റിയാദ് : പൊന്നാനി കൾച്ചറൽ വേൾഡ് ഫൗണ്ടേഷൻ റിയാദ് കമ്മിറ്റിയുടെ നേതൃത്വത്തിൽ അംഗങ്ങൾക്കായി സൗഹൃദ ഇഫ്താർ വിരുന്ന് സംഘടിപ്പിച്ചു. മൻസൂറ ഇന്ത്യൻ ബ്രീസ് റെസ്റ്റോറന്റിൽ വെച്ച് നടന്ന വിരുന്നിൽ നൂറിലധികം അംഗങ്ങൾ പങ്കെടുത്തു. മുൻ വർഷങ്ങളിൽ റിയാദ് പൊതു സമൂഹത്തെ മുഴുവൻ ഉൾകൊള്ളിച്ചു നടത്തി വന്നിരുന്ന ജനകീയ മെഗാ ഇഫ്താർ നിലവിലെ സാഹചര്യങ്ങൾ കണക്കിലെടുത്തു ഇത്തവണ അംഗങ്ങൾക്കു മാത്രമായി നിച്ചപ്പെടുത്തുകയായിരുന്നു. പ്രമുഖ വ്യവസായിയും സാമൂഹ്യ പ്രവർത്തകനുമായ മുഹമ്മദ്‌ കണ്ണൂർ മുഖ്യാതിഥിയായിരുന്നു. സലീം കളക്കര,റസാഖ് പുറങ്ങ്, അൻസാർ നൈതല്ലൂർ,കബീർ കാടൻസ്, ഷമീർ മേഘ, ഷംസു പൊന്നാനി, അസ്‌ലം കളക്കര, സുഹൈൽ മഖ്ധൂം,അൻവർ ഷാ, അഷ്‌കർ.വി,ലബീബ് മാറഞ്ചേരി, സാഫിർ പൊന്നാനി,ബക്കർ കിളിയിൽ,ബാസിൽ ഇബ്രാഹിം,മുക്താർ വെളിയംകോട്, അൽത്താഫ്.കെ, രമേശ്‌ വെള്ളേപ്പാടം,അൻവർ കറുകതിരുത്തി, നിഷാം,അഷ്‌കർ വെളിയംകോട്, ഷമീറ ഷമീർ, റഷാ സുഹൈൽ, നിഷ ഷംനാദ്,സാബിറ ലബീബ് തുടങ്ങിയവർ നേതൃത്വം നൽകി.

പൊന്നാനി: സ്ത്രീകൾക്ക് അർഹമായ അവകാശങ്ങളും ബഹുമാനവും നൽകുന്നത് ഔദാര്യമല്ല, മറിച്ച് സമൂഹത്തിന്റെ നിലനിൽപ്പിന് അത്യാവശ്യമാണ് എന്ന സന്ദേശമുയർത്തി പൊന്നാനി കൾച്ചറൽ വേൾഡ് ഫൗണ്ടേഷൻ കേന്ദ്ര വനിതാ കമ്മിറ്റി അന്താരാഷ്ട്ര വനിതാ ദിനമാചരിച്ചു. പൊന്നാനി നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സൗദാമിനി ടീച്ചർ ഉദ്ഘാടനം ചെയ്തു ചമ്രവട്ടം പാലക്കൽ ഓഡിറ്റോറിയത്തിൽ നടന്ന ചടങ്ങിൽ വെച്ച് പി സി ഡബ്യൂ എഫ് സെക്രട്ടറിയായിരുന്ന ഒ കെ ഉമ്മർ അഞ്ചാം അനുസ്മരണവും നടന്നു. ഗ്ലോബൽ ജനറൽ സെക്രട്ടറി സി വി മുഹമ്മദ് നവാസ് അനുസ്മരണ പ്രഭാഷണം നിർവ്വഹിച്ചു. വനിതാ പ്രസിഡന്റ് മുനീറ ടി അധ്യക്ഷത വഹിച്ചു. ജനറൽ സെക്രട്ടറി എസ് ലത ടീച്ചർ സ്വാഗതം പറഞ്ഞു. ബെൻസി ഹോസ്പിറ്റൽ ഗൈനക്കോളജിസ്റ്റ് ഡോ: റിൻസി എം ബഷീർ സ്ത്രീ രോഗങ്ങളെക്കുറിച്ച് വിശദമായ ബോധവൽക്കരണ ക്ലാസ് നടത്തി. വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ, ഡോ. അബ്ദുറഹ്മാൻ കുട്ടി, ടി വി സുബൈർ, ഹനീഫ മാളിയേക്കൽ എന്നിവർ ഒ കെ ഉമ്മറിന്റെ ഓർമ്മകൾ പങ്കുവെച്ച് സംസാരിച്ചു. കാരുണ്യ സ്പർശം പദ്ധതിയുടെ ഭാഗമായി വിധവകൾക്കുള്ള ധനസഹായം രണ്ടാം ഘട്ട വിതരണവും നടന്നു. 36 പേർ സഹായം കൈപ്പറ്റി. വനിതാ കേന്ദ്ര കമ്മിറ്റി ഭാരവാഹികൾ, മുൻസിപ്പൽ / പഞ്ചായത്ത് പ്രതിനിധികൾ തുടങ്ങിയവർ സംബന്ധിച്ചു. വനിതാ കേന്ദ്ര ട്രഷറർ ആയിഷ ഹസ്സൻ നന്ദി പറഞ്ഞു.

പൊന്നാനി: സ്നേഹത്തിൻ്റെയും, സൗഹൃദത്തിൻ്റേയും കാഹളം മുഴക്കിക്കൊണ്ടും, ലോക ജനതയെ ആശങ്കയിലാഴ്ത്തിയ യുദ്ധഭീഷണിയെ അപലപിച്ചു കൊണ്ടും, യുദ്ധം അവസാനിച്ച് സമാധാനം പുലരാനുള്ള പ്രത്യേക പ്രാർത്ഥന നടത്തി കൊണ്ടും പൊന്നാനി കൾച്ചറൽ വേൾഡ് ഫൗണ്ടേഷൻ അക്ബർ ഗ്രൂപ്പുമായി സഹകരിച്ച് നടത്തിയ സൗഹൃദ സംഗമവും, സമൂഹ നോമ്പ് തുറയും ശ്രദ്ധേയമായി. ലോകത്തിന്റെ വിവിധ ഭാഗങ്ങളിൽ പ്രത്യേകിച്ച് പശ്ചിമേഷ്യയിൽ നില നിൽക്കുന്ന യുദ്ധത്തിന്റെയും, വിലാപത്തിന്റെയും സാഹചര്യത്തിൽ സമാധാനം നില നിറുത്താൻ മാനവികത ഉയർത്തിപ്പിടിക്കണമെന്ന് ചടങ്ങ് ഉദ്ഘാടനം ചെയ്ത് കൊണ്ട് പി നന്ദകുമാർ എം എൽ എ പറഞ്ഞു. പൊന്നാനി മാസ് ഓഡിറ്റോറിയത്തിൽ നടന്ന സംഗമത്തിൽ സാമൂഹ്യ-സാംസ്കാരിക -രാഷ്ട്രീയ രംഗങ്ങളിലെ പ്രമുഖരും ജനപ്രതിനിധികളും പങ്കെടുത്തു. യുദ്ധത്തിന്റെ ആകുലതയിലും നമ്മളെല്ലാം ഒന്നാണെന്ന പൊന്നാനി പാരമ്പര്യത്തെ ഉയർത്തിപ്പിടിച്ച് ഏവരെയും ചേർത്ത് പിടിക്കുന്ന പി സി ഡബ്യു എഫ് സംഘടനയുടെ മാതൃകാ പ്രവർത്തനങ്ങൾ അഭിമാനകരമാണെന്ന് മുഖ്യ പ്രഭാഷണം നടത്തിയ സാഹിത്യകാരനും, പി.സി. ഡബ്ലിയു എഫ്. ഉപദേശക സമിതി ചെയർമാനുമായ കെ.പി.രാമനുണ്ണി അഭിപ്രായപ്പെട്ടു. ഗ്ലോബൽ പ്രസിഡണ്ട് സി.എസ്. പൊന്നാനി അധ്യക്ഷത വഹിച്ചു. വഖഫ് ബോർഡ് ചെയർമാൻ എം.കെ. സക്കീർ മുഖ്യാതിഥിയായിരുന്നു. കൂടെയുള്ളവർക്ക് കൂടൊരുക്കാം' എന്ന പേരിൽ PCWF പുതുതായി ആരംഭിച്ച ഹോം പ്രൊജക്റ്റ് പദ്ധതിയുടെ ഡിസൈൻ പ്രകാശനം അക്ബർ ഗ്രൂപ്പ് ചെയർമാനും മാനേജിങ്ങ് ഡയറക്ടറുമായ ഡോ: കെ.