PCWF വാർത്തകൾ

എടപ്പാൾ: പി എസ് സി മുഖേനയുള്ള കേരള പോലീസ് സബ് ഇൻസ്പെക്ടർ സെലക്ഷൻ ലിസ്റ്റിൽ നാൽപതാം റാങ്കോടെ മികച്ച വിജയം നേടിയ വട്ടംകുളം സ്വദേശി പി.മുഹമ്മദ് ഫായിസിനെ പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ സമിതി അനുമോദിച്ചു. എടപ്പാൾ എയറോഫ്ലൈ ഏവിയേഷൻ ഇൻസിറ്റിറ്റ്യൂട്ടിൽ നടന്ന വിദ്യാഭ്യാസ സമിതി യോഗത്തിൽ വെച്ചാണ് അനുമോദിച്ചത്. സമിതി ചെയർമാൻ പ്രൊഫ: വി.കെ.ബേബി യോഗത്തിൽ അധ്യക്ഷത വഹിച്ചു. സി എസ് പൊന്നാനി ഉദ്ഘാടനം ചെയ്തു. അടാട്ട് വാസുദേവൻ മാസ്റ്റർ സ്വാഗതം പറഞ്ഞു. പി.കോയക്കുട്ടി മാസ്റ്റർ, സി.വി.മുഹമ്മദ് നവാസ്, ടി.മുനീറ, ഖലീൽ റഹ്മാൻ, പ്രദീപ് ഉണ്ണി,സബീന ബാബു ,നൗഷിർ.വി, ഹംസു.പി.പി എന്നിവർ സംബന്ധിച്ചു. പ്രൊഫ: വി.കെ.ബേബി പൊന്നാട ചാർത്തുകയും സി എസ് പൊന്നാനി ഉപഹാരം നൽകുകയും ചെയ്തു. പി.മുഹമ്മദ് ഫായിസ് മറുപടി പ്രസംഗം നടത്തി. ലഹരിവിമുക്ത സമൂഹ സൃഷ്ടിക്കായി പി സി ഡബ്ല്യൂ എഫ് ജനസേവന വിഭാഗം ജൂൺ 26 മുതൽ ഡിസംബർ 31 വരെ നടത്തി വരുന്ന ലഹരി വിരുദ്ധ കാംപയിൻ വിജയിപ്പിക്കാനും, കാംപയിനിൻ്റെ ഭാഗമായി ജൂലൈ 15 മുതൽ ആഗസ്ത് 31 വരെയുളള കാലയളവിൽ താലൂക്കിലെ ഹയർ സെക്കണ്ടറി വിദ്യാലയങ്ങളിൽ ലഹരി വിരുദ്ധ ബോധവല്‍ക്കരണങ്ങൾ സംഘടിപ്പിക്കാനും തീരുമാനിച്ചു.

തുടരുക...

പൊന്നാനി : പ്രവാസികളുടെ സർവ്വതോന്മുഖമായ വിഷയങ്ങളിലും താങ്ങും തണലുമായി നില്‍ക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ എടപ്പാളിൽ വെച്ച് പ്രവാസി മീറ്റ് സംഘടിപ്പിക്കുന്നു. ജൂലൈ 29 ശനിയാഴ്ച്ച വൈകീട്ട് 3 മണിമുതൽ എടപ്പാൾ തട്ടാൻ പടി സ്റ്റാർ പാലസ് ഓഡിറ്റോറിയത്തിൽ നടക്കുന്ന ചടങ്ങിൽ ഉദ്ഘാടന സമ്മേളനം , ആദരം, കുട്ടികൾ അവതരിപ്പിക്കുന്ന വിവിധ കലാപരിപാടികൾ, സ്വാശ്രയ ഭക്ഷ്യോല്‍പന്ന മേള , പ്രമുഖ ഗായകർ അണിനിരക്കുന്ന മ്യൂസിക്കൽ നൈറ്റ്, നാടകം തുടങ്ങി വിവിധ പരിപാടികൾ പ്രവാസി മീറ്റിൻറ ഭാഗമായി സംഘടിപ്പിക്കുന്നുണ്ട്. ജന പ്രതിനിധികൾ, സാമൂഹ്യ സാംസ്കാരിക നായകർ, ബിസിനസ്സ് രംഗത്തെ പ്രമുഖർ ഉൾപ്പെടെ പങ്കെടുക്കുന്നു. നരിപ്പറമ്പ് ദിലാറ മൻസിലിൽ ചേർന്ന സംഘാടക സമിതി രൂപീകരണ യോഗത്തിൽ അഷ്‌റഫ് ദിലാറ അധ്യക്ഷത വഹിച്ചു. ജി സി സി കോർഡിനേറ്റർ ഡോ : അബ്ദുറഹ്മാൻ കുട്ടി ഉദ്ഘാടനം ചെയ്തു. സി എസ് പൊന്നാനി മുഖ്യ പ്രഭാഷണം നടത്തി. പരിപാടിയുടെ വിജയത്തിന്നായി സംഘാടക സമിതി രൂപീകരിച്ചു. ഡോ : അബ്ദുറഹ്മാൻ കുട്ടി (മുഖ്യ രക്ഷാധികാരി) പി കോയക്കുട്ടി മാസ്റ്റർ, സി വി മുഹമ്മദ് നവാസ്, അടാട്ട് വാസുദേവൻ മാസ്റ്റർ (രക്ഷാധികാരികൾ) അഷ്റഫ് ദിലാറ (ചെയർമാൻ) ഹനീഫ മാളിയേക്കൽ (ജനറൽ കൺവീനർ) തൂമ്പിൽ കുഞ്ഞുട്ടി ഹാജി (ഫിനാൻസ് കൺവീനർ) ഹനീഫ എൻ സി , ഇ പി രാജീവ്, ഹിഫ്സു റഹ്മാൻ , മുനീറ ടി , ലത ടീച്ചർ , ഹനീഫ് ഹാജിവെളിയംങ്കോട് (വൈ : ചെയർമാൻ) സുബൈർ ടി വി (പ്രോഗ്രാം കൺവീനർ) മുരളി മേലേപ്പാട്ട് (ജോ: കൺവീനർ) ഹംസ പി പി (കൺവീനർ, ഫുഡ്ഡ്) മുജീബ് കിസ്മത്ത് (ജോ: കൺവീനർ ) അഷ്റഫ് സി വി (സ്റ്റേജ് & ഡെക്കെറേഷൻ) അൻവർ തവനൂർ (ജോ : കൺവീനർ) സുജീഷ് നമ്പ്യാർ (കൺവീനർ, പരസ്യ പ്രചരണ വിഭാഗം) ഖലീൽ റഹ്മാൻ എൻ (കൺവീനർ ഐ ടി & മീഡിയ) ആശിഖ് ദുബൈ (ജോ : കൺവീനർ) നൗഷിർ മാത്തൂർ (കൺവീനർ, റിസപെഷൻ & ഗിഫ്റ്റ് ) സബീന ബാബു (ജോ : കൺവീനർ) ജി സിദ്ധീഖ് (വളണ്ടിയർ ക്യാപ്റ്റൻ) റഫീഖത്ത് (അസി: ക്യാപ്റ്റൻ) റംല ഹനീഫ് (കൺവീനർ, ഭക്ഷ്യമേള) ആരിഫ മാറഞ്ചേരി (ജോ : കൺവീനർ) തുടങ്ങിയവർ പ്രധാന ഭാരവാഹികളാണ്. ഹനീഫ മാളിയേക്കൽ സ്വാഗതവും, സുബൈർ ടി വി നന്ദിയും പറഞ്ഞു.

