുളള ഒരു വർഷത്തെ ചാരിറ്റി പ്രവർത്തനങ്ങൾക്ക് ഫണ്ട് കണ്ടെത്തണമെന്നും ആഹ്വാനം ചെയ്തു. മാർച്ച് അവസാന വാരത്തിൽ വിപുലമായ ഇഫ്താർ സംഗമം നടത്തുതിന് അനുയോജ്യമായ സഥലം കണ്ടെത്താൻ പൊന്നാനി മുൻസിപ്പൽ കമ്മിറ്റി ഭാരവാഹികളെ ചുമതലപ്പടുത്തി. മദ്യത്തിനും, മയക്കുമരുന്നിനുമെതിരെ പോരാട്ടം നടത്തുന്ന വ്യക്തികൾക്കും സംഘടനകൾക്കും ഏട്ടൻ ശുകപുരത്തിന്റെ പേരിൽ നൽകുന്ന പ്രഥമ അവാർഡിന് മദ്യ നിരോധന സമിതി സംസ്ഥാന ട്രഷറർ കെ സിദ്ധീഖ് മൗലവി അയിലക്കാടിനെ തെരെഞ്ഞെടുത്തു. അന്താരാഷ്ട്ര ലഹരി വിരുദ്ധ ദിനത്തിൽ അവാർഡ് സമർപ്പിക്കും. വാർഡ് മെമ്പർ കുട്ടൻ, കെ എസ് അയിലക്കാട് എന്നിവർ ആശംസ നേർന്നു. ടി മുനീറ, ബീക്കുട്ടി ടീച്ചർ, അബ്ദുട്ടി പി എം,ടി വി സുബൈർ, രാജൻ തലക്കാട്ട്, ശാരദ ടീച്ചർ, എം എം സുബൈദ, അംബിക കുമാരി ടീച്ചർ, ആയിഷ ഹസ്സൻ, മാലതി വട്ടംകുളം, മോഹനൻ പാക്കത്ത്, ഹൈറുന്നിഷ പാലപ്പെട്ടി, ടി മുസ്തഫ നടുവട്ടം, സി വി അബ്ദുറഷീദ് തുടങ്ങിയവർ സംബന്ധിച്ചു. മുൻസിപ്പൽ, പഞ്ചായത്ത് തല ഗ്രൂപ്പ് ചർച്ചകളിൽ ഹനീഫ മാളിയേക്കൽ (പൊന്നാനി) അബ്ദുസ്സമദ് മാനാത്ത് പറമ്പിൽ (വെളിയംങ്കോട്) അഷ്റഫ് മച്ചിങ്ങൽ (പെരുമ്പടപ്പ്) മുഹമ്മദ് അഷ്റഫ് (മാറഞ്ചേരി) മുഹമ്മദ് അബ്ദുറഹ്മാൻ (ആലങ്കോട്) അബ്ദുൽ ഖാദർ ആമയം (നന്നമുക്ക്) അബ്ദുല്ലക്കുട്ടി ഹാജി (വട്ടംകുളം) കെ മുഹമ്മദ് കുട്ടി (എടപ്പാൾ ) മുസ്തഫ കാടഞ്ചേരി (കാലടി) തൂമ്പിൽ കുഞ്ഞി മൊയ്തീൻ കുട്ടി (തവനൂർ) തുടങ്ങിയവർ ഘടകങ്ങളെ പ്രതിനിധീകരിച്ച് സംസാരിച്ചു. വിവിധ ഉപസമിതികളെ അവലോകനം ചെയ്ത് ഇ ഹൈദരലി മാസ്റ്റർ (എവർ ഗ്രീൻ) എസ് ലത ടീച്ചർ (വിദ്യാഭ്യാസ സമിതി) ജി സിദ്ധീഖ് (ജനസേവനം) ലത്തീഫ് കളക്കര (ലീഡർഷിപ്പ് അക്കാദമി) അഷ്റഫ് മച്ചിങ്ങൽ (സ്പോർട്സ് കൗൺസിൽ) മുജീബ് കിസ്മത്ത് (വിവാഹ സമിതി) സബീന ബാബു (സ്വാശ്രയ തൊഴിൽ സംരംഭം) കെ പി അബ്ദുറസ്സാഖ് (ആരോഗ്യ സമിതി) കാട്ടിൽ മുഹമ്മദ് കുട്ടി (ഭവന നിർമ്മാണ ബോർഡ്) അഷ്റഫ് ദിലാറ (ക്ഷേമ നിധി) തുടങ്ങിയവർ സംസാരിച്ചു. ജി സി സി കമ്മിറ്റികളുടെ അവലോകനത്തിൽ ബിജുദേവസി (സഊദി) ബാലൻ കണ്ടനകം (ബഹറൈൻ) സൽമ നസീർ (ഒമാൻ ) എന്നിവർ പങ്കാളികളായി. അബ്ദുറഷീദ് അറക്കൽ സ്വാഗതവും, എസ് ലത വിജയൻ നന്ദിയും പറഞ്ഞു.

