പൊന്നാനി: സാമൂഹ്യ രംഗത്ത് സ്ത്രീകളുടെ മുന്നേറ്റം കാലഘട്ടത്തിന്‍റ ആവശ്യമാണെന്നും,തിരക്കുകൾക്കിടയിലും മറ്റുള്ളവരുടെ പ്രയാസം ധൂരീകരിക്കാൻ സമയം കണ്ടെത്തുമ്പോൾ മാത്രമേ ജീവിതത്തിന് സംതൃപ്തി ലഭിക്കുകയുളളുവെന്നും പ്രമുഖ സാമൂഹ്യ പ്രവര്‍ത്തക നർഗീസ് ബീഗം അഭിപ്രായപ്പെട്ടു. പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി റിപ്പബ്ലിക്ക് ദിനത്തിൽ ചാണാ റോഡ് ആർ വി ഹാളിൽ സംഘടിപ്പിച്ച ജനറൽ ബോഡി ഉദ്ഘാടനം ചെയ്ത് സംസാരിക്കുകയായിരുന്നു. ടി മുനീറ അധ്യക്ഷത വഹിച്ചു. നഗരസഭ ഉപാധ്യക്ഷ ബിന്ദു സിദ്ധാര്‍ത്ഥൻ മുഖ്യതിഥിയായിരുന്നു. പ്രേരക് ഷീജ മുഖ്യ പ്രഭാഷണം നടത്തി. റംല കെ പി വാർഷിക റിപ്പോർട്ടും, ഫാതിമ ടി വി സാമ്പത്തിക റിപ്പോർട്ടും അവതരിപ്പിച്ചു. പി സി ഡബ്ലിയു എഫ് അംഗങ്ങളിൽ നിന്നും നഗരസഭ കൗൺസിലർമാരായ , ഫര്‍ഹാന്‍ ബിയ്യം, ആബിദ,ഇ കെ സീനത്ത്, എം.പി ഷബീറാബി, പി. വി. ബീവി എന്നിവര്‍ക്ക് ചടങ്ങിൽ വെച്ച് ഉപഹാരം സമർപ്പിച്ചു. ബീക്കുട്ടി ടീച്ചര്‍,പ്രൊഫ: ബുഷ്റ,ശാരദ ടീച്ചര്‍ തുടങ്ങിയവർ പ്രസംഗിച്ചു. ഭാരവാഹി തെരെഞ്ഞെടുപ്പിന്; രാജൻ തലക്കാട്ട്, മുഹമ്മദ് നവാസ്, സുബൈർ ടി വി, നേതൃത്വം നൽകി. ഇബ്രാഹിം മാസ്റ്റർ, പി എം അബ്ദുട്ടി, ഫൈസൽ ബാജി സന്നിഹിതരായിരുന്നു. അടുത്ത രണ്ട് വർഷത്തേക്ക് 27 അംഗ എക്സിക്യൂട്ടീവിനെ തെരെഞ്ഞെടുത്തു. ടി മുനീറ (പ്രസിഡണ്ട്) ധന്യ കെ (ജനറൽ സെക്രട്ടറി) റംല കെ പി (ട്രഷറർ) ഹാഷിം (കുവൈത്ത്) വിവിധ സമിതികളെ പ്രതിനിധീകരിച്ച് സക്കരിയ എ, അബ്ദുറസാഖ് കെ പി , ഷഹീര്‍ എന്നിവര്‍ ആശംസ നേർന്നു. പി വി അബ്ദുൽ ഖാദർ ഹാജി, ടി മുനീറ എന്നിവരെ സാമൂഹ്യ സേവന പ്രവർത്തനം മാനിച്ച് ആദരിച്ചു. ഏറ്റവും കൂടുതൽ അംഗങ്ങളെ ചേർത്ത വാർഡ് 24 ലെ ടി മിനിയ്ക്ക് ക്യാഷ് അവാർഡ് നൽകി. അസ്മ സ്വാഗതവും, ധന്യ നന്ദിയും പറഞ്ഞു. https://www.facebook.com/pcwf.ponnani/posts/3833965970030163