തുടരുക...

വെളിയങ്കോട് : തിരുവാതിര ഞാറ്റുവേലയിൽ ഞാറ്റുവേലക്കിളി പാട്ടും പാടി PCWF എവർ ഗ്രീൻ സമിതി റാഗി കൃഷി വിത്ത് വിതയ്ക്കൽ സംഘടിപ്പിച്ചു. ഹനീഫ റംല ദമ്പതികളുടെ ഭൂമിയിൽ ആരംഭിച്ച റാഗി കൃഷി വിത്ത് വിതയ്ക്കൽ ചടങ്ങിന് എവർ ഗ്രീൻ കേന്ദ്ര സമിതി ചെയർ പേഴ്സൺ ശാരദ ടീച്ചർ നേതൃത്വം നല്‍കി. സി എസ് പൊന്നാനി,പി കോയക്കുട്ടി മാസ്റ്റർ,പ്രൊഫ: വി കെ ബേബി, ഡോ : അബ്ദുറഹ്മാൻ കുട്ടി, ടി മുനീറ ,കെ ടി ഹനീഫ്, സുഹ്റ ബാബു , തുടങ്ങിയവർ സംബന്ധിച്ചു. വെളിയങ്കോട് പഞ്ചായത്ത് യൂത്ത് വിംഗ് അംഗത്വ കാമ്പയിൻ റംല ഹനീഫ് ആതിരക്ക് നൽകി തുടക്കം കുറിച്ചു.

തുടരുക...

പൊന്നാനി: ലഹരി വിമുക്ത സമൂഹ സൃഷ്ടിക്കായി 2023 ജൂൺ 26 മുതൽ ഡിസംമ്പർ 31 വരെയുള്ള ഏഴ് മാസ ക്കാലം പോലീസ് , എക്സൈസ് വിഭാഗം സഹകരണത്തോടെ പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗം യൂത്ത് വിഗ് സംയുക്തമായി സംഘടിപ്പിക്കുന്ന ലഹരി വിരുദ്ധ കാംപയിൻ ഉദ്ഘാടനം നഗരസഭ ചെയർമാൻ ശിവദാസ് ആറ്റുപുറം നിർവ്വഹിച്ചു. എം ഇ എസ് കോളേജ് ഓഡിറ്റോറിയത്തിൽ നടന്ന ഉദ്ഘാടന ചടങ്ങിൽ സി എസ് പൊന്നാനി അധ്യക്ഷത വഹിച്ചു. സി ഐ വിനോദ് വലിയാറ്റൂർ ബ്രോഷർ പ്രകാശനം നിർവ്വഹിച്ചു. എക്‌സൈസ് സർക്കിൾ ഇൻസ്പെക്ടർ പി എം റിയാസ് ലഹരി വിരുദ്ധ ക്ലാസ് എടുത്തു. യൂത്ത് വിംഗ് അംഗത്വ വിതരണ കാംപയിൻ ഉദ്ഘാടനം മഖ്ദൂം സയ്യിദ് എം പി മുത്തുകോയ തങ്ങൾ നടത്തി. ഡോ : അബ്ദുറഹ്മാൻ കുട്ടി, രാജൻ തലക്കാട്ട്, ടി വി അബ്ദുറഹ്മാൻ കുട്ടി മാസ്റ്റർ, ഡോ: ബുഷ്റ, ശാരദ ടീച്ചർ, ടി മുനീറ, മാലതി വട്ടംകുളം , അഷ്റഫ് നെയ്തല്ലൂർ, അടാട്ട് വാസുദേവൻ മാസ്റ്റർ തുടങ്ങിയവർ സംബന്ധിച്ചു. ടി വി സുബൈർ സ്വാഗതവും, റഹീന പി എം നന്ദിയും പറഞ്ഞു. കാംപയിൻറ ഭാഗമായി താലൂക്ക് അടിസ്ഥാനത്തിൽ വിവിധ ഘട്ടങ്ങളിലായി ലഘുലേഖ വിതരണം, കലാലയങ്ങളിലൂടെ, കാമ്പസ് തല പ്രചരണങ്ങൾ, റോഡ് ഷോ, സൈക്കിള്‍ റാലി, ബൈക്ക് റാലി , മാരത്തണ്‍ സെമിനാറുകള്‍, ചിത്രപ്രദര്‍ശനം തെരുവുനാടകം, പ്രബന്ധ - പ്രസംഗ മത്സരം ,പോസ്റ്റർ & കാർട്ടൂൺ മത്സരം കലാ കായിക മത്സരങ്ങൾ തുടങ്ങിയവ നടക്കും.

തുടരുക...