എടപ്പാൾ : ത്രിതല പഞ്ചായത്ത് തെരഞ്ഞെടുപ്പിൽ വിജയിച്ച ജനപ്രതിനിധികൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ എടപ്പാൾ പഞ്ചായത്ത്‌ കമ്മിറ്റി സ്വീകരണം നൽകി. പഞ്ചായത്ത് കാര്യാലയത്തിന് സമീപം നടന്ന ചടങ്ങിൽ വെച്ച് പി സി ഡബ്യു എഫ് ഭാരവാഹികൾ ത്രിതല പഞ്ചായത്ത് ജനപ്രതിനിധികളെ ഷാൾ അണിയിച്ചു. സി എസ് പൊന്നാനി ചടങ്ങ് ഉദ്ഘാടനം ചെയ്തു. പി സി ഡബ്യൂ എഫ് കേന്ദ്ര കമ്മിറ്റി അംഗം ഇ പി രാജീവ് മുഖ്യ പ്രഭാഷണം നടത്തി. മുരളി മേലെപ്പാട്ട് അധ്യക്ഷത വഹിച്ചു. പൊന്നാനി ബ്ലോക്ക് പഞ്ചായത്ത്‌ പ്രസിഡന്റ്‌ അഡ്വ: ആർ ഗായത്രി, ഗ്രാമ പഞ്ചായത്ത് പ്രസിഡന്റ്‌ പി കെ സിന്ധു എന്നിവർ ആശംസ പ്രസംഗം നടത്തി. പി കോയക്കുട്ടി മാസ്റ്റർ, എൻ ഖലീൽ റഹ്മാൻ, കെ മുഹമ്മദ് കുട്ടി, ഗായകൻ എടപ്പാൾ ബാപ്പു, പി മുഹമ്മദ് കുട്ടി തുടങ്ങിയവർ ജനപ്രതിനിധികളെ ഷാൾ അണിയിച്ചു. സെക്രട്ടറി നജ്മു എടപ്പാൾ സ്വാഗതവും, ട്രഷറർ ഹിഫ്സു റഹ്മാൻ നന്ദിയും പറഞ്ഞു.

പൊന്നാനി കൾച്ചറൽ വേൾഡ് ഫൗണ്ടേഷൻ കുവൈറ്റ് ഘടകം ആഭിമുഖ്യത്തിൽ ‘പൊന്നാനി സംഗമോത്സവം 2K26’ 09/01/2026 വെള്ളിയാഴ്ച അബ്ബാസിയ ഇന്ത്യൻ സെൻട്രൽ സ്കൂൾ ഇൻഡോർ ഓഡിറ്റോറിയത്തിൽ സംഘടിപ്പിച്ചു. PCWF കുവൈറ്റ് ഘടകം പ്രസിഡന്റ് അഷ്‌റഫ് പി യുടെ അധ്യക്ഷതയിൽ നടന്ന ചടങ്ങ് അഡ്വൈസറി ബോർഡ് ചെയർമാൻ അഷ്‌റഫ് യു. ഉദ്ഘാടനം ചെയ്തു. പ്രശസ്ത മാപ്പിളപ്പാട്ട് ഗായകൻ താജുദ്ദീൻ വടകര, ശിഫ അൽ ജസീറ ഹെഡ് ഓഫ് ഓപറേഷൻസ് അസിം സേട്ട് സുലൈമാൻ എന്നിവർ മുഖ്യാതിഥികളായിരിന്നു. ട്രഷറർ അനൂപ് ഭാസ്കർ, വൈ: പ്രസിഡന്റ് മുഹമ്മദ് ഷാജി, വനിതാ ഘടകം പ്രസിഡന്റ് റുക്കിയ ബീവി, സെക്രട്ടറി സ്വർഗ്ഗ സുനിൽ, ട്രഷറർ ഫെമിന ഷറഫുദ്ദീൻ എന്നിവർ ആശംസകൾ നേർന്നു. PCWF ഫുട്ബോൾ ടീം ജേഴ്സി പ്രകാശനം എക്സിക്യൂട്ടീവ് അംഗം ഇർഷാദ് ഉമർ, വൈസ് പ്രസിഡന്റ് & പ്രോഗ്രാം കൺവീനർ നവാസ് ആർ.വി, മലപ്പുറം ജില്ലാ അസോസിയേഷൻ പ്രസിഡന്റ് അഡ്വ: മുഹമ്മദ് ബഷീർ എന്നിവർ ചേർന്ന് നിർവഹിച്ചു. പരിപാടിയുടെ പ്രയോജകരായ കുവൈത്തിലെ വ്യവസായികൾക്കുള്ള ഉപഹാരങ്ങൾ ചടങ്ങിൽ കൈമാറി. വൈവിധ്യമാർന്ന കലാപരിപാടികൾ സംഗമോത്സവത്തിന് മാറ്റുകൂട്ടി. മല്ലിക ലക്ഷ്മി പ്രശാന്ത്, ശ്രേയ സുനിൽ, അർജുൻ സുനിൽ, ഇൽഹാം, ലിസബേൽ എന്നിവരുടെ നൃത്തങ്ങളും, ഫൈഹ, ഐസ അനസ്, വൈഡൂര്യ, ജാലിബ മൂസ, ഷെസ ശറഫുദ്ദീൻ, നാജിയ നവാസ്, അഫ്‍ഷീൻ അശ്‌റഫ്, സിദ്റ സിദ്ധീഖ്, ഇശൽ ശംസാദ് എന്നിവർ അവതരിപ്പിച്ച ഒപ്പനയും സിനിമാറ്റിക് ഡാൻസും ശ്രദ്ധേയമായി. ജീവ ജഗ്ഗു ഗാനമാലപിച്ചു. പരിപാടിയുടെ പ്രധാന