എടപ്പാൾ : അധ്യാപക ജീവിതത്തിൽ നിന്നും വിരമിച്ചതിനു ശേഷവും സാമൂഹ്യ സാംസ്കാരിക സേവന മേഖലയിൽ നിറഞ്ഞുനില്‍ക്കുന്ന പി എ അഹമ്മദ് മാസ്റ്റർ ചെറവല്ലൂർ , എം.പി.അംബികാകുമാരി ടീച്ചർ ആലംങ്കോട്, കെ.വി.അബ്ദുല്ലകുട്ടി മാസ്റ്റർ ചേകനൂർ എന്നിവരെ ആദരിച്ചും, പൊന്നാനി തീരദേശത്ത് വിദ്യാഭ്യാസ പിന്നോക്കാവസ്ഥ പരിഹരിക്കുന്നതിന് മുൻപന്തിയിലുണ്ടായിരുന്ന കെ കെ അസൈനാർ മാസ്റ്ററെ അനുസ്മരിച്ചും പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ സമിതി അധ്യാപക ദിനം ആചരിച്ചു. ശുകപുരം മദർ ഇൻസ്റ്റിറ്റ്യൂട്ടിൽ നടന്ന ചടങ്ങ് കാലിക്കറ്റ് സര്‍വ്വകലാശാല ഭാഷ , സാഹിത്യ ഫാക്കൽറ്റി ഡീൻ ഡോ: എ ബി മൊയ്തീൻ കുട്ടി ഉദ്ഘാടനം ചെയ്തു. വട്ടംകുളം ഗ്രാമപഞ്ചായത്ത് പ്രസിഡണ്ട് എം.എ. നജീബ് അവാര്‍ഡ് വിതരണം നടത്തി. വിദ്യാഭ്യാസ സമിതി ചെയർമാൻ പ്രൊഫ: വി കെ ബേബി അധ്യക്ഷത വഹിച്ചു. ഡോ : എൻ.കെ ബാബു ഇബ്രാഹിം അധ്യാപക ദിന സന്ദേശവും, ടി വി അബ്ദുറഹ്മാൻ കുട്ടി മാസ്റ്റർ അനുസ്മരണ പ്രഭാഷണവും നടത്തി. ഉന്നത വിദ്യാഭ്യാസം നേടിയ പി സി ഡബ്ല്യു എഫ് അംഗങ്ങളുടെ മക്കളായ; ഡോ: ലാമിയ അഞ്ചൂം, ഡോ: പാർവ്വതി വിജയൻ, ശാസ്ത്ര പ്രതിഭ കെ ഹംന ഫർസീൻ എന്നിവരെ ചടങ്ങിൽ വെച്ച് അനുമോദിച്ചു. വട്ടംകുളം ഗ്രാമപഞ്ചായത്ത് സ്റ്റാൻ്റിങ്ങ് കമ്മറ്റി ചെയർമാൻ ഹസൈനാർ നെല്ലിശ്ശേരി, മെമ്പർ സുഹൈല അഫീഫ്, അടാട്ട് വാസുദേവൻ,റഷീദ് അറയ്ക്കൽ എന്നിവർ പ്രസംഗിച്ചു. പി കോയക്കുട്ടി മാസ്റ്റർ , സി വി മുഹമ്മദ് നവാസ് , മോഹനൻ പാക്കത്ത്, ബീക്കുട്ടി ടീച്ചർ ശാരദ ടീച്ചർ , ടി മുനീറ എസ് ലത ടീച്ചർ , മുരളി മേലെപ്പാട്ട് എൻ ഖലീൽ റഹ്മാൻ , ഹിഫ്സു റഹ്മാൻ തുടങ്ങിയവർ സംബന്ധിച്ചു.

ദുബൈ : പൊന്നോത്സവ് 2024 ഫസ്റ്റ് ലുക്ക്‌ പോസ്റ്റർ പ്രകാശനം ഫോസിൽ ഹോൾഡിങ്ങ് ഗ്രൂപ്പ്‌ ചെയർമാൻ ഡോ: അബ്ദുൽ സലാം നിർവഹിച്ചു. യു എ ഇ ദേശീയ ദിനത്തോടനുബന്ധിച്ച് പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ സെൻട്രൽ കമ്മിറ്റി 2024 ഡിസംബർ 1 ന് ഷാർജ സഫാരി മാളിലാണ് പൊന്നോത്സവ് സീസൺ 7 നടത്തുന്നത്. പ്രമുഖ ഗസൽ ഗായകരായ റാസ ബീഗം ബാൻഡ് നയിക്കുന്ന ഗസൽ സന്ധ്യയും, മറ്റു കലാ പരിപാടികളും സല്യൂട്ട് യു എ ഇ പൊന്നോത്സവ്'2024 സീസൺ 7 എന്ന പേരിലാണ് സംഘടിപ്പിക്കുന്നത്. പ്രകാശന ചടങ്ങിൽ സെൻട്രൽ കമ്മിറ്റി പ്രസിഡന്റ് മുഹമ്മദ് അനീഷ്, ജന: സെക്രട്ടറി ശിഹാബുദ്ധീൻ കെ കെ, സംഘാടക സമിതി ചെയർമാൻ അലി ഹസ്സൻ, ജന: കൺവീനർ നസീർ ചുങ്കത്ത്, ഭാരവാഹികളായ സുനീർ പി കെ, ഷബീർ ഈശ്വരമംഗലം, ഹബീബ് റഹ്മാൻ, അഷ്‌റഫ്‌ സി വി തുടങ്ങിയവർ സംബന്ധിച്ചു.