വി.അബ്ദുൽ നാസർ നിർവ്വഹിച്ചു. പെരുമ്പടപ്പ് ബ്ലോക്ക് പഞ്ചായത്ത് പ്രസിഡണ്ട് റമീന ഇസ്മായിൽ, കാലടി ഗ്രാമ പഞ്ചായത്ത് പ്രസിഡണ്ട് മുബ്സിറ സിറാജ്, പെരുമ്പടപ്പ് ഗ്രാമ പഞ്ചായത്ത് പ്രസിഡണ്ട് കെ. വത്സല കുമാർ, മാറഞ്ചേരി ഗ്രാമ പഞ്ചായത്ത് വൈ: പ്രസിഡണ്ട് ഖദീജ മുത്തേടത്ത്, ആലംകോട് ഗ്രാമ പഞ്ചായത്ത് വൈ: പ്രസിഡണ്ട് സുബൈർ ഉദിനുപ്പറമ്പിൽ, അജയ് മോഹനൻ, ടി എം സിദ്ധീഖ്, അജിത് കോളാടി, രവി തേലത്ത്, അഹ്മദ് ബാഫഖി തങ്ങൾ, കെ പി നൗഷാദ് അലി, മുഹമ്മദ് പൊന്നാനി, പി പി സക്കീർ തുടങ്ങിയവർ ആശംസകൾ നേർന്നു. ടി കെ അഷ്റഫ്, ഒ സി സലാഹു, സി കെ മുഹമ്മദ് ഹാജി, പ്രൊഫ: വി കെ ബേബി, ശ്രീധരൻ മാസ്റ്റർ, ടി മുനീറ, ഡോ: അബ്ദുറഹ്മാൻ കുട്ടി, ബീകുട്ടി ടീച്ചർ, അടാട്ട് വാസുദേവൻ മാസ്റ്റർ, എം എം സുബൈദ, ശാരദ ടീച്ചർ, ആയിഷ ഹസ്സൻ, ശിഹാബുദ്ധീൻ കെ കെ (യു എ ഇ) എന്നിവർ സംബന്ധിച്ചു. ട്രോമകെയർ ടീമിന് യൂണിഫോം വിതരണം, സ്വാശ്രയ കമ്പനി ഡയറക്ടർ ബോർഡ് വൈ: ചെയർമാൻ ഡോ. ഷാജി ഇടശ്ശേരിയും, കഅബ് ചികിത്സാ സഹായ സമിതിക്ക് ഫണ്ട് നൽകൽ പി കോയക്കുട്ടി മാസ്റ്ററും, സ്വാശ്രയ തൊഴിൽ സംരംഭത്തിന്റെ ഭാഗമായുളള തയ്യൽ മെഷീൻ വിതരണം നഹൽ ഗ്രൂപ്പ് സ്ഥാപക ഡയറക്ടർ ടി എ റഫീഖും നിർവ്വഹിച്ചു. വിദ്യാഭ്യാസ സഹായം എഡ്യു സമിതി കൺവീനർ എസ് ലത ടീച്ചർ ഏറ്റുവാങ്ങി. ഗ്ലോബൽ ജനറൽ സെക്രട്ടറി സി വി മുഹമ്മദ്‌ നവാസ് സ്വാഗതവും, സംഘാടക സമിതി കൺവീനർ മുജീബ് കിസ്മത്ത് നന്ദിയും പറഞ്ഞു. തുടർന്ന് നടന്ന സമൂഹ നോമ്പുതുറയിൽ രണ്ടായിരത്തി ഇരുനൂറ്റമ്പതിലധികം പേർ പങ്കെടുത്തു. പി എം അബ്ദുട്ടി, സുബൈർ ടി വി, റഷീദ് അറയ്ക്കൽ, ഹൈദരലി മാസ്റ്റർ, അഷ്റഫ് മച്ചിങ്ങൽ, ജി സിദ്ധീഖ്, അബ്ദുല്ലതീഫ് കളക്കര, ഹനീഫ മാളിയേക്കൽ, തൂമ്പിൽ കുഞ്ഞിമൊയ്തീൻ കുട്ടി, റാഫി തവനൂർ, ടി മുസ്തഫ നടുവട്ടം മൊയ്തുട്ടി വെളിയംങ്കോട്, ശഫീഖ് പാണക്കാട്, മാലതി വട്ടംകുളം, ആരിഫ മാറഞ്ചേരി, ഹൈറുന്നിഷ പാലപ്പെട്ടി, റംല കെ പി, സബീന ബാബു, മിനി ടി, അസ്മാബി ആർ വി, മൂത്തു, നാരായണൻ മണി, ബാബു എലൈറ്റ്, ഫൈസൽ ബാജി പി എ, റജുല ബാവു, റഫീഖത്ത്, ആമിനു, ഹസീന (തവനൂർ) സുഹറബാബു വെളിയങ്കോട്, അബ്ദുസമദ് മാനാത്ത് പറമ്പിൽ, ഷീജ മാറഞ്ചേരി, റഷീദ് സി വി റഷീദ മാറഞ്ചേരി, സുബൈദ, സുലൈഖ, നിഷാബി, സഫിയ പി വി, ഫാത്തിമ മുജീബ് പെരുമ്പടപ്പ്, ജലീൽ കുന്നനിയിൽ, കബീർ എൻ വി തുടങ്ങിയവർ നേതൃത്വം നൽകി.

ദമാം: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ദമാം ചാപ്റ്റർ സംഘടിപ്പിച്ച ഇഫ്താർ സംഗമം ജനപങ്കാളിത്തം കൊണ്ടും സംഘാടന മികവ് കൊണ്ടും ശ്രദ്ധേയമായി. ദമാമിലെ പ്രവാസി സമൂഹത്തിന്റെ നാനാതുറകളിൽ നിന്നുള്ള എഴുന്നൂറോളം പേർ പങ്കെടുത്ത സംഗമം, പൊന്നാനിയുടെ തനതായ അതിഥി സൽക്കാരത്തിന്റെയും സാഹോദര്യത്തിന്റെയും നേർക്കാഴ്ചയായി മാറി. വിശുദ്ധ റമദാൻ പകർന്നു നൽകുന്ന കാരുണ്യത്തിന്റെയും സഹവർത്തിത്വത്തിന്റെയും സന്ദേശം ഉൾക്കൊണ്ടാണ് സംഗമം സംഘടിപ്പിച്ചത്. കൺവീനർമാരായ ശഫായത്ത്, നഹാസ്, ആസിഫ്, ഫസ്ന ആസിഫ് , ജസീന റിയാസ് എന്നിവർ പരിപാടിക്ക് നേതൃത്വം നൽകി. സാജിത ഫഹദ്, രകീബ നൗഫൽ, ആഷ്ന അമീർ, അർഷിന ഖലീൽ, മേഘ ദീപക്, ജെസ്സി ഷാജഹാൻ, സാദിയ ഫാസിൽ, മുഹ്സിന നഹാസ്, സബിത ഉമ്മർ, നഫീസ ഉമ്മർ എന്നിവരുടെ നേതൃത്വത്തിൽ വനിതാ കമ്മിറ്റി അംഗങ്ങൾ തയ്യാറാക്കിയ തനത് വിഭവങ്ങളും വിഭവസമൃദ്ധമായ ഇഫ്താർ വിരുന്നും അതിഥികൾക്ക് ഹൃദ്യമായ അനുഭവമായി. പി സി ഡബ്ല്യു എഫ് ഗ്ലോബൽ കമ്മിറ്റി സെക്രട്ടറി അഷ്റഫ് നൈതല്ലൂർ, സൗദി നാഷണൽ കമ്മിറ്റി പ്രസിഡന്റ് ബിജു ദേവസി സന്നിഹിതരായിരുന്നു. പി സി ഡബ്ല്യു എഫ് ദമ്മാം കമ്മിറ്റി പ്രസിഡന്റ് ഷമീർ, സെക്രട്ടറി ഖലീൽ, ട്രഷറർ ഫഹദ് ബിൻ ഖാലിദ് തുടങ്ങിയവർ പരിപാടികൾ ഏകോപിപ്പിച്ചു. സാലി, നൗഫൽ, ഫൈസൽ ആർ വി, സലീം ഗ്ലോബ്, ദീപക്, അബൂബക്കർ ഷാഫി തുടങ്ങിയവർ വിവിധ വിഭാഗങ്ങളുടെ മേൽനോട്ടം