ആകർഷണമായി താജുദ്ദീൻ വടകരയും ഇവന്റ് ഫാക്ടറി മ്യൂസിക് ബാൻഡും നയിച്ച സംഗീതനിശ അരങ്ങേറി. മെർലിൻ പരിപാടിയുടെ അവതാരകയായിരുന്നു. കലാപരിപാടികൾ അവതരിപ്പിച്ചവർക്കുള്ള മെഡലുകൾ വനിതാ ഘടകം എക്സിക്യൂട്ടീവ് അംഗങ്ങളും, വളണ്ടിയർമാർക്കുള്ള മെഡലുകൾ മുഖ്യാതിഥി താജുദ്ധീൻ വടകരയും വിതരണം ചെയ്തു. പ്രോഗ്രാം കൺവീനർമാർമാരായ ജറീഷ് പിപി, ഹാഷിം സച്ചു, നാസർ കെ, ഫൈനാൻസ് സെക്രട്ടറി സിദ്ധീഖ് ആർ.വി, അഡ്വൈസറി ബോർഡ് വൈസ് ചെയർമാൻമാരായ സുമേഷ് എം.വി, പ്രശാന്ത് കവളങ്ങാട്, സ്വാശ്രയ കുവൈത്ത് കോർഡിനേറ്റർ യൂസഫ് കെ വി എന്നിവരും റഹീം പി.വി.യുടെ നേതൃത്വത്തിലുള്ള വളണ്ടിയർ ടീമും പരിപാടികൾ നിയന്ത്രിച്ചു കുവൈറ്റിലെ സാമൂഹിക സാംസ്‌കാരിക രംഗത്തെ പ്രമുഖരും, നിരവധി പൊന്നാനി താലൂക്ക് നിവാസികളും, കുടുംബങ്ങളും സംഗമത്തിൽ പങ്കെടുത്തു. പ്രോഗ്രാം കൺവീനർ ഷെരീഫ് കെ കെ സ്വാഗതവും, ജനറൽ സെക്രട്ടറി മുസ്തഫ മുന്ന നന്ദിയും പറഞ്ഞു.

ചങ്ങരംകുളം: ത്രിതല പഞ്ചായത്ത് തെരഞ്ഞെടുപ്പിൽ വിജയിച്ച ജനപ്രതിനിധികൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ വെളിയങ്കോട് പഞ്ചായത്ത്‌ കമ്മിറ്റി സ്വീകരണം നൽകി. ഉമരി സ്കൂൾ ഹാളിൽ നടന്ന ചടങ്ങിൽ വെച്ച് പി സി ഡബ്യു എഫ് ഭാരവാഹികൾ ത്രിതല പഞ്ചായത്ത് ജനപ്രതിനിധികളെ ഷാൾ അണിയിച്ചു. റിട്ട: എസ് പി. വി കെ അക്ബർ ചടങ്ങ് ഉദ്ഘാടനം ചെയ്തു. ഗ്ലോബൽ പ്രസിഡന്റ്‌ സി എസ് പൊന്നാനി മുഖ്യ പ്രഭാഷണം നടത്തി. വെളിയങ്കോട് പഞ്ചായത്ത് കമ്മിറ്റി പ്രസിഡന്റ് മാനാത്ത് പറമ്പിൽ അബ്ദുസ്സമദ് അധ്യക്ഷത വഹിച്ചു. വനിതാ കമ്മിറ്റി പ്രസിഡന്റ് സുഹ്റ ബാബു സ്വാഗതം പറഞ്ഞു. പെരുമ്പടപ്പ് ബ്ലോക്ക് പഞ്ചായത്ത്‌ പ്രസിഡന്റ്‌ റമീന ഇസ്മായിൽ, ഗ്രാമ പഞ്ചായത്ത് പ്രസിഡന്റ്‌ ബബിത നൗഫൽ, സ്റ്റാൻഡിംഗ് കമ്മിറ്റി ചെയർമാൻമാരായ നൗഫൽ പൂകൈത (ക്ഷേമ കാര്യം) പ്രിയ പി (വികസന കാര്യം) പ്രിൻസി നെല്ലിക്കൽ (ആരോഗ്യം- വിദ്യാഭ്യാസം) വാർഡ് മെമ്പർമാരായ ഷാഹുൽ ഹമീദ് വികെ, പുത്തൻ വീട്ടിൽ അബ്ദുസ്സലാം തുടങ്ങിയവർ ആശംസാ പ്രസംഗം നടത്തി. പി സി ഡബ്യു എഫ് അംഗം കാളിയത്ത് ഷാജി സംബന്ധിച്ചു. ഗ്ലോബൽ വർക്കിംഗ്‌ പ്രസിഡന്റ്‌ പി കോയക്കുട്ടി മാസ്റ്റർ, വനിതാ കേന്ദ്ര കമ്മിറ്റി ഉപദേശക സമിതി അംഗം എം എം സുബൈദ, വനിതാ കേന്ദ്ര കമ്മിറ്റി പ്രസിഡന്റ്‌ ടി മുനീറ, സെക്രട്ടറി ഹൈറുന്നിഷ പാലപ്പെട്ടി, സബീന ബാബു, രോഷിനി പാലക്കൽ, സലീന മാനാത്ത് പറമ്പിൽ, റംല അബ്ദുൽ ഖാദർ, മൊയ്തുട്ടി തുടങ്ങിയവർ ജനപ്രതിനിധികളെ ഷാൾ അണിയിച്ചു. എം വി ഉമ്മർ നന്ദി പറഞ്ഞു.