മാറഞ്ചേരി : താലൂക്ക് നിവാസികളുടെ ആഗോള സംഘടനയായ പൊന്നാനി കൾച്ചറൽ വേൾഡ് ഫൗണ്ടേഷൻ 2025 ജനുവരി 4,5 തിയ്യതികളിൽ മാറഞ്ചേരിയിൽ വെച്ച് സംഘടിപ്പിക്കുന്ന 17-ാം വാർഷിക സമ്മേളന - 11-ാം ഘട്ട സ്ത്രീധന രഹിത വിവാഹ സംഗമത്തിൻറ സ്വാഗതസംഘം ഓഫീസ് ഉദ്ഘാടനവും ലോഗോ പ്രകാശനവും മാറഞ്ചേരി ചാരിറ്റബിൾ ട്രസ്റ്റ് ഹാളിൽ നടന്നു. പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് അഡ്വ. ഇ സിന്ധു സ്വാഗതസംഘം ഓഫീസ് ഉദ്ഘാടനവും, മാറഞ്ചേരി ഗ്രാമ പഞ്ചായത്ത് പ്രസിഡന്റ് ബീന ടീച്ചർ ലോഗോ പ്രകാശനവും നിർവ്വഹിച്ചു. പഞ്ചായത്ത് തല അംഗത്വ വിതരണോദ്ഘാടനം കാലടി ഗ്രാമ പഞ്ചായത്ത് ഉപാധ്യക്ഷ ബൽക്കീസ് കൊരണപ്പറ്റ നിർവഹിച്ചു. പി കോയക്കുട്ടി മാസ്റ്റർ അധ്യക്ഷതവഹിച്ചു. ഏട്ടൻ ശുകപുരം, ടി മുനീറ , അബ്ദുല്ലതീഫ് കളക്കര, എസ് ലത ടീച്ചർ ,ശ്രീരാമനുണ്ണി മാസ്റ്റർ, എം ടി നജീബ് , എൻ ഖലീൽ റഹ്മാൻ തുടങ്ങിയവർ സംസാരിച്ചു. വാർഡ് മെമ്പർമാരായ അഡ്വ: കെ എ ബക്കർ, നിഷാദ് പുറങ്ങ്, മെഹറലി എന്നിവർ സംബന്ധിച്ചു. ഇ ഹൈദരലി മാസ്റ്റർ സ്വാഗതവും രാജൻ തലക്കാട്ട് നന്ദിയും പറഞ്ഞു .

മനാമ: പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ ചാപ്റ്ററിന്റെ നേതൃത്വത്തിൽ ഓണോത്സവം 2024 സെപ്റ്റംബർ 27 ന് ബഹ്‌റൈൻ ബീച്ച് ബേ റിസോർട്ടിൽ വിപുലമായ രീതിയിൽ സംഘടിപ്പിക്കുന്നു. “വന്നോണം, തിന്നോണം, പൊന്നോണം, കളറാക്കിക്കോണം” എന്ന പൊന്നോണ മഹോത്സവത്തിൽ വിഭവ സമൃദ്ധമായ ഓണസദ്യ, പൂക്കള മത്സരം, ഉറിയടി, വടംവലി, ഓണപ്പാട്ട്, തിരുവാതിര, നാടൻപാട്ട്, കുട്ടികളുടെ പുലിക്കളി, വഴുമര കയറ്റം, വിവിധ മത്സര ഇനങ്ങൾ, എന്നിവ ഉണ്ടായിരിക്കുമെന്ന് ഭാരവാഹികൾ അറിയിച്ചു, PCWF ബഹ്‌റൈൻ സനാബിസ് ഏരിയ ഹൌസിൽ ചേർന്ന യോഗത്തിൽ രക്ഷാധികാരി ബാലൻ കണ്ടനകം പ്രോഗ്രാം കമ്മിറ്റി ചെയർമാൻ ശിഹാബ് വെളിയങ്കോടിന് ഓണോത്സവം പോസ്റ്റർ നൽകി പ്രകാശനം ചെയ്തു. ഹസൻ വിഎം മുഹമ്മദ്(കൺവീനർ), സദാനന്ദൻ കണ്ണത്ത്(കോർഡിനേറ്റർ), പി ടി അബ്ദുറഹ്മാൻ(ട്രഷറർ), ഫിറോസ് വെളിയങ്കോട്(വൈസ് ചെയർമാൻ), സജ്‌ന ഷറഫ്(ചെയർപേഴ്സൺ), നസീർ പൊന്നാനി,ജസ്‌നി സെയ്ത് (ജോയിന്റ് കൺവീനർമാർ), ഷറഫ് വിഎം, റംഷാദ് റഹ്മാൻ, മുസ്തഫ കൊലക്കാട്, വിജീഷ് കട്ടാസ്, മാജിദ്, സൈതലവി,നബീൽ, നൗഷാദ്, റയാൻ സെയ്ത്, ലൈല റഹ്മാൻ, സിതാര നബീൽ, ബുഷ്‌റ ഹസൻ എന്നിവരെ പ്രോഗ്രാം കമ്മിറ്റിയിലേക്ക് തെരഞ്ഞെടുത്തു. PCWF ജനറൽ സെക്രട്ടറി ഷഫീഖ് പാലപ്പെട്ടി സ്വാഗതവും, പ്രസിഡന്റ് മുഹമ്മദ്‌ മാറഞ്ചേരി അദ്യക്ഷതയും, നസീർ പൊന്നാനി നന്ദിയും പറഞ്ഞു.

