കേരള ഫിഷറീസ് & സമുദ്രപഠന സർവ്വകലാശാല (കുഫോസ്) യിൽ നിന്ന് എം.എസ്.സി ക്ലൈമറ്റ് സയൻസിൽ പൊന്നാനി സ്വദേശി സുഹൈലത്തുൽ ആദില മൂന്നാം റാങ്ക് നേടി. PCWF ദുബൈ ഘടകം എക്സിക്യൂട്ടീവ് അംഗം പണ്ടാരത്തിൽ സൈനുദ്ദീന്റെ മകളാണ്. മാതാവ്: സുലൈഖ
പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ന്റെ വാട്സ്ആപ്പ് ചാനൽ ജി സി സി കോർഡിനേറ്റർ ഡോ: അബ്ദുറഹ്മാൻ കുട്ടി ഉദ്ഘാടനം ചെയ്തു. PCWF ന്റെ വാർത്തകളും വിശേഷങ്ങളും അറിയാൻ എല്ലാവരും താഴെ കൊടുത്ത ലിങ്ക് വഴി വാട്സ്ആപ്പ് ചാനൽ ഫോളോ ചെയ്യണമെന്ന് അഭ്യർത്ഥിക്കുന്നു. https://whatsapp.com/channel/0029Va4xwasLdQebBzpoOp16
അജ്‌മാൻ : പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ സെൻട്രൽ കമ്മിറ്റി പ്രവർത്തക സമിതി അംഗങ്ങൾക്കായി കുടുംബ സംഗമം സംഘടിപ്പിച്ചു. അജ്‌മാൻ ഹീലിയോ സീ ടീ ഫാമിൽ നടന്ന സംഗമം ഡോ: ഷാജി ഇടശ്ശേരി ഉദ്ഘാടനം ചെയ്തു. സംസ്ഥാന - ദേശീയ നീന്തൽ മത്സരങ്ങളിലൂടെ പൊന്നാനിയുടെ അഭിമാനമായ ഹയാൻ ജാസിറിനെ ചടങ്ങിൽ ആദരിച്ചു. ഷാജി ഹനീഫ് ഉപഹാരം സമ്മാനിച്ചു. പ്രസിഡന്റ് മുഹമ്മദ് അനീഷ് അദ്ധ്യക്ഷത വഹിച്ചു. സി എസ് പൊന്നാനി മുഖ്യ പ്രഭാഷണം നടത്തി. തുടർന്ന് വനിതാ സെൻട്രൽ കമ്മിറ്റി ജനറൽ ബോഡി നടന്നു. *വനിതാ ഘടകം പുനഃസംഘടിപ്പിച്ചു* 25 അംഗ എക്സിക്യൂട്ടീവ് രൂപീകരിച്ചു. *പ്രധാന ഭാരവാഹികൾ* ബബിതാ ഷാജി (ചെയർ പേഴ്സൺ , ഉപദേശക സമിതി) മുംതാസ് ബഷീർ, സുബൈദ മൊയ്തുണ്ണി (അംഗങ്ങൾ) റഹ്മത്ത് സി ഷാർജ (പ്രസിഡന്റ് ) സമീറ നൂറുൽ അമീൻ ഫുജൈറ (ജനറൽ സെക്രട്ടറി) മിഥില മുരളി അബുദാബി (ട്രഷറർ ) വൈ: പ്രസിഡന്റ്: സെറീന ഇക്ബാൽ (ഷാർജ), ആയിഷ ഷീഹ (അബുദാബി) ഫായിസ ഷബീർ (ദുബൈ) സെക്രട്ടറി: റംഷിദ സുനീർ (അജ്‌മാൻ) , സമീറ അലി (റാസൽ ഖൈമ) രഹ്‌ന ആഷിക് (ദുബായ്) നാട്ടിൽ നടന്ന പ്രവാസി സംഗമത്തിൽ പ്രവാസി എക്സലൻസ് അവാർഡ് കരസ്ഥസമാക്കിയ ബബിത ഷാജിയെ പൊന്നാട അണിയിച്ച് ആദരിച്ചു. അബ്ദുസ്സമദ് വി, ശിഹാബ് കെ കെ, അലി എ വി, അബ്ദുൽ ജലാൽ, ഷബീർ മുഹമ്മദ്, സുനീർ പി കെ, അബ്ദുലത്തീഫ്, മുനവ്വർ അബ്ദുള്ള എന്നിവർ സംബന്ധിച്ചു. ഷബീർ ഈശ്വരമംഗലം, ഹബീബ് റഹ്മാൻ, അഷ്റഫ് സി വി, നൂറുൽ അമീൻ, ആഷിഖ് സി, മുഹമ്മദ് ഇക്ബാൽ, ഷഹീർ ഈശ്വരമംഗലം, അമീൻ മാറഞ്ചേരി, നവാബ്, ഇസ്മായിൽ, സിയാദ്, തുടങ്ങിയവർ നേതൃത്വം നൽകി. വിവിധ കലാ കായിക മത്സരങ്ങൾ നടന്നു. വിജയികൾക്കെല്ലാം സമ്മാനങ്ങൾ വിതരണം ചെയ്തു. മുപ്പത്തി മൂന്ന് വിഭവങ്ങളടങ്ങിയ ഓണ സദ്യ പരിപാടിക്ക് മാറ്റേകി. പ്രോഗ്രാം കമ്മിറ്റി ചെയർമാൻ ജിഷാർ അബൂബക്കർ സ്വാഗതവും കൺവീനർ ഹാഫിസ് റഹ്മാൻ നന്ദിയും പറഞ്ഞു.