വഹിച്ചു. സൗദ് മുഹമ്മദ് അൽ യാമി, മുഹമ്മദ് സാലിം അൽ യാമി, മുഹമ്മദ് ഖാലിദ് അൽ അലി മുഖ്യാതിഥികളായിരുന്നു. ഷാജി മതിലകം, ദമ്മാം ഇന്ത്യ ഫുട്ബോൾ അസോസിയേഷൻ വൈസ് പ്രസിഡന്റ് സഫീർ മണലോടി, മലയാളി സമാജം പ്രതിനിധികൾ മാലിക് മക്ബൂൽ, ഡോ: സിന്ധു ബിനു , ഷനീബ് അബൂബക്കർ, ഷാജു അഞ്ചേരി, ഷഹീർ മജ്‌ദൽ, നൗഷാദ് ഏഴര, ബഷീർ ബുഖാരി ദമ്മാമിലെ മറ്റ് സാംസ്കാരിക സാമൂഹിക മേഖലയിലെ പ്രമുകരുടെയും ഇഫ്താറിന്റെ ഭാഗമായി. ഉമ്മർ ഖോബാർ, ഉമ്മർ കൊളക്കാട്ട്, ഇക്ബാൽ വെളിയംകോട് എന്നിവർ അതിഥികളെ നിയന്ത്രിക്കുന്നതിനും സ്വീകരിക്കുന്നതിനും നേതൃത്വം നൽകി. ജുബൈൽ, ദമാം, ഖോബാർ, അൽ ഹസ്സ, തുടങ്ങിയ വിവിധ മേഖലകളിൽ നിന്നുള്ള പ്രമുഖരും യുവാക്കളും വനിതകളും അടങ്ങുന്ന വലിയൊരു നിര തന്നെ സംഗമത്തിന്റെ ഭാഗമായി. പ്രവാസ ലോകത്ത് പൊന്നാനി നിവാസികളുടെ ഒത്തൊരുമയും കരുത്തും വിളിച്ചോതുന്നതായിരുന്നു ഈ സംഗമമെന്ന് സംഘാടകർ അറിയിച്ചു. കഫീൽ, നൗഷാദ്, സൈഫർ, ഹാരിസ്, സിറാജ്, ഫാസിൽ, രജീഷ് ,അമീർ, നിയാസ്, സുഹൈൽ, അബ്ദുറഹീം ഷമീർ കൊല്ലംകോട്, ഷാരു, അജ്മൽ, ബഷീർ, നിഷാർ തുടങ്ങിയവരും പരിപാടിയുടെ വിജയത്തിനായി സജീവമായി രംഗത്തുണ്ടായിരുന്നു. ഇഫ്താർ സംഗമത്തിൽ പങ്കുചേർന്ന ഏവർക്കും PCWF ദമാം ചാപ്റ്റർ ഭാരവാഹികൾ നന്ദി അറിയിച്ചു.

എടപ്പാൾ : പൊന്നാനി കൾച്ചറൽ വേൾഡ് ഫൗണ്ടേഷൻ മുൻ വൈസ് പ്രസിഡന്റും, ഉപദേശക സമിതി അംഗവും, സാമൂഹ്യ - സാംസ്കാരിക - ജീവകാരുണ്യ പ്രവർത്തന മേഖലകളിലെ നിറസാന്നിധ്യവുമായിരു ന്ന ഏട്ടൻ ശുകപുരത്തിൻ്റെ ഒന്നാം ചരമവാർഷിക ദിനത്തിൽ പി.സി.ഡബ്ലിയു.എഫ്. വട്ടംകുളം പഞ്ചായത്ത് കമ്മറ്റിയുടെ ആഭിമുഖ്യത്തിൽ അനുസ്മരണ സംഗമം നടത്തി. ശുകപുരം കുളങ്ങര ദേവി ക്ഷേത്ര ഓഡിറ്റോറിയത്തിൽ വെച്ച് നടന്ന ചടങ്ങ് വട്ടംകുളം ഗ്രാമപഞ്ചായത്ത് വൈസ് പ്രസിഡണ്ട് എം.എ. നജീബ് ഉദ്ഘാടനം ചെയ്തു. ഗ്ലോബൽ ട്രഷറർ അടാട്ട് വാസുദേവൻ അനുസ്മരണ പ്രഭാഷണം നടത്തി. വട്ടംകുളം പഞ്ചായത്ത് കമ്മിറ്റി പ്രസിഡന്റ് മോഹനൻ പാക്കത്ത് അധ്യക്ഷത വഹിച്ചു. വർക്കിങ് പ്രസിഡണ്ട് പി. കോയക്കുട്ടി മാസ്റ്റർ, ജനറൽ സെക്രട്ടറി സി വി മുഹമ്മദ് നവാസ്, വൈസ് പ്രസിഡന്റ് റഷീദ് അറയ്ക്കൽ, കെ. ശങ്കരനാരായണൻ, അജിതൻ പള്ളിപ്പാട്, ഭാരവാഹികളായ, ടി. മുസ്തഫ, എം.എം സുബൈദ, എം.മാലതി, പ്രണവം പ്രസാദ്, കാലടി ഗ്രാമപഞ്ചായത്ത് മുൻ പ്രസിഡന്റ് കെ ജി ബാബു, വട്ടംകുളം ഗ്രാമ പഞ്ചായത്ത് അംഗം ചന്ദ്രബോസ്, ടി വി മുഹമ്മദ് അബ്ദുറഹിമാൻ, കെ. വേണു, കെ.വി. അബ്ദുള്ളക്കുട്ടി മാസ്റ്റർ, ഏട്ടൻ ശുകപുരത്തിൻ്റെ മകൻ കിഷോർ ശുകപുരം, പി ജി സിന്ധു, അബ്ദുള്ളക്കുട്ടി ഹാജി വട്ടംകുളം, മജീദ് കഴുങ്കിൽ, എൻ വി അഷറഫ് തുടങ്ങിയവർ പ്രസംഗിച്ചു.

സലാല: പൊന്നാനി കൾച്ചറൽ വേൾഡ് ഫൗണ്ടേഷൻ സലാല ഘടകത്തിന്റെ ആഭിമുഖ്യത്തിൽ ഈ വർഷത്തെ ആദ്യ ഇഫ്താർ സംഗമം സലാലയിൽ സംഘടിപ്പിച്ചു. സലാലയിലെ പൊന്നാനി താലൂക്ക് നിവാസികളും സാമൂഹിക-സാംസ്‌കാരിക രംഗത്തെ പ്രമുഖരും പങ്കെടുത്ത സംഗമം ആത്മീയതയും സൗഹൃദവും ഒന്നിച്ചു ചേർന്ന മനോഹര വേദിയായി മാറി. റമദാനിന്റെ സന്ദേശമായ ഐക്യം, സഹോദര്യം, പരസ്പര സ്നേഹം എന്നിവ പ്രകടമായ അന്തരീക്ഷത്തിലായിരുന്നു പരിപാടി നടന്നത്. സമൂഹത്തിലെ വിവിധ മേഖലകളിൽ പ്രവർത്തിക്കുന്ന അംഗങ്ങൾ ഒത്തുചേർന്ന ഇഫ്താർ സംഗമം, ആത്മീയ അനുഭവത്തോടൊപ്പം സൗഹൃദ ബന്ധങ്ങൾ കൂടുതൽ ശക്തിപ്പെടുത്താനുള്ള അവസരമായി. പരിപാടിക്ക് PCWF സലാല പ്രസിഡന്റ് കെ. കബീർ, സെക്രട്ടറി മുഹമ്മദ് റാസ്, ഡോ: ഷെമീർ ആലത്ത്, മുസ്തഫ ബലദിയ, ശിഹാബ് മാറഞ്ചേരി, ജൈസൽ എടപ്പാൾ, അരുൺ കുമാർ, ജയരാജൻ, മണികണ്ഠൻ, സവാദ്, ഖലീൽ, ഗഫൂർ ബദർ സമാ, അബൂബക്കർ, അഖിൽ, മുഹമ്മദ്, നൗഷാദ് ഗുരുക്കൾ, റെനീഷ്, സുധീർ, ബാലൻ മുജീബ്, ഫർഷ്ദ്, സ്നേഹ, റിൻസില, സലീല, ആയിഷ, ഷിംന എന്നിവർ നേതൃത്വം നൽകി. ഇത്തരം ആത്മീയ-സൗഹൃദ സംഗമങ്ങൾ സമൂഹത്തിൽ ഐക്യവും കൂട്ടായ്മയും ശക്തിപ്പെടുത്തുന്നതിൽ നിർണായക പങ്കുവഹിക്കുന്നതായി സംഗമത്തിൽ പങ്കെടുത്തവർ അഭിപ്രായപ്പെട്ടു.