ഷാർജ : യു എ ഇ ദേശീയ ദിനത്തോടനുബന്ധിച്ച് ഡിസംബർ 1 ന് ഷാർജ സഫാരി മാളിൽ വെച്ച് പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ ഘടകം സംഘടിപ്പിക്കുന്ന പൊന്നോത്സവ് ‘2024 ലോഗോ പ്രകാശനം സഫാരി ഗ്രൂപ്പ്‌ ചെയർമാൻ അബൂബക്കർ മഠപ്പാട്ട് നിർവഹിച്ചു. ചടങ്ങിൽ സെൻട്രൽ കമ്മിറ്റി പ്രസിഡന്റ് മുഹമ്മദ് അനീഷ്, ജന: സെക്രട്ടറി ശിഹാബുദ്ധീൻ കെ കെ, സംഘാടക സമിതി ചെയർമാൻ അലി ഹസ്സൻ, ജന: കൺവീനർ നസീർ ചുങ്കത്ത്, ഭാരവാഹികളായ യു കെ അബ്ദുൽ ജലാൽ, ഷാനവാസ് പി, സുനീർ പി കെ, ഹബീബ് റഹ്മാൻ, ഷബീർ തുടങ്ങിയവർ സംബന്ധിച്ചു.

അധ്യാപകദിനം-2024* *കെ. കെ. അസൈനാർമാസ്റ്റർ (പൊന്നാനി) അനുസ്മരണം,* *പി.എ.അഹമ്മദ് മാസ്റ്റർ (പെരുമ്പടപ്പ്) , എം.പി.അംബികാകുമാരി ടീച്ചർ (ആലങ്കോട്), കെ.വി.അബ്ദുല്ലകുട്ടി മാസ്റ്റർ (വട്ടംകുളം) എന്നിവർക്ക് ആദരം.* എടപ്പാൾ: അധ്യാപകനും ഇന്ത്യയുടെ രാഷ്ട്രപതിയും ലോകോത്തര തത്വചിന്തകനുമായിരുന്ന ഡോ.സര്‍വ്വേപ്പിള്ളി രാധാകൃഷ്ണന്‍റെ പിറന്നാള്‍ ദിനമായ അധ്യാപകദിനം ഈ വർഷവും പൊന്നാനി കൾച്ചറൽ വേൾഡ് ഫൗണ്ടേഷൻ ആചരിക്കുകയാണ്. അധ്യാപക ജീവിതത്തിൽ നിന്നും വിരമിച്ചതിനു ശേഷവും സാമൂഹ്യ സാംസ്കാരിക സേവന മേഖലയിൽ സ്ഥിര സാന്നിധ്യങ്ങളായ ഗുരുക്കന്മാരിൽ ജീവിച്ചിരിക്കുന്നവരെ ആദരിച്ചും, മൺമറഞ്ഞവരെ അനുസ്മരിച്ചും പി. സി. ഡബ്ല്യു. എഫ് .വിദ്യാഭ്യാസ സമിതി ഈ ദിനത്തെ ധന്യമാക്കുന്നു. ഈ വർഷത്തെ അനുസ്മരണത്തിന് കെ കെ അസൈനാർ മാസ്റ്ററെയും (പൊന്നാനി), ആദരത്തിന് പി.എ.അഹമ്മദ് മാസ്റ്റർ (പെരുമ്പടപ്പ്) , എം.പി.അംബികാകുമാരി ടീച്ചർ (ആലങ്കോട്), കെ.വി.അബ്ദുല്ലകുട്ടി മാസ്റ്റർ (വട്ടംകുളം) എന്നിവരെയുമാണ് തെരെഞ്ഞെടുത്തിട്ടുളളത്. *സെപ്തംബർ 4 ബുധനാഴ്ച്ച വൈകീട്ട് 3 മണിക്ക്,* എടപ്പാൾ, ശുകപുരം മദർ ഇൻസിസ്റ്റ്യൂട്ടിലാണ് ചടങ്ങ് നടക്കുക. *അനുസ്മരണം: കെ.കെ.അസൈനാർ മാസ്റ്റർ* പൊന്നാനി അഴീക്കൽ പ്രദേശത്ത് കുഞ്ഞിരായിൻ കുട്ടിക്കാനകത്ത് തറവാട്ടിൽ 1926 ജൂൺ മൂന്നിന് ജനനം- പിതാവ് കുഞ്ഞുബാവ. 1960 കൾക്ക് മുമ്പ് തീരപ്രദേശത്തുനിന്ന് എസ് എസ് എൽസി പാസായ നാമമാത്ര വിദ്യാർത്ഥികളിൽ ഒരാൾ. കുറച്ചുകാലം ടി ഐ യു പി സ്കൂളിൽ അധ്യാപകനായി ജോലി ചെയ്തു . അന്നുമുതൽ അസൈനാർ മാസ്റ്റർ എന്നറിയപ്പെട്ടു. സർക്കാർ സർവീസിൽ കയറിയ അദ്ദേഹം 1981ൽ കാർഷിക