പൊന്നാനി: ലഹരി വിരുദ്ധ സമൂഹ സൃഷ്ടിക്കായ് പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗം പോലീസ് - എക്സൈസ് വിഭാഗത്തിന്റെ സഹകരണത്തോടെ നടത്തി വരുന്ന ലഹരി വിരുദ്ധ കാംപയിന്റെ ഭാഗമായി ഹയർ സെക്കണ്ടറി തല ബോധവല്‍ക്കരണം സംഘടിപ്പിച്ചു. എം ഇ എസ് ഹയർ സെക്കണ്ടറി സ്കൂളിൽ നടന്ന ചടങ്ങ് എക്സൈസ് പ്രിവൈൻറിങ്ങ് ഓഫീസർ മുരുകൻ ഉദ്ഘാടനം ചെയ്തു. പി ടി എ പ്രസിഡന്റ് എസ് ഇബ്രാഹിം അധ്യക്ഷത വഹിച്ചു. പ്രമുഖ മോട്ടിവേഷൻ ട്രൈനർ വി കെ സുരേഷ് ബാബു കണ്ണൂർ ബോധവല്‍ക്കരണ ക്ലാസ് എടുത്തു. പി സി ഡബ്ല്യു എഫ് വിദ്യാഭ്യാസ സമിതി ജോ : കൺവീനർ എസ് ലത ടീച്ചർ ലഹരി വിരുദ്ധ പ്രതിജ്ഞ ചൊല്ലി കൊടുത്തു. പ്രൊഫ: വി കെ ബേബി, പി കോയക്കുട്ടി മാസ്റ്റർ, കെ വി സുധീഷ്, ടി വി അബ്ദുറഹ്മാൻ കുട്ടി മാസ്റ്റർ, അടാട്ട് വാസുദേവൻ മാസ്റ്റർ, ഡോ :അബ്ദുറഹ്മാൻ കുട്ടി, അഷ്റഫ് നെയ്തല്ലൂർ, ശരീഫ് മാസ്റ്റർ ആലങ്കോട്, പി എം അബ്ദുട്ടി, കെ പി അബ്ദുറസാഖ് തുടങ്ങിയവർ സംബന്ധിച്ചു. ടി വി സുബൈർ സ്വാഗതവും, റംല കെ പി നന്ദിയും പറഞ്ഞു.
ഹയർ സെക്കണ്ടറി തല ബോധവല്‍ക്കരണം സെപ്തംബർ 12 ചൊവ്വാഴ്ച്ച കാലത്ത് 10 മണി , എം ഇ എസ് ഹയർ സെക്കണ്ടറി, പൊന്നാനി പ്രിയരെ, നമ്മുടെ സമൂഹത്തിലെ നിരവധി വ്യക്തികളേയും കുടുംബങ്ങളേയും സമൂഹത്തെയാകെത്തന്നെയും നാശത്തിലേക്കും തീരാദുരിതത്തിലേക്കും തള്ളിവിടുന്ന വില്ലനായി മദ്യവും മയക്കു വസ്തുക്കളും അരങ്ങ് തകർത്തു കൊണ്ടിരിക്കുകയാണ്. ഇതിനെതിരായി പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗം ആരംഭിച്ച ഏഴുമാസം നീണ്ടുനില്‍ക്കുന്ന ലഹരി വിരുദ്ധ കാംപയിൻറ ഭാഗമായുളള ഹയർ സെക്കണ്ടറി തല ബോധവല്‍ക്കരണം വിദ്യാഭ്യാസ സമിതിയുടെ സഹകരണത്തോടെ താലൂക്കിലുടനീളം നടന്നു വരികയാണ്. പൊന്നാനി എം ഇ എസ് ഹയർ സെക്കണ്ടറി സ്ക്കൂളിൽ വിമുക്തി ക്ലബ്ബിൻറ സഹകരണത്തോടെ സംഘടിപ്പിക്കുന്ന ബോധവല്‍ക്കരണ പരിപാടി സെപ്തംബർ 12 ചൊവ്വാഴ്ച്ച കാലത്ത് 10 മണിക്ക് നടക്കുന്നു... കാര്യ പരിപാടി സ്വാഗതം : സുബൈർ ടി വി (കൺവീനർ, ജനസേവന വിഭാഗം) അധ്യക്ഷൻ: എസ് ഇബ്രാഹിം (പ്രസിഡന്റ് , പി ടി എ ) ഉദ്ഘാടനം : ശ്രീ: മുഹമ്മദ് റിയാസ് പി എം (എക്സൈസ് സർക്കിൾ ഇൻസ്‌പെക്ടർ,പൊന്നാനി) ബോധവല്‍ക്കരണ ക്ലാസ്: വി കെ സുരേഷ് ബാബു കണ്ണൂർ (മോട്ടിവേഷൻ ട്രൈനർ) പ്രതിജ്ഞ ചൊല്ലൽ : എസ് ലത ടീച്ചർ (ജോ : കൺവീനർ, വിദ്യാഭ്യാസ സമിതി) വേദിയിൽ പ്രൊഫ: വി കെ ബബി (ചെയർമാൻ PCWF വിദ്യാഭ്യാസ സമിതി) കെ വി സുധീഷ് (പ്രിൻസിപ്പൾ) ടി വി അബ്ദുറഹ്മാൻ കുട്ടി മാസ്റ്റർ (സെക്രട്ടറി , എം ഇ എസ് ഹയർസെക്കണ്ടറി സ്ക്കൂൾ) അടാട്ട് വാസുദേവൻ മാസ്റ്റർ (കൺവീനർ PCWF വിദ്യാഭ്യാസ സമിതി) പി എം അബ്ദുട്ടി (പ്രസിഡന്റ് PCWF പൊന്നാനി മുൻസിപ്പൽ കമ്മിറ്റി ) രാജൻ തലക്കാട്ട് (ചെയർമാൻ, ജനസേവന വിഭാഗം) നന്ദി: റംല കെ പി (പ്രസിഡന്റ്, PCWF പൊന്നാനി മുൻസിപ്പൽ വനിതാ കമ്മിറ്റി) PCWF ജനസേവന വിഭാഗം & വിദ്യാഭ്യാസ സമിതി
കാലടി: പൊന്നാനി കൾച്ചറൽ വേൾഡ് ഫൗണ്ടേഷൻ കാലടി പഞ്ചായത്ത് കമ്മിറ്റി സംഘടിപ്പിക്കുന്ന മെഗാ മെഡിക്കൽ ക്യാമ്പ് ഒക്ടോബർ 1 ഞായറാഴ്ച്ച കണ്ടനകത്ത് വെച്ച് നടക്കുമെന്ന് ഭാരവാഹികൾ അറിയിച്ചു. സെപ്തംബർ മധ്യത്തിൽ കാടഞ്ചേരി ഹയർസെക്കണ്ടറി സ്കൂളിൽ ലഹരിക്കെതിരെ ബോധവല്‍ക്കരണവും, സെപ്തംബർ 29ന് സ്വാശ്രയ തൊഴിൽ സംരംഭത്തിന്റെ ഭാഗമായി സ്വാശ്രയ തയ്യൽ പരിശീലന കേന്ദ്രം പോത്തനൂർ യൂണിറ്റ് ഉദ്ഘാടനവും നടക്കുമെന്ന് പ്രസിഡന്റ് മുസ്തഫ കാടഞ്ചേരി, ജനറൽ സെക്രട്ടറി സുജീഷ് നമ്പ്യാർ എന്നിവർ പറഞ്ഞു. ഇത് സംബന്ധമായി ചേർന്ന സംയുക്ത എക്സിക്യൂട്ടീവ് യോഗം ഡോ : ഷാജി ഇടശ്ശേരി (യു.എ.ഇ) ഉദ്ഘാടനം ചെയ്തു. മുസ്തഫ കാടഞ്ചരി അധ്യക്ഷത വഹിച്ചു. കെ പി അബ്ദുറസാഖ് മുഖ്യ പ്രഭാഷണം നടത്തി. സുബൈദ പോത്തനൂർ, കെ ജി ബാബു, ബൽഖീസ് കൊരണപ്പറ്റ, അബ്ദുൽ ഗഫൂർ കണ്ടനകം, ബഷീർ ടി തുടങ്ങിയവർ സംസാരിച്ചു. സുജീഷ് നമ്പ്യാർ സ്വാഗതവും, രാജ ലക്ഷ്മി നന്ദിയും പറഞ്ഞു. പരിപാടിയുടെ വിജയത്തിനായി സംഘാടക സമിതി രൂപീകരിച്ചു. സി എസ് പൊന്നാനി (മുഖ്യ രക്ഷാധികാരി) ബാലൻ കണ്ടനകം, ഡോ: ഷാജി ഇടശ്ശേരി, സുബൈദ പോത്തനൂർ, മുസ്തഫ കാടഞ്ചേരി (രക്ഷാധികാരികൾ) മോഹനൻ പി (ചെയർമാൻ) സുജീഷ് നമ്പ്യാർ (കൺവീനർ) അബ്ദുൽ ഹമീദ് യു (കൺവീനർ, ഫിനാൻഷ്യൽ) അപ്പു കുണ്ടൂളി (വൈ: ചെയർമാൻ) രാജ ലക്ഷ്മി (ജോ : കൺവീനർ) ബഷീർ ടി (ഫുഡ് കൺവീനർ) ജ്യോതി (പരസ്യ പ്രചരണ കൺവീനർ ) മുബഷിർ (വളണ്ടിയർ ക്യാപ്റ്റൻ) മുസ്തഫ കാടഞ്ചേരി (കോ-ഓർഡിനേറ്റർ, ലഹരിവിരുദ്ധ ബോധവല്‍ക്കരണം ) ബൽഖീസ് കൊരണപ്പറ്റ (കോ-ഓർഡിനേർ സ്വാശ്രയ തയ്യൽ പരിശീലന കേന്ദ്രം)
എടപ്പാൾ: ലഹരി വിരുദ്ധ സമൂഹ സൃഷ്ടിക്കായ് പോലീസ് - എക്സൈസ് വിഭാഗത്തിന്റെ സഹകരണത്തോടെ പൊന്നാനി കൾച്ചറൾ വേൾഡ് ഫൗണ്ടേഷൻ ജനസേവന വിഭാഗം ആരംഭിച്ച ലഹരി വിരുദ്ധ കാംപയിന്റെ ഭാഗമായുളള ഹയർ സെക്കണ്ടറി തല ബോധവത്കരണത്തിന് എടപ്പാൾ ഗവണ്മെന്റ് ഹയർ സെക്കണ്ടറി സ്കൂളിൽ നിന്നും തുടക്കം കുറിച്ചു. പി.ടി.എ പ്രസിഡന്റ് അഡ്വ. കബീർ കാരിയത്തിന്റെ അധ്യക്ഷതയിൽ നടന്ന ചടങ്ങ് വട്ടംകുളം ഗ്രാമപഞ്ചായത്ത് പ്രസിഡന്റ് കഴുങ്കിൽ മജീദ് ഉദ്ഘാടനം ചെയ്തു. മദ്യനിരോധന സമിതി സംസ്ഥാന കോ-ഓർഡിനേറ്റർ ഇ.എ ജോസഫ് ബോധവൽക്കരണ ക്ലാസ് നയിച്ചു. ഏട്ടൻ ശുകപുരം ലഹരി വിരുദ്ധ പ്രതിജ്ഞ ചൊല്ലി കൊടുത്തു. കെ. എം. അബ്ദുൾ ഗഫൂർ (പ്രിൻസിപ്പാൾ) മോഹനൻ പാക്കത്ത് (പ്രസിഡന്റ് PCWF വട്ടംകുളം), അബ്ദുൾ റഷീദ് (സെക്രട്ടറി PCWF വട്ടംകുളം) എന്നിവർ സംസാരിച്ചു. ജൂൺ 26 ന് ആരംഭിച്ച കാംപയിൻ ഡിസംബർ 31 നാണ് സമാപിക്കുന്നത്. PCWF വിദ്യാഭ്യാസ സമിതിയുടെ സഹകരണത്തോടെയാണ് ഹയർ സെക്കണ്ടറി തല ബോധവത്കരണങ്ങൾ സംഘടിപ്പിച്ചു വരുന്നത്.
