അൽ ദൈദ് : പൊന്നാനി കൾച്ചറൽ വേൾഡ് ഫൗണ്ടേഷൻ യു.എ.ഇ വനിതാ കമ്മിറ്റി ജനറൽ ബോഡി യോഗം ഒക്ടോബർ 19 ഞായറാഴ്ച്ച ഷാർജ അൽ ദൈദ്, അൽ മഹാ ഫാം ഹൗസിൽ ചേർന്നു. യു എ ഇ യിലെ വിവിധ എമിറേറ്റുകളെ പ്രതിനിധീകരിച്ച് നാൽപ്പതിലധികം വനിതകൾ പങ്കെടുത്തു. ലേഡീസ് വിങ് പ്രസിഡന്റ്‌ റഹ്മത്ത് ലത്തീഫിന്റെ അധ്യക്ഷതയിൽ ചേർന്ന യോഗം ഗ്ലോബൽ വൈ: പ്രസിഡന്റും സ്വശ്രയ കമ്പനി ചെയർമാനുമായ ഡോ: എ.ആർ.കെ. ഉദ്ഘാടനം ചെയ്തു. ഗ്ലോബൽ പ്രസിഡന്റ്‌ സി. എസ് മുഖ്യപഭാഷണം നിർവഹിച്ചു. സെക്രട്ടറി ഷൈഹ ഷബീർ പ്രവർത്തന റിപ്പോർട്ട്‌ അവതരിപ്പിച്ചു. പ്രവാസി എഴുത്തുകാരൻ ഷാജി ഹനീഫ്, മുഹമ്മദ്‌ അനീഷ് (ജി. സി.സി. കോർഡിനേറ്റർ), അബ്ദുൽ സമദ്. വി (യു.എ.ഇ സെൻട്രൽ കമ്മിറ്റി ഉപദേശക സമിതി ചെയർമാൻ) തുടങ്ങിയവർ ആശംസകൾ നേർന്നു. ജനറൽ സെക്രട്ടറി സമീറ നൂറുൽ അമീൻ സ്വാഗതവും സെക്രട്ടറി ഫായിസ ഷബീർ നന്ദിയും പറഞ്ഞു. തുടർന്ന് നടന്ന കമ്മിറ്റി പുന:സംഘടനയിൽ 21 അംഗ എക്സിക്യൂട്ടീവ് കമ്മിറ്റിയെ തിരഞ്ഞെടുത്തു. ബബിത ഷാജിയെ ഉപദേശക സമിതി ചെയർപേഴ്സണായും റഹ്മത്ത് ലത്തീഫ്, മുംതാസ് ടീച്ചർ എന്നിവരെ ഉപദേശക സമിതി അംഗങ്ങളായും തിരഞ്ഞടുത്തു. പ്രധാന ഭാരവാഹികൾ: പ്രസിഡന്റ്: സമീറ നൂറുൽ ആമീൻ, (ഫുജൈറ) ജനറൽ സെക്രട്ടറി: ഫായിസ ഷബീർ (ദുബായ്) ട്രഷറർ: റൈഹാന അബ്ദുൽ സലാം (അജ്‌മാൻ) വൈസ് പ്രസിഡന്റുമാർ : ഷൈഹ ഷബീർ, (അബുദാബി), ഷാഹിദ ജലീൽ (റാസൽഖൈമ) സെക്രട്ടറിമാർ: ആസിയ മഹ്‌റൂഫ് (ഷാർജ) ഷംന അൻസാർ (ദുബൈ) എക്സിക്യൂട്ടീവ് അംഗങ്ങൾ: 1. മിഥില അബുദാബി 2. രഹന ദുബൈ 3. സറീന ദുബൈ 4. ഷബ്ന അബുദാബി 5. ഷക്കീല അജ്മാൻ 6. സിനി ഷാർജ 7. തനൂജ ദുബൈ 8. ഷക്കീല അജ്മാൻ 9. ഫാത്തിമ അജ്മാൻ 10. ഷാജിത അബൂദാബി 11. റാഷിദ അബുദാബി

റിയാദ്: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) റിയാദ് കമ്മിറ്റി വാർഷികാഘോഷത്തിന്റെ ഭാഗമായി ഡിസംബർ 19ന് സംഘടിപ്പിക്കുന്ന “അഹ്‌ലൻ പൊന്നാനി” പോസ്റ്റർ പ്രകാശനം ചെയ്തു. റിയാദ് മദീന ഹൈപ്പർമാർക്കറ്റ് ഓഡിറ്റോറിയത്തിൽ നടന്ന ചടങ്ങിൽ പ്രോഗ്രാം ടൈറ്റിൽ സ്പോൺസർ ഷമീർ മേഘയും, മലബാർ വില്ലേജ് റെസ്റ്റോറന്റ് മാനേജർ അമീനും ചേർന്ന് സോഷ്യൽ മീഡിയ ഇൻഫ്ലുവൻസർമാരായ ഹാഷിം അബ്ബാസ്, മൻസൂർ ചെമ്മല എന്നിവർക്ക് നൽകിയാണ് പ്രകാശനം നിർവ്വഹിച്ചത്. PCWF സഊദി നാഷണൽ കമ്മിറ്റി ഉപദേശക സമിതി ചെയർമാൻ സലിം കളക്കര ചടങ്ങ് ഉദ്ഘാടനം ചെയ്തു. റിയാദ് കമ്മിറ്റി പ്രസിഡന്റ് അൻസാർ നെയ്തല്ലൂർ അദ്ധ്യക്ഷത വഹിച്ചു. വൈസ് പ്രസിഡന്റ് സുഹൈൽ മഖ്ദൂം ആമുഖ പ്രഭാഷണം നടത്തി. അഹ്‌ലൻ പൊന്നാനി പ്രോഗ്രാമിനെ സംബന്ധിച്ച് ജനറൽ സെക്രട്ടറി കബീർ കാടൻസ് വിശദീകരിച്ചു. എം.എ ഖാദർ, അബ്ദുറസാഖ് പുറങ്ങ്, അഷ്കർ വി, ലബീബ്, ഷഫീക് ഷംസുദ്ധീൻ, മുഫാഷിർ കുഴിമന, റഷ സുഹൈൽ എന്നിവർ ആശംസകൾ നേർന്നു. പ്രോഗ്രാം കോർഡിനേറ്റർ ആഷിഫ് മുഹമ്മദ് സ്വാഗതവും, പ്രോഗ്രാം ചെയർമാൻ അൻവർ ഷാ നന്ദിയും രേഖപ്പെടുത്തി. അർജീഷ്, അനസ് എം ബാവ, സാഫിർ, സാദിഖ് പൊന്നാനി, മുക്താർ, ബിലാൽ, അബ്ദു, നൗഫൽ, മുഫീദ്, ഷഫീക്, ജംഷീർ, റസാഖ്, യാസർ അറഫാത്ത്, അഷ്‌കർ വി കെ ഡി, ഇർഫാന ഷഫീഖ്, നജ്മുനിസ അനസ് തുടങ്ങിയവർ നേതൃത്വം നൽകി. റിയാദിലെ പ്രശസ്ത കലാകാരന്മാരായ ദിൽഷാദ്, വിഷ്‌ണു, നിഷാദ്, അഷ്‌കർ താജ്, റഫീഖ്, ബാബു,ജാവിദ്, എന്നിവരുടെ നേതൃത്വത്തിൽ സംഗീത വിരുന്നും അരങ്ങേറി.