പൊന്നാനി : സർവ്വതോന്മുഖമായ ജനകീയ വികസന പ്രവർത്തനങ്ങളിലും യുവാക്കളെ കൂടി അണിനിരത്തുക എന്ന ലക്ഷ്യത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ യൂത്ത് വിംഗ് അംഗത്വ കാംപയിൻ നടത്താനും കാംപയിൻ കാലാവധി ഡിസംബർ വരെയാക്കാനും ,താലൂക്കിലെ യുവതീ യുവാക്കളിലേക്ക് സംഘടന സന്ദേശം എത്തിക്കുന്നതിനാവശ്യമായ പ്രചരണ പ്രവർത്തനങ്ങൾ സംഘടിപ്പിക്കാനും പൊന്നാനി കൾച്ചറൽ വേൾഡ് ഫൗണ്ടേഷൻ കേന്ദ്ര പ്രവർത്തക സമിതി യോഗം തീരുമാനിച്ചു. ഇടശ്ശേരി സ്മാരക മന്ദിരത്തിൽ നടന്ന യോഗം കേന്ദ്ര ഉപദേശക സമിതി അംഗം പി ടി അജയ് മോഹനൻ ഉദ്ഘാടനം ചെയ്തു. പ്രസിഡന്റ് സി എസ് പൊന്നാനി അധ്യക്ഷത വഹിച്ചു. ജൂലൈ അവസാന വാരത്തിൽ പതിനഞ്ചാം വാര്‍ഷിക ജനറൽ ബോഡിയും, പ്രവാസി സംഗമവും നടത്താനും ചടങ്ങിൽ വെച്ച് പ്രവാസ ജീവിതം അവസാനിപ്പിച്ച് നാട്ടിലെത്തി സാമൂഹ്യ പ്രവർത്തനങ്ങളിൽ സജീവമായ അംഗങ്ങൾക്ക് അവാർഡ് നൽകി ആദരിക്കാനും തീരുമാനിച്ചു. ഇതിന്നായി സംഘാടക സമിതി രൂപീകരിച്ചു. അഷ്റഫ് ദിലാറ (ചെയർമാൻ) ഹനീഫ മാളിയേക്കൽ (കൺവീനർ) ഹനീഫ എൻ സി (വൈ : ചെയർമാൻ) സൈനുൽ ആബിദ് (ജോ : കൺവീനർ) 2023 റിലീഫ് അവലോകനം നടത്തി. ഈ വർഷവും പൊന്നാനി നഗരസഭയുടെ കീഴിലുളള ഡയാലീസിസ് സെന്റർ ന് നല്ലൊരു തുക കൈമാറാൻ എല്ലാ ഘടകങ്ങളോടും സഹകരിക്കാൻ ആവശ്യപ്പെട്ടു. ലഹരി വിമുക്ത സമൂഹ സൃഷ്ടിക്കായി അന്താരാഷ്ട്ര ലഹരി വിരുദ്ധ ദിനത്തിൽ ആരംഭിക്കുന്ന ലഹരി വിരുദ്ധ കാംപയിൻ വിജയിപ്പിക്കാൻ സംഘാടക സമിതിക്ക് രൂപം നല്‍കി. മോഹനൻ പാക്കത്ത് (ചെയർമാൻ) മുരളി മേലെപ്പാട്ട് (കൺവീനർ) റഫീഖത്ത് (വൈ: ചെയർ) ഐഷാബി (ജോ: കൺവീനർ) സ്വദേശത്തും വിദേശത്തുമുളള പി സി ഡബ്ല്യു എഫ് അംഗങ്ങൾക്കായി ക്ഷേമ നിധി നടപ്പിലാക്കാൻ അബ്ദുല്ലതീഫ് മാറഞ്ചേരി ചെയർമാനും, അഷ്റഫ് ദിലാറ കൺവീനറുമായി 11അംഗ ക്ഷേമ നിധി ബോർഡിന് രൂപം നല്‍കി. അംഗങ്ങൾക്കുളള ഐഡന്റിറ്റി കാർഡ് എത്രയും വേഗം നടപ്പിലാക്കാൻ ഐ ടി വിഭാഗത്തോട് ആവശ്യപ്പെട്ടു. പൊന്നാനി കൾച്ചറൽ വേൾഡ് ഫൗണ്ടേഷൻ ഗ്ലോബൽ എക്സിക്യൂട്ടീവ്, വനിതാ കേന്ദ്ര കമ്മിറ്റി എക്സിക്യൂട്ടീവ്, നാട്ടിൽ ലീവിനെത്തിയ പ്രവാസി കമ്മിറ്റി പ്രതിനിധികൾ ഈ യോഗത്തിൽ സംബന്ധിച്ചു. വിവിധ ഘടകങ്ങൾ വഴി ലഭിച്ച അപേക്ഷ പ്രകാരം ഒരു ലക്ഷത്തോളം രുപയുടെ ചികിത്സ സഹായവും , പൊന്നാനി നഗരസഭ യിലെ വനിതാ അംഗത്തിന്റെ മകൾക്ക് തുടർ വിദ്യാഭ്യാസത്തിനുളള വിദ്യാഭ്യാസ സഹായവും കൈമാറി. ജനറൽ സെക്രട്ടറി സി വി മുഹമ്മദ് നവാസ് പ്രവർത്തന റിപ്പോർട്ടും, ട്രഷറർ ഇ പി രാജീവ് സാമ്പത്തിക റിപ്പോർട്ടും അവതരിപ്പിച്ചു. അന്തരിച്ച പി സി ഡബ്ല്യു എഫ് ബാംഗ്ലൂർ പ്രസിഡന്റ് ഹംസ റഹ്മാനു വേണ്ടി മൗന പ്രാർത്ഥന നടത്തി. സ്വാശ്രയ കമ്പനിയുടെ കീഴിൽ നിർമ്മാണം നടന്നു വരുന്ന സ്വാശ്രയ മാൾ ഷെയർ സമാഹരണ യജ്ഞം വിജയിപ്പിക്കാനും എല്ലാ പഞ്ചായത്തിലും ഇത് സംബന്ധിച്ച് ബോധവല്‍ക്കരണം നടത്താനും പദ്ധതി തയ്യാറാക്കി. സ്വാശ്രയ തൊഴിൽ സംരംഭത്തിൻറ ഭാഗമായി നടന്നുവരുന്ന സ്വാശ്രയ ടൈലറിംഗ് നാലാം ബാച്ചിനുളള സർട്ടിഫിക്കറ്റ് വിതരണം പ്രവാസി സംഗമ വേദിയിൽ വെച്ച് നൽകാനും, അഞ്ചാം ബാച്ചിലേക്ക് സൗജന്യ പഠനത്തിനുളള അപേക്ഷ സ്വീകരിക്കാനും തീരുമാനമായി. ഓണത്തോടനുബന്ധിച്ച് എവർ ഗ്രീൻ സമിതിയുടെ ആഭിമുഖ്യത്തിൽ ഓണ ചന്ത നടത്താനും തീരുമാനിച്ചു. ടി മുനീറ സ്വാഗതവും, എൻ പി അഷ്റഫ് നെയ്തല്ലൂർ നന്ദിയും പറഞ്ഞു.