ആദായ നികുതി ഓഫീസറായി സർവീസിൽ നിന്ന് വിരമിച്ചു. പൊന്നാനിയിൽ എം ഇ എസിൻ്റെ ആദ്യകാല സ്ഥാപകരിൽ ഒരാളാണ്. തീരപ്രദേശത്തെ വിദ്യാഭ്യാസ പിന്നോക്കാവസ്ഥ പരിഹരിക്കുന്നതിന് അഴീക്കൽ പ്രദേശത്ത് നഴ്സറി സ്കൂൾ സ്ഥാപിച്ചു. നഴ്സറി സ്കൂൾ പ്രസിഡന്റ്, എം ഇ എസ് സെൻട്രൽ കമ്മിറ്റി മെമ്പർ ,പൊന്നാനി മൗനത്ത് ഇസ്ലാം സഭ ജോയിൻ സെക്രട്ടറി, പൊന്നാനി നഗരസഭ കൗൺസിലർ തുടങ്ങിയ പദവികൾ വഹിച്ചിട്ടുണ്ട്. 2003ല്‍ ഇഹലോകവാസം വെടിഞ്ഞു *ആദരം (1) പി. എ. അഹമ്മദ് മാസ്റ്റർ* അധ്യാപകനും അധ്യാപക സംഘടനാനേതാവും സാമൂഹ്യ -സാംസ്കാരിക-രാഷ്ട്രീയ രംഗങ്ങളിലെ നിറ സാന്നിധ്യവുമാണ് പി.എ. അഹമ്മദ് മാസ്റ്റർ. മൂക്കുതല പി സി എൻ ജി എച്ച് എസ് സ്ക്കൂളിൽ പത്താം ക്ലാസ് വരേയും പ്രീഡിഗ്രിക്ക് കോഴിക്കോട് ദേവഗിരി കോളേജിലും ഡിഗ്രിയ്ക്ക് പാലക്കാട് വിക്ടോറിയ കേളേജിലും പഠിച്ചു. കോഴിക്കോട് ഗവ: ട്രൈയിനിങ്ങ് കോളേജിൽ നിന്ന് B Ed പരീക്ഷയും പാസായി. തുടർന്ന് കുമരനല്ലൂർ ഗവ : സ്കൂൾ, പാലക്കാട് കോട്ടായി സ്കൂൾ, തിരൂർ കൂട്ടായി സ്കൂൾ എന്നിവിടങ്ങളിൽ അധ്യാപകനായി ജോലി ചെയ്തു. പന്നീട് പൊന്നാനി എം. ഐ. ഹൈസ്കൂളിൽ 24 വർഷം അധ്യാപകനായി സേവനമനുഷ്ഠിച്ചു. പ്രധാനാധ്യാപകനായാണ് സർവ്വീസിൽ നിന്ന് വിരമിച്ചത്. നല്ലൊരു ഫുട്ബോൾ താരമായ അദ്ദേഹം വിക്ടോറിയ കോളേജിൽ ഫുട്ബോൾ ടീമിൻ്റെ ക്യാപ്റ്റനായിരുന്നു. മികച്ച സംഘാടകനായ അഹമ്മദ് മാസ്റ്റർ സ്കൂൾ ശാസ്ത്ര , കലാ , കായിക മേളകളുടെ സംഘാടനത്തിൽ സജീവ നേതൃത്വം നൽകിയിരുന്നു. ദീർഘകാലം പൊന്നാനി ഹൗസിങ്ങ് സൊസൈറ്റിയുടെ പ്രസിഡണ്ടായിരുന്നു. മുൻ പെരുമ്പടപ്പ് ബ്ലോക്ക് പഞ്ചായത്ത് അംഗമായ ഫാത്തിമ്മയാണ് ഭാര്യ. രണ്ടു മക്കളാണുള്ളത്. *ആദരം (2) എം.പി. അംബികാകുമാരി ടീച്ചർ* 1979 ജൂൺ 13 മുതൽ 2012 ഏപ്രിൽ 30 വരെ എടപ്പറമ്പ് എ.ജെ.ബി സ്കൂളിൽ അധ്യാപികയായി സേവനമനുഷ്ഠിച്ചു. 2006 മുതൽ 2012 വരെ പ്രധാനാധ്യാപികയായിരുന്നു. 2000 മുതൽ 2005 വരെ പെരുമ്പടപ്പ് ബ്ലോക്ക് പഞ്ചായത്ത് അംഗമായിരുന്നു. 2015-20 കാലഘട്ടത്തിൽ ആലങ്കോട് ഗ്രാമ പഞ്ചായത്ത് മെമ്പറായിരുന്നു. 2019-20 ൽ പഞ്ചായത്ത് പ്രസിഡണ്ട് പദവിയും വഹിച്ചു. നിലവിൽ പി സി ഡബ്ല്യു എഫ് കേന്ദ്ര വനിതാവിഭാഗം വൈസ് പ്രസിഡണ്ടാണ്. 