എടപ്പാൾ : കേരളം കൂട്ടായ പ്രവർത്തനങ്ങളിലൂടെ കൈവരിച്ച സാമൂഹ്യ - സാംസ്കാരിക പുരോഗതിയിൽ അഭിമാനം കൊള്ളുകയും അവ നിലനിർത്തുന്നതിന് പ്രവർത്തിക്കുമെന്ന് പ്രതിജ്ഞയെടുക്കുകയും ചെയ്യേണ്ട സമയമാണിതെന്ന് കവി എടപ്പാൾ സി.സുബ്രമണ്യൻ അഭിപ്രായപ്പെട്ടു. മാതൃ ഭാഷയിൽ ചിന്തിക്കുകയും സ്വപ്നം കാണുകയും ചെയ്യുന്ന നാം മാതൃഭാഷയെ സ്നേഹിക്കാനും സ്വന്തം ഭാഷയിൽ അഭിമാനം കൊള്ളാനും പഠിക്കണമെന്നും അദ്ദേഹം പറഞ്ഞു. പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ വിഭാഗം 11-ാം വാർഷിക സമ്മേളനത്തോടനുബന്ധിച്ച് കേരളപ്പിറവി ദിനത്തിൽ സംഘടിപ്പിച്ച പ്രബന്ധ രചന മത്സര ചടങ്ങിൽ കേരളപ്പിറവിദിന സന്ദേശം നൽകി സംസാരിക്കുകയായിരുന്നു അദ്ദേഹം. കേരളത്തിന് 69 വയസ്സ് തികയുമ്പോൾ, സ്ത്രീകൾ നേരിടുന്ന വെല്ലുവിളികൾ എന്ന വിഷയത്തെ അടിസ്ഥാനമാക്കി പൊന്നാനി താലൂക്കിലെ ഹയർ സെക്കണ്ടറി മുതൽ ബിരുദാനന്തര ബിരുദം വരെയുള്ള വിദ്യാർത്ഥികൾക്കായി അംശകച്ചേരി ആയുർഗ്രീൻ കോളേജിലായിരുന്നു മത്സരം നടന്നത്. പി കോയക്കുട്ടി മാസ്റ്റർ, ശാരദ ടീച്ചർ, എം എം സുബൈദ, അടാട്ട് വാസുദേവൻ മാസ്റ്റർ, ടി. മുനീറ, എസ് ലത വിജയൻ, മുരളി മേലെപ്പാട്ട്, ജി സിദ്ധീഖ്, നജ്മു എടപ്പാൾ, ടി. കുഞ്ഞി മൊയ്തീൻ കുട്ടി, ഖദീജ മൂത്തേടത്ത്, ആരിഫ പി, മാലതി വട്ടംകുളം, റോഷിനി പാലക്കൽ തുടങ്ങിയവർ സംബന്ധിച്ചു. ഹൈറുന്നിസ സ്വാഗതവും, അസ്മാബി പി എ നന്ദിയും പറഞ്ഞു.

മനാമ: പൊന്നാനി താലൂക്ക് നിവാസികളുടെ ആഗോള സംഘടനയായ പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്റൈൻ കലാവേദിയുടെ കീഴിൽ "PCWF ബഹ്‌റൈൻ പൊൻബീറ്റ്സ് മുട്ടിപ്പാട്ട് ടീം" നിലവിൽ വന്നു. കലാവേദി കൺവീനർ നസീർ കാഞ്ഞിരമുക്ക് നേതൃത്വം നൽകുന്ന ടീമിന് മാസ്റ്റർ ഇസ്മായിൽ കൊയിലാണ്ടിയുടെ കീഴിലാണ് പരിശീലനം ലഭിച്ചത്. നാളെ (ഒക്ടോബർ 31) ബഹ്റൈൻ മലപ്പുറം ഡിസ്ട്രിക്റ്റ് ഫോറം കെ സിറ്റി മനാമയിൽ സംഘടിപ്പിക്കുന്ന *ഓണ നിലാവ്* പ്രോഗ്രാമിൽ ടീമിൻറ അരങ്ങേറ്റം കുറിക്കും. അലി ടി.ടി, അൻവർ പുഴമ്പ്രം, ശിഹാബ് വെളിയങ്കോട്, നബീൽ എം.വി, ഫിറോസ് വെളിയങ്കോട്, മുഹമ്മദ്‌ ഹസ്ഫാൻ വി എം, റയാൻ സൈദ് അമ്പലത്ത് വീട്ടിൽ, എം എഫ് റഹ്‌മാൻ, ജസ്‌നി സൈദ്, തസ്നി അൻവർ, ലൈല റഹ്‌മാൻ, സിത്താര നബീൽ, ഷിഫ ശിഹാബ് തുടങ്ങിവരാണ് ടീമിലുളളത് .

സലാല: പ്രവാസി മലയാളികളുടെ ക്ഷേമത്തിനായി ഇടപെടലുകൾ ഉണ്ടാകണമെന്ന് ആവശ്യപ്പെട്ട് പൊന്നാനി കൾച്ചറൽ വേൾഡ് ഫൗണ്ടേഷൻ സലാല ഘടകം ഭാരവാഹികൾ ബഹു: കേരള മുഖ്യമന്ത്രി പിണറായി വിജയന് നിവേദനം സമർപ്പിച്ചു. സലാല സന്ദർശനത്തിനെത്തിയ ബഹു: മുഖ്യമന്ത്രിയെ സംഘടനയുടെ പ്രസിഡന്റ് കബീർ കാളിയാരകം, എക്സിക്യൂട്ടീവ് അംഗം നൗഷാദ് കുരിക്കൾ എന്നിവർ ചേർന്ന് നേരിട്ടാണ് നിവേദനം സമർപ്പിച്ചത്. ഗൾഫ് രാജ്യങ്ങളിലെ മലയാളി പ്രവാസികൾ നേരിടുന്ന വിവിധ സാമൂഹ്യ, വിദ്യഭ്യാസ , തൊഴിൽ സംബന്ധമായ പ്രശ്നങ്ങൾക്കും അവയുടെ പരിഹാര മാർഗങ്ങളും നിവേദനത്തിൽ ഉൾപ്പെടുത്തിയിട്ടുണ്ട്. ചടങ്ങിൽ ബഹു: പ്രവാസി ക്ഷേമ വകുപ്പ് മന്ത്രി സജി ചെറിയാൻ, നോർക്ക റൂട്സ് വൈസ് ചെയർമാൻ പത്മശ്രീ യൂസഫലി എം.എ,ഇന്ത്യൻ എംബസി കൗൺസിലർ ഏജന്റ് ഡോ സനാതനൻ എന്നിവരും സന്നിഹിതരായിരുന്നു.

കുവൈറ്റ് സിറ്റി: പൊന്നാനി കൾച്ചറൽ വേൾഡ് ഫൗണ്ടേഷൻ കുവൈത്ത് കമ്മിറ്റി പതിനൊന്നാം വാർഷികാഘോഷം വിവിധ പരിപാടികളോടെ സംഘടിപ്പിക്കാൻ സംയുക്ത കേന്ദ്ര എക്സിക്യൂട്ടീവ് യോഗം തീരുമാനിച്ചു. ശിഫ അൽ ജസീറ ക്ലീനിക്കുമായി സഹകരിച്ച് മെഡിക്കൽക്യാമ്പ്, വനിതാ ഘടകത്തിന്റെ കീഴിൽ ആരോഗ്യ ബോധവത്കരണ സെമിനാർ, ജനുവരി രണ്ടിന് പതിനൊന്നാം വാർഷിക ജനറൽ ബോഡി, ജനുവരി 9 ന് പൊന്നാനി സംഗോമത്സവം തുടങ്ങിയ പരിപാടികൾ വാർഷികാഘോഷത്തിന്റെ ഭാഗമായി നടക്കുന്നതാണ്. ഇത് സംബന്ധമായി ഒക്ടോബർ 17 ന് വനിതാ ഘടകം പ്രസിഡന്റ് റുഖിയ ബീവിയുടെ വസതിയിൽ ചേർന്ന സംയുക്ത എക്സിക്യൂട്ടീവ് യോഗത്തിൽ പ്രസിഡന്റ് അഷ്റഫ് പി അധ്യക്ഷത വഹിച്ചു. ഉപദേശക സമിതി ചെയർമാൻ അഷ്‌റഫ്‌ യു യോഗം ഉദ്ഘാടനം ചെയ്തു. പി വി റുഖിയ ബീവി, വനിതാ ഘടകം സെക്രട്ടറി സ്വർഗ സുനിൽ എന്നിവർ സംസാരിച്ചു. പ്രവർത്തന റിപ്പോർട്ട് ജനറൽ സെക്രട്ടറി മുസ്തഫ എം വിയും, സാമ്പത്തിക റിപ്പോർട്ട്‌ ട്രഷറർ അനൂപും, വനിതാ ഘടകം സാമ്പത്തിക റിപ്പോർട്ട് ഫെമിന ശറഫുദ്ധീനും അവതരിപ്പിച്ചു. PCWF സൗദി ദമാം കമ്മിറ്റി സംഘടിപ്പിച്ച പൊന്നോണം സീസൺ - 2 വിൽ ലേഖന രചനാ മത്സരത്തിൽ കുവൈറ്റ്‌ ഘടകത്തെ പ്രധിനിധീകരിച്ച് പങ്കെടുത്ത് വിജയിച്ച ജനറൽ കാറ്റഗറി വിഭാഗത്തിൽ മൂന്നാം സമ്മാനം നേടിയ പ്രശാന്ത് കവളങ്ങാട്, സബ് ജൂനിയർ വിഭാഗത്തിൽ രണ്ടാം സമ്മാനം നേടിയ അഫ്ഷീൻ അഷ്‌റഫ്‌, മൂന്നാം സമ്മാനം നേടിയ അഫ്തബ് അഷ്‌റഫ്‌ എന്നിവർക്കുള്ള സർട്ടിഫിക്കറ്റും ക്യാഷ് അവാർഡും യോഗത്തിൽ വിതരണം ചെയ്തു. മത്സരത്തിൽ പങ്കാളികളായ അഷ്‌റഫ്‌ യു, അനൂപ് ഭാസ്കർ, സുനിൽ ടി ആർ എന്നിവർക്കുള്ള സർട്ടിഫിക്കറ്റ് വിതരണവും നടന്നു. കുവൈറ്റ്‌ ഫുട്ബോൾ ടീം രൂപീകരണവും, ജഴ്സി രൂപകല്പനയും ചെയ്യാൻ ഇർഷാദ് ഉമറിനെ ചുമതലപ്പെടുത്തി. ജനറൽ സെക്രട്ടറി മുസ്തഫ എം വി സ്വാഗതവും, സെക്രട്ടറി ജെറീഷ് നന്ദിയും പറഞ്ഞു

പൊന്നാനി കൾച്ചറൽ വേൾഡ് ഫൗണ്ടേഷൻ യു.എ.ഇ സെൻട്രൽ കമ്മിറ്റി, സാംസ്കാരിക സമിതിയുടെ ആഭിമുഖ്യത്തിൽ ഒക്ടോബർ 19 ഞായർ ഷാർജ അൽ ദൈദ്, അൽ മഹാ ഫാം ഹൗസിൽ വെച്ച് പോന്നോണം പൊന്നാനി 25 ഓണാഘോഷ പരിപാടി സംഘടിപ്പിച്ചു. മുൻകൂട്ടി രെജിസ്റ്റർ ചെയ്ത അൻപതോളം വനിതകളക്കം ഇരുന്നൂറോളം എക്സിക്യൂട്ടീവ് മെമ്പർമാർ സജീവമായി പങ്കെടുത്ത ഓണാഘോഷ പരിപാടികൾക്ക്, അംഗങ്ങൾ തയ്യാറാക്കി കൊണ്ടുവന്ന വിഭവസമൃദ്ധമായ ഓണ സദ്യ ആഘോഷങ്ങൾക്ക് മാറ്റു കൂട്ടി. ഓണസദ്യക്ക് ശേഷം നടന്ന ചിത്രരചനാ, കളറിങ്, ലെമൺ സ്പൂണ് റേസിംഗ്, കുളംകര, ബിസ്ക്കറ്റ് കടിക്കൽ, ഷൂട് ഔട്ട്, ചട്ടിപന്ത്, സുന്ദരന് പൊട്ടുതൊടൽ, വടംവലി തുടങ്ങി ഗൃഹാതുരത്വമുണർത്തുന്ന വൈവിദ്ധ്യമായ ഓണക്കളികളിൽ പുരുഷന്മാരും, സ്ത്രീകളും കുട്ടികളും സജീവമായി പങ്കെടുത്തു. മത്സര വിജയികൾക്കുള്ള സമ്മാനങ്ങൾ വിവിധ ഘടകങ്ങളുടെയും ഉപസമിതികളുടെയും ഭാരവാഹികൾ വിതരണം ചെയ്തു. ഗ്ലോബൽ പ്രസിഡന്റ്‌ സി. എസ് പൊന്നാനി, ഗ്ലോബൽ വൈ: പ്രസിഡന്റും സ്വശ്രയ കമ്പനി ചെയർമാനുമായ ഡോ: എ.ആർ.കെ. തുടങ്ങിയവർ മുഖ്യാതിഥികളായിരുന്നു. പി.സി.ഡബ്ള്യൂ.എഫ് ദമാം കമ്മിറ്റി സംഘടിപ്പിച്ച ലേഖന മത്സരത്തിൽ രണ്ടാം സ്ഥാനം നേടിയ അബുദാബി ഘടകം സെക്രട്ടറി സഹീർ മുഹമ്മദിന് സർട്ടിഫിക്കറ്റും, കാശ് അവാർഡും സമ്മാനിച്ചു. സ്വന്തം മകളുടെ വിവാഹവേദിയിൽ നിർധനരായ രണ്ട് പെൺകുട്ടികളുടെ വിവാഹങ്ങൾ സാധ്യമാക്കി, സംഘടനാ ലക്ഷ്യങ്ങൾ സ്വന്തം ജീവിതത്തിലൂടെ പ്രാവർത്തികമാക്കി മാതൃക കാണിച്ച നൂറുൽ അമീൻ - സമീറ ദമ്പതികളെ മൊമെന്റോ നൽകി ആദരിച്ചു. സംഗീത പ്രേമികളായ പ്രവർത്തകർ ഓണാഘോഷ പരിപാടി സംഗീത സാന്ദ്രമാക്കി. അൽബഹാർ സ്ക്രാപ്പ്, റിയൽ ബെവ്‌, സ്കൈമാർക് സൈൻ, ഹോളിവുഡ് ടൈലറിങ്, അകോണ് ഗിഫ്റ്റ്‌സ്, ഖമ്പർ അലി ടൈലറിങ് തുടങ്ങിയവർ ഓണാഘോഷപരിപാടിയുടെ മുഖ്യ പ്രായോജകരായിരുന്നു.

വെളിയങ്കോട് : ഡിസംബർ 30 ന് പൊന്നാനിയിൽ വെച്ച് നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി പതിനൊന്നാം വാർഷിക സമ്മേളനത്തിൻ്റെ പ്രചരണാർത്ഥം വെളിയങ്കോട് പഞ്ചായത്ത് *PCWF വനിതാ സംഗമം* സംഘടിപ്പിച്ചു. ഉമരി ഇംഗ്ലീഷ് മീഡിയം സ്കൂളിൽ നടന്ന ചടങ്ങ് സ്കൂൾ പ്രിൻസിപ്പൽ എം. റസിയ ഉദ്ഘാടനം ചെയ്തു. വിവിധ വാർഡുകളിൽ നിന്നും തെരഞ്ഞെടുത്ത പ്രതിനിധികളെ ഉൾപ്പെടുത്തി 19 അംഗ എക്സിക്യൂട്ടീവ് കമ്മിറ്റിയെ തെരഞ്ഞെടുത്തു. തെരഞ്ഞെടുപ്പിന് വനിതാ കേന്ദ്ര കമ്മിറ്റി പ്രസിഡന്റ് ടി.മുനീറ നേതൃത്വം നൽകി. വനിതാ കേന്ദ്ര കമ്മിറ്റി സെക്രട്ടറി സുഹ്റ ബാബു അധ്യക്ഷ വഹിച്ചു. മാനാത്ത് പറമ്പിൽ അബ്ദുസ്സമദ് സ്വാഗതം പറഞ്ഞു. വനിതാ കേന്ദ്ര കമ്മിറ്റി ജനറൽ സെക്രട്ടറി എസ് ലത ടീച്ചർ ആമുഖ പ്രഭാഷണം നടത്തി. 47-ാം വയസ്സിലും സ്വപ്രയത്നം കൊണ്ട് തുല്യത പരീക്ഷകളിലൂടെ വിദ്യാഭ്യാസ രംഗത്ത് നേട്ടങ്ങൾ കൈവരിച്ച് ഡിഗ്രി പഠനത്തിനർഹത നേടിയ വെളിയംങ്കോട് സൗത്ത് സ്വദേശിനി വി മൈമൂനത്തിന് ഉപഹാരം സമർപ്പിച്ചു. 41-ാം വയസ്സിലും പ്ലസ്ടു തുല്യതാ പരീക്ഷയിൽ ഉന്നത വിജയം നേടിയ എരംമംഗലം സ്വദേശിനി യു സുബീനയെ അനുമോദിച്ചു. വി കെ നാസർ മാസ്റ്റർ പഴഞ്ഞി ആശംസ പ്രസംഗം നടത്തി. വനിതാ കമ്മിറ്റി പതിനൊന്നാം വാർഷികാഘഷ സംഘാടക സമിതി ജനറൽ കൺവീനർ റോഷിനി പാലക്കൽ സംസാരിച്ചു. പി എ അസ്മാബി, ആരിഫ മാറഞ്ചേരി, സബീന ബാബു തുടങ്ങിയവർ സംബന്ധിച്ചു. സലീന എ വി നന്ദി പറഞ്ഞു.