ചങ്ങരംകുളം: ത്രിതല പഞ്ചായത്ത് തെരഞ്ഞെടുപ്പിൽ വിജയിച്ച ജനപ്രതിനിധികൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ ആലങ്കോട് പഞ്ചായത്ത്‌ കമ്മിറ്റി സ്വീകരണം നൽകി. ചങ്ങരംകുളം കാരുണ്യ ഹാളിൽ നടന്ന ചടങ്ങിൽ വെച്ച് പി സി ഡബ്യു എഫ് ഭാരവാഹികൾ ജനപ്രതിനിധികളെ ഷാൾ അണിയിച്ചു. ഗ്ലോബൽ പ്രസിഡന്റ്‌ സി എസ് പൊന്നാനി ഉദ്ഘാടനം ചെയ്തു. ഗ്ലോബൽ ട്രഷറർ അടാട്ട് വാസുദേവൻ മാസ്റ്റർ മുഖ്യ പ്രഭാഷണം നടത്തി. ആലങ്കോട് പഞ്ചായത്ത് കമ്മിറ്റി പ്രസിഡന്റ് വി. വി. മുഹമ്മദ് അഷ്‌റഫ്‌ മാസ്റ്റർ അധ്യക്ഷത വഹിച്ചു. ആലങ്കോട് ഗ്രാമ പഞ്ചായത്ത്‌ പ്രസിഡന്റ്‌ ആസിയ ഇബ്രാഹിം, വൈസ് പ്രസിഡന്റ് സുബൈർ ഉദിനുപറമ്പ്, സ്റ്റാൻഡിങ് കമ്മിറ്റി ചെയർമാൻ ഫവാസ് മാളിയേക്കൽ എന്നിവർ ആശംസ പ്രസംഗം നടത്തി. ഗ്ലോബൽ വർക്കിംഗ്‌ പ്രസിഡന്റ്‌ പി കോയക്കുട്ടി മാസ്റ്റർ, വനിതാ കേന്ദ്ര കമ്മിറ്റി ഉപദേശക സമിതി അംഗം എം പി അംബികാകുമാരി ടീച്ചർ, പഞ്ചായത്ത്‌ വനിതാ വിംഗ് പ്രസിഡന്റ്‌ സുജിത സുനിൽ, സെക്രട്ടറി റാഫിദ, ഖജാൻജി ഷീജ, പി കെ. അബ്ദുല്ലക്കുട്ടി, ടി.വി മുഹമ്മദ് അബ്ദുറഹിമാൻ, റഷീദ് തളൂർ, സലീം കോക്കൂർ തുടങ്ങിയവർ ജനപ്രതിനിധികളെ ഷാൾ അണിയിച്ചു. അബ്ദു കിഴിക്കര സ്വാഗതവും, എം ടി ശരീഫ് മാസ്റ്റർ നന്ദിയും പറഞ്ഞു.

കുവൈത്ത്: പൊന്നാനി കൾച്ചറൽ വേൾഡ് ഫൗണ്ടേഷൻ കുവൈത്ത് ഘടകം പതിനൊന്നാം വാർഷിക ജനറൽ ബോഡി യോഗം 02/01/2026 വെള്ളിയാഴ്ച വൈകീട്ട് 4 മണിക്ക് ഹവല്ലി അൽ മുതവ്വ ഓഡിറ്റോറിയത്തിൽ വെച്ച് ചേർന്നു. PCWF കുവൈറ്റ്‌ ഘടകം ആക്ടിംഗ് പ്രസിഡന്റ് മുഹമ്മദ് ഷാജി അധ്യക്ഷതയിൽ അഡ്വൈസറി ബോർഡ് ചെയർമാൻ അഷ്‌റഫ്‌ യു ഉൽഘാടനം നിർവഹിച്ചു. വൈസ് ചെയർമാൻ പ്രശാന്ത് കവളങ്ങാട് PCWF സംഘടനയും അതിന്റെ ഉദ്ദേശ്യ ലക്ഷ്യങ്ങളും എന്ന വിഷയത്തിൽ ക്ലാസ്സെടുത്തു സംസാരിച്ചു. വനിതാ ഘടകം പ്രസിഡന്റ്‌ പി വി റൂഖിയ ബീവി, വനിതാ ഘടകം സെക്രട്ടറി സ്വർഗ സുനിൽ, സ്വാശ്രയ കോഡിനേറ്റർ യൂസഫ് കെ വി, വൈസ് പ്രസിഡന്റ് നവാസ് ആർ വി, വൈസ് പ്രസിഡന്റ് മുജീബ് എം വി, ജനസേവനം കൺവീനർ റഹീം പി വി എന്നിവർ ആശംസകൾ നേർന്നു. PCWF കുവൈത്ത് 2025 വാർഷിക റിപ്പോർട്ട് ജനറൽ സെക്രട്ടറി മുസ്തഫ എം വിയും, വനിതാ ഘടകം റിപ്പോർട്ട് സെക്രട്ടറി സ്വർഗ്ഗ സുനിലും അവതരിപ്പിച്ചു. സാമ്പത്തിക റിപ്പോർട്ട്‌ ട്രഷറർ അനൂപും, വനിതാ ഘടകം റിപ്പോർട്ട് ഫെമിന ശറഫുദ്ധീനും അവതരിപ്പിച്ചു. മേഖല കൺവീനർമാർ മേഖലകളുടെ പ്രവർത്തനങ്ങളെ വിലയിരുത്തി സംസാരിച്ചു. സംഗമോത്സവം 2K26 ന്റെ നിലവിലെ പ്രവർത്തനവും തുടർ പ്രവർത്തനങ്ങളെ കുറിച്ചും പ്രോഗ്രാം ജോ: കൺവീനർ നവാസ് ആർ വി വിശദീകരിച്ചു. ജനറൽ സെക്രട്ടറി മുസ്തഫ എം വി സ്വാഗതവും, സെക്രട്ടറി ജെറീഷ് നന്ദിയും പറഞ്ഞു.