2015 മുതൽ ചങ്ങരംകുളം കാരുണ്യം പെയിൻ & പാലിയേറ്റീവ് സമിതിയുടെ എക്സിക്യൂട്ടീവ് അംഗവും വളണ്ടിയറുമായ ടീച്ചർ സാമൂഹ്യസേവനരംഗത്ത് സജീവസാന്നിധ്യമാണ്. ഭർത്താവ്: ചങ്ങരംകുളം സർവ്വീസ് സഹകരണ ബാങ്ക് സെക്രട്ടറിയും പൊതു പ്രവർത്തകനുമായിരുന്ന പരേതനായ സി. ശ്രീധരൻ എഴുത്തച്ഛൻ. മക്കൾ: സൂര്യ പ്രദീപ്, പ്രസീത, പ്രമോദ്. ജാമാതാക്കൾ : ജയശ്രീ, പ്രമോദ്, ജിനി . *ആദരം (3) കെ വി അബ്ദുളള കുട്ടി മാസ്റ്റർ* വട്ടംകുളം പഞ്ചായത്തിലെ മൂതൂർ സ്വദേശി കെ.വി.അബ്ദുള്ളകുട്ടിമാസ്റ്റർ, ഏനു എന്ന ബാപ്പുവിൻ്റേയും ആമിനുമ്മയുടേയും മകനായി 1953 ആഗസ്റ്റ് 18 ന് ജനിച്ചു. ഭാര്യ: ആമിനക്കുട്ടി. മക്കളില്ല. 1975 ജൂലൈ 16 മുതൽ 2009 മാർച്ച് 31 വരെയുള്ള 34 വർഷക്കാലം തവനൂർ പഞ്ചായത്തിലെ തൃക്കണാപുരം എസ് എസ് യു പി സ്കൂളിൽ സേവനമനുഷ്ഠിച്ചു. 1974 ൽ ഉറുദു ഹയർ എക്സാമിനേഷൻ പാസ്സായി. 1976 ൽ ഭാരത് സ്ക്കൗട്ട്സ് ട്രൈനിംഗ് കഴിഞ്ഞ് സ്ക്കൗട്ട് മാസ്റ്ററായും പ്രവര്‍ത്തിച്ചു. 1980 കളിൽ സാക്ഷരത പ്രസ്ഥാനത്തിൽ ട്രൈനറായും സേവനം ചെയ്തിട്ടുണ്ട്. വട്ടംകുളം പഞ്ചായത്ത് സർവ്വീസ് സഹകരണ ബേങ്ക് പ്രസിഡന്റായി ഇരിന്നിട്ടുണ്ട്. 1995 മുതൽ പഞ്ചായത്ത് കൃഷി വികസന സമിതി അംഗമായി തുടരുന്നു . നിലവിൽ പൊന്നാനി കൾച്ചറൽ വേൾഡ് ഫൗണ്ടേഷൻ വട്ടംകുളം പഞ്ചായത്ത് കമ്മിറ്റി ട്രഷറാണ്.

മാറഞ്ചേരി : 2025 ജനുവരി 4,5 (ശനി, ഞായർ) തിയ്യതികളിൽ മാറഞ്ചേരി സൽക്കാര ഓഡിറ്റോറിയത്തിൽ നടക്കുന്ന പി സി ഡബ്ല്യു എഫ് പതിനേഴാം വാർഷിക സമ്മേളന- പതിനൊന്നാം ഘട്ട സ്ത്രീധനരഹിത വിവാഹ സംഗമ സ്വാഗത സംഘം ഓഫീസ് ഉദ്ഘാടനവും, ലോഗോ പ്രകാശനവും, 2024 ആഗസ്ത് 31 ശനിയാഴ്ച്ച വൈകീട്ട് 3 .30 ന് മാറഞ്ചേരി ചാരിറ്റബിൾ ട്രസ്റ്റ് ഹാളിൽ വെച്ച് നടക്കുന്നു. പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റും പി സി ഡബ്ല്യു എഫ് ഉപദേശക സമിതി അംഗവുമായ അഡ്വ: ഇ സിന്ധു ഓഫീസ് ഉദ്ഘാടനം ചെയ്യുന്നു. ലോഗോ പ്രകാശനം വി കെ അബ്ദുൽ ഖാദർ (Superintendent of Police & Controller, Legal Metrology, Thiruvananthapuram) നിർവ്വഹിക്കുന്നു. മാറഞ്ചേരി, ഗ്രാമ പഞ്ചായത്ത് പ്രസിഡൻ്റ് ബീന ടീച്ചർ അംഗത്വ വിതരണോദ്ഘാടനം നടത്തും. സാമൂഹ്യ സാംസ്കാരിക രാഷ്ട്രീയ രംഗത്തെ പ്രമുഖർ ചടങ്ങിൽ സംബന്ധിക്കുന്നു. ഏവരെയും ചടങ്ങിലേക്ക് സ്വാഗതം ചെയ്യുന്നതായി ജനറൽ കൺവീനർ ഇ ഹൈദരലി മാസ്റ്റർ അറിയിച്ചു.