തുടരുക...

പൊന്നാനി: ലഹരി വിമുക്ത സമൂഹ സൃഷ്ടിക്കായി 2023 ജൂൺ 26 മുതൽ ഡിസംമ്പർ 31 വരെയുള്ള ഏഴ് മാസ ക്കാലം പോലീസ് , എക്സൈസ് വിഭാഗം സഹകരണത്തോടെ പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗം യൂത്ത് വിംഗ് സംയുക്തമായി ലഹരി വിരുദ്ധ കാംപയിൻ ആരംഭിക്കുന്നതായി ഭാരവാഹികൾ പത്ര സമ്മളനത്തിൽ അറിയിച്ചു. കാംപയിൻറ ഭാഗമായി താലൂക്ക് അടിസ്ഥാനത്തിൽ ലഘുലേഖ വിതരണം,കലാലയങ്ങളിലൂടെ, കാമ്പസ് തല പ്രചരണങ്ങൾ , റോഡ് ഷോ,സൈക്കിള്‍ റാലി, ബൈക്ക് റാലി ,മാരത്തണ്‍ സെമിനാറുകള്‍, ചിത്രപ്രദര്‍ശനം തെരുവുനാടകം,പ്രബന്ധ - പ്രസംഗ മത്സരം ,പോസ്റ്റർ & കാർട്ടൂൺ മത്സരം കലാ കായിക മത്സരങ്ങൾ തുടങ്ങിയവ സംഘടിപ്പിക്കുന്നു. കാംപയിൻ ഉദ്ഘാടനം അന്താരാഷ്ട്ര ലഹരി വിരുദ്ധ ദിനത്തിൽ ജൂൺ 26 തിങ്കളാഴ്ച്ച കാലത്ത് 10.30 ന് പൊന്നാനി എം ഇ എസ് കോളേജിൽ മലയാളം സർവ്വകലാശാല വൈ: ചാൻസലർ ഡോ : എൽ സുഷമ നിർവ്വഹിക്കുന്നു. ശിവദാസ് ആറ്റുപുറം (ചെയർമാൻ,നഗരസഭ) മുഖ്യാതിഥിയായിരിക്കും. വിനോദ് വലിയാറ്റൂർ (സി ഐ , പൊന്നാനി ) ബ്രോഷർ പ്രകാശനം നിർവ്വഹിക്കും. പി എം റിയാസ് (പൊന്നാനി എക്‌സൈസ് സർക്കിൾ ഇൻസ്പെക്ടർ) ലഹരി വിരുദ്ധ സന്ദേശം നല്‍കുന്നു. സി എസ് പൊന്നാനി (പ്രസിഡന്റ്, പി സി ഡബ്ല്യു എഫ്) ഡോ : അമീറ (പ്രിൻസിപ്പൾ, എം ഇ എസ് കോളേജ് , പൊന്നാനി) സെക്കീർ കാദിരി (കോളേജ് സെക്രട്ടറി) സഹല (വാർഡ് കൗൺസിലർ) തുടങ്ങിയവർ സംബന്ധിക്കുന്നു. പത്ര സമ്മനത്തിൽ പങ്കെടുത്തവർ സി വി മുഹമ്മദ് നവാസ് (ജന: സെക്രട്ടറി) മുനീറ ടി (പ്രസിഡന്റ്, വനിതാ കേന്ദ്ര കമ്മിറ്റി) എസ് ലത ടീച്ചർ (ജന: സെക്രട്ടറി, വനിതാ കേന്ദ്ര കമ്മിറ്റി) മോഹനൻ പാക്കത്ത് (വൈ : ചെയർമാൻ, ജനസേവന വിഭാഗം) ടി വി സുബൈർ (കൺവീനർ, ജനസേവന വിഭാഗം)

തുടരുക...

പൊന്നാനി: സിവിൽ സ്റ്റേഷന് പിറക് വശം താമസിക്കുന്ന കുഞ്ഞിബീവിയുടെ ഭവനം കഴിഞ്ഞ ദിവസമുണ്ടായ കാറ്റിലും മഴയിലും തകർന്ന് വീണ് കുഞ്ഞിബീവിക്കും മക്കൾക്കും പരിക്ക് പറ്റിയതായി വാർത്ത മാധ്യമങ്ങൾ റിപ്പോർട്ട് ചെയ്തിരുന്നു. പൊന്നാനി കൾച്ചറൽ വേൾഡ് ഫൗണ്ടേഷൻ സാരഥികൾ വസതി സന്ദര്‍ശിക്കുകയും താത്കാലിക വീട് കണ്ടെത്തി മാറ്റി പാർപ്പിക്കുന്നതിന് വേണ്ട സാമ്പത്തിക സഹായം കൈമാറുകയും ചെയ്തു. പൊന്നാനി നഗരസഭ ചെയർമാൻ ശിവദാസ് ആറ്റുപുറത്തിൻറ സാന്നിധ്യത്തിൽ നടന്ന ചടങ്ങിൽ പി കോയക്കുട്ടി മാസ്റ്റർ, സി വി മുഹമ്മദ് നവാസ്, ടി വി സുബൈർ, മുജീബ് കിസ്മത്ത് ഒന്നാം വാർഡ് വനിതാ ഘടകം പ്രസിഡന്റ് ഇ കെ സീനത്ത് തുടങ്ങിയവർ സംബന്ധിച്ചു.

തുടരുക...