പൊന്നാനി : നഗരസഭയിൽ നിന്നും വിജയിച്ച ജന പ്രതിനിധികൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ മുൻസിപ്പൽ കമ്മിറ്റി സ്വീകരണം നൽകി. തൃക്കാവ് നാസ് ഓഡിറ്റോറിയത്തിൽ നടന്ന ചടങ്ങ് പൊന്നാനി ബ്ലോക് പഞ്ചായത്ത് പ്രസിഡണ്ട് അഡ്വ: ആർ ഗായത്രി ഉദ്ഘാടനം ചെയ്തു. പി സി ഡബ്യു എഫ് ഗ്ലോബൽ പ്രസിഡന്റ് സി എസ് പൊന്നാനി മുഖ്യ പ്രഭാഷണം നടത്തി. മുൻസിപ്പൽ പ്രസിഡന്റ് ഹനീഫ മാളിയേക്കൽ അധ്യക്ഷത വഹിച്ചു. ജന പ്രതിനിധികൾക്ക് കമ്മിറ്റി ഭാരവാഹികൾ ഷാൾ അണിയിച്ചു. നഗരസഭ ചെയർപേഴ്സൺസി വി സുധ , പ്രതിപക്ഷ നേതാവ് ടി കെ അഷ്റഫ്, വൈ: ചെയർമാൻ സി പി സക്കീർ,സ്റ്റാൻറിംഗ് കമ്മിറ്റി ചെയർമാൻമാരായ ടി കെ മശ്ഹൂദ്, റീന പ്രകാശൻ തുടങ്ങിയവർ ആശംസകൾ നേർന്നു. പി കോയക്കുട്ടി മാസ്റ്റർ, സി വി മുഹമ്മദ് നവാസ്, ഡോ: അബ്ദുറഹ്മാൻകുട്ടി, രാജൻ തലക്കാട്ട്, അബ്ദുട്ടി പി എം , ബീക്കുട്ടി ടീച്ചർ, ശാരദ ടീച്ചർ, ടി വി സുബൈർ, എൻ പി അഷ്റഫ് , അഷ്റഫ് മച്ചിങ്ങൽ തുടങ്ങിയവർ സംബന്ധിച്ചു. സെക്രട്ടറി മുജീബ് കിസ്മത്ത് സ്വാഗതവും,വനിതാ സെക്രട്ടറി സബീന ബാബു നന്ദിയും പറഞ്ഞു.

വട്ടംകുളം: പൊന്നാനി കൾച്ചറൽ വേൾഡ് ഫൗണ്ടേഷൻ വട്ടംകുളം പഞ്ചായത്ത് കമ്മിറ്റിയുടെ നാലാം വാർഷിക ജനറൽ ബോഡി യോഗവും ത്രിതല പഞ്ചായത്തിലേക്ക് തെരഞ്ഞെടുക്കപ്പെട്ട ജനപ്രതിനിധികൾക്കുള്ള സ്വീകരണവും വട്ടംകുളം കോ. ഓപ്പറേറ്റീവ് ബാങ്ക് ഓഡിറ്റോറിയത്തിൽ വെച്ച് നടന്നു. പി സി ഡബ്യു എഫ് ഗ്ലോബൽ പ്രസിഡണ്ട് സി.എസ്. പൊന്നാനി ഉദ്ഘാടനം ചെയ്തു. ട്രഷറർ അടാട്ട് വാസുദേവൻ മാസ്റ്റർ മുഖ്യ പ്രഭാഷണം നടത്തി ജനറൽ സെക്രട്ടറി സി വി മുഹമ്മദ് നവാസ് , വനിതാ കേന്ദ്ര ഉപാധ്യക്ഷ മാലതി എന്നിവർ സംസാരിച്ചു. പി സി ഡബ്യു എഫ് വട്ടംകുളം പഞ്ചായത്ത് കമ്മിറ്റി പ്രസിഡണ്ട് മോഹനൻ പാക്കത്ത് അദ്ധ്യക്ഷത വഹിച്ചു. എം എ നജീബ്, മജീദ് കഴുങ്ങിൽ , ചന്ദ്ര ബോസ്, ജിതേഷ് എന്നിവർ ആശംസ പ്രസംഗം നടത്തി. പി സി ഡബ്യു എഫ് വട്ടംകുളം പഞ്ചായത്ത് കമ്മിറ്റി സെക്രട്ടറി മുസ്തഫ നടുവട്ടം സ്വാഗതവും, വനിതാ കമ്മറ്റി പ്രസിഡണ്ട് പി.ജി. സിന്ധു നന്ദിയും പറഞ്ഞു.