പൊന്നാനി : പി സി ഡബ്ല്യു എഫിൽ അംഗമാകൂ.....നാടിൻറ നന്മയിൽ പങ്കാളികളാകൂ.....എന്ന ശീർഷകത്തിൽ 2024 ആഗസ്ത് 1 മുതൽ ഒക്ടോബർ 31 വരെ കാലയളവിൽ നടന്നുവരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ ത്രൈമാസ അംഗത്വ വിതരണ കാംപയിൻ മുൻസിപ്പൽ തല ഉദ്ഘാടനം പൊന്നാനി നഗരസഭ ചെയർമാൻ ശിവദാസ് ആറ്റുപുറം അംഗത്വമെടുത്ത് ആരംഭിച്ചു.

കാലടി: പി സി ഡബ്ല്യു എഫിൽ അംഗമാകൂ.....നാടിൻറ നന്മയിൽ പങ്കാളികളാകൂ.....എന്ന ശീർഷകത്തിൽ 2024 ആഗസ്ത് 1 മുതൽ ഒക്ടോബർ 31 വരെ കാലയളവിൽ നടന്നുവരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ ത്രൈമാസ അംഗത്വ വിതരണ കാംപയിൻ കാലടി പഞ്ചായത്ത് തല ഉദ്ഘാടനം ഗ്രാമ പഞ്ചായത്ത് പ്രസിഡന്റ് കെ ജി ബാബു അംഗത്വമെടുത്ത് തുടക്കം കുറിച്ചു.

ദോഹ: സ്‌പൈനൽ മസ്ക്കുലാർ അട്രോഫി ( SMA) ടൈപ്പ് 1 എന്ന അപൂർവ രോഗം ബാധിച്ച് ഖത്തറിൽ ചികിത്സയിൽ കഴിയുന്ന മലയാളി പിഞ്ചോമന മൽഖ റൂഹി മോളുടെ ചികിത്സാ ഫണ്ടിലേക്ക് പൊന്നാനി താലൂക്ക് നിവാസികളുടെ ആഗോള സംഘടനയായ പൊന്നാനി കൾച്ചറൽ വേൾഡ് ഫൌണ്ടേഷൻ (PCWF) ഖത്തർ ചാപ്റ്റർ “*10 റിയാൽ ചലഞ്ച്* “ വഴി സമാഹരിച്ച തുക ഖത്തർ ചാരിറ്റിക്ക് കൈമാറി . ഹിലാലിലെ ഖത്തർ ചാരിറ്റി ആസ്ഥാനത്ത് നടന്ന ചടങ്ങിൽ PCWF ഭാരവാഹികളായ ബിജേഷ് കൈപ്പട , ഷൈനി കബീർ , ഖലീൽ റഹ്മാൻ , ബാദുഷ K P , സബീർ വി വി , ഇഫ്തിക്കർ സി വി എന്നിവർ ചേർന്ന് തുക ഖത്തർ ചാരിറ്റി അധികാരികൾക്ക് കൈമാറി

പൊന്നാനി : പി സി ഡബ്ല്യു എഫ് സ്വാശ്രയ തൊഴിൽ പരിശീലന സംരംഭത്തിന് കീഴിൽ പൊന്നാനി - ചന്തപ്പടിയിൽ പ്രവര്‍ത്തിച്ചു വരുന്ന തയ്യൽ പരിശീലന കേന്ദ്രത്തിൽ നിന്നും പഠനം പൂര്‍ത്തിയാക്കിയ ആറാം ബാച്ചിനുളള സർട്ടിഫിക്കറ്റ് വിതരണം ചെയ്തു. പളളപ്രം ഉറൂബ് നഗർ മലബാർ ഓഡിറ്റോറിയത്തിൽ നടന്ന ചടങ്ങിൽ വെച്ച് പതിനഞ്ച് പേർക്കാണ് സർട്ടിഫിക്കറ്റ് നൽകിയത്. പി കോയക്കുട്ടി മാസ്റ്റർ , സി വി മുഹമ്മദ് നവാസ് , ബീക്കുട്ടി ടീച്ചർ, പി എം അബ്ദുട്ടി , അഷ്റഫ് മച്ചിങ്ങൽ പെരുമ്പടപ്പ് , മുരളി മേലെപ്പാട്ട് എടപ്പാൾ ,ആരിഫ മാറഞ്ചേരി, മുജീബ് കിസ്മത്ത് പൊന്നാനി, അബ്ദുല്ല കുട്ടി മാസ്റ്റർ വട്ടംകുളം, റംല കെ പി , എൻ പി കുഞ്ഞിമോൻ നെയ്തല്ലൂർ, സബീന ബാബു തുടങ്ങിയവർ വിതരണത്തിന് നേതൃത്വം നല്‍കി.