നരിപ്പറമ്പ്: ജാതിമത ചിന്തകൾക്കപ്പുറത്ത് നമ്മളെല്ലാം ഒന്നാണെന്ന ബോധത്തോടെ വിവേചനങ്ങളില്ലാത്ത ചാരിറ്റി പ്രവർത്തനങ്ങൾക്ക് മുൻതൂക്കം നൽകണമെന്നും, പൊന്നാനി കൾച്ചറൽ വേൾഡ് ഫൗണ്ടേഷൻ എല്ലാവരെയും ചേർത്ത് പിടിച്ച് നടത്തിവരുന്ന സേവനങ്ങൾ അത്തരമൊരു നല്ല സന്ദേശമാണ് നൽകുന്നതെന്നും പൊന്നാനി ബ്ലോക്ക് പഞ്ചായത്ത് പ്രസിഡന്റ് അഡ്വ: ആർ ഗായത്രി അഭിപ്രായപ്പെട്ടു. പി സി ഡബ്യൂ എഫ് നരിപ്പറമ്പ് അങ്ങാടിയിൽ സംഘടിപ്പിച്ച റിലീഫ് 2026 ധനസമാഹരണ കാംപയിൻ പ്രഖ്യാപന പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു അവർ. സാമൂഹ്യ പ്രവർത്തകനും, നഹ്ൽ ഗ്രൂപ്പ് ചെയർമാനുമായ റഫീഖ് ടി എ റിലീഫിലേക്ക് കാൽ ലക്ഷം രൂപ ആദ്യ വിഹിതം നൽകി ഫണ്ട് ഉദ്ഘാടനം നിർവ്വഹിച്ചു. പി സി ഡബ്ലിയു എഫ് കേന്ദ്ര കമ്മിറ്റി വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ ഫണ്ട് ഏറ്റു വാങ്ങി. വാർഡ് മെമ്പർ കെ വി സലീം, റിലീഫ് കാംപയിൻ ലഘുലേഘ പ്രകാശനം ചെയ്തു. പി സി ഡബ്ലിയു എഫ് കേന്ദ്ര കമ്മിറ്റി ഉപാധ്യക്ഷൻ ഡോ: അബ്ദുറഹ്മാൻ കുട്ടി അധ്യക്ഷത വഹിച്ചു. ജനറൽ സെക്രട്ടറി സി വി മുഹമ്മദ് നവാസ് സ്വാഗതം പറഞ്ഞു. ബ്ലോക്ക് മെമ്പർ ബൽഖീസ് കൊരണപ്പറ്റ, വാർഡ് മെമ്പർമാരായ ഷിംജ എം പി, റഫീഖത്ത് സി ആശംസകൾ നേർന്നു. ടി മുനീറ, കുഞ്ഞി മൊയ്തീൻ കുട്ടി, അഷ്റഫ് മച്ചിങ്ങൽ, ജി സിദ്ധീഖ്, ഹനീഫ മാളിയേക്കൽ, മുജീബ് കിസ്മത്ത്, ആമിനു, ഹസീന, എം കെ സൈനുദ്ധീൻ ഹാജി, പി കെ ഹംസ ഹാജി, സി റാഫി തുടങ്ങിയവർ സംബന്ധിച്ചു. മുസ്തഫ കാടഞ്ചേരി നന്ദി പറഞ്ഞു.

ദമ്മാം: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ദമ്മാം വനിതാ വിഭാഗത്തിന്റെ ആഭിമുഖ്യത്തിൽ ഗൾഫ് ഏഷ്യൻ മെഡിക്കൽ സെന്ററുമായി സഹകരിച്ച് 'ഫിറ്റ് ഫോർ ലൈഫ്' (Fit For Life) എന്ന പേരിൽ ആരോഗ്യ ബോധവൽക്കരണ സെമിനാർ സംഘടിപ്പിച്ചു. ദമ്മാം ഗൾഫ് ഏഷ്യൻ മെഡിക്കൽ സെന്ററിൽ നടന്ന ചടങ്ങിൽ സ്ത്രീകളുടെയും യുവാക്കളുടെയും ആരോഗ്യപ്രശ്നങ്ങളെ ആസ്പദമാക്കി വിദഗ്ധർ ക്ലാസ്സുകൾ നയിച്ചു. യുവാക്കളിൽ വർദ്ധിച്ചുവരുന്ന ഹൃദയസംബന്ധമായ രോഗങ്ങൾ, പി.സി.ഒ.ഡി, തൈറോയ്ഡ് തുടങ്ങിയ ജീവിതശൈലീ രോഗങ്ങൾ, സെർവിക്കൽ ക്യാൻസർ പ്രതിരോധം, നോമ്പുകാലത്തെ ആരോഗ്യകരമായ ഭക്ഷണരീതി എന്നീ വിഷയങ്ങളിൽ ഡോ. ഫർസാന പർവീൺ സംസാരിച്ചു. തെറ്റായ ജീവിതശൈലി മൂലം ശരീരഭാഗങ്ങളിൽ ഉണ്ടാകുന്ന വേദനകളെ കുറിച്ചും അവ പരിഹരിക്കേണ്ട രീതികളെ കുറിച്ചും ഫിസിയോ തെറാപ്പിസ്റ്റ് ഖദീജ പീറത്തിൽ വിശദീകരിച്ചു. ഗൾഫ് ഏഷ്യൻ മെഡിക്കൽ സെന്റർ ബി.ഡി.എം മുഹമ്മദ് അനസ് ക്ലിനിക്കിലെ ആധുനിക ചികിത്സാ സൗകര്യങ്ങളെയും ഡോക്ടർമാരെയും പരിചയപ്പെടുത്തി. നൂറ്റിയമ്പതോളം പേർ പങ്കെടുത്ത സെമിനാറിൽ വനിതാ വിഭാഗം പ്രസിഡന്റ് സാജിത ഫഹദ് അധ്യക്ഷത വഹിച്ചു. ഗ്ലോബൽ സെക്രട്ടറി അഷ്റഫ് നൈതല്ലൂർ, നാഷണൽ കമ്മിറ്റി പ്രസിഡന്റ് ബിജു ദേവസി എന്നിവർ ആശംസ നേർന്നു. പ്രോഗ്രാം കോർഡിനേറ്റർ മേഘ ദീപക് സ്വാഗതവും കോർഡിനേറ്റർ സാദിയ ഫാസിൽ പ്രോഗ്രാം നിയന്തിച്ചു. വനിതാ വിഭാഗം രക്ഷാധികാരി ജസീന റിയാസ്, സെക്രട്ടറി ആഷ്ന അമീർ, എക്സിക്യൂട്ടീവ് അംഗങ്ങൾ തുടങ്ങിയവർ അതിഥികൾക്ക് ഉപഹാരങ്ങൾ കൈമാറി. ട്രഷറർ അർഷിന ഖലീൽ നന്ദി പറഞ്ഞു. പ്രവാസികൾക്കിടയിൽ ആരോഗ്യ അവബോധം വളർത്തുക എന്ന ലക്ഷ്യത്തോടെ സംഘടിപ്പിച്ച പരിപാടി ഏറെ ശ്രദ്ധേയമായി