പൊന്നാനി: എസ്.എസ്. എൽ.സി., പ്ലസ് ടു പരീക്ഷകളിൽ വിജയികളായ വിദ്യാർത്ഥികൾക്കായി പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ സമിതിയുടെ ആഭിമുഖ്യത്തിൽ കരിയർ ഗൈഡൻസ് ക്ലാസും, അനുമോദന സദസ്സും സംഘടിപ്പിച്ചു. ചമ്രവട്ടം ജംഗ്ഷൻ പാലക്കൽ ഓഡിറ്റോറിയത്തിൽ നടന്ന ചടങ്ങ് നഗരസഭ വിദ്യാഭ്യാസ സ്റ്റാന്റിങ്ങ് കമ്മറ്റി ചെയർമാൻ ടി.മുഹമ്മദ് ബഷീർ ഉദ്ഘാടനം ചെയ്തു. പ്രൊഫ: വി.കെ. ബേബി അധ്യക്ഷത വഹിച്ചു. നസിറുദ്ദീൻ ക്ലാസ് എടുത്തു. അടാട്ട് വാസുദേവൻ മാസ്റ്റർ സംസാരിച്ചു. പി.കോയക്കുട്ടി മാസ്റ്റർ,സി വി മുഹമ്മദ് നവാസ്, ടി. മുനീറ,സുബൈർ ടി വി , അഷ്റഫ് എൻ പി, സുബൈദ പോത്തനൂർ, വി അബ്ദുസ്സമദ്, കാസിം ദുബായ്, അലി ഹസൻ, എ ബി അബ്ദുൽ അസീസ് ഷാർജ, അബ്ദുൽ കരീം അജ്മാൻ (യു.എ.ഇ) നാസർ കെ ( കുവൈറ്റ് ) ബിജു ദേവസി, മൊയ്തുമോൻ (സഊദി) രാജൻ തലക്കാട്ട്, പി എ അബ്ദുട്ടി ,മാലതി വട്ടംകുളം,ഖൈറുന്നിസ പാലപ്പെട്ടി, മുജീബ് കിസ്മത്ത്, സി വി ബാബു, ഹനീഫ മാളിയേക്കൽ ഫഹദ് ബ്നു ഖാലിദ്, യഹ്‌യ എ വി ,ശംസുദ്ദീൻ കളക്കര, മിനി ടി , ഹാജറ സി വി തുടങ്ങിയവർ ഉപഹാരങ്ങൾ വിതരണം ചെയ്തു. ലത ടീച്ചർ സ്വാഗതവും സബീനാ ബാബു നന്ദിയും പറഞ്ഞു.

തുടരുക...

മനാമ: പൊന്നാനി താലൂക്ക് നിവാസികളുടെ സർവ്വതോന്മുഖമായ പുരോഗതിക്കായ് പ്രവർത്തിച്ചു വരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ ബഹറൈൻ ചാപ്റ്റർ മുന്നാം വാർഷികത്തിന്റെ ഭാഗമായി കെ സി എ ഹാളിൽ സംഘടിപ്പിച്ച പൊന്നോത്സവ് 2K23 വിവിധങ്ങളായ പരിപാടികളാൽ ശ്രദ്ധേയമായി. പൊന്നോത്സവിന്റെ ഭാഗമായി നടന്ന പൊതു സമ്മേളനം പി സി ഡബ്ല്യു എഫ് ഗ്ലോബൽ പ്രസിഡന്റ് സി എസ് പൊന്നാനി ഉദ്ഘാടനം ചെയ്തു. സ്വാശ്രയ പൊന്നാനി കമ്പനി ചെയർമാൻ ഡോ: അബ്ദുറഹ്മാൻ കുട്ടി മുഖ്യ പ്രഭാഷണം നടത്തി. വിവിധ സംഘടനാ പ്രതിനിധികളായ ചെമ്പൻ ജലാൽ, ബഷീർ അമ്പലായി, സലിം കളക്കര (PCWF സഊദി) ശിഹാബ് കറുകപുത്തൂർ തുടങ്ങിയവർ ആശംസകൾ നേർന്നു. പി സി ഡബ്ല്യു എഫ് ബഹറൈൻ ഘടകം പ്രസിഡണ്ട് ഹസൻ വിഎം മുഹമ്മദ്‌ അധ്യക്ഷത വഹിച്ചു. ജനറൽ സെക്രട്ടറി ഫസൽ പി കടവ് സ്വാഗതവും, ട്രഷറർ സദാനന്ദൻ കണ്ണത്ത് നന്ദിയും പറഞ്ഞു. ബിസിനസ്സ് രംഗത്തെ യുവ സംരംഭകനായ റിയൽ ബെവ് എം ഡി നരിപ്പറമ്പ് സ്വദേശി പി കെ അബ്ദുൽ സത്താറിന് ബിസിനസ് എക്സെലൻസി അവാർഡ് നൽകി ആദരിച്ചു. കുടുംബ സംഗമം, കുട്ടികളുടെ കലാപരിപാടികൾ, പത്ത് പന്ത്രണ്ട് ക്ലാസുകളിൽ ഉന്നത വിജയം നേടിയ വിജയികൾക്ക് അനുമോദനം ,‌ സ്നേഹാദരവ്‌, ഗാനമേള, സിനിമാറ്റിക് ഡാൻസ്, ക്ലാസിക്കൽ ഡാൻസ്, മെഗാ ഒപ്പന, സ്റ്റാൻഡ് അപ്പ് കോമഡി, സഹൃദയ കലാവേദിയുടെ നാടൻ പാട്ട്, കലാശക്കൊട്ട് എന്നിവയും പൊന്നാനി തനിമയിൽ പലഹാര മേളയും ഉണ്ടായിരുന്നു. വേനലവധിക്കാലത്ത് വിമാനക്കമ്പനികൾ പ്രവാസികളിൽ നിന്നും അമിതമായി ഈടാക്കുന്ന വിമാന ടിക്കറ്റ് ചാർജ് വർദ്ധനവിൽ ഇടപെടൽ നടത്താൻ കേന്ദ്ര - സംസ്ഥാന സർക്കാറുകളുടെ പ്രവാസി കാര്യ വകുപ്പിന് നിവേദനം അയക്കാൻ പ്രമേയം അവതരിപ്പിച്ചു. പി സി ഡബ്ല്യു എഫ് അംഗങ്ങളുടെ ക്ഷേമത്തിന്നായി നടപ്പാക്കാൻ ഉദ്ദേശിക്കുന്ന ക്ഷേമ നിധി പദ്ധതി എത്രയും വേഗം നടപ്പിലാക്കാൻ പി സി ഡബ്ല്യു എഫ് കേന്ദ്ര കമ്മിറ്റി മുൻ കൈ എടുക്കണമെന്നും സമ്മേളനം ആവശ്യപ്പെട്ടു. പൊന്നോത്സവ് നറുക്കെടുപ്പിലൂടെ വിജയികളായവർക്ക് ഒരു പവൻ സ്വർണ്ണ നാണയം, മൊബൈൽ ഫോൺ, ടാബ്, സ്മാർട്ട് വാച്ച് എന്നിവ സമ്മാനങ്ങളായി നൽകി. ബാലൻ കണ്ടനകം, മുഹമ്മദ് മാറഞ്ചേരി, ജഷീർ ചങ്ങരംകുളം, റംഷാദ് റഹ്മാൻ, ഷെഫീഖ് പാലപ്പെട്ടി, പിടിഎ റഹ്‌മാൻ, സെയ്തലവി കരുകത്തിരുത്തി, മധു എടപ്പാൾ, നസീർ കാഞ്ഞിരമുക്ക്, വി എം ഷറഫ് പുതുപൊന്നാനി, ഫിറോസ്‌ വെളിയങ്കോട്, നബീൽ കൊല്ലൻപടി വനിതാ വിങ് ഷിജിലി, സിതാര, ഖദീജ, ലൈല, ജസ്‌നി, തസ്‌ലി എന്നിവർ നേതൃത്വം നല്‍കി.

