PCWF വാർത്തകൾ

അൽ ഐൻ : പൊന്നാനി കൾച്ചറൽ വേൾഡ് ഫൗണ്ടേഷൻ അൽ ഐൻ ഘടകം  എട്ടാം വാര്‍ഷിക ജനറൽ ബോഡി പൊന്നാനി ഇൻ അൽ ഐൻ സംഗമം എന്ന പേരിൽ ഡൗൺ ടൗൺ റസ്റ്റോറൻറിൽ സംഘടിപ്പിച്ചു. പ്രസിഡണ്ട്  വി വി ജിഷാർ അബൂബക്കർ അധ്യക്ഷത വഹിച്ചു.  ഫദലു മുഹമ്മദലി വാടാനപ്പള്ളി ഉദ്‌ഘാടനം നിർവഹിച്ചു. സി. എസ് പൊന്നാനി മുഖ്യ പ്രഭാഷണം നടത്തി. വൈസ് പ്രസിഡന്റ് ദിൽഖുഷ്‌ 2019-2021 കാലയളവിലെ പ്രവർത്തന റിപ്പോർട്ടും,  സാമ്പത്തിക റിപ്പോർട്ടും അവതരിപ്പിച്ചു. സെൻട്രൽ കമ്മിറ്റി പ്രസിഡന്റ് മുഹമ്മദ്‌ അനീഷ്‌, അബ്ദുൽ സലിം മാറഞ്ചേരി , സെൻട്രൽ കമ്മിറ്റി സെക്രട്ടറി ഷബീർ മുഹമ്മദ് എന്നിവർ ആശംസകൾ നേർന്നു . അംഗത്വത്തിന്റെ അടിസ്ഥാനത്തിൽ 2022 - 2025 വർഷത്തേക്കുളള പുതിയ കമ്മിറ്റിയെ തെരെഞ്ഞെടുത്തു.  എക്സിക്യൂട്ടീവ് അംഗങ്ങളായി 23 പേരാണുള്ളത്. ബദറുദ്ധീൻ കെ എം (സെൻട്രൽ കമ്മിറ്റി പ്രതിനിധി) വി വി ജിഷാർ അബൂബക്കർ. (പ്രസിഡണ്ട് ) ദിൽഖുഷ് എം, അബ്ദുൽ സലീം. എ വി  (വൈ: പ്രസിഡന്റ് ) മഹറൂഫ് കെ കെ  ( ജനറൽ സെക്രട്ടറി ) സൈനുൽ ആബിദ്, മുനവ്വർ മാണിശ്ശേരി (ജോ: സെക്രട്ടറി ) ബഷീർ.വി ( ട്രഷറർ ) എന്നിവർ പ്രധാന ഭാരവാഹികളാണ്. അംഗങ്ങൾ: സൈനുദ്ധീൻ. കെ എം,  അർജിൽ.കെ  അനൂപ്. എം , ഇബ്രാഹിം. പി വി  , ബാദുഷ.എ വി , നിസാർ. എ പി, മുഹമ്മദ്. വി വി , ഉമ്മർ കെ വി  ശാഹുൽ.പി , അമീൻ. എം എം , മുനീർ കെ , അലി റാഷിദ്. T, ഹാരിസ് ബിൻ അബൂബക്കർ, അബ്ദുൽ സലാം. എ, അബ്ദുലത്തീഫ്. വി വി. സെൻട്രൽ കമ്മിറ്റി ജനറൽ സെക്രട്ടറി  ശിഹാബ്.കെ കെ  തെരെഞ്ഞെടുപ്പിന് നേതൃത്വം നല്‍കി. മഹ്‌റൂഫ്.കെ കെ  സ്വാഗതവും,  ജോ:  സെക്രട്ടറി മുനവ്വിർ മാണിശ്ശേരി നന്ദിയും പറഞ്ഞു.

തുടരുക...

പൊന്നാനി: സ്ത്രീകളുടെ മുന്നേറ്റത്തിനും, ജീവൽ പ്രശ്നങ്ങളിലും നിരന്തരം ഇടപെട്ട് വരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ , വനിതാ കമ്മിറ്റി ഏഴാം വാർഷിക ജനറൽ ബോഡിയും, കേന്ദ്ര കമ്മിറ്റി ട്രഷറർ ആയിരിക്കെ മരണമടഞ്ഞ എ കെ മുസ്തഫയുടെ രണ്ടാം അനുസ്മരണവും ഡിസംമ്പർ 31 വെള്ളിയാഴ്ച്ച വൈകീട്ട് 3 മണിക്ക് പി വി എ ഖാദർ ഹാജി PCWF മെഡിക്കെയർ (നജാത്ത് ആശുപത്രി) പരിസരത്ത് സംഘടിപ്പിക്കുന്നു. പ്രവർത്തന , സാമ്പത്തിക റിപ്പോർട്ട് അവതരണം, അടുത്ത ഒരു വർഷത്തേക്കുളള പദ്ധതി പ്രഖ്യാപനം, അനുസ്മരണ പ്രഭാഷണം ,സ്വാശ്രയ ടൈലറിംഗ് പഠനം പൂര്‍ത്തിയാക്കിയവർക്ക് സർട്ടിഫിക്കറ്റ് വിതരണം, തുടങ്ങി വിവിധ പരിപാടികൾ വാർഷിക, അനുസ്മരണ പരിപാടിയുടെ ഭാഗമായി നടക്കുന്നതാണ്.

തുടരുക...

