ഷാർജ: ജീവകാരുണ്യ-സാമൂഹ്യ പ്രവർത്തന രംഗത്ത് കാലോചിതമായ മാറ്റങ്ങൾ കൊണ്ടു വരുന്നത് കൊണ്ടാണ് പൊന്നാനി കൾച്ചറൽ വേൾഡ് ഫൗണ്ടേഷൻ ഇന്നും ജനഹൃദയങ്ങളിൽ നിറഞ്ഞു നില്‍ക്കുന്നതെന്ന് സി എസ് പൊന്നാനി പറഞ്ഞു. സ്ത്രീധന രഹിത വിവാഹ സംഗമങ്ങളിലൂടെ നിരവധി യുവതീ യുവാക്കൾക്ക് മംഗല്യ സൗഭാഗ്യമൊരുക്കിയതും, ഇപ്പോൾ അംഗങ്ങൾ അവരുടെ മക്കളുടെ വിവാഹത്തോടൊപ്പം സാമ്പത്തികമായി പിന്നോക്കം നിൽക്കുന്നവരെ ചേർത്ത് പിടിച്ച് നടത്തി വരുന്ന വിവാഹങ്ങളുമെല്ലാം സമൂഹത്തിൽ സംഘടന ചെലുത്തിയ സ്വാധീനത്തിന്റെ ഫലങ്ങളാണ്. "പൊന്നാനിക്കാരുടെ ആഗോള സംഘടന" എന്ന പേരിനെ അന്വർത്ഥമാക്കി നാട്ടിലും വിദേശ രാജ്യങ്ങളിലും പതിനെട്ട് വർഷം കൊണ്ട് സമൂഹത്തിന്റെ സമഗ്ര മേഖലയിലും ഇടപെടുന്നത് കൊണ്ടാണ് ജനസ്വീകാര്യത നേടിയെതെന്നും അദ്ദേഹം കൂട്ടിച്ചേർത്തു. പൊന്നാനി കൾച്ചറൽ വേൾഡ് ഫൗണ്ടേഷൻ ഷാർജ ഷഹൂഫ് അൽ ഫരീജ് റെസ്റ്റോറന്റിൽ സംഘടിപ്പിച്ച യു എ ഇ സെൻട്രൽ കമ്മിറ്റിയുടെ പതിനാറാം വാർഷിക ജനറൽ ബോഡി യോഗത്തിൽ മുഖ്യ പ്രഭാഷണം നടത്തുകയായിരിന്നു അദ്ദേഹം. സെൻട്രൽ കമ്മിറ്റി പ്രസിഡന്റ്‌ മുഹമ്മദ്‌ അനീഷ് അധ്യക്ഷത വഹിച്ചു. യു എ ഇ സെൻട്രൽ കമ്മിറ്റി ഉപദേശക സമിതി ചെയർമാൻ അബ്ദുസമദ് വി ഉദ്ഘാടനം നിർവഹിച്ചു. റീയൽബേവ് എം ഡി അബ്ദുൽ സത്താർ മുഖ്യാതിഥിയായിരിന്നു. സെൻട്രൽ കമ്മിറ്റി ജനറൽ സെക്രട്ടറി ശിഹാബ് കെ കെ പ്രവർത്തന റിപ്പോർട്ടും, മുഹമ്മദ്‌ അനീഷ് സാമ്പത്തിക റിപ്പോർട്ടും അവതരിപ്പിച്ചു. വിവിധ ഘടകങ്ങളെ പ്രതിനിധീകരിച്ച് ബഷീർ പാലക്കൽ (അബുദാബി), ആഷിഖ് സി ( ദുബൈ), നസീർ ചുങ്കത്ത് ( ഷാർജ), ഹാഫിസ് റഹ്മാൻ ( അജ്‌മാൻ), ബഷീർ എ വി ( ഉമ്മുൽ ഖുവൈൻ), അനിരുദ്ധൻ ( റാസൽ ഖൈമ) എന്നിവർ സംസാരിച്ചു. അബുദാബി, ദുബൈ, ഷാർജ, അജ്‌മാൻ, ഉമ്മുൽ ഖുവൈൻ, റാസൽ ഖൈമ, ഫുജൈറ, അൽ ദൈദ് എന്നീ ഘടകങ്ങളിലെ എക്സിക്യൂട്ടീവ് അംഗങ്ങൾ പങ്കെടുത്തു. സെൻട്രൽ കമ്മിറ്റി വൈ: പ്രസിഡന്റ്‌ അലി എ വി സ്വാഗതവും, സെൻട്രൽ കമ്മിറ്റി സെക്രട്ടറി അലി ഹസ്സൻ നന്ദിയും പറഞ്ഞു.