തുടരുക...

ചങ്ങരംകുളം: പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ സമിതിയുടെ ആഭിമുഖ്യത്തിൽ നടന്ന പൊന്നാനി താലൂക്കിലെ വിവിധ പഞ്ചായത്തുകളിൽ നിന്നും എസ്.എസ്.എൽ.സി , +2 ക്ലാസുകളിലെ വിജയികൾക്കായുള്ള 'അനുമോദനം - 2023' പി.നന്ദകുമാർ എം എൽ എ ഉദ്ഘാടനം ചെയ്തു. വളയംകുളം എം വി എം റസിഡൻഷ്യൽ ഹയർ സെക്കണ്ടറി സ്ക്കൂളിൽ നടന്ന ചടങ്ങിൽ പി സി ഡബ്ല്യു എഫ് കേന്ദ്ര വിദ്യാഭ്യാസ സമിതി ചെയർമാൻ പ്രൊഫ: വി.കെ. ബേബി അധ്യക്ഷത വഹിച്ചു. വിദ്യാഭ്യാസ സമിതി വൈസ് ചെയർമാൻ അഅബ്ദുല്ലത്തീഫ് കളക്കര കരിയർ ഗൈഡൻസ് ക്ലാസിന് നേതൃത്വം നൽകി. ആലങ്കോട് ഗ്രാമ പഞ്ചായത്ത് പ്രസിഡണ്ട് കെ.വി.ഷഹീർ , പെരുമ്പടപ്പ് ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിങ്ങ് കമ്മറ്റി ചെയർമാൻ ടി.രാമദാസ് ,വിദ്യാഭ്യാസ സമിതി കൺവീനർ അടാട്ട് വാസുദേവൻ, കുഞ്ഞു മുഹമ്മദ് പന്താവൂർ , വിദ്യാഭ്യാസ സമിതി ജോ : കൺവീനർ ലത വിജയൻ , പി സി ഡബ്ല്യു എഫ് വനിതാ വിഭാഗം പ്രസിഡണ്ട് ടി. മുനീറ,പ്രണവം പ്രസാദ്, എം.ടി. ഷരീഫ് മാസ്റ്റർ, വി.മുഹമ്മദ് നവാസ്, അബ്ദുള്ളക്കുട്ടി ഹാജി വട്ടംകുളം തുടങ്ങിയവർ പ്രസംഗിച്ചു. അബ്ദു കിഴിക്കര , റഷീദ് കണ്ടനകം ,ഷബീന ബാബു, ഷഹീർ മാസ്റ്റർ പൂക്കരത്തറ, എം.പി. അംബികാകുമാരി ടീച്ചർ, മജീദ് പാവിട്ടപ്പുറം, പ്രദീപ് ഉണ്ണി, സിദ്ദീഖ് തവനൂർ,പി.കെ.അബ്ദുള്ളക്കുട്ടികാളാച്ചാൽ, ഫാത്തിമ്മ അബ്ദുൾ ലത്തീഫ്, ഹസീന , രാജലക്ഷ്മി, റഫീക്കത്ത്, റമീഷ തുടങ്ങിയവർ വിജയികൾക്ക് ഉപഹാരം നൽകി അനുമോദിച്ചു.

തുടരുക...

മനാമ: പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ ചാപ്റ്റർ മൂന്നാം വാർഷികാഘോഷത്തിന്റെ ഭാഗമായി സംഘടിപ്പിക്കുന്ന അക്ബർ ട്രാവൽസ് "പൊന്നോത്സവ് 2K23" നാളെ ജൂൺ 9 വെള്ളിയാഴ്ച്ച സഗയ്യ കെ സി എ ഹാളിൽ വെച്ച് വൈകീട്ട് 3 മണി മുതൽ വിവിധ പരിപാടികളോടെ നടക്കുമെന്ന് ഭാരവാഹികൾ അറിയിച്ചു. കുടുംബ സംഗമം, കുട്ടികൾ അവതരിപ്പിക്കുന്ന വിവിധ കലാ പരിപാടികൾ, പൊതു സമ്മേളനം, സ്നേഹാദരവ്‌, ഗാനമേള, നാസിക് ഡോൾ, മെഗാ ഒപ്പന, ക്ലാസ്സിക് ഡാൻസ്, സിനിമാറ്റിക് ഡാൻസ്, സ്റ്റാൻഡ് അപ് കോമഡി, നാടൻ പാട്ടും നൃത്തവും, കലാശക്കൊട്ട്, പൊന്നാനി തനിമയുടെ രുചി കൂട്ടുകൾ കൊണ്ട് തയ്യാറാക്കിയ പലഹാര മേളയും പൊന്നോത്സവിന്റെ ഭാഗമായി ഉണ്ടായിരിക്കുന്നതാണ്. ബഹ്‌റൈനിലെ സ്കൂളുകളിൽ നിന്നും പത്ത്, പന്ത്രണ്ട് ക്ലാസുകളിൽ ഉന്നത വിജയം നേടിയ താലൂക്കിലെ വിദ്യാർത്ഥികൾക്ക് ചടങ്ങിൽ വെച്ച് ഉപഹാരം നൽകി അനുമോദിക്കുമെന്നും ഭാരവാഹികളായ; ഹസൻ വി എം മുഹമ്മദ്‌ (പ്രസിഡണ്ട്) ഫസൽ പി കടവ് ( ജനറൽ സെക്രട്ടറി) സദാനന്ദൻ കണ്ണത്ത് (ട്രഷറർ) ജഷീർ മാറൊലി (കൺവീനർ) മുഹമ്മദ്‌ മാറഞ്ചേരി (കോർഡിനേറ്റർ) എന്നിവർ പറഞ്ഞു. ബഹറൈനിലെ പൊന്നാനി താലൂക്ക് നിവാസികളെല്ലാം പരിപാടിയിൽ പങ്കെടുക്കണമെന്നും സംഘാടക സമിതി അറിയിച്ചു. കൂടുതൽ വിവരങ്ങൾക്ക് താഴെ നമ്പറിൽ ബന്ധപ്പെടുക 37256772, 33863401