മാറഞ്ചേരി: സമഗ്ര മാറ്റത്തിന് ജനകീയ മുന്നേറ്റം"എന്ന ശീഷകത്തിൽ 2022 ജനുവരി 28,29,30 തീയ്യതികളിൽ നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളന പ്രചരണാർത്ഥം മാറഞ്ചേരി പഞ്ചായത്ത് കമ്മിറ്റിയുടെ സഹകരണത്തോടെ ഡിസംമ്പർ 19 ഞായറാഴ്ച്ച ഉച്ചയ്ക്ക് 2 മണി മുതൽ ബിയ്യം പാർക്കിൽ വെച്ച് വനിതകൾക്കായി സംഘടിപ്പിക്കുന്ന പാചക (പായസ) മത്സര വിജയത്തിന്നായി സംഘാടക സമിതി രൂപീകരിച്ചു. മുനീറ ടി (ചെയർപേഴ്സൺ) റജില (വൈ: ചെയർപേഴ്സൺ) ആരിഫ (ജന: കൺവീനർ) കോമളം, സുനീറ , അസ്മ (ജോ: കൺവീനർ) റംല കെ പി , ഫാത്തിമ ടി.വി (രജിസ്ട്രേഷൻ വിഭാഗം ) സുലൈഖ ഇ വി (ക്യാപ്റ്റൻ) സീനത്ത് ടി വി, ജാസ്മിൻ ,സബീന ബാബു , റഹിയാനത്ത് ഒ കെ ,റുക്സാന, ഷീജ കാഞ്ഞിരമുക്ക് (ടീം വളണ്ടിയേഴ്സ്) തുടങ്ങിയവർ സംഘാടക സമിതി ഭാരവാഹികളാണ്. കലാഭവൻ അഷ്റഫ് അവതരിപ്പിക്കുന്ന വിവിധ കലാ പ്രകടനങ്ങളും, ഷംസുദ്ധീൻ കളക്കര ടീമിന്റെ ഖവ്വാലിയും ഇതിനോടനുബന്ധിച്ച് ഉണ്ടായിരിക്കുന്നതാണ്. ഉച്ചയ്ക്ക് രണ്ട് മണിയോടെ പാകം ചെയ്ത പായസം പാർക്കിൽ എത്തേണ്ടതാണ്. ആദ്യ മൂന്ന് സ്ഥാനക്കാർക്ക് സ്വർണ്ണ നാണയം ഉൾപ്പെടെയുളള സമ്മാനങ്ങളും, ഒന്നാം സ്ഥാനത്ത് എത്തുന്ന വിജയിയെ പൊൺറാണി യായി പ്രഖ്യാപിക്കുന്നതുമാണ്. മത്സരത്തിൽ പങ്കെടുക്കുന്നവർക്കെല്ലാം പ്രശസ്തി പത്രം നൽകുന്നതാണ്. മുൻകൂട്ടി രജിസ്ട്രർ ചെയ്യുന്ന അമ്പത് പേർക്ക് മാത്രമേ മത്സരത്തിൽ പങ്കെടുക്കാൻ സാധിക്കുകയുളളു. രജിസ്ട്രേഷൻ അവസാന തിയ്യതി ഡിസംമ്പർ 17 വെള്ളിയാഴ്ച്ചയാണ്. മത്സരത്തിനെത്തുന്ന പായസം ജൂറിയുടെ വിധി പ്രഖ്യാപനത്തിന് ശേഷം ലേലം ചെയ്യുന്നതാണ്. പങ്കെടുക്കുന്നവർക്കുളള സർട്ടിഫിക്കറ്റുകളും, വിജയികൾക്കുളള സമ്മാനങ്ങളും ഡിസംമ്പർ 23 വ്യാഴാഴ്ച്ച വൈകീട്ട് 3 മണിക്ക് തണൽ ഓഡിറ്റോറിയത്തിൽ സംഘടിപ്പിക്കുന്ന PCWF മാറഞ്ചേരി പഞ്ചായത്ത് കൺവെൻഷനിൽ വെച്ച് വിതരണം ചെയ്യുന്നതാണ്

തുടരുക...

പൊന്നാനി: "സമഗ്ര മാറ്റത്തിന് ജനകീയ മുന്നേറ്റം"എന്ന ശീർഷകത്തിൽ 2022 ജനുവരി 28, 29, 30 (വെള്ളി, ശനി, ഞായർ) തിയ്യതികളിൽ പി.വി.എ ഖാദർ ഹാജി നഗറിൽ (പള്ളപ്രം , പൊന്നാനി) വെച്ച് നടത്തുന്ന പതിനാലാം വാർഷിക സമ്മേളനത്തിന്റെ സ്വാഗത സംഘം ഓഫീസ് ഉദ്ഘാടനം നഗരസഭ ചെയർമാൻ ശിവദാസ് ആറ്റുപുറം നിർവ്വഹിച്ചു. നാഷണൽ ഹൈവേ പള്ളപ്രം ടി.കെ ടവറിൽ സ്വാശ്രയ പൊന്നാനി കമ്പനി പ്രൊജക്ട് ഓഫീസ് സ്ഥിതി ചെയ്യുന്ന കെട്ടിടത്തിലാണ് സ്വാഗത സംഘം ഓഫീസ് പ്രവർത്തനം ആരംഭിച്ചിട്ടുളളത്. ഊട്ടിക്ക് സമീപം കൂനൂരിൽ സേന ഹെലിക്കോപ്റ്റർ തകർന്ന് മരിച്ച 13 പേർക്ക് ആദരാഞ്ജലികൾ അർപ്പിച്ച് മൗന പ്രാർത്ഥനയോടെയാണ് ചടങ്ങ് ആരംഭിച്ചത്. സ്വാഗത സംഘം ചെയർമാൻ ഡോ: ശങ്കരനാരായണൻ അധ്യക്ഷത വഹിച്ചു. കോയക്കുട്ടി മാസ്റ്റർ ,രാജൻ തലക്കാട്ട്, സി വി മുഹമ്മദ് നവാസ്,വി വി ഹമീദ് , ഹുസൈൻ കോയ തങ്ങൾ, ടി വി അബ്ദുറഹിമാൻ കുട്ടി മാസ്റ്റർ , കുഞ്ഞുമോൻ നെയ്തല്ലൂർ, അസ്മ യഹ്‌യ , ശഹീർ മേഘ എന്നിവർ സംസാരിച്ചു . അഷ്‌റഫ് എൻ പി (നഗരസഭ) ഏട്ടൻ ശുകപുരം (വട്ടംകുളം) നിഷാദ് പുറങ്ങ് (മാറഞ്ചേരി ) മുസ്തഫ കാടഞ്ചേരി (കാലടി) യൂസഫ് ഷാജി (വെളിയംങ്കോട്) സാദിഖ് എം (ഒമാൻ) അലി ഹസ്സൻ (യു.എ.ഇ) ഫസൽ മുഹമ്മദ് (സഊദി) തുടങ്ങിയവർ ആശംസകൾ നേർന്നു. ജന: കൺവീനർ എൻ. ഖലീൽ റഹ്മാൻ സ്വാഗതവും , കൺവീനർ നാരായണൻ മണി നന്ദിയും പറഞ്ഞു.

തുടരുക...