പൊന്നാനി: എ.വി. ഹൈസ്കൂളിൽ വെച്ച് പൊന്നാനി കൾച്ചറൽ വേൾഡ് ഫൗണ്ടേഷൻ, എടപ്പാൾ ബോൺ & ജോയിന്റ് ഫൗണ്ടേഷൻ, പൊന്നാനി ആംബുലൻസ് കൂട്ടായ്മ, എടപ്പാൾ ഹോസ്പിറ്റൽ സംയുക്താഭിമുഖ്യത്തിൽ സംഘടിപ്പിച്ച സൗജന്യ ഓർത്തോ മെഡിക്കൽ ക്യാമ്പ് അസ്ഥി സംബന്ധ രോഗികൾക്ക് വലിയ ആശ്വാസമായി. മുന്നൂറിൽപരം ആളുകൾ പങ്കെടുത്ത ക്യാമ്പ് എം.എൽ.എ. പി. നന്ദകുമാർ ഉദ്ഘാടനം ചെയ്തു. പി സി ഡബ്ലിയു എഫ് കേന്ദ്ര ഉപാധ്യക്ഷൻ ഡോ. അബ്ദുറഹിമാൻ കുട്ടി അധ്യക്ഷത വഹിച്ചു. മുനിസിപ്പൽ ചെയർപേഴ്സൺ സി വി സുധ മുഖ്യാതിഥിയായിരുന്നു.. ബോൺ & ജോയിന്റ് ഫൗണ്ടേഷൻ മാനേജിങ് പാർട്ണറും പ്രമുഖ എല്ലുരോഗ വിദഗ്ധനുമായ ഡോ. മഹേഷ് കൃഷ്ണൻ ക്യാമ്പിനെ കുറിച്ചുള്ള വിവരണം നൽകി. എടപ്പാൾ ഹോസ്പിറ്റൽ ഗ്രൂപ്പ് മാനേജർ ആത്മജൻ പള്ളിപ്പാട് വിശിഷ്ടാതിഥിയായിരുന്നു. മുനിസിപ്പൽ വൈസ് ചെയർമാൻ സക്കീർ സി.പി. ക്യാമ്പ് സന്ദർശിച്ച് ആശംസകൾ അർപ്പിച്ചു. എടപ്പാൾ ബോൺ & ജോയിന്റ് ഫൗണ്ടേഷനിലെ പ്രമുഖ ഓർത്തോപീഡിക് സർജൻമാരുടെ നേതൃത്വത്തിലുള്ള വിദഗ്ദ്ധ സംഘമാണ് ക്യാമ്പിൽ പരിശോധന നടത്തിയത്. നട്ടെല്ല് രോഗങ്ങൾ, സന്ധിവാതം, എല്ല് തേയ്മാനം എന്നിവയാൽ ബുദ്ധിമുട്ടുന്നവർക്കായി അത്യാധുനിക പരിശോധനാ സൗകര്യങ്ങളാണ് ക്യാമ്പിൽ ഒരുക്കിയിരുന്നത്. പരിശോധനയ്‌ക്കെത്തിയ രോഗികൾക്ക് ആവശ്യമായ സൗജന്യ മരുന്നുകളും വിതരണം ചെയ്തു. തുടർചികിത്സ ആവശ്യമുള്ള രോഗികൾക്ക് എടപ്പാൾ ബോൺ & ജോയിന്റ് ഫൗണ്ടേഷനിലും, ഫൗണ്ടേഷൻ്റെ നേതൃത്വത്തിലും പ്രത്യേക ഇളവുകൾ ലഭ്യമാക്കുമെന്ന് സംഘാടകർ അറിയിച്ചു. പൊന്നാനി കൾച്ചറൽ വേൾഡ് ഫൗണ്ടേഷൻ്റെ ഭാവി പ്രവർത്തനങ്ങൾക്കും ഇത്തരം ജീവകാരുണ്യ പദ്ധതികൾക്കും ഏവരുടെയും പിന്തുണ ഭാരവാഹികൾ അഭ്യർത്ഥിച്ചു. പരിപാടിക്ക് ആശംസകൾ അർപ്പിച്ചുകൊണ്ട് പൊന്നാനി മുനിസിപ്പാലിറ്റി പ്രതിപക്ഷ നേതാവ് അഷ്റഫ് ടി കെ, വാർഡ് കൗൺസിലർ ശ്രീകല ചന്ദ്രൻ, PCWF കേന്ദ്ര കമ്മിറ്റി വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ എന്നിവർ ചടങ്ങിൽ സംസാരിച്ചു. പിസി ഡബ്ലിയു എഫ് കേന്ദ്ര കമ്മിറ്റി അംഗങ്ങൾ, വനിതാ കമ്മിറ്റി പ്രതിനിധികൾ, മുനിസിപ്പൽ/പഞ്ചായത്ത് കമ്മിറ്റി അംഗങ്ങൾ, ജിസിസി പ്രതിനിധികൾ അടങ്ങിയ സംഘം ക്യാമ്പിന് നേതൃത്വം നൽകി. എടപ്പാൾ ഹോസ്പിറ്റൽ പിആർഒ വിഭാഗം മേധാവി ശ്രീമതി ബിജി സുരേഷ് സ്വാഗതം പറഞ്ഞ ചടങ്ങിൽ, ഓർത്തോ മെഡിക്കൽ ക്യാംപ് സംഘാടക സമിതി കൺവീനർ ശ്രീ. അബ്ദുൽ റസാഖ് കെ പി നന്ദി പറഞ്ഞു.

ദുബൈ: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) സ്പോർട്സ് വിംഗിന്റെ ആഭിമുഖ്യത്തിൽ ദുബൈ അൽ തവാർ ഹാംപ്ട്ടൺ ഹൈറ്റ്സ് ഇന്റർനാഷണൽ സ്കൂൾ ഗ്രൗണ്ടിൽ സംഘടിപ്പിച്ച PPL സെവൻസ് ഫുട്ബോൾ ടൂർണമെന്റ് – സീസൺ 4 ൽ നാട്ടുകൂട്ടം പൊന്നാനി ചാമ്പ്യന്മാരായി. യു എ ഇ യിൽ നിന്നുള്ള പൊന്നാനി താലൂക്കിനെ പ്രതിനിധീകരിച്ച 12 ശക്തരായ ടീമുകൾ പങ്കെടുത്ത ടൂർണമെന്റ് ആവേശകരമായ മത്സരങ്ങൾക്കാണ് സാക്ഷ്യം വഹിച്ചത്. ഫൈനൽ മത്സരത്തിൽ നിശ്ചിത സമയത്ത് ഗോൾ രഹിത സമനില പാലിച്ചതിനെ തുടർന്ന് നടന്ന പെനാൽറ്റി ഷൂട്ടൗട്ടിലും സമനില (4-4) തുടർന്നതോടെ ടോസിലൂടെയാണ് നാട്ടുകൂട്ടം പൊന്നാനി കിരീടം സ്വന്തമാക്കിയത്. സെമിഫൈനൽ മത്സരങ്ങളിൽ കരുത്തരായ അൽ ശബാബ് മാണൂർ, അൽ വഹ്ദ കറക് എഫ്.സി. ടീമുകളെ മറികടന്നാണ് O2 പൊന്നാനിയും നാട്ടുകൂട്ടം പൊന്നാനിയും ഫൈനലിൽ പ്രവേശിച്ചത്. ഫൈനൽ മത്സരത്തിൽ മികച്ച പ്രകടനം കാഴ്ചവെച്ച O2 പൊന്നാനിയുടെ നിയാസിന് മാൻ ഓഫ് ദ ഫൈനൽ ട്രോഫിയും, അക്ബർ ട്രാവൽസ് സ്പോൺസർ ചെയ്ത ഡിസ്‌കൗണ്ട് കൂപ്പണും ലഭിച്ചു. ടൂർണമെന്റിൽ കൂടുതൽ ഗോളുകൾ നേടി റിഷാദ് (നാട്ടുകൂട്ടം) ടോപ് സ്കോറർ ട്രോഫിയും, മികച്ച സേവുകളിലൂടെ ഫാസിൽ (O2) ബെസ്റ്റ് ഗോൾകീപ്പർ ട്രോഫിയും നേടി. ഇരുവർക്കും അക്ബർ ട്രാവൽസ് ഡിസ്‌കൗണ്ട് കൂപ്പണുകളും സമ്മാനിച്ചു. ടൂർണമെന്റിലുടനീളം മികച്ച പ്രകടനം കാഴ്ചവെച്ച് ടീമിനെ കിരീടത്തിലേക്ക് നയിച്ച അഷ്ഫൽ പ്ലേയർ ഓഫ് ദ ടൂർണമെന്റ് ട്രോഫിയും, ഹോളിഡേ പാണ്ട സ്പോൺസർ ചെയ്ത സർ ബനിയാസ് ഐലൻഡ് സ്റ്റേക്കേഷൻ കൂപ്പണും കരസ്ഥമാക്കി ടൂർണമെന്റിന്റെ താരമായി. സെക്കൻഡ് റണ്ണർഅപ്പ് ട്രോഫി അൽ വഹ്ദ കറക് എഫ് സി യും, ഫെയർ പ്ലേ ട്രോഫി അൽ ശബാബ് മാണൂർ ടീമും സ്വന്തമാക്കി. നേരത്തെ ടൂർണമെന്റ് ഉദ്ഘാടന സെഷനിൽ ജനറൽ കൺവീനർ അമീൻ മാറഞ്ചേരി സ്വാഗതം പറഞ്ഞു. സംഘാടക സമിതി ചെയർമാൻ നസീർ ചുങ്കത്ത് ആമുഖ പ്രഭാഷണം നടത്തി. സഫാരി ഗ്രൂപ്പ് ചെയർമാൻ അബൂബക്കർ മടപ്പാട്ട് ടൂർണമെന്റ് ട്രോഫി അനാവരണം ചെയ്‌തു. മത്സരങ്ങളുടെ കിക്കോഫ് കർമ്മം ഫോറം ഗ്രൂപ്പ് ഡയറക്ടർ തൽഹത്ത് നിർവഹിച്ചു. PCWF ഹോം പ്രൊജക്റ്റ്‌ യു എ ഇ തല പ്രചാരണ ഉത്ഘാടനം മോഡേൺ ഹെയർ ഫിക്സിങ് എം ഡി മുജീബ് തറമ്മൽ നിർവഹിച്ചു. ഡോ. സലീൽ (ആദം മെഡിക്കൽ സെന്റർ), ഷാജി (ഇൻസുൽതേം), അബ്ദുൽ സത്താർ (റിയൽ ബേവ്), നവാഗത സംവിധായകൻ കബീർ പുഴമ്പ്രം എന്നിവർ ചടങ്ങിൽ സന്നിഹിതരായിരുന്നു. ചാമ്പ്യന്മാരായ നാട്ടുകൂട്ടം പൊന്നാനിക്ക് ചാമ്പ്യൻസ് ട്രോഫിയും അക്ബർ ട്രാവൽസ് സ്പോൺസർ ചെയ്ത ഒരു ലക്ഷം രൂപയുടെ ക്യാഷ് പ്രൈസും അക്ബർ ട്രാവൽസ് മാർക്കറ്റിംഗ് മാനേജർ ഷാഹിദ്, ഉംറ ഓപ്പറേഷൻ ഹെഡ് അഷ്കർ എന്നിവർ ചേർന്ന് സമ്മാനിച്ചു. റണ്ണർഅപ്പ് ട്രോഫിയും സാൻ ഗ്രൂപ്പ് സ്പോൺസർ ചെയ്ത 50,000 രൂപയുടെ ചെക്കും സാൻ ഗ്രൂപ്പ് CEO സാബിത്ത്, പ്രോജക്ട് മാനേജർ ഷാക്കിത്ത് എന്നിവർ നൽകി. മറ്റു ട്രോഫികളും മെഡലുകളും PCWF സെൻട്രൽ കമ്മിറ്റി ഭാരവാഹികളും, ടൂർണമെന്റ് സംഘാടക സമിതി ഭാരവാഹികളും അംഗങ്ങളും ചേർന്ന് വിതരണം ചെയ്തു.

പൊന്നാനി : ഇന്ത്യയുടെ എഴുപത്തി ഏഴാമത് റിപ്പബ്ലിക് ദിനാഘോഷം പൊന്നാനി കൾച്ചറൽ വേൾഡ് ഫൗണ്ടേഷൻ മൻസിപ്പിൽ കമ്മിറ്റി കേന്ദ്ര കമ്മിറ്റി ഓഫീസിൽ വെച്ച് സംഘടിപ്പിച്ചു. കേന്ദ്ര വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ പതാക ഉയർത്തി. ഡോ: അബ്ദുറഹിമാൻ കുട്ടി റിപ്പബ്ലിക് ദിന സന്ദേശം നൽകി. വനിത കേന്ദ്ര പ്രസിഡന്റ് ടി മുനീറ, ബിജു ദേവസി (സഊദി), കെ പി അബ്ദുൽ റസാഖ്, പത്മാവതി എന്നിവർ സംസാരിച്ചു. രാജൻ തലക്കാട്ട്, പി.എം അബ്ദുട്ടി, യഹിയ എ വി, ഫൈസൽ ബാജി, ബാബു എലൈറ്റ്, കെ വി ഉമ്മർ, ആദിൽ, സബീന ബാബു, റെജുല, സുലൈഖ, സുചിത്ര, സെലീന, സതി, നിഅമ തുടങ്ങിയവർ പങ്കെടുത്തു. മുനിസിപ്പൽ സെക്രട്ടറി മുജീബ് കിസ്മത്ത് സ്വാഗതവും, മുൻസിപ്പൽ വനിതാ പ്രസിഡന്റ് റംല കെ പി നന്ദിയും പറഞ്ഞു

എടപ്പാൾ : വർഗ്ഗീയതയെ ചെറുത്തു തോൽപ്പിക്കാൻ നമ്മളെല്ലാം ഒന്നാണെന്ന പൊന്നാനിയുടെ മാനവിക സംസ്ക്കാരത്തെ മുറുകെ പിടിച്ച് മുന്നോട്ട് പോകണമെന്ന് പ്രശസ്ത സാഹിത്യകാരൻ കെ പി രാമനുണ്ണി പറഞ്ഞു. പൊന്നാനി സംസ്ക്കാരത്തിന്റെ വിശാലതയുടെ പരിപ്രേക്ഷമാണ് പി സി ഡബ്യു എഫ് എന്ന സംഘടനയെന്നും, താലൂക്ക് നിവാസികളെല്ലാം ഇതിൽ അണിനിരക്കണമെന്നും സംഘടനയുടെ ഉപദേശക സമിതി ചെയർമാൻ കൂടിയായ അദ്ദേഹം അഭിപ്രായപ്പെട്ടു. നടുവട്ടം വിവ പാലസിൽ നടന്ന പതിനെട്ടാം വാർഷിക പ്രതിനിധി സഭ ഓൺലൈനിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഗ്ലോബൽ പ്രസിഡന്റ് സി എസ് പൊന്നാനി അധ്യക്ഷത വഹിച്ചു. പ്രവർത്തന റിപ്പോർട്ട് ജനറൽ സെക്രട്ടറി സി വി മുഹമ്മദ് നവാസും, സാമ്പത്തിക റിപ്പോർട്ട് ട്രഷറർ അടാട്ട് വാസുദേവൻ മാസ്റ്ററും അവതരിപ്പിച്ചു. റിപ്പോർട്ടിന്മേൽ ചർച്ച നടന്നു. 