ബഹ്‌റൈൻ : പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്റൈൻ ചാപ്റ്റർ എവർഗ്രീൻ വിഭാഗത്തിന്റെ ആഭിമുഖ്യത്തിൽ അദ്ലിയ സ്കിൽ മിഷൻ അക്കാദമിയുമായി സഹകരിച്ച് *"ഒരു ചെടി ഒരു ജീവൻ - നാളെയുടെ ശ്വാസം ഇന്ന് നട്ടിടാം"* എന്ന പേരിൽ വരും തലമുറക്ക് മാതൃകയാകുന്ന വിധത്തിൽ ചെടികൾ നട്ടു പൂന്തോട്ടം ഒരുക്കി. പി സി ഡബ്ല്യൂ എഫ് പ്രസിഡണ്ട് മുസ്തഫ കൊലക്കാട് വൃക്ഷ ചെടികൾ നട്ടു ഉദ്ഘാടനം നിർവഹിച്ചു. അബ്ദുറഹ്മാൻ പി ടി അധ്യക്ഷത വഹിച്ചു. ചെടികളും, വൃക്ഷത്തൈകളും നട്ടു പിടിപ്പിക്കുന്നതിന്റെ പ്രാധാന്യത്തെക്കുറിച്ച് അക്കാദമി വിദ്യാർഥികൾക്ക് സെയ്തലവി അമ്പലത്ത് ക്ലാസെടുത്തു. സ്കിൽ മിഷൻ അക്കാദമി ഫൗണ്ടർ & ഡയറക്ടർ മിസിസ്. പ്രിൻസി ജോയ്, ബോർഡ് ഡയറക്ടർ അരുൺ സി ബാബു, ആക്ടിവിറ്റീസ്‌ & കോഴ്സ് കോർഡിനേറ്റർ മിസിസ്. അലിഷ് ബാ, അഡ്മിൻ മീർ സുലൈമാൻ, ടീച്ചർമാരായ ഫാരിയാ, സന, അദീബ എന്നിവർ ആശംസകൾ നേർന്നു. പി സി ഡബ്ല്യൂ എഫ് എവർഗ്രീൻ കൺവീനർ എം എഫ് റഹ്മാൻ, മുഖ്യ രക്ഷാധികാരി ബാലൻ കണ്ടനകം, ജനറൽ സെക്രട്ടറി ശറഫുദ്ധീൻ വിഎം, ഷാഫി തൂവക്കര എന്നിവർ ചടങ്ങിന് നേതൃത്വം നൽകി. വനിതാ വിംഗ് ഭാരവാഹികളായ സമീറ സിദ്ധിഖ്, ലൈല റഹ്മാൻ എന്നിവർക്കൊപ്പം തസ്‌നി അൻവർ, സാബിറ നൗഫൽ, തസ്‌ലി ഷാഫി തുടങ്ങിയവർ പങ്കെടുത്തു. എം എഫ് റഹ്മാൻ സ്വാഗതവും ഹസൻ വിഎം മുഹമ്മദ്‌ നന്ദിയും പറഞ്ഞു.

മാറഞ്ചേരി: ഡിസംബർ 30 ന് നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി പതിനൊന്നാം വാർഷിക സമ്മേളനത്തിന്റെ മുന്നോടിയായി മാറഞ്ചേരി പഞ്ചായത്ത് വനിതാ കമ്മിറ്റി ജനറൽ ബോഡിയുടെ ഭാഗമായി വനിതാ സംഗമം സംഘടിപ്പിച്ചു. മാറഞ്ചേരി ചാരിറ്റബിൾ ട്രസ്റ്റ് ഹാളിൽ നടന്ന യോഗത്തിൽ പ്രസിഡന്റ് പി. ആരിഫ അധ്യക്ഷത വഹിച്ചു. കേന്ദ്ര വനിത കമ്മറ്റി പ്രസിഡന്റ് ടി മുനീറ ഉദ്ഘാടനം ചെയ്തു ജനറൽ സെക്രട്ടറി എസ് ലത ടീച്ചർ മുഖ്യപ്രഭാഷണം നടത്തി. മാറഞ്ചേരി വനിതാ സെക്രട്ടറി ഷീജ കെ റിപ്പോർട്ട് അവതരിപ്പിച്ചു. ശ്രീരാമനുണ്ണി മാസ്റ്റർ, എം.ടി. നജീബ്, പി എം അഷറഫ്, കാട്ടിൽ മുഹമ്മദ് കുട്ടി, അഡ്വക്കറ്റ് കെ. എ.ബക്കർ, എന്നിവർ ആശംസകൾ അർപ്പിച്ചു. പുതുതായി അംഗത്വമെടുത്തവരെ ജനറൽ ബോഡിയിലേക്ക് തെരഞ്ഞെടുത്തു. പ്രധാന ഭാരവാഹികളിൽ നിൻജ്ജീവമായവരെ മാറ്റാനും പകരം യോഗ്യരായവരെ എക്സിക്യൂട്ടീവിൽ നിന്നും തെരഞ്ഞെടുക്കാനും പ്രസിഡന്റിനെ ചുമതലപ്പെടുത്തി. പൊന്നാനി ചാണാറോഡ് വഹീദ ഓഡിറ്റോറിയത്തിൽ നടക്കുന്ന വനിതാ കമ്മിറ്റിയുടെ പതിനൊന്നാം വാർഷിക സമ്മേളനവും, അനുബന്ധ പരിപാടികളും വിജയിപ്പിക്കാൻ പദ്ധതികൾ ആസൂത്രണം ചെയ്തു. ജോ: സെക്രട്ടറി സുനീറ സ്വാഗതവും, ട്രഷറർ ജാസ്മിൻ ആരിഫ് നന്ദിയും പറഞ്ഞു.