കാലടി: പൊന്നാനി കൾച്ചറൽ വേൾഡ് ഫൗണ്ടേഷൻ കാലടി പഞ്ചായത്ത് നാലാം വാർഷിക ജനറൽ ബോഡിയോടനുബന്ധിച്ച് ജനപ്രതിനിധികൾക്ക് സ്വീകരണം നൽകി. ഗ്രാമ/ ബ്ലോക്ക് പഞ്ചായത്ത് ജനപ്രതിനിധികളെ കമ്മിറ്റി ഭാരവാഹികൾ ഷാൾ അണിയിച്ച് സ്വീകരിച്ചു. കാടഞ്ചേരി ഐക്യു അക്കാദമിയിൽ നടന്ന ചടങ്ങ് സി എസ് പൊന്നാനി ഉദ്ഘാടനം ചെയ്തു. മുസ്തഫ കാടഞ്ചേരി അധ്യക്ഷത വഹിച്ചു. സി വി മുഹമ്മദ് നവാസ് മുഖ്യ പ്രഭാഷണം നടത്തി. പ്രവർത്തന റിപ്പോർട്ട് സെക്രട്ടറി സുജീഷ് നമ്പ്യാരും, സാമ്പത്തിക റിപ്പോർട്ട് വനിതാ സെക്രട്ടറി പി പി ആരിഫയും അവതരിപ്പിച്ചു. ചർച്ചകൾക്ക് ശേഷം റിപ്പോർട്ടുകൾ അംഗീകരിച്ചു പാസാക്കി. കാലടി ഗ്രാമ പഞ്ചായത്ത് പ്രസിഡന്റ് മുബഷിറ സിറാജ്, ടിപി ശ്രീജിത്ത്‌, ബൽക്കീസ് കൊരണപ്പറ്റ, സലാം കാടഞ്ചേരി, കെ. ജി ബാബു, എൻ പി അഷറഫ്, എ വി ജലീൽ എന്നിവർ സംസാരിച്ചു. രാജലക്ഷ്മി കെ പി സ്വാഗതവും, സാജിത പോത്തനൂർ നന്ദിയും പറഞ്ഞു.

തവനൂർ: പൊന്നാനി കൾച്ചറൽ വേൾഡ് ഫൗണ്ടേഷൻ തവനൂർ പഞ്ചായത്ത് നാലാം വാർഷിക ജനറൽ ബോഡിയോടനുബന്ധിച്ച് ജനപ്രതിനിധികൾക്ക് സ്വീകരണം നൽകി. ഗ്രാമ/ ബ്ലോക്ക് പഞ്ചായത്ത് ജനപ്രതിനിധികളെ കമ്മിറ്റി ഭാരവാഹികൾ ഷാൾ അണിയിച്ച് സ്വീകരിച്ചു. പഞ്ചായത്തിൽ നടപ്പിലാക്കേണ്ട വിവിധ വിഷയങ്ങൾ ജനപ്രതിനിധികൾക്ക് മുൻപിൽ അവതരിപ്പിക്കുകയും, വേണ്ട ഇടപെടലുകൾ ഉണ്ടാകുമെന്ന് ഉറപ്പു നൽകുകയും ചെയ്തു. മാത്തൂർ ഹയാത്തുൽ ഇസ്ലാം മദ്രസ ഹാളിൽ നടന്ന ചടങ്ങ് സി എസ് പൊന്നാനി ഉദ്ഘാടനം ചെയ്തു. തൂമ്പിൽ കുഞ്ഞി മൊയ്തീൻകുട്ടി അധ്യക്ഷത വഹിച്ചു. ജി സിദ്ദീഖ് മുഖ്യ പ്രഭാഷണം നടത്തി. പ്രവർത്തന റിപ്പോർട്ട് ജോ: സെക്രട്ടറി പി പി അൻവറും, സാമ്പത്തിക റിപ്പോർട്ട് ട്രഷറർ കുഞ്ഞി മുഹമ്മദ് ഹാജിയും അവതരിപ്പിച്ചു. ചർച്ചകൾക്ക് ശേഷം റിപ്പോർട്ടുകൾ അംഗീകരിച്ചു പാസാക്കി. ദാമ്പത്യ ജീവിതം 45 വർഷം പിന്നിട്ട കദിയാമു - സിദ്ധീഖ് ദമ്പതികൾക്ക് ഗ്രാമ പഞ്ചായത്ത് വൈ: പ്രസിഡന്റ് സി സുനിത ഉപഹാരം നൽകി. ആമിനു, ഹസീന, റഫീഖത്ത് തുടങ്ങിയ വനിതാ കമ്മിറ്റി പ്രധാന ഭാരവാഹികൾ സംസാരിച്ചു സി മുഹമ്മദ് റാഫി സ്വാഗതവും, കുഞ്ഞി മുഹമ്മദ് ഹാജി നന്ദിയും പറഞ്ഞു.

