പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ സെൻട്രൽ കമ്മിറ്റി പന്ത്രണ്ടാം വാർഷിക ജനറൽ ബോഡി ജനുവരി 22 വെള്ളിയാഴ്ച്ച ഉച്ചയ്ക്ക് 2 മണിക്ക് ഓൺലൈനിൽ നടത്താൻ തീരുമാനിച്ചു. എട്ട് ഘടകങ്ങളിൽ നിന്നായി നൂറ്റി അറുപതോളം വരുന്ന എക്സിക്യൂട്ടീവ് അംഗങ്ങളണ് ജനറൽ ബോഡിയിൽ പങ്കെടുക്കുക. ഡോ: സലീൽ നേതൃത്വം നൽകുന്ന കോവിഡ് വാക്സിനേഷൻ ബോധവല്‍ക്കരണം 2020 വർഷക്കാലത്തെ പ്രവർത്തന റിപ്പോർട്ട്, സാമ്പത്തിക റിപ്പോർട്ട് അവതരണം തുടങ്ങി വിവിധ പരിപാടികൾ നടക്കും! പ്രസിഡന്റ്‌ മുഹമ്മദ് അനീഷിന്റെ അധ്യക്ഷതയിൽ നടന്ന സെൻട്രൽ കമ്മിറ്റി എക്സിക്യൂട്ടീവ് യോഗം ഉപദേശക സമിതി ചെയർമാൻ ഡോ: അബ്ദുറഹ്മാൻ കുട്ടി ഉദ്ഘാടനം ചെയ്തു. പ്രവർത്തന റിപ്പോർട്ട് സെക്രട്ടറി ഷബീർ മുഹമ്മദും, സാമ്പത്തിക റിപ്പോർട്ട് ട്രഷറർ അബ്ദുൽ അസീസും അവതരിപ്പിച്ചു. വിവിധ ഘടകങ്ങളെ പ്രതിനിധീകരിച്ച് അബ്ദുൽ റഷീദ് (അബുദാബി) മെഹ്‌റൂഫ് (അൽ ഐൻ) ഷബീർ ഈശ്വരമംഗലം (ദുബൈ) ഷാനവാസ്‌ (ഷാർജ) ഹാഫിസ് റഹ്മാൻ (അജ്‌മാൻ) അഷ്റഫ് (ഫുജൈറ) അലി കോട്ടയിൽ ( റാസ് അൽ ഖൈമ) റഫീഖ് സൈദ് ( അൽ ദൈദ് ) എന്നിവർ സംസാരിച്ചു. വിവിധ സബ് കമ്മിറ്റികളുടെ പ്രവർത്തനങ്ങൾ അബ്ദുൽ സമദ് (ജനസേവനം) അബ്ദുൽ ലത്തീഫ് (ആരോഗ്യം) സന്ദീപ് കൃഷ്ണ (സാംസ്‌കാരികം) ഷബീർ ഈശ്വരമംഗലം (സ്പോർട്സ്) അഷ്റഫ് സി വി (ജോബ് സെൽ) എന്നിവർ വിശദീകരിച്ചു. ജനറൽ സെക്രട്ടറി ശിഹാബ് കെ കെ സ്വാഗതവും വൈസ് പ്രസിഡന്റ്‌ അബ്ദുൽ ജലാൽ നന്ദിയും പറഞ്ഞു.