റാസൽഖൈമ: പൊന്നാനി കൾച്ചറൽ വേൾഡ് ഫൗണ്ടേഷൻ  റാസൽ ഖൈമ ഘടകം ജനറൽ ബോഡി യോഗം യു.എ.ഇ സെൻട്രൽ കമ്മിറ്റി പ്രസിഡണ്ട് മുഹമ്മദ്  അനീഷിന്റെ അധ്യക്ഷതയിൽ  ചേർന്നു. അംഗത്വത്തിന്റെ അടിസ്ഥാനത്തിൽ 2022 - 2025 വർഷത്തേക്കുളള പുതിയ കമ്മിറ്റിയെ തെരെഞ്ഞെടുത്തു. എക്സിക്യൂട്ടീവ് അംഗങ്ങളായി 25 പേരാണുള്ളത്. സി പി മൊയ്തുണ്ണി പോത്തനൂർ (പ്രസിഡണ്ട്) കുഞ്ഞി മുഹമ്മദ്‌ തവനൂർ, അബ്ദുൽ ജലീൽ കാലടി (വൈ: പ്രസിഡണ്ട് ) അലി കോട്ടയിൽ നരിപ്പറമ്പ് (ജനറൽ സെക്രട്ടറി)  കബീർ പുതുപൊന്നാനി അനിരുദ്ധൻ പുൽപ്പാക്കര (ജോ: സെക്രട്ടറി)  സുധീർ തൃക്കണാപുരം (ട്രഷറർ) തുടങ്ങിയവർ പ്രധാന ഭാരവാഹികളാണ്. അംഗങ്ങൾ; ഷാമിൽ. C M, ഷറഫുദ്ധീൻ കോട്ടയിൽ , ശിഹാബ് A.C, താമർ കെ. വി, ജബ്ബാർ സി പി, ശുകൂർ പുഴമ്പ്രം, ഷാജി സുബ്രഹ്മണ്യൻ, അബ്ദുൽ കാദർ T , കബീർ കാദർ, റഫീഖ് പുതു പൊന്നാനി ,  നിഹാൽ ചങ്ങരംകുളം , മുഹമ്മദ് നൈതല്ലൂർ കബീർ  പി ടി , താനിഷ് അബ്ദുസമദ്, റസാഖ് പെരുപറമ്പ് ,അബ്ദുൽ ജലീൽ വി പി ,  മഹേഷ്‌. എം തവനൂർ, മുഹമ്മദ്‌ അഫ്സൽ പുഴമ്പ്രം . സെൻട്രൽ കമ്മിറ്റി ജനറൽ സെക്രട്ടറി ശിഹാബ് കെ കെ മുഖ്യാതിഥിയായിരുന്നു. സെക്രട്ടറി ഷബീർ മുഹമ്മദ് തെരെഞ്ഞെടുപ്പിന് നേതൃത്വം നല്‍കി. സെൻട്രൽ കമ്മിറ്റി സാരഥികൾ, വിവിധ ഘടകങ്ങളിലെ പ്രതിനിധികൾ സംബന്ധിച്ചു. അലി കോട്ടയിൽ സ്വാഗതവും, സി പി മൊയ്തുണ്ണി നന്ദിയും പറഞ്ഞു.

തുടരുക...

PCWF പതിനാലാം വാർഷിക സമ്മേളന പ്രചരണാർത്ഥം സംഘടിപ്പിക്കുന്ന പാചക മത്സരം സീസൺ-6 മത്സര ഇനം: പായസം തിയ്യതി: ഡിസംബർ 19 ഞായറാഴ്ച്ച സമയം: ഉച്ചയ്ക്ക് 2 മണിമുതൽ സ്ഥലം: ബിയ്യം പാർക്ക് മത്സരം പൊന്നാനി താലൂക്ക് നിവാസികളായ വനിതകൾക്ക് മാത്രം. 1. നിശ്ചിത പ്രായ പരിധിയില്ല 2. മുൻകൂട്ടി രജിസ്ട്രർ ചെയ്യുന്ന അമ്പത് പേർക്ക് മാത്രമേ പങ്കെടുക്കാൻ സാധിക്കുകയുളളു. 3. രജിസ്ട്രേഷൻ അവസാന തിയ്യതി: ഡിസംമ്പർ 17 4. എല്ലാ മത്സരാർത്ഥികൾക്കും പ്രശസ്തി പത്രവും ആദ്യത്തെ മൂന്ന് വിജയികൾക്ക് (1st,2nd 3rd) സ്വർണ്ണ നാണയങ്ങൾ ഉൾപ്പെടെയുള്ള സമ്മാനങ്ങൾ ഉണ്ടായിരിക്കുന്നതുമാണ്. 5. ഒന്നാം സ്ഥാനത്തെത്തുന്നയാളെ പൊൻറാണി - 2021 ആയി പ്രഖ്യാപിക്കുന്നതാണ്. 6. അവതരണം (Presentation) 50/100, രുചി (Taste) 50/100 ആനുപാതത്തിലായിരിക്കും മാർക്ക് ലഭിക്കുക. 7. മൂന്നംഗ ജൂറിയുടെ തീരുമാനം അന്തിമമായിരിക്കും. 8. ഡിസംബർ 19 ഞായറാഴ്ച്ച ഉച്ചയ്ക്ക് 2 മണിക്ക് മുൻപായി വേദിയിൽ പ്ലാസ്റ്റിക്കിതര പാത്രത്തിൽ പായസം എത്തിക്കേണ്ടതാണ്. 9.പായസം തയ്യാറാക്കുന്ന വീഡിയോ താഴെ വാട്സപ്പ് നമ്പറിലേക്ക് അയക്കേണ്ടതാണ്. 10.പാചകത്തിന് ഉപയോഗിച്ച വസ്തുക്കളുടെ വിവരങ്ങളടങ്ങിയ കുറിപ്പ് മത്സര വേദിയിലേക്ക് വരുമ്പോൾ കൊണ്ടുവരേണ്ടതാണ്. 11. മത്സരത്തിനെത്തുന്ന പായസങ്ങളെല്ലാം മാർക്കിട്ട് തൽസമയം വിജയികളെ പ്രഖ്യാപിക്കുന്നതും, അവിടെവെച്ച് തന്നെ പായസം ലേലം ചെയ്യുന്നതുമായിരിക്കും! 12. ഡിസംമ്പർ 23 ന് തണൽ ഓഡിറ്റോറിയത്തിൽ വെച്ച് നടക്കുന്ന PCWF മാറഞ്ചേരി പഞ്ചായത്ത് കൺവെൻഷനിൽ വെച്ച് വിജയികൾക്കുളള സമ്മാന ങ്ങളും, സർട്ടിഫിക്കറ്റും വിതരണം ചെയ്യുന്നതാണ്. രജിസ്ട്രേഷനും, കൂടുതൽ വിവരങ്ങൾക്കും ബന്ധപ്പെടുക 95266 46223 85899 21821

തുടരുക...