എടപ്പാൾ: സാമ്പത്തികമായി പിന്നോക്കം നില്‍ക്കുന്ന സ്വന്തമായി ഭവനമില്ലാത്ത പൊന്നാനി കൾച്ചറൽ വേൾഡ് ഫൗണ്ടേഷൻ അംഗങ്ങൾക്ക് മാനദണ്ഡങ്ങൾക്ക് വിധേയമായി "കൂടെയുളളവർക്ക് കൂടൊരുക്കാം" പദ്ധതിയിലൂടെ സ്വന്തമായൊരു വീടെന്ന സ്വപ്നം സാക്ഷാത്കരിക്കാൻ ഒരുങ്ങുന്നു. ആദ്യ ഘട്ടത്തിൽ ഈ പദ്ധതി നടപ്പാക്കുക കേന്ദ്ര എക്സിക്യൂട്ടീവിലെ അർഹതപ്പെട്ടവർക്കായിരിക്കും. തുടർന്ന് വിവിധ ഘടകങ്ങളിലെ എക്സിക്യൂട്ടീവ് അംഗങ്ങളിലേക്കും എത്തിക്കുന്നതാണ്. വനിതാ കേന്ദ്ര എക്സിക്യൂട്ടിവിലെ തികച്ചും അർഹതപ്പെട്ട ഒരംഗത്തെയാണ് പദ്ധതിയുടെ ആദ്യ ഗുണഭോക്താവായി തെരെഞ്ഞെടുത്തിട്ടുളളത്. 2025 ജൂലൈ18 വെള്ളിയാഴ്ച്ച വൈകീട്ട് 3 മണിക്ക് എടപ്പാൾ അംശകച്ചേരി അൻസാർ കോളേജിൽ കേന്ദ്ര കമ്മിറ്റി പ്രസിഡന്റ് സി എസ് പൊന്നാനിയുടെ അധ്യക്ഷതയിൽ ചേർന്ന സംയുക്ത കേന്ദ്ര എക്സിക്യൂട്ടീവ് യോഗത്തിലാണ് നിർണായകമായ ഈ തീരുമാനം പ്രഖ്യാപിച്ചത്. പി കോയക്കുട്ടി മാസ്റ്റർ ഉദ്ഘാടനം ചെയ്തു. ജൂലൈ 8 ന് നടത്തിയ അർദ്ധ വാർഷിക ജനറൽ ബോഡി അവലോകനം ചെയ്തു. അതിന്റെ അടിസ്ഥാനത്തിൽ വിവിധ പഞ്ചായത്ത് കമ്മിറ്റികളുടെ ആറ് മാസത്തെ പ്രവർത്തനം സൂക്ഷ്മമായി വിലയിരുത്തുകയും വേണ്ട തിരുത്തലുകൾക്ക് വേണ്ടി അതാത് പഞ്ചായത്ത് കമ്മിറ്റികൾ വിളിച്ചു കൂട്ടാനും തീരുമാനിച്ചു വട്ടംകുളം പഞ്ചായത്തിൽ വനിതാ കമ്മറ്റി രൂപീകരിക്കാൻ മാലതി വട്ടംകുളം, മോഹനൻ പാക്കത്ത് എന്നിവരെ ചുമതലപ്പെടുത്തി. പത്ത് വയസ്സ് മുതൽ പതിനെട്ട് വയസ്സ് വരെയുളള കുട്ടികളെ ഉൾപ്പെടുത്തി ബാല സംഘടനക്ക് രൂപം നല്‍കാനും തീരുമാനിച്ചു. സംഘടനയ്ക്ക് ഉചിതമായ പേര് നിർദ്ദേശിക്കുന്നവർക്ക് സമ്മാനം നൽകാനും തീരുമാനിച്ചു. അഡ്ഹോക്ക് കമ്മിറ്റിയുടെ കാലാവധി തീരുന്ന മുറയ്ക്ക് യൂത്ത് വിംഗ് കമ്മിറ്റി പുന:സംഘടിപ്പിച്ച് പുതിയ ഭാരവാഹികളെ തെരെഞ്ഞെടുക്കണമെന്ന് നിർദ്ദേശം നൽകി. ജനറൽ സെക്രട്ടറി സി വി മുഹമ്മദ് നവാസ് സ്വാഗതവും, , വനിതാ ജനറൽ സെക്രട്ടറി ലത ടീച്ചർ നന്ദിയും പറഞ്ഞു