പൂനൈയിൽ നടന്ന മൂന്നാമത് നാഷണൽ ഫിൻ സ്വിമ്മിംഗ് ചാമ്പ്യൻഷിപ്പ് 400 മീറ്റർ റിലേയിൽ കേരളത്തിന് വേണ്ടി സ്വർണ മെഡൽ കരസ്ഥമാക്കിയ പൊന്നാനി സ്വദേശി ഹയാൻ ജാസിർ ന് പൊന്നാനി കൾച്ചറൽ വേൾഡ് ഫൗണ്ടേഷൻ അഭിനന്ദനങ്ങൾ ...... ദുബായ് ഇന്ത്യൻ ഹൈസ്ക്കൂൾ ആറാം ക്ലാസ് വിദ്യാർത്ഥിയായ ഹയാൻ, ജാസിർ നഫീസ നുസ്രത്ത് ദമ്പതികളുടെ മകനാണ്... അണ്ടർ വാട്ടർ സ്പോർട്സ് ഫെഡറേഷൻ ഓഫ് ഇന്ത്യ കൊച്ചിയിൽ സംഘടിപ്പിച്ച സംസ്ഥാന നീന്തൽ മത്സരത്തിൽ ഒരു വെളളിയും വെങ്കലവും നേടിയിരുന്നു.... യു.എ.ഇയിൽ മാതാപിതാക്കളോടൊത്ത് താമസിക്കുന്ന ഈ പതിനൊന്നുകാരൻ കഴിഞ്ഞ ഏഴ് വർഷമായി ദുബായിൽ നീന്തൽ പരിശീലനത്തിൽ ഏർപ്പെട്ടിരിക്കുകയാണ്. സെപ്തംബര്‍ 17 ന് അജ്മാനിൽ സംഘടിപ്പിക്കുന്ന PCWF സംഗമത്തിൽ വെച്ച് യു.എ.ഇ കമ്മിറ്റി അനുമോദനം നൽകുന്നുണ്ട്...
ചങ്ങരംകുളം: പലതായി കണ്ടെതിനെ ഒന്നായി കാണാൻ പഠിപ്പിച്ചവരാണ് ഗുരുക്കന്മാരെന്നും, സമത്വ ബോധത്തെ ശിഷ്യ ഗണങ്ങളിലേക്ക് പകര്‍ന്നുനല്‍കിയ ഇത്തരം ഗുരുക്കന്മാരാണ് കേരളത്തിൽ നവോത്ഥാനം സാധ്യമാക്കിയതെന്നും പ്രശസ്ത സാഹിത്യകാരൻ ആലങ്കോട് ലീലാകൃഷ്ണൻ അഭിപ്രായപ്പെട്ടു. അറിവ് കൊണ്ട് വെളിച്ചം പകർന്നവരാണ് അധ്യാപകരെന്നും, പൊന്നാനി പളളിയിൽ ശൈഖ് സൈനുദ്ധീൻ മഖ്ദൂം കത്തിച്ച അറിവിന്റെ വിളക്ക് ഇന്നും കെടാതെ നിലനില്‍ക്കുന്നുണ്ടെന്നും, ഭാരതത്തിലെ സനാതന ധർമ്മങ്ങളും, ഉപനിഷത്തുകളും മറ്റു വേദ ഗ്രന്ഥങ്ങളുമെല്ലാം പഠിക്കുന്നതിലൂടെ ഈ വെളിച്ചമാണ് കൈമാറ്റം ചെയ്യുപ്പെടുന്നതെന്നും അദ്ദേഹം കൂട്ടി ചേര്‍ത്തു. പൊന്നാനി കൾച്ചറൽ വേൾഡ് ഫൗണ്ടേഷൻ കേന്ദ്ര വിദ്യാഭ്യാസ സമിതി അധ്യാപക ദിനത്തിന്റെ ഭാഗമായി പന്താവൂർ ഇർഷാദ് സ്കൂൾ ഓഡിറ്റോറിയത്തിൽ സംഘടിപ്പിച്ച ആദരം, അനുസ്മരണം ചടങ്ങ് ഉദ്ഘാടനം ചെയ്തു സംസാരിക്കുകയായിരിന്നു അദ്ദേഹം. അധ്യാപക വൃത്തിയിൽ നിന്നും വിരമിച്ചതിന് ശേഷവും സാമൂഹ്യ സാംസ്കാരിക ജീവകാരുണ്യ സേവന പ്രവർത്തനങ്ങളിൽ സജീവ സാന്നിധ്യങ്ങളായ പ്രൊഫ: പി.വി.ഹംസ (പൊന്നാനി) , അടാട്ട് വാസുദേവൻ (ആലങ്കോട്), എസ്. ലത (മാറഞ്ചേരി) എന്നിവരെ ചടങ്ങിൽ ആദരിച്ചു. നന്നംമുക്ക് മൂക്കുതല സ്വദേശിയും, പ്രമുഖ വിദ്യാഭ്യാസ വിചക്ഷണനും സാംസ്കാരിക നായകനുമായിരുന്ന പി. ചിത്രൻ നമ്പൂതിരിപ്പാടിനെ ചടങ്ങിൽ അനുസ്മരിച്ചു. വിദ്യാഭ്യാസ സമിതി ചെയർമാൻ പ്രൊഫ: വി കെ ബേബി അധ്യക്ഷത വഹിച്ചു. വി.വി.രാമകൃഷ്ണൻ മാസ്റ്റർ അധ്യാപക ദിന സന്ദേശം നൽകി. പി കോയക്കുട്ടി മാസ്റ്റർ, സി വി മുഹമ്മദ് നവാസ്, ഏട്ടൻ ശുകപുരം, ടി മുനീറ, ഡോ അബ്ദുറഹ്മാൻ കുട്ടി, അഷ്റഫ് നെയ്തല്ലൂർ, ഡോ : ഷാജി ഇടശ്ശേരി, സിദ്ദീഖ് മൗലവി അയിലക്കാട്, ഇ.പി.രാജീവ്, എം.ടി. ഷറീഫ്, പ്രണവം പ്രസാദ്, പ്രദീപ് ഉണ്ണി നന്നംമുക്ക്, എം പി അബ്ദുല്ല കുട്ടി വട്ടംകുളം, സുബൈദ പോത്തനൂർ, ശാരദ ടീച്ചർ, ബീക്കുട്ടി ടീച്ചർ, പി എം അബ്ദുട്ടി , ഹൈദറലി മാസ്റ്റർ, ആരിഫ പി എന്നിവർ സംബന്ധിച്ചു. അബ്ദുല്ലതീഫ് കളക്കര സ്വാഗതവും, ആയിഷ ഹസ്സൻ നന്ദിയും പറഞ്ഞു.