2026 - വാർഷിക കലണ്ടർ അവതരണം വർക്കിംഗ് പ്രസിഢണ്ട് പി കോയക്കുട്ടി മാസ്റ്റർ നിർവ്വഹിച്ചു. "കൂടയുളളവർക്ക് കൂടൊരുക്കാം" ഭവന നിർമ്മാണ പദ്ധതിയുടെ ഭാഗമായി പ്രഥമ വീട് നിർമ്മാണത്തിന് കാലടി പഞ്ചായത്തിലെ പി ആരിഫയെ തെരെഞ്ഞെടുത്തു. അടുത്ത ദിവസം തന്നെ നിർമ്മാണ പ്രവർത്തനങ്ങൾ ആരംഭിക്കും. പി സി ഡബ്യു എഫ് മാനേജ്മെന്റ് സിസ്റ്റം (PMC) ഉപാധ്യക്ഷൻ ഡോ: അബ്ദുറഹ്മാൻ കുട്ടി ലോഞ്ചിംഗ് ചെയ്തു. ഫെബ്രുവരി വരി 8 ന് പൊന്നാനി ഏ വി സ്കൂളിൽ വെച്ച് ബോൺ & ജോയിന്റ് ഫൗണ്ടേഷനുമായി സഹകരിച്ച് സൗജന്യ ഓർത്തോ മെഡിക്കൽ ക്യാമ്പ് നടത്താൻ തീരുമാനിച്ചു. ഫെബ്രുവരി 15 മുതൽ മാർച്ച് 31 വരെ നീണ്ട് നിൽക്കുന്ന "റിലീഫ് 2026" ധന സമാഹരണ യഞ്ജം സംഘടിപ്പിക്കാനും, റിലീഫ് കാലാവധിയിൽ എല്ലാ ഘടകങ്ങളും ഭവന നിർമ്മാണം ഉൾപ്പെടെയുളള ഒരു വർഷത്തെ ചാരിറ്റി പ്രവർത്തനങ്ങൾക്ക് ഫണ്ട് കണ്ടെത്തണമെന്നും ആഹ്വാനം ചെയ്തു. മാർച്ച് അവസാന വാരത്തിൽ വിപുലമായ ഇഫ്താർ സംഗമം നടത്തുതിന് അനുയോജ്യമായ സഥലം കണ്ടെത്താൻ പൊന്നാനി മുൻസിപ്പൽ കമ്മിറ്റി ഭാരവാഹികളെ ചുമതലപ്പടുത്തി. മദ്യത്തിനും, മയക്കുമരുന്നിനുമെതിരെ പോരാട്ടം നടത്തുന്ന വ്യക്തികൾക്കും സംഘടനകൾക്കും ഏട്ടൻ ശുകപുരത്തിന്റെ പേരിൽ നൽകുന്ന പ്രഥമ അവാർഡിന് മദ്യ നിരോധന സമിതി സംസ്ഥാന ട്രഷറർ കെ സിദ്ധീഖ് മൗലവി അയിലക്കാടിനെ തെരെഞ്ഞെടുത്തു. അന്താരാഷ്ട്ര ലഹരി വിരുദ്ധ ദിനത്തിൽ അവാർഡ് സമർപ്പിക്കും. വാർഡ് മെമ്പർ കുട്ടൻ, കെ എസ് അയിലക്കാട് എന്നിവർ ആശംസ നേർന്നു. ടി മുനീറ, ബീക്കുട്ടി ടീച്ചർ, അബ്ദുട്ടി പി എം,ടി വി സുബൈർ, രാജൻ തലക്കാട്ട്, ശാരദ ടീച്ചർ, എം എം സുബൈദ, അംബിക കുമാരി ടീച്ചർ, ആയിഷ ഹസ്സൻ, മാലതി വട്ടംകുളം, മോഹനൻ പാക്കത്ത്, ഹൈറുന്നിഷ പാലപ്പെട്ടി, ടി മുസ്തഫ നടുവട്ടം, സി വി അബ്ദുറഷീദ് തുടങ്ങിയവർ സംബന്ധിച്ചു. മുൻസിപ്പൽ, പഞ്ചായത്ത് തല ഗ്രൂപ്പ് ചർച്ചകളിൽ ഹനീഫ മാളിയേക്കൽ (പൊന്നാനി) അബ്ദുസ്സമദ് മാനാത്ത് പറമ്പിൽ (വെളിയംങ്കോട്) അഷ്റഫ് മച്ചിങ്ങൽ (പെരുമ്പടപ്പ്) മുഹമ്മദ് അഷ്റഫ് (മാറഞ്ചേരി) മുഹമ്മദ് അബ്ദുറഹ്മാൻ (ആലങ്കോട്) അബ്ദുൽ ഖാദർ ആമയം (നന്നമുക്ക്) അബ്ദുല്ലക്കുട്ടി ഹാജി (വട്ടംകുളം) കെ മുഹമ്മദ് കുട്ടി (എടപ്പാൾ ) മുസ്തഫ കാടഞ്ചേരി (കാലടി) തൂമ്പിൽ കുഞ്ഞി മൊയ്തീൻ കുട്ടി (തവനൂർ) തുടങ്ങിയവർ ഘടകങ്ങളെ പ്രതിനിധീകരിച്ച് സംസാരിച്ചു. വിവിധ ഉപസമിതികളെ അവലോകനം ചെയ്ത് ഇ ഹൈദരലി മാസ്റ്റർ (എവർ ഗ്രീൻ) എസ് ലത ടീച്ചർ (വിദ്യാഭ്യാസ സമിതി) ജി സിദ്ധീഖ് (ജനസേവനം) ലത്തീഫ് കളക്കര (ലീഡർഷിപ്പ് അക്കാദമി) അഷ്റഫ് മച്ചിങ്ങൽ (സ്പോർട്സ് കൗൺസിൽ) മുജീബ് കിസ്മത്ത് (വിവാഹ സമിതി) സബീന ബാബു (സ്വാശ്രയ തൊഴിൽ സംരംഭം) കെ പി അബ്ദുറസ്സാഖ് (ആരോഗ്യ സമിതി) കാട്ടിൽ മുഹമ്മദ് കുട്ടി (ഭവന നിർമ്മാണ ബോർഡ്) അഷ്റഫ് ദിലാറ (ക്ഷേമ നിധി) തുടങ്ങിയവർ സംസാരിച്ചു. ജി സി സി കമ്മിറ്റികളുടെ അവലോകനത്തിൽ ബിജുദേവസി (സഊദി) ബാലൻ കണ്ടനകം (ബഹറൈൻ) സൽമ നസീർ (ഒമാൻ ) എന്നിവർ പങ്കാളികളായി. അബ്ദുറഷീദ് അറക്കൽ സ്വാഗതവും, എസ് ലത വിജയൻ നന്ദിയും പറഞ്ഞു.

എടപ്പാൾ : ത്രിതല പഞ്ചായത്ത് തെരഞ്ഞെടുപ്പിൽ വിജയിച്ച ജനപ്രതിനിധികൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ എടപ്പാൾ പഞ്ചായത്ത്‌ കമ്മിറ്റി സ്വീകരണം നൽകി. പഞ്ചായത്ത് കാര്യാലയത്തിന് സമീപം നടന്ന ചടങ്ങിൽ വെച്ച് പി സി ഡബ്യു എഫ് ഭാരവാഹികൾ ത്രിതല പഞ്ചായത്ത് ജനപ്രതിനിധികളെ ഷാൾ അണിയിച്ചു. സി എസ് പൊന്നാനി ചടങ്ങ് ഉദ്ഘാടനം ചെയ്തു. പി സി ഡബ്യൂ എഫ് കേന്ദ്ര കമ്മിറ്റി അംഗം ഇ പി രാജീവ് മുഖ്യ പ്രഭാഷണം നടത്തി. മുരളി മേലെപ്പാട്ട് അധ്യക്ഷത വഹിച്ചു. പൊന്നാനി ബ്ലോക്ക് പഞ്ചായത്ത്‌ പ്രസിഡന്റ്‌ അഡ്വ: ആർ ഗായത്രി, ഗ്രാമ പഞ്ചായത്ത് പ്രസിഡന്റ്‌ പി കെ സിന്ധു എന്നിവർ ആശംസ പ്രസംഗം നടത്തി. പി കോയക്കുട്ടി മാസ്റ്റർ, എൻ ഖലീൽ റഹ്മാൻ, കെ മുഹമ്മദ് കുട്ടി, ഗായകൻ എടപ്പാൾ ബാപ്പു, പി മുഹമ്മദ് കുട്ടി തുടങ്ങിയവർ ജനപ്രതിനിധികളെ ഷാൾ അണിയിച്ചു. സെക്രട്ടറി നജ്മു എടപ്പാൾ സ്വാഗതവും, ട്രഷറർ ഹിഫ്സു റഹ്മാൻ നന്ദിയും പറഞ്ഞു.