പൊന്നാനി : നഗരസഭയുടെ കീഴിൽ പ്രവർത്തിക്കുന്ന ഡയാലിസിസ് സെന്ററിന് പൊന്നാനി കൾച്ചറൽ വേൾഡ് ഫൗണ്ടേഷൻ ഒമാൻ നാഷണൽ കമ്മിറ്റിയുടെ സഹായം കൈമാറി. ഒമാൻ നാഷണൽ കമ്മിറ്റി ഭാരവാഹികളിൽ നിന്നും ഒരു ലക്ഷത്തി അമ്പതിനായിരം രൂപ സ്ഥലം എംഎൽഎ പി നന്ദകുമാറും, ഒമാൻ വനിതാ കമ്മിറ്റി ജനറൽ സെക്രട്ടറി ഷമീമ സുബൈറിൽ നിന്നും 25000 രൂപ ശിവദാസ് ആറ്റുപുറവും ഏറ്റുവാങ്ങി. കേന്ദ്ര ജനറൽ സെക്രട്ടറി സി വി മുഹമ്മദ് നവാസ്, ഒമാൻ കമ്മിറ്റി പ്രസിഡന്റ് എം സാദിഖ് എന്നിവർ സംസാരിച്ചു. കൗൺസിലർമാരായ സബീറാബി, അബ്ദുൽസലാം, പി കോയക്കുട്ടി മാസ്റ്റർ, ഡോ : അബ്ദുറഹ്മാൻ കുട്ടി, പി വി സുബൈർ, രാജൻ തലക്കാട്ട്, മുഹമ്മദ് കാസിം കോയ, ഇമ്പിച്ചിക്കോയ തങ്ങൾ, പി എം അബ്ദുട്ടി, സമീർ മത്ര, ബദറു, നിയാസ്, എസ് കെ പൊന്നാനി, എം കെ സാദിഖ്, മുജീബ് കിസ്മത്ത്, ഹനീഫ മാളിയേക്കൽ, സി വി നാസർ, ഫൈസൽ ബാജി, ബാബു എലൈറ്റ്, എവറസ്റ്റ് ലത്തീഫ്, കോയ മാസ്റ്റർ എന്നിവർ സംബന്ധിച്ചു. ഡയാലിസിസ് സെന്റർ കോർഡിനേറ്റർ മുഹമ്മദ് കുട്ടി മാസ്റ്റർ സ്വാഗതവും, നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർമാൻ ഷീന സുദേശൻ നന്ദിയും പറഞ്ഞു

പൊന്നാനി: യുഎഇ അജ്മാനിൽ ജോലി ചെയ്യുന്ന നൂറുൽ അമീനും, ഖോർഫുഖാനിൽ അധ്യാപികയായി ജോലിചെയ്യുന്ന സമീറയുമാണ് തങ്ങളുടെ മകളുടെ വിവാഹത്തോടനുബന്ധിച്ച് നാല് യുവതി യുവാക്കളുടെ വിവാഹം നടത്തി മാതൃക കാണിച്ചത്. സ്ത്രീധന വിമുക്ത പൊന്നാനി എന്ന ലക്ഷ്യത്തിൽ പതിനൊന്ന് ഘട്ടങ്ങളിലായി പൊന്നാനി കൾച്ചറൽ വേൾഡ് ഫൗണ്ടേഷൻ നടത്തിയ സ്ത്രീധന രഹിത വിവാഹ സംഗമത്തിലൂടെ 192 യുവതീ യുവാക്കൾക്ക് മംഗല്യ സൗഭാഗ്യമൊരുക്കിയ പി സി ഡബ്ല്യു എഫ് എന്ന ആഗോള സംഘടനയുടെ യു.എ.ഇ കമ്മിറ്റി ഭാരവാഹികളായ നൂറുൽ അമീൻ, സമീറ ദമ്പതികൾ കമ്മിറ്റിയുടെ ഇത്തരം കാരുണ്യ പ്രവർത്തനങ്ങളിൽ ആകൃഷ്ടരായാണ് ഇങ്ങിനെ ഒരു നന്മ നിറഞ്ഞ പ്രവർത്തനത്തിന്റെ ഭാഗമായത്. ജൂലൈ 19 ന് മാറഞ്ചേരി അത്താണി മദർ പ്ലാസ ഓഡിറ്റോറിയത്തിൽ വെച്ച് നടന്ന ബിയ്യം നങ്ങപറമ്പിൽ നൂറുൽ അമീൻ സമീറ ദമ്പതികളുടെ മകൾ ലുലു മർജാനയുടെയും കോഴിക്കോട് മാവൂർ എരങ്ങോട്ടുമ്മൽ അബ്ദുൽ മജീദ് മകൻ മുഹമ്മദ് ഫായിസിന്റെയും വിവാഹ വേദിയിൽ വെച്ചാണ് നാല് യുവതീ യുവാക്കൾ വിവാഹിതരായത്. വിവാഹ ചടങ്ങുകൾ പണത്തിന്റെ പകിട്ടും, ധൂർത്തും, ആർഭാടവുമായി നടത്തുന്ന ഈ കാലത്ത് അതിൽ നിന്നും വ്യത്യസ്തമായി രണ്ട് യുവതികൾക്കും നാല് പവൻ സ്വർണ്ണാഭരണങ്ങൾ ഉൾപ്പെടെ എല്ലാ വിവാഹ ചിലവുകളും ഇവർ തന്നെയാണ് വഹിച്ചത്. വെളിയങ്കോട് അയ്യോട്ടിച്ചിറ ഗ്രാമം സ്വദേശിനി ഹൈറുന്നിസയും മൂക്കുതല സ്വദേശി മുഹമ്മദും, പൊന്നാനി സൗത്ത് സ്വദേശിനി അസ്ലമിയ്യയും, കോയമ്പത്തൂർ സേലം സ്വദേശി അമാനുളളയും തമ്മിലുളള വിവാഹമാണ് നടന്നത്. പാണക്കാട് ഹമീദലി ശിഹാബ് തങ്ങൾ, പൊന്നാനി മഖ്ദൂം എം പി മുത്തുകോയ തങ്ങൾ എന്നിവർ നിക്കാഹിന് കാർമികത്വം വഹിച്ചു . അനസ് മൗലവി പ്രഭാഷണം നടത്തി. ജൂൺ 15 ന് നടന്ന സംഘടനയുടെ കേന്ദ്ര പ്രസിഡന്റ് സി എസ് പൊന്നാനിയുടെ മകളുടെ വിവാഹത്തോടെയാണ് അംഗങ്ങളുടെ മക്കളുടെ വിവാഹത്തോടൊപ്പം ചുരുങ്ങിയത് ഒരു പാവപ്പെട്ട പെൺകുട്ടിയുടെ വിവാഹമെങ്കിലും നടത്തുകയെന്ന മാതൃകാ പ്രവർത്തനത്തിന് തുടക്കം കുറിച്ചത്. ഇതോടെ 200 യുവതീ യുവാക്കൾക്ക് വിവാഹത്തിന് അവസരമൊരുക്കാൻ സംഘടനക്കായി. ഈ മാതൃക അനുഗമിച്ച് തങ്ങളുടെ മക്കളുടെ വിവാഹത്തോടനുബന്ധിച്ച് സാമ്പത്തികമായി പിന്നോക്കം നില്‍ക്കുന്ന കുടുംബത്തിലെ ഒരു പെൺകുട്ടിയുടെ വിവാഹമെങ്കിലും നടത്താൻ പലരും രംഗത്ത് വന്നിട്ടുണ്ട്. വരും കാലങ്ങളിൽ പൊന്നാനി താലൂക്കിന്റെ വിവിധ ഭാഗങ്ങളിൽ നടക്കുന്ന വിവാഹ ചടങ്ങുകൾ അതിനുളള വേദികളായി മാറുമെന്ന് ഭാരവാഹികൾ അറിയിച്ചു.

ദമ്മാം: ദമ്മാമിലും ജൂബൈലിലുമുള്ള പ്രവാസി സമൂഹത്തിനായി പൊന്നാനി കൾച്ചറൽ വേൾഡ് ഫൗണ്ടേഷൻ ദമ്മാം ഘടകം ആരോഗ്യ സമിതിയുടെ നേതൃത്വത്തിൽ ദാർ അൽ സിഹാ മെഡിക്കൽ സെന്ററിന്റെ സഹകരണത്തോടെ സൗജന്യ മെഡിക്കൽ ക്യാമ്പ് സംഘടിപ്പിച്ചു. ഇരുനൂറോളം പേർ പങ്കെടുത്ത ക്യാമ്പിൽ വ്യത്യസ്ത വിഭാഗങ്ങളിൽ നിന്നുള്ള വിദഗ്ധ ഡോക്ടർമാരുടെ സേവനങ്ങൾ ലഭ്യമായിരുന്നു. ജീവിതശൈലീ രോഗങ്ങൾ, പ്രവാസി ജീവിതത്തിൽ പാലിക്കേണ്ട ആരോഗ്യ പ്രവർത്തനങ്ങൾ, ശരിയായ ഭക്ഷണക്രമം, വ്യായാമത്തിന്റെ പ്രാധാന്യം തുടങ്ങിയ വിഷയങ്ങൾ ഉൾപ്പെടുത്തി സംഘടിപ്പിച്ച ആരോഗ്യ സെമിനാർ ഡോ. സജന സാക്കിർ നയിച്ചു. സംഘടന ചെയർമാൻ ഷമീർ നൈതല്ലൂർ അധ്യക്ഷത വഹിച്ചു. ദാർ അൽ സിഹാ മെഡിക്കൽ സെന്ററിനുള്ള ഉപഹാരം പി. സി. ഡബ്ല്യു. എഫ് ദമ്മാം ട്രഷറർ ഫഹദ് ബിൻ ഖാലിദും, സെമിനാറിന് നേതൃത്വം നൽകിയ ഡോ. സജന സാക്കിറിനുള്ള ഉപഹാരം നഹാസും കൈമാറി. ദാർ അൽ സിഹാ മെഡിക്കൽ സെന്റർ മാർക്കറ്റിംഗ് മാനേജർ സുനിൽ മുഹമ്മദ്, സുധീർ, സാജിദ് ആറാട്ടുപുഴ, സൗദി നാഷണൽ കമ്മിറ്റി പ്രസിഡന്റ് ബിജു ദേവസി, ദമ്മാം കമ്മിറ്റി വൈസ് പ്രസിഡന്റ് ഇഖ്ബാൽ വെളിയങ്കോട്, വനിതാ വിഭാഗം സെക്രട്ടറി ആഷ്ന അമീർ എന്നിവർ സംസാരിച്ചു. നവീകരിച്ച ദാർ അൽ സിഹാ മെഡിക്കൽ സെന്ററിൽ 24 മണിക്കൂർ സേവനം ലഭ്യമാണെന്നും, മെഡിക്കൽ ക്യാമ്പിൽ പങ്കെടുത്തവർക്ക് തുടർ ചികിത്സക്ക് കുറഞ്ഞ നിരക്കിൽ സേവനം ലഭ്യമാക്കുമെന്നും മാനേജ്മെന്റ് അറിയിച്ചു. ബിലാൽ പാണക്കാട്, സൈഫർ സി വി, ഹാരിസ് കെ, സാലിഹ് ഉസ്മാൻ, അബൂബക്കർ ഷാഫി, നൗഫൽ മാറഞ്ചേരി, ഷബീർ മാറഞ്ചേരി, ദീപക് നന്നംമുക്ക്, ആസിഫ് കെ, അമീർ വി പി, ആസിഫ് പി ടി, ഹംസ കോയ, സിറാജ്, സാജിത, അർഷീന, മുഹ്സിന, ജസീന റിയാസ്, റമീന, ഫസ്ന എന്നിവർ നേതൃത്വം നൽകി. പ്രോഗ്രാം കൺവീനർ ഫൈസൽ ആർ വി സ്വാഗതവും, ദമ്മാം കമ്മിറ്റി സെക്രട്ടറി ഖലീൽ റഹ്മാൻ നന്ദിയും പറഞ്ഞു.

പൊന്നാനി: 2025 ജനുവരിയിൽ നടന്ന പുന:സംഘടനയോടെ സംഘടന നടത്തിയ ആറ് മാസത്തെ പ്രവർത്തനങ്ങൾ അവലോകനം ചെയ്തും, ന്യൂനതകൾ പരിഹരിക്കാൻ വേണ്ട ചർച്ചകൾ നടത്തിയും പൊന്നാനി കൾച്ചറൽ വേൾഡ് ഫൗണ്ടേഷൻ മുൻസിപ്പൽ, പഞ്ചായത്ത് തല അർദ്ധ വാർഷിക ജനറൽ ബോഡികൾ സമാപിച്ചു. മെയ് 20 ന് ചാരിറ്റബിൾ ട്രസ്റ്റ് ഓഫീസിൽ മാറഞ്ചേരി, മെയ് 30 ന് അൽ ബഷീർ സ്ക്കൂളിൽ തവനൂർ, ജൂൺ 10 ന് എടപ്പാൾ മഹിളാ സമാജത്തിൽ വട്ടംകുളം, ജൂൺ 25 ന് ഉമരി സ്ക്കൂളിൽ വെളിയങ്കോട്, ജൂലൈ 5 ന് അംശ കച്ചേരി അൻസാർ കോളേജിൽ എടപ്പാൾ, ജൂലൈ 2 ന് കാരുണ്യ പാലിയേറ്റീവിൽ ആലങ്കോട്, ജൂലൈ 6 ന് പുത്തൻപളളി കേന്ദ്ര മദ്രസ്സയിൽ പെരുമ്പടപ്പ്, ജൂലൈ 5 ന് പോത്തനൂർ എം എം സുബൈദ വസതിയിൽ കാലടി തുടങ്ങിയ പഞ്ചായത്ത് കമ്മിറ്റികളും, ജൂൺ 28ന് പാലക്കൽ ഓഡിറ്റോറിയത്തിൽ വെച്ച് പൊന്നാനി മുൻസിപ്പൽ കമ്മിറ്റിയും ജനറൽ ബോഡികൾ സംഘടിപ്പിച്ചു. മുൻസിപ്പൽ, പഞ്ചായത്ത്, ജി സി സി കമ്മിറ്റികളുടെ പ്രവർത്തനങ്ങൾ വിലയിരുത്തി , ജൂലൈ മുതൽ ഡിസംബർ വരെയുളള ആറ് മാസത്തേക്ക് പുതിയ പദ്ധതികൾ ആസൂത്രണം ചെയ്യുന്നതിനുമായി കേന്ദ്ര കമ്മിറ്റി അർദ്ധ വാർഷിക ജനറൽ ബോഡി ഇന്ന് (2025 ജൂലൈ 8) ചമ്രവട്ടം ജംഗ്ഷനിലെ പാലക്കൽ ഓഡിറ്റോറിയത്തിൽ വെച്ച് നടക്കുകയാണ്.