എടപ്പാൾ : ലഹരി വിമുക്ത സമൂഹ സൃഷ്ടിക്കായ് 2023 ജൂൺ 26 ന് ആരംഭിച്ച ലഹരി വിരുദ്ധ കാംപയിൻറ ഭാഗമായുളള ഹയർ സെക്കണ്ടറി തല ബോധവല്‍ക്കണം സെപ്തംബർ 5 ന് എടപ്പാൾ ഗവണ്മെന്റ് ഹയർ സെക്കണ്ടറി സ്ക്കൂളിൽ നടക്കുമെന്ന് പി സി ഡബ്ല്യു എഫ് വട്ടംകുളം പഞ്ചായത്ത് കമ്മിറ്റി ഭാരവാഹികൾ അറിയിച്ചു. സെപ്തംബർ 5 ചൊവ്വാഴ്ച്ച ഉച്ചയ്ക്ക് 2 മണിക്ക് നടക്കുന്ന ചടങ്ങ് വട്ടംകുളം ഗ്രാമ പഞ്ചായത്ത് പ്രസിഡന്റ് മജീദ് കഴുങ്കിൽ ഉദ്ഘാടനം ചെയ്യും! കേരള മദ്യ നിരോധന സമിതി സംസ്ഥാന കോർഡിനേറ്റർ ഇ എ ജോസഫ് ബോധവല്‍ക്കരണ ക്ലാസിന് നേതൃത്വം നല്കുന്നതാണ്. എം എ നജീബ്, ഏട്ടൻ ശുകപുരം, കെ വി വാസുദേവൻ, പ്രൊഫ: വി കെ ബേബി, അഡ്വ: കബീർ കാരിയത്ത്, അടാട്ട് വാസുദേവൻ മാസ്റ്റർ, ടി വി സുബൈർ, കെ എം അബ്ദുൽ ഗഫൂർ, മോഹനൻ പാക്കത്ത്, അബ്ദുൽ റഷീദ് അറയ്ക്കൽ തുടങ്ങിയവർ സംബന്ധിക്കുന്നതാണ്. പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗവും വിദ്യാഭ്യാസ സമിതിയും സംയുകമായി പോലീസ് , എക്സൈസ് വിഭാഗം സഹകരണത്തോടെ സംഘടിപ്പിക്കുന്ന കാംപയിൻ ഡിസംബർ 31 വരെ നീണ്ടുനില്‍ക്കുന്നുണ്ട്. കാംപയിൻറ ഭാഗമായി താലൂക്ക് അടിസ്ഥാനത്തിൽ വിവിധ ഘട്ടങ്ങളിലായി ലഘുലേഖ വിതരണം,കാമ്പസ് തല പ്രചരണങ്ങൾ , റോഡ് ഷോ, സൈക്കിള്‍ റാലി, ബൈക്ക് റാലി , മാരത്തണ്‍, സെമിനാർ, ചിത്രപ്രദര്‍ശനം തെരുവുനാടകം, പ്രബന്ധ - പ്രസംഗ മത്സരം ,പോസ്റ്റർ & കാർട്ടൂൺ മത്സരം കലാ കായിക മത്സരങ്ങൾ തുടങ്ങിയവ സംഘടിപ്പിക്കുന്നുണ്ട്.
ചങ്ങരംകുളം: പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ സമിതി സംഘടിപ്പിക്കുന്ന ഈ വർഷത്തെ അധ്യാപക ദിനത്തിന്റെ ഭാഗമായുളള ആദരം, അനുസ്മരണം പന്താവൂർ ഇർഷാദ് ഇംഗ്ലീഷ് സ്കൂൾ ഓഡിറ്റോറിയത്തിൽ വെച്ച് സെപ്തംബർ 4 ന് വൈകീട്ട് 4 മണിക്ക് നടക്കുമെന്ന് ഭാരവാഹികൾ അറിയിച്ചു. ആലംങ്കോട് ലീലാ കൃഷ്ണൻ, വി വി രാമകൃഷ്ണൻ മാസ്റ്റർ, പ്രൊഫ: വി കെ ബേബി, സിദ്ധീഖ് മൗലവി അയിലക്കാട്, ഡോ : അബ്ദുറഹ്മാൻ കുട്ടി, ഡോ : ഷാജി ഇടശ്ശേരി, അബ്ദുല്ലതീഫ് കളക്കര തുടങ്ങിയവർ സംബന്ധിക്കുന്നു. പി ചിത്രൻ നമ്പൂതിരിപ്പാട് അനുസ്മരണവും, പ്രൊഫ: ഹംസ പി വി (പൊന്നാനി) അടാട്ട് വാസുദേവൻ മാസ്റ്റർ (ആലങ്കോട്) എസ് ലത ടീച്ചർ (മാറഞ്ചേരി) എന്നിവർക്ക് ആദരവുമാണ് നടക്കുന്നത്.