പൊന്നാനി : ഐശ്വര്യത്തിൻറയും സമ്പല്‍ സമൃദ്ധിയുടേയും പൊന്നിൻ ചിങ്ങ മാസത്തെ വരവേറ്റ് പൊന്നാനി കൾച്ചറൽ വേൾഡ് ഫൗണ്ടേഷൻ എവർ ഗ്രീൻ കർഷക ദിനാചരണം സംഘടിപ്പിച്ചു. താലൂക്കിലെ ഏറ്റവും മികച്ച കർഷകന് നൽകി വരുന്ന പൊൻകതിർ പുരസ്കാരം ഈ വർഷം മാറഞ്ചേരി- വടമുക്ക് സ്വദേശി കെ സി അബൂബക്കർ ഹാജിക്ക് സമർപ്പിച്ചു. പൊന്നാനി നഗരസഭ ചെയർമാൻ ശിവദാസ് ആറ്റുപുറം ചടങ്ങ് ഉദ്ഘാടനവും, പൊൻ കതിർ പുരസ്കാര സമർപ്പണവും നടത്തി. മുഖ്യാതിഥിയായിരുന്ന ഭാരത സർക്കാർ കൃഷി വിജ്ഞാന കേന്ദ്രം, മലപ്പുറം ജില്ലാ പ്രോഗ്രാം കോർഡിനേറ്റർ ഡോ : പ്രിയ ജി മേനോൻ കർഷക ദിന സന്ദേശം നല്‍കി. എവർ ഗ്രീൻ ചെയർ പേഴ്സൺ ശാരദ ടീച്ചർ അധ്യക്ഷത വഹിച്ചു. യുവ വനിതാ കർഷകരായ റാഫിന പുതു പൊന്നാനി, മുനീറ പോത്തനൂർ എന്നിവരെ പി സി ഡബ്ല്യു എഫ് വനിതാ കമ്മിറ്റി പൊന്നാട അണിയിച്ച് ആദരിച്ചു. തവനൂർ കെ വി കെ യിൽ നിന്നും ലഭിച്ച വിവിധ തരം തൈകൾ ചടങ്ങിൽ വിതരണം ചെയ്തു. വാർഡ് കൗൺസിലർ ശബ്ന ആഷ്മി , ഈഴവ തിരുത്തി അസിസ്റ്റൻറ് കൃഷി ഓഫിസർ ഐ അരവിന്ദാക്ഷൻ, റിട്ട: ബി ഡി ഒ. പി ഇബ്രാഹിം കുട്ടി എന്നിവർ ആശംസകൾ നേർന്നു. പി കോയക്കുട്ടി മാസ്റ്റർ , സി വി മുഹമ്മദ് നവാസ് , എം എം സുബൈദ ,പി എം അബ്ദുട്ടി , എസ് ലത ടീച്ചർ , ശബീർ മുഹമ്മദ് കെ (യു.എ.ഇ) സാദിഖ് എം (ഒമാൻ) സുകേഷ് കൈപ്പട (ഖത്തർ) സദാനന്ദൻ കെ (ബഹറൈൻ) തുടങ്ങിയവർ സംബന്ധിച്ചു. എവർ ഗ്രീൻ കൺവീനർ ഇ ഹൈദരലി മാസ്റ്റർ സ്വാഗതവും, റാഫിന നന്ദിയും പറഞ്ഞു.

കാലടി : പൊന്നാനി കൾച്ചറൽ വേൾഡ് ഫൗണ്ടേഷൻ സ്വാശ്രയ തൊഴിൽ പരിശീലന സംരംഭത്തിന് കീഴിൽ കാലടി - പോത്തനൂരിൽ പ്രവര്‍ത്തിച്ചു വരുന്ന തയ്യൽ പരിശീലന കേന്ദ്രത്തിൽ നിന്നും പഠനം പൂര്‍ത്തിയാക്കിയ രണ്ടാം ബാച്ചിനുളള സർട്ടിഫിക്കറ്റ് വിതരണം ഗ്രാമ പഞ്ചായത്ത് പ്രസിഡന്റ് കെ ജി ബാബു നിർവ്വഹിച്ചു. ഗ്രാമ പഞ്ചായത്ത് ഉപാധ്യക്ഷ ബൽകീസ് കെ മുഖ്യാതിഥിയായിരുന്നു. മുസ്തഫ കാടഞ്ചേരി അധ്യക്ഷത വഹിച്ചു. അബ്ദുല്ലതീഫ് കളക്കര , എം എം സുബൈദ, ടി മുനീറ , രാജ ലക്മി , റംല കെ പി, ആരിഫ പി പി, മുബശ്ശിർ നരിപ്പറമ്പ് തുടങ്ങിയവർ സംബന്ധിച്ചു. സുജീഷ് നമ്പ്യാർ സ്വാഗതവും, സാജിത നന്ദിയും പറഞ്ഞു.