തുടരുക...

പാലപ്പെട്ടി: പൊന്നാനി കൾച്ചറൽ വേൾഡ് ഫൗണ്ടേഷൻ പെരുമ്പടപ്പ് പഞ്ചായത്ത് വനിതാ അഡ്ഹോക്ക് കമ്മിറ്റി രൂപീകരിച്ചു. പുതിയിരുത്തി അശ്റഫ് ആലുങ്ങലിന്റെ വസതിയിൽ ചേർന്ന വിവിധ വാർഡ് പ്രതിനിധികളുടെ യോഗത്തിൽ കദീജ മുത്തേടത്ത് അധ്യക്ഷയായി. വനിതാ കേന്ദ്ര കമ്മിറ്റി പ്രസിഡന്റ് ടി. മുനീറ ഉദ്ഘാടനം ചെയ്തു. സുഹറ ബാബു, ഷെമി സുജിത്ത്, അഷറഫ് മച്ചിങ്ങൽ, അഷറഫ് ആലുങ്ങൽ തുടങ്ങിയവർ സംസാരിച്ചു. അഡ്ഹോക്ക് കമ്മിറ്റി പ്രധാന ഭാരവാഹികളായി ; ഷമി സുജിത്ത് (പ്രസിഡന്റ്) കൗലത്ത് (സെക്രട്ടറി) കദീജ എം എം (ട്രഷറർ) ഷാഹിൻ ബാനു,ഷമീമ (വൈ: പ്രസിഡന്റ്‌) ഷാമില, റൈഹാനത്ത് (ജോ : സെക്രട്ടറി) തുടങ്ങിയവരെ തെരഞ്ഞെടുത്തു. പങ്കെടുത്ത വാർഡുകളിലെ പ്രതിനിധികളിൽ നിന്ന് 19 അംഗ എക്സിക്യൂട്ടീവിനെ തെരഞ്ഞെടുത്തു. 2023 ഡിസംബർ 31 നകം അംഗത്വ കാംപയിൻ നടത്തി എല്ലാ വാർഡുകളിലും കമ്മിറ്റികൾ രൂപീകരിച്ച് ശേഷം പഞ്ചായത്ത് കൺവെൻഷൻ വിളിച്ച് ചേര്‍ത്ത് സ്ഥിരം കമ്മിറ്റിയെ തെരഞ്ഞെടുക്കാനും ധാരണയായി. പാറ,അയിരൂർ പ്രദേശത്തും അടുത്ത ദിവസം തന്നെ വാർഡ് കമ്മിറ്റി വിളിച്ചുചേര്‍ക്കാൻ തീരുമാനമായി. ചെറവല്ലൂർ പ്രദേശത്ത് വാർഡ് കമ്മിറ്റി വിളിക്കാൻ ഖദീജ മുത്തേടത്തിനെയും ചുമതലപ്പെടുത്തി. ഹൗലത്ത് സ്വാഗതവും, റഷീദ നന്ദിയും പറഞ്ഞു.

തുടരുക...

പൊന്നാനി : ആസ്ഥാന മന്ദിര പരിസരത്തും, പി വി എ ഖാദർ ഹാജി മെഡിക്കെയർ പരിസരത്തും വിവിധ പഞ്ചായത്ത് കേന്ദ്രങ്ങളിലും പൊന്നാനി കൾച്ചറൽ വേൾഡ് ഫൗണ്ടേഷൻ വൃക്ഷ തൈകൾ നട്ട് പരിസ്ഥിതി ദിനം ആചരിച്ചു

തുടരുക...

പൊന്നാനി : ജീവകാരുണ്യ രംഗത്തെ പ്രധാനിയും , പൊന്നാനി കൾച്ചറൽ വേൾഡ് ഫൗണ്ടേഷൻ കേന്ദ്ര വർക്കിംഗ് പ്രസിഡന്റുമായിരുന്ന പി വി അബ്ദുൽ ഖാദർ ഹാജിയുടെ ദീപ്ത സ്മരണയിൽ പി സി ഡബ്ല്യു എഫ് അംഗങ്ങളും കുടുംബ മിത്രാദികളും ഒത്ത് കൂടി. പി വി എ ഖാദർ ഹാജി മെമ്മോറിയൽ PCWF മെഡിക്കെയർ (ചന്തപ്പടി - നജാത്ത് ) പരിസരത്ത് നടന്ന രണ്ടാം അനുസ്മരണ സംഗമത്തിൽ ഖാദർ ഹാജിയുടെ മാതൃകാപരമായ സാമൂഹ്യ സേവന പ്രവർത്തനങ്ങളെ നിറകണ്ണുകളോടെ സ്മരിച്ചു. നാടിനും സമൂഹത്തിനും വേണ്ടി ഫലപ്രദമായ ഇടപെടൽ നടത്തിയ, വ്യക്തി ജീവിതത്തിൽ വിശുദ്ധ കാത്ത് സൂക്ഷിച്ച ഇത്തരം മാതൃകാ യോഗ്യരായ സാരഥികളെയാണ് ഇന്നിൻറ ആവശ്യമെന്നും അനുസ്മരിച്ചവർ ചൂണ്ടിക്കാട്ടി. പി കോയക്കുട്ടി മാസ്റ്റർ അധ്യക്ഷത വഹിച്ചു. സി വി മുഹമ്മദ് നവാസ് അനുസ്മരണ പ്രഭാഷണം നടത്തി. അബ്ദുല്ലതീഫ് കളക്കര,എൻ പി അഷ്റഫ്, ബാബു (ഖാദർ ഹാജിയുടെ മകൻ) അബ്ദുട്ടി പി എ , റംല കെ പി (പൊന്നാനി ) ജിസിദ്ധീഖ് (തവനൂർ ) നവാസ് (നന്നമുക്ക് ) അബ്ദുറഷീദ് (വട്ടംകുളം) അലി കടവത്ത് (വെളിയങ്കോട്) അബ്ദുൽ അസീസ് പി എ, ആദം സി (യു.എ.ഇ) ബിജു ദേവസ്സി (സഊദി) അബ്ദു റസാഖ് കെ പി , കെ കെ ഹംസ തുടങ്ങിയവർ സംസാരിച്ചു. ടി വി സുബൈർ സ്വാഗതവും, മുജീബ് കിസ്മത്ത് നന്ദിയും പറഞ്ഞു.