ചങ്ങരംകുളം: ബന്ധങ്ങൾക്കൊന്നും യാതൊരു വിലയും കൽപ്പിക്കാതെ, ഉറ്റവരെയും, ഉടയവരെയും മൃഗീയമായി കൊലപ്പെടുത്താൻ മനുഷ്യനെ പ്രേരിപ്പിക്കുന്ന മദ്യത്തിനും, മയക്കുമരുന്നിനുമെതിരെ കവചം തീർക്കാൻ വിദ്യാർത്ഥി സമൂഹം രംഗത്തിറങ്ങണമെന്ന് വഖഫ് ബോൾഡ് ചെയർമാൻ എം കെ സക്കീർ പറഞ്ഞു. ജീവിതം സന്തോഷകരമാക്കാൻ മദ്യവും, മയക്കുമരുന്നും ഉപേക്ഷിക്കൂ... എന്ന സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ നടത്തിയ ഒരുമാസം നീണ്ടുനില്‍ക്കുന്ന ലഹരി വിരുദ്ധ കാംപയിൻ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പാവിട്ടപ്പുറം അസ്സബാഹ് ഹയർ സെക്കണ്ടറി സ്കൂളുമായി സഹകരിച്ച് കോലിക്കര ബാമാസ് ഓഡിറ്റോറിയത്തിൽ വെച്ച് നടത്തിയ ചടങ്ങിൽ വിദ്യാർത്ഥികൾ ഉൾപ്പെടെ പങ്കെടുത്തവരെല്ലാം ലഹരി വിരുദ്ധ പ്രതിജ്ഞയെടുത്തു. ലഹരിക്കെതിരെ സിനി ആർടിസ്റ്റ് കെ കെ ലക്ഷമണൻ അവതരിപ്പിച്ച ഏകപാത്ര നാടകവും അരങ്ങേറി. അടാട്ട് വാസുദേവൻ മാസ്റ്റർ അധ്യക്ഷത വഹിച്ചു. സി എസ് പൊന്നാനി ലഹരി വിരുദ്ധ സന്ദേശം നല്‍കി. പി കോയക്കുട്ടി മാസ്റ്റർ ലഹരി വിരുദ്ധ പ്രതിജ്ഞ ചൊല്ലി കൊടുത്തു. മുഹമ്മദുണ്ണി ഹാജി, കുഞ്ഞിമുഹമ്മദ് പന്താവൂർ, പി പി അഷ്റഫ്, ഹമീദ് മാസ്റ്റർ, ടി വി സുബൈർ, കുമാരി നസല തുടങ്ങിയവർ സംസാരിച്ചു. പി വി വില്ലിംങ്ങ്ടൺ സ്വാഗതവും, സുമിത നന്ദിയും പറഞ്ഞു.

പൊന്നാനി: കേരളത്തിലെ കാര്‍ഷിക മേഖലയ്ക്ക് വരദാനമായ തിരുവാതിര ഞാറ്റുവേല, ഫലവൃക്ഷത്തൈകളും, ചെടികളും, കാര്‍ഷിക വിളകളും നടാനും മാറ്റി നടാനും പറ്റിയ സമയമാണ്. പൊന്നാനി കൾച്ചറൽ വേൾഡ് ഫൗണ്ടേഷൻ എവർ ഗ്രീൻ സമിതി ഈ വർഷവും ഞാറ്റുവേല സംഗമം സംഘടിപ്പിച്ചു. പളളപ്രം എ ആർ കെ വസതിയിൽ നടന്ന സംഗമം സി എസ് പൊന്നാനി ഉദ്ഘാടനം ചെയ്തു. കൃഷിയേയും അതിന്റെ പ്രാധാന്യത്തെ കുറിച്ചും മലപ്പുറം ഹോർട്ടി കൾച്ചർ കൃഷി വിജ്ഞാന കേന്ദ്രം അസിസ്റ്റൻ്റ് പ്രൊഫസർ ഡോ.അഖിൽ രാജ് ക്ലാസെടുത്തു. പൊന്നാനി മുൻസിപ്പാലിറ്റി അഗ്രികൾച്ചർ ഫീൽഡ് ഓഫീസർ ശ്രീകുമാർ പ്രസംഗിച്ചു. ശാരദ ടീച്ചർ അധ്യക്ഷത വഹിച്ചു. അരി 6, ജീരകം 3, ഉലുവ, ശതകുപ്പ, അയമോദകം, നന്നാരി, പാർവള്ളി, തേററാമ്പരൽ, കക്കിൻ കായ, ഏലം, ഇലവംഗം, ഗ്രാമ്പൂ, പച്ചില, നാഗപൂ, തുടങ്ങി അറുപതോളം മരുന്നുകൾ ചേർത്ത് എവർഗ്രീൻ ജോ: കൺവീനർ റാഫിന തയ്യാറാക്കിയ ഔഷധ കഞ്ഞി വിതരണം ചെയ്തു. മുരിങ്ങയില, 3 തരം ചീര, ചേമ്പ്, മത്തൻ, ചിരങ്ങ, കോവൻ, തകര, തഴുതാമ, ചയമൻസ, മുളക് പയറ്, നെയ്കുളന്ത്, സാമ്പാർ ചീര, പൊന്നാം കണ്ണി, ചീര ചേമ്പ്, എരുമത്തൂവ, ചെക്കുർമാനിസ് എന്നിങ്ങിനെ പന്ത്രണ്ടോളം ഇലകൾ കൊണ്ട് തയ്യാറാക്കിയ ഉപ്പേരിയും, കപ്പ, പപ്പടം ചുട്ടത്, ചമ്മന്തി തുടങ്ങി വനിതാ കമ്മിറ്റി ഭാരവാഹികൾ തയ്യാറാക്കിയ വിവിധങ്ങളായ വിഭവങ്ങളും ഉണ്ടായിരുന്നു. തവനൂർ കെ വി കെയിൽ നിന്നും കൊണ്ടു വന്ന വിവിധ തരം തൈകൾ വിതരണം ചെയ്തു ഇ ഹൈദരലി മാസ്റ്റർ സ്വാഗതവും, മോഹനൻ പാക്കത്ത് നന്ദിയും പറഞ്ഞു.

പൊന്നാനി : കോഴിക്കോട് സർവ്വകലാശാലയിൽ വെച്ച് നടന്ന ജില്ലാതല അക്വാട്ടിക് ചാമ്പ്യൻഷിപ്പിൽ, പൊന്നാനിയുടെ അഭിമാന താരമായ ഹയാൻ ജാസിർ പങ്കെടുത്ത ഏഴു മത്സരങ്ങളിൽ ആറ് സ്വർണ്ണവും, ഒരു വെള്ളിയും നേടി ശ്രദ്ധേയമായ വിജയം കൈവരിച്ചു. തുടർച്ചയായി മൂന്നാം തവണയാണ് ജില്ലാ അക്വാട്ടിക് ചാമ്പ്യൻഷിപ്പിൽ ഹയാൻ ജാസിർ മെഡലുകൾ നേടി തന്റേതായ മികവ് തെളിയിക്കുന്നത്.

ദുബൈ : പൊന്നാനി കൾച്ചറൽ വേൾഡ് ഫൗണ്ടേഷൻ ദുബൈ ഘടകം വാർഷിക ജനറൽ ബോഡി യോഗത്തോട് അനുബന്ധിച്ച് പൊന്നാനി ഇൻ ദുബൈ സംഗമം അൽ ഖിസൈസ് ഫുഡ് കോർട്ട് റെസ്റ്റോറന്റിൽ സംഘടിപ്പിച്ചു. പ്രസിഡന്റ് ഷബീർ ഈശ്വരമംഗലത്തിന്റെ അധ്യക്ഷതയിൽ ചേർന്ന യോഗം സെൻട്രൽ കമ്മിറ്റി ജനറൽ സെക്രട്ടറി ഷിഹാബുദ്ധീൻ കെ.കെ ഉദ്ഘാടനം ചെയ്തു. സെൻട്രൽ കമ്മിറ്റി പ്രസിഡന്റ് മുഹമ്മദ് അനീഷ് മുഖ്യപ്രഭാഷണം നടത്തി. സംഘടന പ്രവർത്തനങ്ങളോടൊപ്പം വ്യക്തിപരമായ ആത്മബന്ധങ്ങളും സുഹൃത് വലയങ്ങളും കെട്ടിപ്പടുക്കുക എന്നുള്ളതുമാണ് പ്രാഥമിക ലക്ഷ്യമാകേണ്ടത് എന്ന് ഇരുവരും അഭിപ്രായപ്പെട്ടു. വാർഷിക പ്രവർത്തന റിപ്പോർട്ട്‌ ഷഹീർ ഈശ്വരമംഗലവും, സാമ്പത്തിക റിപ്പോർട്ട് അഷ്‌റഫ്‌ സി.വി യും അവതരിപ്പിച്ചു. ദുബൈ ഘടകം 2025-27 വർഷ കാലാവധിയുള്ള പുതിയ കമ്മിറ്റിയെ തിരഞ്ഞെടുത്തു. പുതിയ ഭാരവാഹികൾ : കേന്ദ്ര പ്രതിനിധികൾ: 1. മുഹമ്മദ് അനീഷ് 2. അലി എ.വി 3. ഷബീർ ഈശ്വരമംഗലം 4. ഹബീബ് റഹ്മാൻ 5. അഷ്റഫ് സി.