കർഷക ദിനാചരണവും, രണ്ടാമത് പൊൻകതിർ പുരസ്കാര സമർപ്പണവും 1200 ചിങ്ങം 1 [ 2024 ആഗസ്ത് 17] ശനിയാഴ്‌ച്ച വൈകീട്ട് 2.30 pm മലബാർ ഓഡിറ്റോറിയം, ഉറൂബ് നഗർ, പളളപ്രം, പൊന്നാനി *പ്രിയപ്പെട്ടവരെ* പൊന്നാനി കൾച്ചറൽ വേൾഡ് ഫൗണ്ടേഷൻ എവർ ഗ്രീൻ സമിതി സംഘടിപ്പിക്കുന്ന കർഷക ദിനാചരണവും, താലൂക്കിലെ ഏറ്റവും മികച്ച കർഷകന് നൽകി വരുന്ന പൊൻകതിർ പുരസ്കാര സമർപ്പണവും 1200 ചിങ്ങം 1 [ 2024 ആഗസ്ത് 17] ശനിയാഴ്‌ച്ച ഉച്ചയ്ക്ക് 2.30 ന് പൊന്നാനി പളളപ്രം ഉറൂബ് നഗറിലെ മലബാർ ഓഡിറ്റോറിയത്തിൽ വെച്ച് നടക്കുന്നു. ഏവരെയും പരിപാടിയിലേക്ക് ഹൃദ്യമായി സ്വാഗതം ചെയ്യുന്നു. *കാര്യ പരിപാടി* സ്വാഗതം: ശ്രീ: ഇ ഹൈദരലി മാസ്റ്റർ (കൺവീനർ, എവർ ഗ്രീൻ സമിതി) അധ്യക്ഷ: ശ്രീമതി: ശാരദ ടീച്ചർ (ചെയർ പേഴ്സൺ, എവർ ഗ്രീൻ സമിതി) ചടങ്ങ് ഉദ്ഘാടനവും, പൊൻ കതിർ പുരസ്കാര സമർപ്പണവും : ശ്രീ. ശിവദാസ് ആറ്റുപുറം (ചെയർമാൻ, പൊന്നാനി നഗരസഭ) ഏറ്റുവാങ്ങുന്നത്: കെ സി അബൂബക്കർ ഹാജി (പുരസ്കാര ജേതാവ്) മുഖ്യാതിഥി: ശ്രീമതി. ഡോ : പ്രിയ ജി മേനോൻ (ഭാരത സർക്കാർ കൃഷി വിജ്ഞാന കേന്ദ്രം, മലപ്പുറം ജില്ലാ പ്രോഗ്രാം കോർഡിനേറ്റർ) ആശംസകൾ ശബ്ന ആഷ്മി (വാർഡ് കൗൺസിലർ) പി ഇബ്രാഹിം കുട്ടി (റിട്ട: ബി ഡി ഒ) *വേദിയിൽ* പി കോയക്കുട്ടി മാസ്റ്റർ സി വി മുഹമ്മദ് നവാസ് എം എം സുബൈദ പി എം അബ്ദുട്ടി എസ് ലത ടീച്ചർ ശബീർ മുഹമ്മദ് കെ (യു.എ.ഇ) സാദിഖ് എം (ഒമാൻ) സുകേഷ് കൈപ്പട (ഖത്തർ) അലി ചെറുവത്തൂർ (സഊദി) സദാനന്ദൻ കെ (ബഹറൈൻ) നന്ദി : മോഹനൻ പാക്കത്ത് *PCWF EVER GREEN*

റിയാദ് : പൊന്നാനി കൾച്ചറൽ വേൾഡ് ഫൌണ്ടേഷൻ സഊദി- റിയാദ് കമ്മിറ്റിയുടെ നേതൃത്വത്തിൽ എഴുപത്തി എട്ടാമത് സ്വാതന്ത്ര്യദിനം ആഘോഷിച്ചു.. ബത്ത ഗുറബി പാർക്കിൽ നടന്ന ചടങ്ങിൽ ജനറൽ സെക്രട്ടറി കബീർ കാടൻസ് അധ്യക്ഷത വഹിച്ചു. പ്രസിഡന്റ്‌ അൻസാർ നൈതല്ലൂർ കേക്ക് മുറിച്ച് ചടങ്ങ് ഉദ്ഘാടനം ചെയ്തു. ജനസേവനം ചെയർമാൻ എം എ ഖാദർ സ്വതന്ത്രദിന സന്ദേശം നൽകി. ഇന്ത്യൻ സ്വതന്ത്ര സമരത്തിന് സംഭാവന നൽകിയ ദേശാഭിമാനികളെ സ്മരിച്ചു. നീതിയും സമത്യവും വൈവിദ്ധ്യങ്ങളും ഉൾക്കൊണ്ട്‌ ഓരോ പൗരനും അഭിവൃദ്ധിയോടെ അന്തസോടെ ജീവിക്കാനുളള അവസരം ഇന്ത്യയിൽ നിലനിറുത്താൻ നമുക്കാകണമെന്ന് അദ്ധേഹം ഉദ്ബോധിപ്പിച്ചു. ട്രഷറർ ഷമീർ മേഘ, ഭാരവാഹികളായ ഫാജിസ് പിവി,സംറൂദ് മറവഞ്ചേരി, അഷ്‌കർ വി,അൽത്താഫ് കളക്കര ,വനിതാ കമ്മിറ്റി പ്രസിഡന്റ്‌ ഷമീറ ഷമീർ, രക്ഷധികാരി അസ്മ ഖാദർ, ഷഫീക് ശംസുദ്ധീൻ എന്നിവർ നേതൃത്വം നല്‍കി. പങ്കെടുത്ത എല്ലാവർക്കും പായസ വിതരണം നടത്തി....