മാറഞ്ചേരി: സമഗ്ര മാറ്റത്തിന് ജനകീയ മുന്നേറ്റം എന്ന ശീർഷകത്തിൽ 2022 ജനുവരി 28,29,30 തിയ്യതികളിൽ നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളനത്തിന് മുന്നോടിയായി മാറഞ്ചേരി പഞ്ചായത്ത് കൺവെൻഷൻ 2021 ഡിസംമ്പർ 23 വ്യാഴാഴ്ച്ച വൈകീട്ട് 3 മണിക്ക് തണൽ ഓഡിറ്റോറിയത്തിൽ വെച്ച് നടക്കുമെന്ന്  കമ്മിറ്റി  ഭാരവാഹികൾ അറിയിച്ചു. അംഗത്വത്തിൻറ അടിസ്ഥാനത്തിൽ 2022- 2025 വർഷത്തേക്കുളള പുതിയ കമ്മിറ്റിയെ കൺവെൻഷനിൽ വെച്ച് തെരെഞ്ഞെടുക്കുന്നതാണ് അഡ്ഹോക്ക് കമ്മിറ്റിയുടെ കാലപരിധിയിൽ പഞ്ചായത്തിലെ 19 വാർഡിലെയും തെരെഞ്ഞെടുത്ത അർഹരായവർക്ക് അതിജീവനത്തിനും ചികിത്സക്കുമായി സാമ്പത്തി സഹായം ചെയ്യാൻ സാധിച്ചു. കാർഷിക രംഗത്തെ പുരോഗതിക്കായ് കേന്ദ്ര കമ്മിറ്റിയുടെ കീഴിലുളള ഗ്രീൻ പൊന്നാനി പദ്ധതിക്ക് ശക്തി പകരാൻ എവർ ഗ്രീൻ മാറഞ്ചേരി കാർഷിക പരിപാടിക്ക് തുടക്കം കുറിച്ചു. പതിനാലാം വാർഷിക സമ്മേളന പ്രചരണാർത്ഥം  മാറഞ്ചേരി പഞ്ചായത്ത് കമ്മിറ്റിയുടെ സഹകരണത്തോടെ ഈ മാസം 19 ഞായറാഴ്ച്ച ഉച്ചയ്ക്ക് 2 മണിമുതൽ ബിയ്യം പാർക്കിൽ വെച്ച് പാചക മത്സരം (പായസ മത്സരം) സംഘടിപ്പിക്കുമെന്നും ഭാരവാഹികളായ ഇ ഹൈദറലി മാസ്റ്റർ (പ്രസിഡണ്ട്) ശ്രീരാമനുണ്ണി മാസ്റ്റർ (ജനറൽ സെക്രട്ടറി) എം ടി നജീബ് (ട്രഷറർ) എന്നിവർ അറിയിച്ചു.

തുടരുക...

റാസൽഖൈമ : യു എ ഇ യുടെ അമ്പതാം ദേശീയ ദിനാഘോഷം വിവിധ പരിപാടികളോടെ പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ സെൻട്രൽ കമ്മിറ്റിയുടെ നേതൃത്വത്തിൽ റാസൽഖൈമയിൽ സംഘടിപ്പിച്ചു. ദേശീയ ഗാനാലാപനത്തോടെ ആരംഭിച്ച ചടങ്ങ് റാസൽഖൈമ കോ - ഓപ്പറേറ്റീവ് സൊസൈറ്റി മുൻ ഡയക്ടർ എഞ്ചിനിയർ മുഹമ്മദ് ഹസ്സൻ അശ്ശംസി ഉദ്ഘാടനം ചെയ്തു. സെൻട്രൽ കമ്മിറ്റി പ്രസിഡണ്ട് മുഹമ്മദ് അനീഷ് അധ്യക്ഷത വഹിച്ചു. ഗ്ലോബൽ പ്രസിഡണ്ട് സി എസ് പൊന്നാനി ദേശീയ ദിന സന്ദേശ പ്രഭാഷണം നടത്തി. ഈ രാജ്യത്ത് നിന്നും വിദേശികളായ നാം ഉൾപ്പെടെയുളളവർക്ക് ലഭിച്ചിക്കൊണ്ടിരിക്കുന്ന അനുഗ്രഹങ്ങൾ മറക്കരുതെന്നും, ഈ രാജ്യത്തോടും, ഇവിടുത്തെ ഭരണാധികാരികളോടും നമ്മൾ എന്നെന്നും കടപ്പെട്ടവരാണെന്നും, അത് കൊണ്ട് എക്കാലത്തും നന്ദിയുള്ളവരായിരിക്കണമെന്നും സന്ദേശ പ്രഭാഷണത്തിൽ അദ്ദേഹം ഓർമ്മപ്പെടുത്തി. റാസൽ ഖൈമ ഇന്ത്യൻ അസോസിയേഷൻ പ്രസിഡന്റ്‌ എസ് എ സലീം മുഖ്യാഥിതിയായിരിന്നു. പ്രവാസത്തിന്റെ മൂന്ന് പതിറ്റാണ്ട് പൂർത്തിയാക്കിയ കാലടി പഞ്ചായത്ത് പോത്തനൂർ സ്വദേശി പി സി ഡബ്ല്യു എഫ് റാസൽഖൈമ കമ്മിറ്റി മുഖ്യ രക്ഷാധികാരി സി പി മൊയ്തുണ്ണിയെ ചടങ്ങിൽ വെച്ച് മുഹമ്മദ്‌ ഹസ്സന്‍ അശ്ശംസി ഉപഹാരം നൽകുകയും, എസ് എ സലീം പൊന്നാട അണിയിച്ച് ആദരിക്കുകയും ചെയ്തു. റാസൽ ഖൈമ കേരള സമാജം പ്രസിഡന്റ്‌ നാസർ അൽ ദാന, കെ എം സി സി നാഷണൽ കമ്മിറ്റി സെക്രട്ടറി പി കെ കരീം, ഗ്ലോബൽ യൂത്ത് വിംഗ് ജനറൽ സെക്രട്ടറി ഷഹീർ ഈശ്വരമംഗലം, താമർ കെ. വി, ഷബീർ ഈശ്വര മംഗലം (ദുബൈ) ഷാനവാസ് പി (ഷാർജ) നവാസ് അബ്ദുല്ല (അജ്മാൻ) ജിഷാർ (അൽ ഐൻ) തുടങ്ങിയവർ ആശംസകൾ നേർന്നു. സെൻട്രൽ കമ്മിറ്റി ജന:സെക്രട്ടറി ശിഹാബ് കെ കെ സ്വാഗതവും , സെക്രട്ടറി ഷബീർ മുഹമ്മദ്‌ നന്ദിയും പറഞ്ഞു. അലി എ വി യും, ഹാഫിസ് റഹ്മാനും സംഘവും അവതരിപ്പിച്ച യു.എ.ഇ അനുമോദന ഗാനമുൾപ്പെടെ സംഗീത വിരുന്നോടെ ആഘോഷ പരിപാടികൾക്ക് പരിസമാപ്തി കുറിച്ചു.