പൊന്നാനി : നഗരസഭയിലെ 51 വാർഡിൽ നിന്നും തെരെഞ്ഞെടുത്ത സാമ്പത്തികമായി പിന്നോക്കം നില്‍ക്കുന്ന 500 കുടുംബങ്ങൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ മുൻസിപ്പൽ കമ്മിറ്റി ഓണക്കിറ്റ് വിതരണം നടത്തി. അരി ഉൾപ്പെടെയുളള പലവ്യഞ്ജനങ്ങളും സാമ്പാറിനുളള പച്ചക്കറികളും കിറ്റിൽ ഉൾപ്പെടുത്തിയിട്ടുണ്ട്... നഗരസഭ ചെയർമാൻ ശിവദാസ് ആറ്റുപുറം വിതരണോദ്ഘാടനം നിർവ്വഹിച്ചു. ഇ പി രാജീവ്, പി എം അബ്ദുട്ടി, ടി മുനീറ, രാജൻ തലക്കാട്ട്, ടി വി സുബൈർ, അഷ്റഫ് നെയ്തല്ലൂർ, നാരായണൻ മണി, മുജീബ് കിസ്മത്ത്,റംല കെ പി , സബീന ബാബു, സലീം കളക്കര (സഊദി) ഷാജി ഹനീഫ് (ദുബൈ) ഹനീഫ മാളിയേക്കൽ തുങ്ങിയവർ സംബന്ധിച്ചു. ആർ വി മുത്തു, പ്രസാദ്, ഹംസ പി പി , ഷക്കീല എൻ വി , മിനി ടി എന്നിവർ നേതൃത്വം നല്‍കി.
പ്രമുഖ കഥാകൃത്ത് ശ്രീ: ടി പത്മനാഭന്‍, പ്രശസ്ത സംവിധായകൻ ശ്രീ : അടൂർ ഗോപാലകൃഷ്ണൻ എന്നിവർക്ക് പൊന്നാനിയുടെ സമഗ്ര ഗ്രന്ഥം പാനൂസ കൈമാറുന്നു
പൊന്നാനി : ദേശീയ അധ്യാപക ദിനം ഈ വർഷവും പൊന്നാനി കൾച്ചറൽ വേൾഡ് ഫൗണ്ടേഷൻ സമുചിതമായി ആഘോഷിക്കുന്നു.... ആഘോഷത്തിന്റെ ഭാഗമായി, അറിവിന്റെ പാതയിൽ വെളിച്ചം വിതറി കാലയവനികയ്ക്കുളളിൽ മറഞ്ഞ പി ചിത്രൻ നമ്പൂതിരിപ്പാട് അവർകളെ അനുസ്മരിച്ചും, അധ്യാപക വൃത്തിയിൽ നിന്നും വിരമിച്ച ശേഷവും സാമൂഹ്യ സേവന രംഗത്ത് സജീവ സാന്നിധ്യങ്ങളായവരെ ആദരിച്ചും, പി സി ഡബ്ല്യു എഫ് വിദ്യാഭ്യാസ സമിതി ആദരം, അനുസ്മരണം സംഘടിപ്പിക്കുന്നു. സെപ്തംബർ 4 തിങ്കളാഴ്ച്ച വൈകീട്ട് 4 മണിക്ക്, പന്താവൂർ ഇർഷാദ് ഇംഗ്ലീഷ് സ്കൂൾ ഓഡിറ്റോറിയത്തിൽ വെച്ച് നടക്കുന്ന പരിപാടിയിലേക്ക് ഏവരുടെയും മഹനീയ സാന്നിധ്യം സാദരം ക്ഷണിക്കുന്നു...... *********** *അനുസ്മരണം* *പി . ചിത്രൻ നമ്പൂതിരിപ്പാട്* നന്നമുക്ക് ഗ്രാമ പഞ്ചായത്തിലെ മൂക്കുതലയിൽ 1920 ൽ ജനനം. സ്വന്തം ഗ്രാമത്തിൽ ഒരുസ്ക്കൂൾ സ്ഥാപിക്കുകയും വളർത്തിയെടുക്കുകയും തുടർന്ന് യാതൊരു പ്രതിഫലവും വാങ്ങാതെ സർക്കാറിന് വിട്ടു കൊടുക്കുകയും ചെയ്ത മാതൃകാ വ്യക്തിത്വം. കേരള കലാമണ്ഡലം സെക്രട്ടറിയായി പ്രവര്‍ത്തിച്ചു. വിദ്യാഭ്യാസ ജോയിന്റ് ഡയക്ടർ, എഴുത്തുകാരൻ ചിന്തകൻ എന്നീ നിലകളിൽ ശോഭിച്ച വിദ്യാഭ്യാസ പരിഷ്കർത്താവ്. അച്ഛൻ: പകരാവൂർ കൃഷ്ണൻ സോമയാജിപ്പാട്. അമ്മ: മേലേ നരിപ്പറ്റ പാർവ്വതി അന്തർജനം. ഭാര്യ: കൂടല്ലൂർ മനയിലെ ലീല അന്തർജനം. മക്കൾ: കൃഷ്ണൻ, അനിയൻ, പാർവ്വതി, ഉഷ, ഗൗരി. 2023 ജൂൺ 27 ന് നൂറ്റി മൂന്നാം വസ്സിൽ വിയോഗം. ************ *ആദരം* (1) *പ്രൊഫ: ഹംസ പി വി* പൊന്നാനി നഗരസഭയിലെ രണ്ടാം വാർഡിൽ പാലത്തും വീട്ടിലെ അംഗം. ഇപ്പോൾ നായരങ്ങാടിയിലാണ് താമസം. 