പൊന്നാനി : നാൽപ്പത് വർഷം മുമ്പത്തെ കല്യാണ ജീവിതത്തിലെ ഓർമ്മകൾ പങ്കുവെച്ച് പത്തോളം ദമ്പതികൾ സംഗമിച്ചു ചാണാറോഡ് വഹീദ കൺവെൻഷൻ സെന്ററിൽ PCWF വനിതാ കമ്മിറ്റി പതിനൊന്നാം വാർഷിക സമ്മേളനത്തിന്റെ ഭാഗമായി നടത്തിയ നാല് പതിറ്റാണ്ട് പിന്നിട്ട ദമ്പതികൾക്ക് ആദരം ചടങ്ങിലാണ് വ്യത്യസ്ഥമായ ഈ പരിപാടി അരങ്ങേറിയത്. സംഘടനാ അംഗങ്ങളും, വിവാഹം കഴിഞ്ഞ് നാൽപ്പത് വർഷം പിന്നിടുകയും ചെയ്ത പത്ത് ദമ്പതികളെയാണ് ചടങ്ങിൽ ആദരിച്ചത്. കല്യാണ പാട്ടുകൾ പാടിയും, കൈ കൊട്ടി പാട്ടുകളുമായാണ് ദമ്പതികളെ വേദിയിലേക്ക് ആനയിച്ചത്. പഴയ കാലത്തെ ഒപ്പന പാട്ടുകളും കളിചിരികളുമായി വിവാഹ ഓർമ്മകൾ പുതുക്കിയപ്പോൾ ആ ദമ്പതികൾ നാല് പതിറ്റാണ്ട് മുമ്പത്തെ ഓർമ്മകൾ അയവിറക്കി. ദമ്പതികൾക്ക് അക്ബർ ട്രാവൽസ് ഉടമ കെ.വി അബ്ദുൾ നാസർ ഉപഹാരം നൽകി. മുനീറ ടി – ഹാഷിം പി, അബ്ദുട്ടി പി എം – സഫിയ പി എം, ശാരദ ടീച്ചർ കെ – വേലായുധൻ പി ടി, സുബൈദ എം എം – മുഹമ്മദ് എം വി, ഹൈദരാലി മാസ്റ്റർ ഇ – റുക്കിയ കെ, ബീക്കുട്ടി ടീച്ചർ വി കെ – അബ്ദുൽ കാദർ പി, ആയിഷ ഹസ്സൻ വി കെ – ഹസ്സൻ മാസ്റ്റർ കെ വി, മുഹമ്മദ് അഷ്‌റഫ് വി വി – കദീജ എം ഇ, കോമളം കെ പി – ദാസൻ കെ പി, റജുല പി പി – കുഞ്ഞിമുഹമ്മദ് ബാവ കെ എന്നീ ദമ്പതികളെയാണ് ആദരിച്ചത്.

പൊന്നാനി: സോഷ്യൽ മീഡിയ ഉൾപ്പെടെ സൈബർ ലോകത്തെ വെല്ലുവിളികൾ നേരിടാൻ സ്ത്രീ സമൂഹം മുന്നേട്ട് വരണമെന്ന് കവിയത്രി ഉഷ കുമ്പിടി അഭിപ്രായപ്പെട്ടു. പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി പതിനൊന്നാം വാർഷിക സമ്മേളനത്തിന്റെ ഭാഗമായി സംഘടിപ്പിച്ച സാംസ്ക്കാരിക സംഗമം ഉദ്ഘാടനം ചെയ്ത് സംസാരിക്കുകയായിരുന്നു അവർ. ചാണാറോഡ് വഹീദ കൺവെൻഷൻ സെന്ററിൽ നടന്ന സാംസ്ക്കാരിക സംഗമത്തിൽ ആലംങ്കോട് അംബിക കുമാരി ടീച്ചർ അധ്യക്ഷത വഹിച്ചു. വ്യാപാരി വ്യവസായി സമിതി സംസ്ഥാന വൈ: പ്രസിഡന്റ് സീനത്ത് ഇസ്മായിൽ മുഖ്യാതിഥിയായിരുന്നു. അബ്ദുറഷീദ് അറയ്ക്കൽ, എൻ പി അഷ്റഫ് നെയ്തല്ലൂർ, ടി വി സുബൈർ, എൻ ഖലീൽ റഹ്മാൻ, ജി സിദ്ധീഖ് തുടങ്ങിയവർ ആശംസകൾ നേർന്നു. ശൈഖ് സായിദ് അവാർഡ് ജേതാവ് അക്ബർ ഗ്രൂപ്പ് സി എം ഡി ഡോ. കെ വി അബ്ദുൽ നാസറിന് ആദരം സമർപ്പിച്ചു. തക്കാരം പാചക മത്സരം സീസൺ'10 ഒന്നാം സ്ഥാനം കരസ്ഥമാക്കിയ പി ജംഷീനക്ക് പൊൻറാണി പട്ടം നൽകി. ആദ്യ മൂന്ന് സ്ഥാനക്കാർക്ക് ക്യാഷ് അവാർഡും, ഉപഹാരവും പങ്കെടുത്ത മുഴുവൻ പേർക്കും സർട്ടിഫിക്കറ്റും, പ്രോൽസാഹന സമ്മാനങ്ങളും വിതരണം ചെയ്തു. ജൂറി അംഗങ്ങളായ മൂന്ന് പേർക്കും ഉപഹാരം നൽകി. തുടർന്ന് വിവിധ കലാപരിപാടികൾ അരങ്ങേറി. അസ്മാബി പി എ സ്വാഗതവും, മാലതി വട്ടംകുളം നന്ദിയും പറഞ്ഞു.