തുടരുക...

പൊന്നാനി: തന്റെ രചനയിലെല്ലാം പൊന്നാനിയുടെ ബഹുസ്വരത അടയാളപ്പെടുത്തിയ പ്രതിഭയായിരുന്നു കോടമ്പിയേ റഹ്മാൻ എന്ന് പ്രമുഖ സാഹിത്യകാരൻ ആലംങ്കോട് ലീലാകൃഷ്ണൻ അഭിപ്രായപ്പെട്ടു. വൈക്കം മുഹമ്മദ് ബഷീറുമായി ഹൃദയ ബന്ധം കാത്ത് സൂക്ഷിച്ച റഹ്മാൻ, അദ്ധേഹത്തെ പോലെ സൂഫിയും സന്യാസിയുമായി ഊരു ചുറ്റിയിട്ടുണ്ട്. ബന്ധത്തിന്റെ ഊഷ്മളമായ ആവിഷ്ക്കാരമാണ് "വിശ്വ വിഖ്യാതനായ ബഷീർ" കൃതിയിലൂടെ നിർവ്വഹിക്കപ്പെട്ട തെന്നും അദ്ധേഹം കൂട്ടി ചേർത്തു. പൊന്നാനി കൾച്ചറൽ വേൾഡ് ഫൗണ്ടേഷൻ സാഡ്കോ ക്ലബ്ബ് സഹകരണത്തോടെ ഏ വി ഹൈസ്കൂളിൽ സംഘടിപ്പിച്ച കോടമ്പിയേ റഹ്മാൻ രചിച്ച വിശ്വ വിഖ്യാതനായ ബഷീർ പുസ്തകം മൂന്നാം പതിപ്പ് പ്രകാശനം ചെയ്തു സംസാരിക്കുകയായിരി ന്നു അദ്ദേഹം. പ്രൊഫ: കടവനാട് മുഹമ്മദ് പുസ്തകം ഏറ്റുവാങ്ങി. സി ഹരിദാസ് ചടങ്ങ് ഉദ്ഘാടനം ചെയ്തു. പി കോയക്കുട്ടി മാസ്റ്റർ അധ്യക്ഷത വഹിച്ചു. യു എം ഇബ്രാഹിം കുട്ടി മാസ്റ്റർ അനുസ്മരണ പ്രഭാഷണം നടത്തി. പാവന സ്മരണക്കായുളള ഉപഹാരം ടി മുനീറയിൽ നിന്നും ഹൻളല കോടമ്പിയകം ഏറ്റുവാങ്ങി. ടി വി അബ്ദുറഹ്മാൻ കുട്ടി മാസ്റ്റർ, കെ വി നദീർ , ഇബ്രാഹിം പൊന്നാനി, പി എ അബ്ദുട്ടി , ഹൈദർ അലി മാസ്റ്റർ , ജസ്സി സലീം തിരൂർക്കാട്, റംല കെ പി , ശഹീർ മേഘ , കനേഷ് കെ പി , ഹൻളല കോടമ്പിയകം തുടങ്ങിയവർ സംബന്ധിച്ചു. അനുസ്മരണത്തിൻറ ഭാഗമായി "മഴ" എന്ന വിഷയത്തിൽ യു പി , ഹൈസ്ക്കൂൾ, ഹയർ സെക്കണ്ടറി വിദ്യാർത്ഥികൾക്കായി നടത്തിയ ചെറുകഥാമത്സര വിജയികൾക്ക് ഉപഹാര സമർപ്പണവും, സർട്ടിഫിക്കറ്റ് വിതരണവും നടത്തി. നാരായണൻ മണി സ്വാഗതവും, താബിത് കോടമ്പിയകം നന്ദിയും പറഞ്ഞു.

തുടരുക...

പൊന്നാനി: സമഗ്ര മാറ്റത്തിന് ജനകീയ മുന്നേറ്റം എന്ന ശീർഷകത്തിൽ  2022 ജനുവരി 28,29,30 തിയ്യതികളിൽ പളളപ്രം നാഷണൽ ഹൈവേയിൽ പ്രത്യേകം സജ്ജമാക്കുന്ന പി വി എ കാദർ ഹാജി നഗറിൽ നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളന ലോഗോ പി. നന്ദകുമാർ എം.എല്‍.എ ഉദ്ഘാടനം ചെയ്തു. മൂന്നു ദിവസങ്ങളിലായി നടക്കുന്ന സമ്മേളനത്തിൽ, സാംസ്കാരിക വിദ്യാഭ്യാസ ആരോഗ്യ തൊഴിൽ മേഖലയിൽ സമഗ്ര വികസന ചർച്ചകൾ നടക്കും! ജനപ്രതിനിധികൾ, സാമൂഹ്യ സാംസ്കാരിക രാഷ്ട്രീയ പ്രമുഖർ ഉൾപ്പെടെയുള്ളവർ സമ്മേളനത്തിൽ പങ്കെടുക്കുന്നുണ്ട്.

തുടരുക...