പൊന്നാനി: താലൂക്കിലെ സ്ത്രീ സമൂഹത്തിന്റെ പുരോഗതിക്കായ് പ്രവർത്തിച്ച് വരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി, പതിനൊന്നാം വാര്‍ഷിക സമ്മേളനം വിപുലമായ പരിപാടികളോടെ 2025 ഡിസംബർ 30 ന് പൊന്നാനി ചാണാ റോഡിലെ വഹീദ ഓഡിറ്റോറിയത്തിൽ വെച്ച് നടത്താൻ തീരുമാനിച്ചു. സമ്മേളന വിജയത്തിനായി 201 അംഗ സംഘാടക സമിതി രൂപീകരിച്ചു. സംഘാടക സമിതി രൂപീകരണ യോഗം എഴുത്തുകാരി ജെസ്സി സലീം ഉദ്ഘാടനം ചെയ്തു. വനിതാ കേന്ദ്ര കമ്മിറ്റി പ്രസിഡന്റ് മുനീറ ടി അധ്യക്ഷത വഹിച്ചു. ഗ്ലോബൽ കമ്മിറ്റി ജനറൽ സെക്രട്ടറി സി വി മുഹമ്മദ് നവാസ് മുഖ്യപ്രഭാഷണം നടത്തി. സി എസ് പൊന്നാനി, പി കോയക്കുട്ടി മാസ്റ്റർ, അടാട്ട് വാസുദേവൻ മാസ്റ്റർ എന്നിവർ ആശംസകൾ നേർന്നു. ഇരുപത്തിയൊന്നാമത് സംസ്ഥാന കേഡറ്റ് തൈക്വോണ്ടോ ചാമ്പ്യൻഷിപ്പിൽ സ്വർണ്ണ മെഡൽ കരസ്ഥമാക്കി ദേശീയ കേഡറ്റ് തൈക്വോണ്ടോ ചാമ്പ്യൻഷിപ്പിലേക്ക് യോഗ്യത നേടിയ ഷെസ അഫ്രിന് (ജി സി സി കോർഡിനേറ്റർ മുഹമ്മദ് അനീഷിന്റെ മകൾ) വേദിയിൽ വെച്ച് പുരസ്കാരം നൽകി അനുമോദിച്ചു. വനിതാ കേന്ദ്ര കമ്മിറ്റി ജനറൽ സെക്രട്ടറി എസ് ലത ടീച്ചർ സംഘാടക സമിതിയെ പ്രഖ്യാപിച്ചു. ട്രഷറർ ഖദീജ മുത്തേടത്ത് സമ്മേളനത്തിന്റെയും അനുബന്ധ ചടങ്ങുകളുടെയും ബഡ്ജറ്റ് അവതരിപ്പിച്ചു. സമ്മേളനവും, അനുബന്ധ പരിപാടികളും സെക്രട്ടറി ഹൈറുന്നിസ പാലപ്പെട്ടി വിശദീകരിച്ചു. ബീകുട്ടി ടീച്ചർ, ശാരദ ടീച്ചർ എന്നിവർ ചേർന്ന് ഫണ്ട് ഉദ്ഘാടനം നിർവ്വഹിച്ചു. സംഘാടക സമിതി ചെയർപേഴ്സണായി എം എം സുബൈദ പോത്തനൂരിനെയും, ജനറൽ കൺവീനറായി റോഷിനി പാലക്കലിനെയും തെരഞ്ഞെടുത്തു. ഫലസ്തീൻ ജനതയോട് ഐക്യദാർഢ്യം പ്രഖ്യാപിച്ച് കൊണ്ട് ഐക്യദാര്‍ഢ്യ സദസ്സും സംഘടിപ്പിച്ചു. അസ്മാബി പി എ സ്വാഗതവും, ആരിഫ മാറഞ്ചേരി നന്ദിയും പറഞ്ഞു.

കാലടി: "ആരോഗ്യമുളള സമൂഹം" എന്ന ലക്ഷ്യത്തോടെ എടപ്പാൾ ഹോസ്പിറ്റൽ, ഐ ഫൗണ്ടേഷൻ സൂപ്പർ സ്പെഷ്യാലിറ്റി കണ്ണാശുപത്രി എന്നിവയുടെ സഹകരണത്തോടെ പൊന്നാനി കൾച്ചറൽ വേൾഡ് ഫൗണ്ടേഷൻ കാലടി പഞ്ചായത്ത് കമ്മിറ്റി സൗജന്യ മെഡിക്കൽ ക്യാമ്പ് സംഘടിപ്പിച്ചു. പോത്തനൂര്‍ ജി. യു. പി. സ്കൂളിൽ വെച്ച് നടന്ന ക്യാമ്പ് ഗ്രാമ പഞ്ചായത്ത് പ്രസിഡന്റ് കെ ജി ബാബു ഉദ്ഘാടനം ചെയ്തു. വൈ:പ്രസിഡന്റ് ബൽക്കീസ് കൊരണപ്പറ്റ മുഖ്യാതിഥിയായിരുന്നു. പി സി ഡബ്ല്യു എഫ് ഗ്ലോബൽ പ്രസിഡന്റ് സിഎസ് പൊന്നാനി മുഖ്യപ്രഭാഷണം നടത്തി. എടപ്പാൾ ഹോസ്പിറ്റലിലെ . ഡോ:അജിത് കുമാർ പി കെ, ഡോ: ഖദീജ ഷാഹിന, ഡോ: നിഹാരിക എന്നിവർ വിവിധ പരിശോനകൾക്ക് നേതൃത്വം നൽകി. ബി പി - ഷുഗർ പരിശോധന, ഐ ഫൗണ്ടേഷൻ സൂപ്പർ സ്പെഷാലിറ്റി കണ്ണാശുപത്രിയുടെ തിമിര നിർണ്ണയവും, തിമിര ശസ്ത്രക്രിയയുമെല്ലാം ക്യാമ്പിൽ നിന്നും ലഭിച്ച സൗജന്യ ആനുകൂല്യങ്ങളായിരുന്നു. ആയുർവേദ ഡോക്ടർ ജന്നത്തുൽ ഫിർദൗസ് ചങ്ങമ്പള്ളി നയിച്ച ക്യാൻസർ ബോധവൽക്കരണ ക്ലാസും ഉണ്ടായിരിന്നു. സംഘാടക സമിതി ചെയർമാൻ മോഹൻ ദാസ്. സി അധ്യക്ഷത വഹിച്ചു. ദിലീഷ് ഇ കെ, ലെനിൻ എ, സുബൈദ പോത്തന്നൂർ, ടി മുനീറ മുസ്തഫ കാടഞ്ചേരി, സുജീഷ് നമ്പ്യാർ, അബ്ദുൽ ജലീൽ, സലാം പോത്തനൂർ, മുരളി മേലെപ്പാട്ട്, റസാഖ് കെ പി, സാബിറ കെ തുടങ്ങിയവർ ആശംസ നേർന്നു. രവീന്ദ്രൻ എ കെ, രാജലക്ഷ്മി കണ്ടനകം, ആരിഫ പി, മുനീറ കെ എന്നിവർ ക്യാമ്പിന് നേതൃത്വം നൽകി. വിജയൻ വി കെ സ്വാഗതവും, സാജിത പോത്തനൂർ നന്ദിയും പറഞ്ഞു. ഇരുന്നൂറ്റി അമ്പതോളം ആളുകൾ ക്യാമ്പ് ഉപയോഗപ്പെടുത്തി.