പൊന്നാനി കൾച്ചറൽ വേൾഡ് ഫൗണ്ടേഷൻ കുവൈറ്റ് ഘടകം ആഭിമുഖ്യത്തിൽ ‘പൊന്നാനി സംഗമോത്സവം 2K26’ 09/01/2026 വെള്ളിയാഴ്ച അബ്ബാസിയ ഇന്ത്യൻ സെൻട്രൽ സ്കൂൾ ഇൻഡോർ ഓഡിറ്റോറിയത്തിൽ സംഘടിപ്പിച്ചു. PCWF കുവൈറ്റ് ഘടകം പ്രസിഡന്റ് അഷ്‌റഫ് പി യുടെ അധ്യക്ഷതയിൽ നടന്ന ചടങ്ങ് അഡ്വൈസറി ബോർഡ് ചെയർമാൻ അഷ്‌റഫ് യു. ഉദ്ഘാടനം ചെയ്തു. പ്രശസ്ത മാപ്പിളപ്പാട്ട് ഗായകൻ താജുദ്ദീൻ വടകര, ശിഫ അൽ ജസീറ ഹെഡ് ഓഫ് ഓപറേഷൻസ് അസിം സേട്ട് സുലൈമാൻ എന്നിവർ മുഖ്യാതിഥികളായിരിന്നു. ട്രഷറർ അനൂപ് ഭാസ്കർ, വൈ: പ്രസിഡന്റ് മുഹമ്മദ് ഷാജി, വനിതാ ഘടകം പ്രസിഡന്റ് റുക്കിയ ബീവി, സെക്രട്ടറി സ്വർഗ്ഗ സുനിൽ, ട്രഷറർ ഫെമിന ഷറഫുദ്ദീൻ എന്നിവർ ആശംസകൾ നേർന്നു. PCWF ഫുട്ബോൾ ടീം ജേഴ്സി പ്രകാശനം എക്സിക്യൂട്ടീവ് അംഗം ഇർഷാദ് ഉമർ, വൈസ് പ്രസിഡന്റ് & പ്രോഗ്രാം കൺവീനർ നവാസ് ആർ.വി, മലപ്പുറം ജില്ലാ അസോസിയേഷൻ പ്രസിഡന്റ് അഡ്വ: മുഹമ്മദ് ബഷീർ എന്നിവർ ചേർന്ന് നിർവഹിച്ചു. പരിപാടിയുടെ പ്രയോജകരായ കുവൈത്തിലെ വ്യവസായികൾക്കുള്ള ഉപഹാരങ്ങൾ ചടങ്ങിൽ കൈമാറി. വൈവിധ്യമാർന്ന കലാപരിപാടികൾ സംഗമോത്സവത്തിന് മാറ്റുകൂട്ടി. മല്ലിക ലക്ഷ്മി പ്രശാന്ത്, ശ്രേയ സുനിൽ, അർജുൻ സുനിൽ, ഇൽഹാം, ലിസബേൽ എന്നിവരുടെ നൃത്തങ്ങളും, ഫൈഹ, ഐസ അനസ്, വൈഡൂര്യ, ജാലിബ മൂസ, ഷെസ ശറഫുദ്ദീൻ, നാജിയ നവാസ്, അഫ്‍ഷീൻ അശ്‌റഫ്, സിദ്റ സിദ്ധീഖ്, ഇശൽ ശംസാദ് എന്നിവർ അവതരിപ്പിച്ച ഒപ്പനയും സിനിമാറ്റിക് ഡാൻസും ശ്രദ്ധേയമായി. ജീവ ജഗ്ഗു ഗാനമാലപിച്ചു. പരിപാടിയുടെ പ്രധാന ആകർഷണമായി താജുദ്ദീൻ വടകരയും ഇവന്റ് ഫാക്ടറി മ്യൂസിക് ബാൻഡും നയിച്ച സംഗീതനിശ അരങ്ങേറി. മെർലിൻ പരിപാടിയുടെ അവതാരകയായിരുന്നു. കലാപരിപാടികൾ അവതരിപ്പിച്ചവർക്കുള്ള മെഡലുകൾ വനിതാ ഘടകം എക്സിക്യൂട്ടീവ് അംഗങ്ങളും, വളണ്ടിയർമാർക്കുള്ള മെഡലുകൾ മുഖ്യാതിഥി താജുദ്ധീൻ വടകരയും വിതരണം ചെയ്തു. പ്രോഗ്രാം കൺവീനർമാർമാരായ ജറീഷ് പിപി, ഹാഷിം സച്ചു, നാസർ കെ, ഫൈനാൻസ് സെക്രട്ടറി സിദ്ധീഖ് ആർ.വി, അഡ്വൈസറി ബോർഡ് വൈസ് ചെയർമാൻമാരായ സുമേഷ് എം.വി, പ്രശാന്ത് കവളങ്ങാട്, സ്വാശ്രയ കുവൈത്ത് കോർഡിനേറ്റർ യൂസഫ് കെ വി എന്നിവരും റഹീം പി.വി.യുടെ നേതൃത്വത്തിലുള്ള വളണ്ടിയർ ടീമും പരിപാടികൾ നിയന്ത്രിച്ചു കുവൈറ്റിലെ സാമൂഹിക സാംസ്‌കാരിക രംഗത്തെ പ്രമുഖരും, നിരവധി പൊന്നാനി താലൂക്ക് നിവാസികളും, കുടുംബങ്ങളും സംഗമത്തിൽ പങ്കെടുത്തു. പ്രോഗ്രാം കൺവീനർ ഷെരീഫ് കെ കെ സ്വാഗതവും, ജനറൽ സെക്രട്ടറി മുസ്തഫ മുന്ന നന്ദിയും പറഞ്ഞു.

ചങ്ങരംകുളം: ത്രിതല പഞ്ചായത്ത് തെരഞ്ഞെടുപ്പിൽ വിജയിച്ച ജനപ്രതിനിധികൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ വെളിയങ്കോട് പഞ്ചായത്ത്‌ കമ്മിറ്റി സ്വീകരണം നൽകി. ഉമരി സ്കൂൾ ഹാളിൽ നടന്ന ചടങ്ങിൽ വെച്ച് പി സി ഡബ്യു എഫ് ഭാരവാഹികൾ ത്രിതല പഞ്ചായത്ത് ജനപ്രതിനിധികളെ ഷാൾ അണിയിച്ചു. റിട്ട: എസ് പി. വി കെ അക്ബർ ചടങ്ങ് ഉദ്ഘാടനം ചെയ്തു. ഗ്ലോബൽ പ്രസിഡന്റ്‌ സി എസ് പൊന്നാനി മുഖ്യ പ്രഭാഷണം നടത്തി. വെളിയങ്കോട് പഞ്ചായത്ത് കമ്മിറ്റി പ്രസിഡന്റ് മാനാത്ത് പറമ്പിൽ അബ്ദുസ്സമദ് അധ്യക്ഷത വഹിച്ചു. വനിതാ കമ്മിറ്റി പ്രസിഡന്റ് സുഹ്റ ബാബു സ്വാഗതം പറഞ്ഞു. പെരുമ്പടപ്പ് ബ്ലോക്ക് പഞ്ചായത്ത്‌ പ്രസിഡന്റ്‌ റമീന ഇസ്മായിൽ, ഗ്രാമ പഞ്ചായത്ത് പ്രസിഡന്റ്‌ ബബിത നൗഫൽ, സ്റ്റാൻഡിംഗ് കമ്മിറ്റി ചെയർമാൻമാരായ നൗഫൽ പൂകൈത (ക്ഷേമ കാര്യം) പ്രിയ പി (വികസന കാര്യം) പ്രിൻസി നെല്ലിക്കൽ (ആരോഗ്യം- വിദ്യാഭ്യാസം) വാർഡ് മെമ്പർമാരായ ഷാഹുൽ ഹമീദ് വികെ, പുത്തൻ വീട്ടിൽ അബ്ദുസ്സലാം തുടങ്ങിയവർ ആശംസാ പ്രസംഗം നടത്തി. പി സി ഡബ്യു എഫ് അംഗം കാളിയത്ത് ഷാജി സംബന്ധിച്ചു. ഗ്ലോബൽ വർക്കിംഗ്‌ പ്രസിഡന്റ്‌ പി കോയക്കുട്ടി മാസ്റ്റർ, വനിതാ കേന്ദ്ര കമ്മിറ്റി ഉപദേശക സമിതി അംഗം എം എം സുബൈദ, വനിതാ കേന്ദ്ര കമ്മിറ്റി പ്രസിഡന്റ്‌ ടി മുനീറ, സെക്രട്ടറി ഹൈറുന്നിഷ പാലപ്പെട്ടി, സബീന ബാബു, രോഷിനി പാലക്കൽ, സലീന മാനാത്ത് പറമ്പിൽ, റംല അബ്ദുൽ ഖാദർ, മൊയ്തുട്ടി തുടങ്ങിയവർ ജനപ്രതിനിധികളെ ഷാൾ അണിയിച്ചു. എം വി ഉമ്മർ നന്ദി പറഞ്ഞു.