പൊന്നാനി: പത്തോളം ഗ്രന്ഥങ്ങളിലൂടെ സ്വതസിദ്ധമായ രചനാശൈലി രൂപപ്പെടുത്തിയ , പൊന്നാനിയുടെ ആദ്യ കാല പത്ര പ്രവര്‍ത്തകൻ കൂടിയായിരുന്ന കോടമ്പിയേ റഹ്മാൻ അനുസ്മരണവും, വിശ്വ വിഖ്യാതനായ ബഷീർ കൃതിയുടെ മൂന്നാം പതിപ്പ് പ്രകാശനവും  പൊന്നാനി കൾച്ചറൽ വേൾഡ് ഫൗണ്ടേഷന്റെ ആഭിമുഖ്യത്തിൽ സാഡ്കോ ക്ലബ്ബ് സഹകരണത്തോടെ നവംമ്പർ 28 ഞായറാഴ്ച്ച വൈകീട്ട് 4 മണിക്ക് ഏ വി ഹൈസ്ക്കൂളിൽ വെച്ച് സംഘടിപ്പിക്കുന്നു സി ഹരിദാസ് , ആലംങ്കോട് ലീലാ കുഷ്ണൻ , പ്രൊഫ: കടവനാട് മുഹമ്മദ് , യു എം ഇബ്രാഹിം കുട്ടി മാസ്റ്റർ , ടി വി അബ്ദുറഹ്മാൻ കുട്ടി മാസ്റ്റർ , രാജൻ തലക്കാട്ട്, സി അഷ്റഫ് ,കെ വി നദീർ ഇബ്രാഹിം പൊന്നാനി പി എ അബ്ദുട്ടി, ജസ്സി സലീം തിരൂർക്കാട് തുടങ്ങിയവർ സംബന്ധിക്കുന്നതാണ്. അനുസ്മരണത്തിനോടനുബന്ധിച്ച് വിദ്യാർത്ഥികൾ ക്കായി സംഘടിപ്പിച്ച ചെറുകഥാമത്സര വിജയികളെ വേദിയിൽ പ്രഖ്യാപിക്കുകയും, ഉപഹാര സമർപ്പണവും, സർട്ടിഫിക്കറ്റ് വിതരണവും നടത്തുന്നതുമാണ്.

തുടരുക...

പൊന്നാനി: സമൂഹത്തിൽ പടർന്നു പിടിച്ചിരിക്കുന്ന സ്ത്രീധന ദുരാചാരത്തെ ഉന്മൂലനം ചെയ്യാൻ നിയമങ്ങൾ കൊണ്ട് മാത്രം  സാധ്യമെല്ലന്നും, ജനകീയ മുന്നേറ്റങ്ങൾ അനിവാര്യമാണെന്നും പി നന്ദകുമാർ എം.എല്‍.എ അഭിപ്രായപ്പെട്ടു. സ്ത്രീധന വിരുദ്ധ ദിനാചരണത്തിന്റെ ഭാഗമായി പൊന്നാനി കൾച്ചറൽ വേൾഡ് ഫൗണ്ടേഷൻ സ്ത്രീധന വിമുക്ത പൊന്നാനി എന്ന ലക്ഷ്യത്തിൽ കർമ്മ റോഡ് പാതയോരത്ത് സംഘടിപ്പിച്ച മനുഷ്യ ചങ്ങല ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സ്ത്രീധനത്തിനെതിരെ ശക്തമായ പ്രതിരോധ പ്രവർത്തനങ്ങൾ നടത്തിവരുന്ന പി സി ഡബ്ല്ളിയു എഫ് സേവനങ്ങൾ ശ്ലാഘനീയമാണെന്നും, അദ്ധേഹം കൂട്ടി ചേർത്തു. സ്ത്രീകൾ ഉൾപ്പെടെ നൂറുകണക്കിനാളുകൾ ചങ്ങലയിൽ കണ്ണികളായി. പെരുമ്പടപ്പ് ഗ്രാമ പഞ്ചായത്ത് പ്രസിഡണ്ട് ബിനീഷ് മുസ്തഫ സന്നിഹിതനായിരുന്നു. പി കോയക്കുട്ടി മാസ്റ്റർ സ്ത്രീധന വിരുദ്ധ പ്രതിജ്ഞ ചൊല്ലി കൊടുത്തു. വനിതാ കേന്ദ്ര കമ്മിറ്റി പ്രസിഡണ്ട് ടി മുനീറ അധ്യക്ഷത വഹിച്ചു. രാജൻ തലക്കാട്ട് സ്വാഗതവും,സംഘാടക സമിതി ചെയര്‍മാൻ ടി വി സുബൈർ ആമുഖ പ്രഭാഷണവും നടത്തി. സി ഹരിദാസ്, ഹൈദർ അലി മാസ്റ്റർ , യു എം ഇബ്രാഹിം കുട്ടി മാസ്റ്റർ, ഇ പി രാജീവ് തുടങ്ങിയവർ സംസാരിച്ചു. സംഘാടക സമിതി കൺവീനർ മുജീബ് കിസ്മത്ത് നന്ദി പറഞ്ഞു. പി എ അബ്ദുട്ടി, നാരായണൻ മണി, ഫൈസൽ ബാജി ,റംല കെ പി , അഷറഫ് നെയ്തല്ലൂർ , ഇ വി സുലൈഖ, അസ്മ, അബ്ദുൽ ഗഫൂർ അൽഷാമ, ശഹീർ മേഘ, സക്കരിയ, ആർ വി മുത്തു, സബീന ബാബു, ഫാതിമ ടി വി , റുക്സാന, നാസർ സി വി സീനത്ത് ടി വി , റഹിയാനത്ത് ഒ കെ , മുസ്തഫ സെലക്ട്, വാഹിദ്, വാജിദ് തുടങ്ങിയവർ പരിപാടികൾക്ക് നേതൃത്വം നല്‍കി.

തുടരുക...