പൊന്നാനി: ഇന്ത്യയുടെ രാഷ്ട്രപിതാവ് മഹാത്മാ ഗാന്ധിയുടെ 156-ാമത് ജന്മദിനം പൊന്നാനി കൾച്ചറൽ വേൾഡ് ഫൗണ്ടേഷൻ സമുചിതമായി ആചരിച്ചു. ചമ്രവട്ടം ജംഗ്ഷൻ എം ഐ ടവർ പരിസരത്ത് നടന്ന പൊതുയോഗം നഗരസഭ ചെയർമാൻ ശിവദാസ് ആറ്റുപുറം ഉദ്ഘാടനം ചെയ്തു. മനുഷ്യരെ ഒന്നിപ്പിക്കുന്ന സിദ്ധാന്തവുമായി വന്ന മഹാത്മാ ഗാന്ധിജിയെ പോലും തെറ്റായ രീതിയിൽ അവതരിപ്പിക്കുന്ന പ്രവണത സമൂഹത്തിൽ കണ്ടുവരുന്നു. ഇതിനെതിരെ പ്രതികരിക്കേണ്ടതുണ്ട്, പ്രതിഷേധിക്കേണ്ടതുണ്ട്. അതിനാൽ ഗാന്ധിജിയുടെ സന്ദേശങ്ങൾ സമൂഹത്തിൽ വ്യാപിപ്പിക്കേണ്ടതിൻ്റെ പ്രാധാന്യം ഈ കാലഘട്ടത്തിൽ ഏറി വരികയാണെന്നും ഉദ്ഘാടന പ്രസംഗത്തിൽ ശിവദാസ് ആറ്റുപുറം പറഞ്ഞു. ഗാന്ധി ദർശൻ ജില്ലാ കൺവീനർ ആർ പ്രസന്ന കുമാരി ടീച്ചർ ഗാന്ധി ജയന്തി ദിന സന്ദേശം നൽകി. സത്യം, അഹിംസ, സത്യാഗ്രഹം തുടങ്ങിയ ഉയർന്ന മാനുഷിക മൂല്യങ്ങളിലൂന്നിയ ഗാന്ധിജിയുടെ ജീവിത വീക്ഷണം കൃത്യമായി വരച്ച് കാട്ടികൊണ്ട് ഗാന്ധിജയന്തി ദിന സന്ദേശം നൽകി. സ്ത്രീകൾ, കുട്ടികൾ, ദലിതർ, പാർശ്വവൽക്കരിക്കപ്പെടവർ തുടങ്ങി സമൂഹത്തിലെ എല്ലാ മനുഷ്യരുടെയും ക്ഷേമ ജീവിതം ലക്ഷ്യമാക്കി ഇന്ത്യൻ ജനതയ്ക്ക് വേണ്ടി ജീവിതം സമർപ്പിച്ച മഹാമനീഷിയായിരുന്നു മഹാത്മജി എന്നും അവർ പറഞ്ഞു. പി കോയക്കുട്ടി മാസ്റ്റർ അധ്യക്ഷത വഹിച്ചു. അടാട്ട് വാസുദേവൻ മാസ്റ്റർ, ബീക്കുട്ടി ടീച്ചർ, ഇ ഹൈദരലി മാസ്റ്റർ, ശാരദ ടീച്ചർ, രാജൻ തലക്കാട്ട്, അഷ്റഫ് മച്ചിങ്ങൽ തുടങ്ങിയവർ സംസാരിച്ചു. *പാനൂസ* പരിഷ്കരിച്ച പതിപ്പ് പ്രസന്ന കുമാരി ടീച്ചർക്ക് ടി മുനീറ നൽകി. സി വി മുഹമ്മദ് നവാസ് സ്വാഗതവും, മുജീബ് കിസ്മത്ത് നന്ദിയും പറഞ്ഞു.