1983-1984 ഫറൂഖ് കോളേജിലും, 1984 - 2015 വരെ തിരൂരങ്ങാടി പിഎസ് എം ഒ കോളേജിലും അധ്യാപകനായിരുന്നു. യൂണിവേഴ്സിറ്റി പരീക്ഷാ ബോർഡ് ചെയർമാനായി കുറേ കാലം പ്രവർത്തിച്ചു എം ഫിൽ ബോട്ടണി ബിരുദധാരി. എം എസ് എസ് പൊന്നാനി യൂണിറ്റ് സെക്രട്ടറിയായി നാലു വർഷവും, എം എസ് എസ് സ്‌പെഷ്യൽ സ്കൂൾ കൺവീനറായി രണ്ടു വർഷവും സേവനം ചെയ്തു. ഇപ്പോൾ പബ്ലിക് റിലേഷൻ കൺവീനറായി സേവനം അനുഷ്ഠിച്ചു വരുന്നു.... ഭാര്യ: സബീദത്ത് മക്കൾ: നാഫിസ് മുഹമ്മദ് (ദുബൈ) ഹഫീദ (സഊദി), സാദിൻ (കൊച്ചി എ സി സി എ വിദ്യാർത്ഥി) *************** *ആദരം( 2)* *അടാട്ട് വാസുദേവൻ മാസ്റ്റർ* 1965 ഫെബുവരി 25 ന് പൊന്നാനി താലൂക്കിലെ ആലങ്കോട് വില്ലേജിലെ പന്താവൂർ ദേശത്ത് അടാട്ട് കമലാക്ഷി അമ്മയുടേയും ചേന്നാത്ത് വേലായുധൻ നായരുടേയും മകനായി ജനിച്ചു. 1985 ജൂൺ 28 ന് മലപ്പുറം ജില്ലയിലെ എടപ്പാൾ നെല്ലിശ്ശേരി എ.യു.പി സ്കൂളിൽ അധ്യാപകനായി ഔദ്യോഗിക ജീവിതം ആരംഭിച്ചു. 2015 മുതൽ ഈ വിദ്യാലയത്തിന്റെ പ്രധാനാധ്യാപകനായി പ്രവർത്തിച്ച് 2021 മാർച്ച് 31 ന് വിരമിച്ചു. പൊന്നാനി കൾച്ചറൽ വേൾഡ് ഫൗണ്ടേഷൻ കേന്ദ്ര കമ്മിറ്റി ഉപാധ്യക്ഷനായി പ്രവര്‍ത്തിച്ചു വരുന്നു. സർവ്വീസ് കാലത്ത് SCERT യുടെ കീഴിൽ പാഠപുസ്തക നിർമ്മാണ കമ്മറ്റി അംഗമായും, അധ്യാപക പരിശീലന സംസ്ഥാന തല റിസോഴ്സ് പേഴ്സനായും, സ്കൗട്ട് അധ്യാപകനായും പ്രവർത്തിച്ചു. സാക്ഷരതാ പ്രവർത്തനത്തിൽ അസി.പ്രൊജക്റ്റ് ഓഫീസറായിരുന്നു. ജനകീയാസൂത്രണ പ്രവർത്തനങ്ങളിലും സജീവ പങ്കാളിയായി. വിദ്യാഭ്യാസ വകുപ്പിന്റെ കലാ-കായിക-ശാസ്ത്ര- പ്രവൃത്തിപരിചയ മേളകളിൽ ഉപജില്ല, ജില്ല, സംസ്ഥാന തലങ്ങളിൽ സംഘാടകനായിരുന്നു. വിദ്യാലയവും സമൂഹവും തമ്മിലുള്ള ആശയ വിനിമയം ശക്തിപ്പെടുത്തുന്നതിന്റെ ഭാഗമായി വിദ്യാലയത്തിനകത്തും പുറത്തുമുള്ള വാർത്തകളും വിശേഷങ്ങളും കുട്ടികളുടെ സൃഷ്ടികളുമെല്ലാം ഉൾപ്പെടുത്തിക്കൊണ്ട് ' ജാലകം' എന്ന പേരിൽ എല്ലാമാസവും ഒരു പത്രിക അച്ചടിച്ച് തുടർച്ചയായി 8 വർഷക്കാലം വിതരണം ചെയ്തിരുന്നു. അധ്യാപക സംഘടനാ പ്രവർത്തനരംഗത്തും വിവിധ സ്ഥാനങ്ങൾ വഹിച്ചിട്ടുണ്ട്. വിദ്യാഭ്യാസ മേഖലയിലെന്ന പോലെ രാഷ്ട്രീയ-സാമൂഹ്യ- സാംസ്കാരിക- പൊതുപ്രവർത്തന മേഖലയിലെല്ലാം സജീവ സാന്നിധ്യമായ ഇദ്ദേഹം ദീർഘകാലം ചങ്ങരംകുളം സർവ്വീസ് സഹകരണ ബാങ്കിന്റെ ഡയറക്ടറും പ്രസിഡണ്ടുമായിരുന്നു. ഇപ്പോൾ പൊന്നാനി താലൂക്ക് കോ- ഓപ്പറേറ്റീവ് എഡ്യൂക്കേഷണൽ സൊസൈറ്റി പ്രസിഡണ്ടായും പ്രവർത്തിച്ചു വരുന്നു. ചങ്ങരംകുളം കാണി ഫിലിം സൊസൈറ്റി, പന്താവൂർ രാജീവ് മെമ്മോറിയൽ ചാരിറ്റബിൾ സൊസൈറ്റി, ചങ്ങരംകുളം റിക്രിയേഷൻ ക്ലബ്ബ്, ഉപഭോക്തൃ സംരക്ഷണ സമിതി, മദ്യനിരോധന സമിതി, ചങ്ങരംകുളം പൗരസമിതി, സോപാനം സ്കൂൾ ഓഫ് പഞ്ചവാദ്യം, പന്താവൂർ ശ്രീ ലക്ഷ്മീ നരസിംഹമൂർത്തീ ക്ഷേത്രം, അഖില കേരള അയ്യപ്പ സേവാസംഘം, നവകം സാംസ്കാരിക വേദി, സംസ്കാര സാഹിതി, മൂക്കുതല പി സി എൻ ജി എച്ച് എച്ച് എസ് പൂർവ്വ വിദ്യാർത്ഥി സംഘടന, ഒരുമ പന്താവൂർ തുടങ്ങിയ വിവിധ സംഘടനകളുടെ യും സ്ഥാപനങ്ങളുടെയും ഭാരവാഹിയും സജീവ പ്രവർത്തകനുമാണ് ഇദ്ദേഹം. വിദ്യാഭ്യാസ വിചക്ഷണനും മുൻ വിദ്യാഭ്യാസ ജോ: ഡയറക്ടറുമായ പി. ചിത്രൻ നമ്പൂതിരിപ്പാടിന്റെ ശദാബ്ദി ആഘോഷത്തിന്റെ ഭാഗമായി കേരള മഹാത്മജി സാംസ്കാരിക വേദി ഏർപ്പെടുത്തിയ അധ്യാപക ശ്രേഷ്ഠ പുരസ്കാരത്തിന് 2019 ജൂലായ് മാസത്തിൽ അടാട്ട് വാസുദേവൻ അർഹനായിട്ടുണ്ട്. വിവിധ സംഘടനകളും സ്ഥാപനങ്ങളും ഇദ്ദേഹത്തിന് വിവിധ അംഗീകാരങ്ങൾ നൽകിയിട്ടുണ്ട്. റിട്ടയർ ചെയ്ത ശേഷവും സമൂഹത്തിന്റെ വിവിധ തുറകളിലുള്ള വൈവിധ്യമാർന്ന പ്രവർത്തനങ്ങളിൽ ഇദ്ദേഹം സജീവമായി പ്രവർത്തിച്ചു വരുന്നു. ************** *ആദരം (3)* *എസ് ലത ടീച്ചർ* പിതാവ്: പരമേശ്വരൻ നായർ (ചാർട്ടേർഡ് അക്കൗണ്ടന്റ്) മാതാവ്: - ശ്രീമതി വെല്ലൂർ (അക്കൗണ്ടന്റ്) ബി എ സി ബി എഡ് ബിരുദധാരി. ഭർത്താവ്: വിജയൻ എളേടത്ത്. മക്കൾ: ഡോക്ടർ പാർവതി, എഞ്ചിനീയർ ലക്ഷ്മി (ടി സി എസ്, തിരുവനന്തപുരം) 1988 ൽ തിരൂർ ഫാത്തിമ മാതാ സ്കൂളിലും, 1989 മുതൽ പൊന്നാനി ഗേൾസ് ഹൈസ്കൂളിലും അധ്യാപികയായി സേവനം അനുഷ്ഠിച്ചു. 2021 ൽ അദ്ധ്യാപന വൃത്തിയിൽ നിന്നും വിരമിച്ചു. പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കേന്ദ്ര കമ്മിറ്റി ജനറൽ സെക്രട്ടറിയായി സാമൂഹ്യ സേവന രംഗത്ത് നിറഞ്ഞുനിൽക്കുന്നു. നീണ്ട 32 വർഷം വിദ്യ പകര്‍ന്നു നൽകിയ ടീച്ചർ, കലാ - കായിക, ശാസ്ത്ര മേളകളിൽ കുട്ടികളെ പങ്കെടുപ്പിച്ച് ഉന്നത വിജയം നേടിയ നേടാൻ പര്യാപ്തമാക്കിയിട്ടുണ്ട്. അദ്ധ്യാപന ജീവിതത്തിലൂടെ ഒട്ടേറെ ശിഷ്യ ഗണങ്ങളെ സമ്പാദിച്ച ടീച്ചർക്ക് അവരെല്ലാം മക്കളെപ്പോലെയാണ്... തിരിച്ച് അവർക്ക് വാത്സല്യ നിധിയായ മാതാവിനെപ്പോലെയും... *PCWF GLOBAL EDU SAMITHY*
എടപ്പാൾ: ഈ വർഷത്തെ ഓണാഘോഷത്തിൻറ ഭാഗമായി പൊന്നാനി കൾച്ചറൽ വേൾഡ് ഫൗണ്ടേഷൻ അംശകച്ചേരി അൻസാർ കോളേജിൽ സംഘടിപ്പിച്ച പൂക്കള മത്സരത്തിൽ വട്ടംകുളം പഞ്ചായത്ത് ടീം ഒന്നാം സ്ഥാനം നേടി. പൊന്നാനി മുനിസിപ്പാലിറ്റി രണ്ടാം സ്ഥാനവും, എടപ്പാൾ പഞ്ചായത്ത് മൂന്നാം സ്ഥാനവും നേടി. ആദ്യ മൂന്ന് സ്ഥാനക്കാർക്കും 3001, 2001, 1001 എന്നിങ്ങിനെ ക്യാഷ് അവാർഡും വിതരണവും ചെയ്തു. കറുവട്ടുമന ജയശ്രീയുടെ നേതൃത്വത്തിലുളള ജൂറി അംഗങ്ങൾ ജേതാക്കളെ പ്രഖ്യാപിച്ചു. അവാർഡ് വിവരണ ചടങ്ങിൽ അടാട്ട് വാസുദേവൻ മാസ്റ്റർ അധ്യക്ഷത വഹിച്ചു. മുനീറ ടി, ഏട്ടൻ ശുകപുരം, ഹിഫ്‌സു റഹ്മാൻ, സജീവ് (പ്രിൻസിപ്പൽ, അൻസാർ കോളേജ് ) ശാരദ ടീച്ചർ, മാലതി വട്ടംകുളം, പ്രദീപ് ഉണ്ണി ന്നമുക്ക് റഷീദ് അറയ്ക്കൽ തുടങ്ങിയവർ സംബന്ധിച്ചു. ലത ടീച്ചർ സ്വാഗതവും, ഖലീൽ റഹ്മാൻ എൻ നന്ദിയും പറഞ്ഞു.
ഞങ്ങളോടൊപ്പം കൈകൾ കോർക്കുവാൻ താഴെ കാണുന്ന ബട്ടൺ വഴി അപേക്ഷ ഫോം പൂരിപ്പിക്കുക.