മനാമ: പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ ചാപ്റ്ററിന്റെ അഞ്ചാം വാർഷികാഘോഷവും, ക്രിസ്മസ് - ന്യൂ ഇയർ ആഘോഷവുമായി ‘’പൊൻഫെസ്റ്റ് 2026’’ സൽമാനിയ കെ. സിറ്റി ഹാളിൽ വിപുലമായി ആഘോഷിച്ചു. പ്രമുഖ ഓർത്തോപീഡിക് & സ്പോർട്സ് റീഹാബിലിറ്റേഷൻ സ്പെഷ്യലിസ്റ്റും, സാമൂഹിക പ്രവർത്തകയുമായ ഡോ. ശ്രീദേവി രാജൻ ഉദ്ഘാടനം നിർവ്വഹിച്ചു. സ്ത്രീകളുടെ സാമൂഹിക പദവി ഉയർത്താൻ സ്ത്രീധന രഹിത വിവാഹങ്ങളും, സ്ത്രീശാക്തീകരണ പ്രവർത്തനങ്ങളും അനിവാര്യമാണെന്ന് ഉദ്ഘാടന പ്രസംഗത്തിൽ അവർ അഭിപ്രായപ്പെട്ടു. പി സി ഡബ്ല്യൂ എഫ് വനിതാ വിങ് ഗ്ലോബൽ കമ്മിറ്റി പതിനൊന്നാം വാർഷിക സമ്മേളനം നടക്കുന്ന ഈ വേളയിൽ സ്ത്രീകൾക്ക് സ്വയംപര്യാപ്തത കൈവരിക്കാൻ കഴിയുന്ന ബോധവൽക്കരണ പരിപാടികൾ പ്രവാസി സംഘടനകളുടെ ഭാഗത്തുനിന്നുണ്ടാകുന്നത് സ്വാഗതാർഹമാണെന്ന് ലൈറ്റ്സ് ഓഫ് കൈൻഡ്‌നെസ് ഫൗണ്ടർ സെയ്ത് ഹനീഫ അഭിപ്രായപ്പെട്ടു. ഹസൻ വിഎം മുഹമ്മദ്‌ രചനയും സംവിധാനവും നിർവഹിച്ച് പി.സി.ഡബ്ല്യു.എഫ് അംഗങ്ങൾ അഭിനയിച്ച ‘അടിച്ചു മോളേ കോടി’ എന്ന ഷോർട്ട് ഫിലിം ചടങ്ങിൽ പ്രദർശിപ്പിച്ചു. പി സി ഡബ്ല്യു എഫ് കലാവേദി അംഗങ്ങളും കുടുംബാംഗങ്ങളും അവതരിപ്പിച്ച വൈവിധ്യമാർന്ന കലാപരിപാടികളും, സഹൃദയ നാടൻ പാട്ടും, പൊൻബീറ്റ്സ് മുട്ടിപ്പാട്ടും ആഘോഷത്തിന് മാറ്റുകൂട്ടി. പ്രവാസി സമൂഹത്തിനിടയിൽ ഐക്യവും സൗഹൃദവും വളർത്തുന്നതിനൊപ്പം ജീവകാരുണ്യ പ്രവർത്തനങ്ങളിൽ കൂടുതൽ ശ്രദ്ധ കേന്ദ്രീകരിക്കുമെന്ന് അധ്യക്ഷത വഹിച്ച പി സി ഡബ്ല്യൂ എഫ് ബഹ്‌റൈൻ പ്രസിഡന്റ് മുസ്തഫ കൊലക്കാട്ട് അറിയിച്ചു. മീഡിയ വൺ - മാധ്യമം എക്സ്കോം ചെയർമാൻ സെയ്ത് റംസാൻ, മുഹറഖ് മലയാളി സമാജം പ്രസിഡന്റ് അനസ് റഹീം എന്നിവർ ആശംസകൾ നേർന്നു. അബ്ദുറഹ്മാൻ പി ടി, റംഷാദ് റഹ്മാൻ, അലി കാഞ്ഞിരമുക്ക്, അൻവർ പുഴമ്പ്രം, ബാബു എം.കെ., നസീർ പൊന്നാനി, സൈതലവി പൊന്നാനി ഫിറോസ് വെളിയങ്കോട്, എം എഫ് റഹ്മാൻ, സിതാര നബീൽ, ജസ്‌നി സെയ്ത്, ലൈല റഹ്മാൻ, സമീറ സിദ്ധിഖ് എന്നിവർ കലാപരിപാടികൾക്ക് നേതൃത്വം നൽകി. പൊൻഫെസ്റ്റ് പ്രോഗ്രാം ചെയർമാൻ നബീൽ എം.വി. സ്വാഗതവും, ജനറൽ സെക്രട്ടറി ശറഫുദ്ധീൻ വി.എം. നന്ദിയും പറഞ്ഞു.