ലണ്ടൻ : പൊന്നാനി കൾച്ചറൽ വേൾഡ് ഫൗഡേഷൻ്റെ ആഭിമുഖ്യത്തിൽ യുകെ യിലെ പൊന്നാനി നിവാസികളുടെ പ്രഥമ സംഗമം സംഘടിപ്പിച്ചു. സെപ്റ്റംബർ 28 ഞായറാഴ്ച യു കെ മിൽട്ടൺ കെയിൻസിലെ ബ്ലെച്ച്ലി യൂത്ത് സെൻ്ററിൽ നടന്ന സംഗമത്തിൽ കുടുംബങ്ങളടക്കം അമ്പതോളം പേർ പങ്കെടുത്തു. ആദ്യമായി കണ്ടുമുട്ടുന്നവരും പഴയ പരിചയങ്ങളുമായൊത്ത് ചേർന്ന സംഗമം, സൗഹൃദം പുതുക്കിയും പുതിയ ബന്ധങ്ങൾ തീർത്തും, പങ്കെടുത്ത എല്ലാവർക്കും മറക്കാനാവാത്തൊരു അനുഭവമായി. പൊന്നാനിയുടെ തനതായ വിഭവങ്ങൾ സ്വന്തം കൈകളാൽ തയ്യാറാക്കി കൊണ്ടുവന്നവർ അത് സന്തോഷത്തോടെ പങ്കുവെച്ചപ്പോൾ, സംഗമം രുചിയുടെയും സ്നേഹത്തിന്റെയും ഉത്സവമായി മാറി. യു കെ യിൽ സംഘടനാ പ്രവർത്തനങ്ങളെ കൂടുതൽ വിപുലപ്പെടുത്തുന്നതിനും പുതിയ അംഗങ്ങളെ കണ്ടെത്തുന്നതിനുമായി അഡ്ഹോക്ക് കമ്മിറ്റി രൂപീകരിച്ചു. പ്രസിഡന്റ്: സയ്യിദ് ആബിദ് തങ്ങൾ (ലെസ്റ്റർ) ജനറൽ സെക്രട്ടറി: ഷറഫുദ്ദീൻ (ലൂട്ടൺ) ഓർഗനൈസിങ് സെക്രട്ടറി: വിപിൻ (മിൽട്ടൺ കെയ്ൻസ്) ട്രഷറർ : അനസ് (ഗാറ്റ്വിക്ക്) വൈസ് പ്രസിഡന്റ് : ഇർഷാദ് (ലണ്ടൻ) മുനീർ (ലൂട്ടൺ) ജോയിന്റ് സെക്രട്ടറി : നൗഷിർ (മിൽട്ടൺ കെയ്ൻസ്) സലാം (നോർത്താംപ്ടൺ) എക്സിക്യൂട്ടീവ് അംഗങ്ങൾ : ജുനൈദ് (ലണ്ടൻ) ഫാരിസ് (നോർത്താംപ്ടൺ) സഹദ് (ലൂട്ടൺ) ഫൈസൽ (ലണ്ടൻ) ഇഷാക് റഹ്മാൻ (നോർത്തേൺ അയർലൻഡ്) രഞ്ജിത്ത് (ബ്ലാക്ക്പൂൾ) മസൂദ് (ലണ്ടൻ) സംഘടനയിലെ അംഗത്വം വർദ്ധിക്കുന്നതിനനുസരിച്ച് കൂടുതൽ പേരെ ഉൾപ്പെടുത്തി കമ്മിറ്റി പിന്നീട് വിപുലീകരിക്കാനും തീരുമാനിച്ചു.

ദമ്മാം: പ്രവാസ ലോകത്ത് മലയാളി മനസ്സിന്റെ ഗൃഹാതുര ഓർമ്മകൾക്ക് പുതുമ നിറച്ചു കൊണ്ട് “പൊന്നോണം പൊന്നാനി സീസൺ 2” പൊന്നാനിക്കാരുടെ ആഗോള സംഘടനയായ പി.സി.ഡബ്ല്യു.എഫ് കിഴക്കൻ പ്രവിശ്യയിൽ ഓണാഘോഷം സംഘടിപ്പിച്ചു. കിഴക്കൻ പ്രവിശ്യ ഉൾപ്പെടുന്ന ദമ്മാം, അൽ ഖോബാർ, ജുബൈൽ, അൽ ഹസ്സ തുടങ്ങിയ വിവിധ ഭാഗങ്ങളിൽ നിന്നുള്ള ഇരുനൂറിലധികം പേർ പങ്കെടുത്ത് ആഘോഷത്തിന് ചാരുത കൂട്ടി. ടിഷ്യു പേപ്പർ ഉപയോഗിച്ച് സൃഷ്ടിച്ച പൂക്കളം പരിപാടിയുടെ മുഖ്യ ആകർഷണമായിരുന്നു. വനിതാ വിഭാഗത്തിന്റെ നേതൃത്വത്തിൽ ദിവസങ്ങളോളം നടത്തിയ പരിശ്രമഫലമായ ഈ മനോഹര പൂക്കളം പരമ്പരാഗത ശൈലിയിൽ നിന്ന് വ്യത്യസ്തമായി ഒരുക്കി കൊണ്ട് എല്ലാവരുടെയും പ്രശംസ നേടി. വിഭവസമൃദ്ധമായ ഓണസദ്യയോടെ ആരംഭിച്ച പരിപാടിയിൽ കലാ-കായിക പരിപാടികളും അരങ്ങേറി. ടീം ആവണിയുടെ നേതൃത്വത്തിൽ തിരുവാതിര, ടീം ഫ്യൂഷന്റെ സിനിമാറ്റിക് ഡാൻസ്, പിന്നണി ഗായകൻ ഫഹദ് ബക്കറിന്റെ മ്യൂസിക് നൈറ്റ് എന്നിവ വേദി നിറച്ചു. കിഡ്സ് ക്ലബിന്റെ നേതൃത്വത്തിൽ കുട്ടികളുടെ ഗാന-നൃത്തങ്ങളും അവതരിപ്പിച്ചു. പി.സി.ഡബ്ല്യു.എഫ് കേരളീയ തനിമയോടെ അവതരിപ്പിച്ച മാവേലിയും, പുലിക്കളിയും ഓണാഘോഷത്തിന് പൂർണ്ണ ചൈതന്യം നൽകി. തുടർന്ന് നടന്ന വടംവലി, ഷൂട്ടൗട്ട്, ലെമൺ-സ്പൂൺ റെയ്‌സ് തുടങ്ങിയ കായിക മത്സരങ്ങൾ ആവേശത്തിന്റെ ഉച്ചകോടിയിലെത്തി. പ്രോഗ്രാം കൺവീനർമാരായ സാലിഹ് ഉസ്മാൻ, സിറാജ് കെ.വി., ആസിഫ് കെ, ഫസ്ന ആസിഫ്, അർഷിന ഖലീൽ എന്നിവരുടെ നേതൃത്വത്തിൽ മുഴുവൻ അംഗങ്ങളും ചേർന്ന് പരിപാടികൾ വിജയകരമായി നിയന്ത്രിച്ചു. കൈ നിറയെ സമ്മാനങ്ങളും മനസ്സ് നിറയെ ഓണസ്മരണകളുമായി പങ്കെടുത്ത എല്ലാവർക്കും വേറിട്ട അനുഭവമായി.