തുടരുക...

ദോഹ: പൊന്നാനി കൾച്ചറൽ വേൾഡ് ഫൗണ്ടേഷൻ ഖത്തർ കമ്മറ്റി വാർഷിക ആഘോഷത്തിൻറ ഭാഗമായുളള പൊൻസ്‌മൃതി - സീസൺ 3 സെപ്തമ്പർ മാസത്തിൽ നടത്താൻ എക്സിക്യൂട്ടീവ് യോഗം തീരുമാനിച്ചു. ഇതിന് മുന്നോടിയായി 2023 ജൂൺ 1 മുതൽ ഓഗസ്റ്റ് 15 വരെ നീണ്ടു നില്‍ക്കുന്ന അംഗത്വ ക്യാമ്പയിൻ ആചരിക്കുവാനും തീരുമാനിച്ചു. അബൂ ഹമൂറിലുള്ള നാസ്കോ റസ്റ്റോറന്റിൽ ചേർന്ന യോഗത്തിൽ പി സി ഡബ്ല്യു എഫ് ഖത്തർ കമ്മിറ്റി ജനറൽസെക്രട്ടറി ബിജേഷ് കൈപ്പട അധ്യക്ഷത വഹിച്ചു. ഗ്ലോബൽ കമ്മിറ്റി സെക്രട്ടറി അബ്ദുല്ലത്തീഫ് കളക്കര ഉദ്ഘാടനം ചെയ്തു. അകാലത്തിൽ വിട്ടുപിരിഞ്ഞ പി സി ഡബ്ല്യു എഫ് ബാംഗ്ലൂർ ഘടകം പ്രസിഡന്റ് ഹംസ റഹ്മാൻ സാഹിബിന്റെ മരണത്തിൽ യോഗം അനുശോചനം രേഖപ്പെടുത്തി. സദാസമയ കർമനിരതനായ മനുഷ്യ സ്നേഹിയായിരുന്നു അദ്ദേഹമെന്നും ഈ വിയോഗം സംഘടനയ്ക്ക് വലിയ നഷ്ടമാണെന്നും യോഗം അഭിപ്രായപ്പെട്ടു. സ്വാശ്രയ മാൾ ഷെയർ സമാഹരണത്തിന്റെ ഭാഗമായി ഖത്തറിൽ എത്തിയ സ്വാശ്രയ കമ്പനി മാർക്കറ്റിംഗ് ഡയറക്ടർ കൂടിയായ ലത്തീഫ് കളക്കര പദ്ധതിയുടെ നിലവിലെ പുരോഗതിയെ കുറിച്ച് വിശദീകരിച്ചു. ഖത്തറിൽ നിന്നും ചുരുങ്ങിയ ദിവസം കൊണ്ട് നല്ലൊരു ഷെയർ സമാഹരണം നടത്താൻ സാധിച്ചു. എക്സിക്യൂട്ടീവ് അംഗങ്ങൾ വഴി ഷെയർ സമാഹരണം കൂടുതൽ പേരിലേക്ക് എത്തിക്കുവാനും ജൂൺ 1 മുതൽ ഓഗസ്റ്റ് 15 വരെ അംഗത്വ ക്യാമ്പയിന്റെ കൂടെ തന്നെ ഷെയർ സമാഹരണ യജ്ഞം നടത്താനും തീരുമാനമെടുത്തു. ഉപദേശക സമിതി അംഗമായ അബ്ദുൽ സലാം മാട്ടുമ്മലിന് പി സി ഡബ്ല്യു എഫ് ഖത്തർ കമ്മിറ്റി ആക്ടിങ് പ്രസിഡന്റിന്റെ അധിക ചുമതല നൽകി. ഒഴിവ് വന്ന വൈസ് പ്രസിഡന്റ് സ്ഥാനത്തേക്ക് മുഹമ്മദ് ഷെരീഫിനെ നിയമിച്ചു. താലൂക്കിലെ എല്ലാ പഞ്ചായത്തുകളിൽ നിന്നും എക്സിക്യൂട്ടീവ് പ്രാതിനിധ്യം ഉറപ്പ് വരുത്തുവാനും തീരുമാനിച്ചു. രക്തദാന ക്യാമ്പ് സംഘടിപ്പിക്കാനും, നോർക്ക അംഗത്വം, പ്രവാസി ക്ഷേമനിധി തുടങ്ങിയവയിൽ ബോധവല്‍ക്കരണം നടത്താനും ഹെൽപ്‌ലൈൻ കമ്മറ്റി രൂപീകരിക്കുവാനും തീരുമാനിച്ചു. ഇഫ്താർ സംഗമം അവലോകനം നടത്തുകയും സാമ്പത്തിക റിപ്പോർട്ട് അവതരിപ്പിക്കുകയും ചെയ്തു. നൗഫൽ സ്വാഗതവും, ഖലീൽ റഹ്മാൻ നന്ദിയും പറഞ്ഞു.

തുടരുക...

നാടിന്റെ നന്മയിൽ നിങ്ങളും
പങ്കാളിയാവുക

ഞങ്ങളോടൊപ്പം കൈകൾ കോർക്കുവാൻ താഴെ കാണുന്ന ബട്ടൺ വഴി അപേക്ഷ ഫോം പൂരിപ്പിക്കുക.

Contact Us
+91 75588 33350