ദോഹ: പൊന്നാനി കൾച്ചറൽ വേൾഡ് ഫൗണ്ടേഷൻ ഖത്തർ കമ്മറ്റിയുടെ കീഴിൽ വനിതാ ഘടകം നിലവിൽ വന്നു. രൂപീകരണ യോഗത്തിൽ പ്രസിഡണ്ട് സയ്യിദ് ആബിദ് തങ്ങൾ അധ്യക്ഷത വഹിച്ചു. ഡോ: അബ്ദുറഹിമാൻ കുട്ടി ഉദ്ഘാടനം ചെയ്തു. കേന്ദ്ര വനിതാ കമ്മറ്റി പ്രസിഡണ്ട് മുനീറ ടി മുഖ്യാതിഥിയായിരുന്നു. കേന്ദ്ര കമ്മറ്റി ജനറൽ സെക്രട്ടറി രാജൻ തലക്കാട്ട് മുഖ്യ പ്രഭാഷണം നടത്തി. ഗ്ലോബൽ കോർഡിനേറ്റർ അബ്ദുല്ലത്തീഫ് കളക്കര റിട്ടേണിംഗ് ഓഫിസറായിരുന്നു. ഒമ്പതംഗ അഡ്‌ഹോക് കമ്മറ്റിയെ യോഗം തിരഞ്ഞെടുത്തു. ഷൈനി കബീർ (പ്രസിഡണ്ട്) സഫിയ ഗഫൂർ (ജനറൽ സെക്രട്ടറി) റസിയ ( ട്രെഷറർ) ഷാഹിന ഖലീൽ (വൈസ് പ്രസിഡന്റ് ) ഷബ്‌ന ബാദുഷ( ജോയിന്റ് സെക്രട്ടറി) എക്സിക്യൂട്ടീവ് അംഗങ്ങൾ; സീനത്ത് സാലിഹ് ഷബ്‌ന ഷാജഹാൻ സജ്‌ന മൻസൂർ ഷിനിജ ഷമീർ വിവിധ കമ്മിറ്റി പ്രതിനിധികളായ, തഫ്സീറ ഗഫൂർ (യൂത്ത് വിംഗ്) ബബിത ഷാജി ഹനീഫ് (യു എ ഇ ) ബിജു ദേവസ്സി (സൗദി ) റംഷാദ് കെ വി ( ഒമാൻ ) സ്വർഗ്ഗ സുനിൽ ( കുവൈറ്റ് ) ഫസൽ പി കടവ് ( ബഹ്‌റൈൻ ) മുഹ്‌സിൻ പി ( ബാംഗ്ലൂർ ) തുടങ്ങിയവർ ആശംകൾ നേർന്നു. ബിജീഷ് കൈപ്പട സ്വാഗതവും, സഫിയ ഗഫൂർ നന്ദിയും പറഞ്ഞു.

തുടരുക...

പൊന്നാനി: സമഗ്ര മാറ്റത്തിന് ജനകീയ മുന്നേറ്റം എന്ന ശീർഷകത്തിൽ പൊന്നാനിയുടെ സർവ്വതോന്മുഖമായ മേഖലകളിൽ സജീവ സാന്നിധ്യമായി മാറിയ പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാമത് വാർഷിക സമ്മേളനം 2022 ജനുവരി 28,29,30 തിയ്യതികളിൽ പളളപ്രം നാഷണൽ ഹൈവേയിൽ പ്രത്യേകം സജ്ജമാക്കുന്ന പി വി അബ്ദുൽ കാദർ ഹാജി നഗറിൽ വിവിധ പരിപാടികളോടെ നടത്താൻ തീരുമാനിച്ചു. സമ്മേളനത്തോടനുബന്ധിച്ച് ആസ്ഥാന മന്ദിരത്തിന്റെ ശിലാസ്ഥാപനം നടത്താനും, പാനൂസ സമഗ്ര ഗന്ഥത്തിന്റെ പരിഷ്കരിച്ച രണ്ടാം പതിപ്പ് പുറത്തിറക്കാനും, മാധ്യമ-സാഹിത്യ പുരസ്‌കാരങ്ങൾ വിതരണം നടത്താനും ധാരണയായി. സമ്മേളനത്തിന്റെ മുന്നോടിയായി കലാകായിക മത്സരങ്ങൾ, ആരോഗ്യ ക്യാമ്പുകൾ തുടങ്ങിയവയും സംഘടിപ്പിക്കുന്നുണ്ട്. സമ്മേളന ലോഗോ പ്രകാശന ചടങ്ങ്, സ്വാഗത സംഘം രൂപീകരണ യോഗം എന്നിവ വിളിച്ച് കൂട്ടാനും, സ്ത്രീധനത്തിനെതിരെ നവംമ്പർ 26 ന് നടക്കുന്ന മനുഷ്യ ചങ്ങലയും, നവംമ്പർ 28 ന് നടക്കുന്ന കോടമ്പിയേ റഹ്മാൻ അനുസ്മരണവും, വിശ്വ വിഖ്യാതനായ ബഷീർ പുസ്തക പ്രകാശനവും വിജയിപ്പിക്കുവാനും തീരുമാനിച്ചു. ഇത് സംബന്ധമായി ചേർന്ന ഗ്ലോബൽ പ്രതിനിധികളുടെ യോഗം ഉപദേശക സമിതി അംഗം കെ പി രാമനുണ്ണി ഉദ്ഘാടനം ചെയ്തു. ഉപദേശക സമിതി അംഗം പ്രൊഫ: കടവനാട് മുഹമ്മദ് ചർച്ചക്ക് തുടക്കം കുറിച്ചു. സി എസ് പൊന്നാനി അധ്യക്ഷത വഹിച്ചു. ഉപദേശക സമിതി അംഗങ്ങളായ, വി വി ഹമീദ്, ഹൈദർ അലി മാസ്റ്റർ, ഏട്ടൻ ശുകപുരം തുടങ്ങിയവർ സംസാരിച്ചു. വിവിധ ഘടകങ്ങളെ പ്രതിനിധീകരിച്ച്; യു എം ഇബ്രാഹിം കുട്ടി മാസ്റ്റർ , പി എ അബ്ദുട്ടി, അബ്ദുല്ലതീഫ് കളക്കര, ടി വി സുബൈർ , എ എം സാലിഹ് , ഡോ: അബ്ദുറഹ്മാൻ കുട്ടി (കേന്ദ്ര കമ്മിറ്റി) സുലൈഖ ഇ വി,റംല കെ പി , ഫാത്തിമ ടി വി ,റഹിയാനത്ത് ഒ കെ, ഷംന യു, അസ്മാബി (വനിതാ കേന്ദ്ര കമ്മിറ്റി) അഷ്റഫ് നൈതല്ലൂർ , നാരായണൻ മണി, അബ്ദുൽ ഗഫൂർ അൽഷാമ (പൊന്നാനി നഗരസഭ) ശ്രീരാമനുണ്ണി മാസ്റ്റർ (മാറഞ്ചേരി) മോഹനൻ (വട്ടംകുളം) ഖലീൽ റഹ്മാൻ, അച്ചുതൻ (എടപ്പാൾ) തൂമ്പിൽ കുഞ്ഞി മൊയ്തീൻ കുട്ടി, ജി സിദ്ധീഖ് (തവനൂർ) മുസ്തഫ കാടഞ്ചേരി (കാലടി) സി സി മൂസ, സന്ദീപ് (ബംഗലൂര്) മുഹമ്മദ് അനീഷ്, ശിഹാബുദ്ധീൻ കെ കെ , അബ്ദുൽ അസീസ് പി എ (യു.എ.ഇ) സുമേഷ് എം വി, നാസർ കെ , ആർ വി സിദ്ധീഖ് (കുവൈറ്റ്) ആബിദ് തങ്ങൾ, ബിജീഷ് കൈപ്പട, ഖലീൽ (ഖത്തർ) ഫഹദ് (ഒമാൻ) ഹസ്സൻ മുഹമ്മദ് (ബഹറൈൻ) തുടങ്ങിയവർ സംബന്ധിച്ചു. രാജൻ തലക്കാട്ട് സ്വാഗതവും, ടി മുനീറ നന്ദിയും പറഞ്ഞു.

