ആൾ ഇന്ത്യാ മെഡിക്കൽ എൻട്രൻസ് പരീക്ഷയിൽ (നീറ്റ്) 720 ൽ 701 മാർക്ക് നേടി കേരളത്തിലെ ഒന്നാം റാങ്കും ദേശീയ തലത്തിൽ നാൽപ്പത്തിയേഴാം റാങ്കും കരസ്ഥമാക്കിയ തവനൂർ മൂവ്വാങ്കര സ്വദേശിനി പി നന്ദിതയെ പൊന്നാനി കൾച്ചറൽ വേൾഡ് ഫൗണ്ടേഷൻ സാരഥികൾ വസതിയിലെത്തി അഭിനന്ദിച്ചു. പടന്നപ്പാട്ട് പത്മനാഭൻ്റെയും കോമളവല്ലിയുടെയും മകളാണ്. ദുബായ് എയർപോർട്ടിൽ ഗ്ലോബൽ ജെറ്റിൽ ഏറോസ്പേസ് എഞ്ചിനീയറായി ജോലി ചെയ്യുന്ന ദീപക് സഹോദരനാണ്. പി സി ഡബ്ല്യു എഫ് വിദ്യാഭ്യാസ സമിതിയുടെ ഉപഹാരം ചെയർമാൻ പ്രൊഫ: വി കെ ബേബി കൈമാറി. പി കോയക്കുട്ടി മാസ്റ്റർ, സി വി മുഹമ്മദ് നവാസ്, അബ്ദുല്ലതീഫ് കളക്കര, അടാട്ട് വാസുദേവൻ മാസ്റ്റർ, ലത ടീച്ചർ , കുഞ്ഞി മൊയ്തീൻ കുട്ടി തൂമ്പിൽ തുടങ്ങിയവർ സന്നിഹിതരായിരുന്നു.