തുടരുക...

പൊന്നാനി: ശിശു ദിനാചരണത്തിൻറ ഭാഗമായി പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി ഒന്നാം ക്ലാസ് മുതൽ നാല് വരെയുളള കുട്ടികൾക്ക് ചിത്ര രചനയും , അഞ്ചാം ക്ലാസ് മുതൽ ഏഴ് വരെയുളള വിദ്യാർത്ഥികൾക്ക് ക്വിസ് മത്സരവും സംഘടിപ്പിച്ചു. ചന്തപ്പടി ടൗൺ പ്ലാസയിൽ നടന്ന ചിത്ര രചന മത്സരം , ചിത്ര രചന രംഗത്തെ യുവ പ്രതിഭ ഇ കെ ഉബൈസ് ഉദ്ഘാടനം ചെയ്തു. ഹരി (ആർട്ട് ആൻഡ് ഡ്രോയിംഗ് പരിശീലകൻ , തപസ്യ സ്കൂൾ ഓഫ് ആർട്സ് ചെന്നൈ) സ്മിജേഷ് കാപ്പ (ഫിലിം സ്റ്റോറിബോർഡ് ആർട്ടിസ്റ്റ് ,മ്യൂറൽ പെയിന്റിംഗ് ആർട്ടിസ്റ്റ് ,ശിൽപ കലാകാരൻ) എന്നിവർ ജൂറി അംഗങ്ങളായിരുന്നു. ക്വിസ് മത്സരത്തിന് ഇബ്രാഹിം മാസ്റ്റർ ബിയ്യം നേതൃത്വം നല്‍കി. ചിത്ര രചനയിൽ, അനന്യ പി (അയിലക്കാട് എ എം എൽ പി സ്ക്കൂൾ നാലാം ക്ലാസ്) ഒന്നാം സ്ഥാനവും, ആയിഷ റിഫ(തെയ്യങ്ങാട് ജി എൽ പി സ്ക്കൂൾ , രണ്ടാം ക്ലാസ്) രണ്ടാം സ്ഥാനവും, ഫാത്തിമ ജുമാന ഇ വി (ജി യു പി സ്ക്കൂൾ പോത്തനൂർ, കാലടി. നാലാം ക്ലാസ്) മൂന്നാം സ്ഥാനവും കരസ്ഥമാക്കി. ക്വിസ് മത്സരത്തിൽ, മിൻഹ ടി വി (ഏ വി  ഹൈസ്ക്കൂൾ, ആറാം ക്ലാസ്) അംറ ഫാത്തീം (കെ എം എം പുത്തൻ പളളി, അഞ്ചാം ക്ലാസ്) ഫാത്തിമ നസ്റിൻ (ദാറുൽ ഹിദായ എടപ്പാൾ , അഞ്ചാം ക്ലാസ് ) ഒന്നും,രണ്ടും, മൂന്നും സ്ഥാനങ്ങൾ നേടി. വിജയികൾക്കുളള സമ്മാന ദാന ചടങ്ങ് പി സി ഡബ്ലിയു എഫ് യു.എ.ഇ സെൻട്രൽ കമ്മിറ്റി പ്രസിഡണ്ട് മുഹമ്മദ് അനീഷ് ഉദ്ഘാടനം ചെയ്തു. വനിതാ കേന്ദ്ര കമ്മിറ്റി ഉപാധ്യക്ഷ അസ്മാബി അധ്യക്ഷ വഹിച്ചു. ശ്രീരാമനുണ്ണി മാസ്റ്റർ (ജനറൽ സെക്രട്ടറി ,പി സി ഡബ്ലിയു എഫ് മാറഞ്ചേരി ) ശിശുദിന സന്ദേശം നല്‍കി. ശാരദ ടീച്ചർ, സിന്ധു ടീച്ചർ മാറഞ്ചേരി , സി സി സഫറുളള  (ബംഗലൂര് ) അബ്ദുല്ലതീഫ് കടവനാട് (യു.എ.ഇ ) ഹനീഫ (കുവൈറ്റ്) നൗഷാദ് (ഒമാൻ) ഫസൽ മുഹമ്മദ് (സഊദി) ഫസൽ പി കടവ് (ബഹറൈൻ) തുടങ്ങിയവർ ആശംസകൾ നേർന്നു. രാജൻ തലക്കാട്ട് , മുനീറ ടി, അബ്ദുട്ടി പി എ,പി കോയക്കുട്ടി മാസ്റ്റർ സി വി മുഹമ്മദ് ഫൈസൽ ബാജി ,നവാസ്, ശഹീർ മേഘ ,അഷ്റഫ് നൈതല്ലൂർ ,സുലൈഖ ഇ വി ,അബ്ദുൽ ഗഫൂർ അൽ ഷാമ ,ഖാസിം കോയ (ഷാർജ) റഹിയാനത്ത് , സബീന ബാബു,സീനത്ത് ടി വി തുടങ്ങിയവർ വിജയികൾക്ക് സർട്ടിഫിക്കറ്റും,സമ്മാന വിതരണവും നടത്തി. റംല കെ പി സ്വാഗതവും, ഫാതിമ ടി വി നന്ദിയും പറഞ്ഞു.

തുടരുക...

നാടിന്റെ നന്മയിൽ നിങ്ങളും
പങ്കാളിയാവുക

ഞങ്ങളോടൊപ്പം കൈകൾ കോർക്കുവാൻ താഴെ കാണുന്ന ബട്ടൺ വഴി അപേക്ഷ ഫോം പൂരിപ്പിക്കുക.

Contact Us
+91 75588 33350