വി 6. അബ്ദുസമദ്. വി. പ്രസിഡന്റ്‌ : ആഷിഖ്.സി സെക്രട്ടറി : ഷഹീർ ഈശ്വരമംഗലം ട്രഷറർ : ഇസ്മായിൽ വൈസ് പ്രസിഡന്റ്‌ : സന്ദീപ് കൃഷ്ണ. അഷറഫ് സി. വി. മുഹമ്മദ്‌ ഇക്ബാൽ ജോ. സെക്രട്ടറി : അൻസാർ തറമ്മൽ ഷാജി. വി വി. യാസർ ഹുസൈൻ. എക്സിക്യൂട്ടീവ് അംഗങ്ങൾ: 1. റഷീദ് 2. സൈനുദ്ധീൻ 3. നവാബ് മുനമ്പത്തകത്ത് 4. സൽഹത് നാസിൽ 5. ജസീലുദ്ധീൻ എം 6. ജമീലുദ്ധീൻ എം 7. സിയാദ് റഹ്ബാൻ കെ പി 8. സഹൽ സമദ് 9. അബ്ദുൾ ബാസിത് ഇ എം 10. ബനീഷ്‌ 11. മുഹമ്മദ് ഫാസിൽ 12. അബ്ദുൽ വഹാബ് 13. ഡോ. സാദിഖ് പെരുമ്പടപ്പ് 14. റഹീം സി.വി സെക്രട്ടറി ഹബീബ് റഹ്മാൻ സ്വാഗതവും, ജോ: സെക്രട്ടറി യാസർ ഹുസൈൻ നന്ദിയും പറഞ്ഞു.

മാറഞ്ചേരി: ജീവകാരുണ്യ സേവന രംഗത്തെ നിറ സാന്നിധ്യമായിരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ ബഹറൈൻ ഘടകം പ്രസിഡന്റ് പുത്തൻ വീട്ടിൽ ഇളയേടത്ത് മുഹമ്മദ് മാറഞ്ചേരിയുടെ വിയോഗത്തിൽ അനുശോചന യോഗം ചേര്‍ന്നു. നിറഞ്ഞ പുഞ്ചിരിയോടെ ഏവരിലും സ്വധീനം ചെലുത്തിയ വ്യക്തിത്വമായിരുന്നു മുഹമ്മദെന്നും, ബഹറൈനിൽ പി സി ഡബ്ല്യു എഫിന്റെ വളർച്ചയിൽ നിർണ്ണായക സ്വാധീനം ഉണ്ടാകുന്നതിന് അദ്ദേഹം വഹിച്ച പങ്ക് നിസ്തുലമാണെന്നും ഗ്ലോബൽ പ്രസിഡന്റ് സി എസ് പൊന്നാനി പറഞ്ഞു. മാറഞ്ചേരി സെൻ്ററിൽ നടന്ന അനുശോചന ചടങ്ങിൽ ഇ ഹൈദരലി മാസ്റ്റർ അദ്ധ്യക്ഷത വഹിച്ചു. പി കോയക്കുട്ടി മാസ്റ്റർ, ശ്രീരാമനുണ്ണി മാസ്റ്റർ, ആരിഫ പി, എ കെ ആലി, എ പി വാസു, ടി അബ്ദു, ഇ അബ്ദുൽ നാസർ, ഇ ഗഫൂർ, ഇസ്മായിൽ, നജീമുദ്ധീൻ, രമേശ് അമ്പാരത്ത്, സവാദ് മാറഞ്ചേരി തുടങ്ങിയവർ സംസാരിച്ചു. എം ടി നജീബ് സ്വാഗതവും, ഉണ്ണി മാനേരി നന്ദിയും പറഞ്ഞു.

PCWF അബുദാബി : കുടുംബ സംഗമവും, ജനറൽ ബോഡി യോഗവും സംഘടിപ്പിച്ചു. അബുദാബി : പൊന്നാനി കൾച്ചറൽ വേൾഡ് ഫൗണ്ടേഷൻ അബുദാബി ഘടകത്തിന്റെ വാർഷിക ജനറൽ ബോഡി യോഗവും, കുടുംബ സംഗമവും അബുദാബി ഇന്ത്യൻ ഇസ്ലാമിക്‌ സെന്ററിൽ സംഘടിപ്പിച്ചു. അബുദാബി ഘടകം പ്രസിഡന്റ്‌ അഷ്‌കർ പുതുപറമ്പിൽ അധ്യക്ഷത വഹിച്ചു. PCWF ഗ്ലോബൽ സെക്രട്ടറി അശ്റഫ് മച്ചിങ്ങൽ ഉദ്ഘാടനം ചെയ്തു. ഗ്ലോബൽ പ്രസിഡന്റ്‌ സി എസ്‌ പൊന്നാനി മുഖ്യ പ്രഭാഷണം നിർവഹിച്ചു. സോഷ്യൽ മീഡിയ ഇൻഫ്ലുൻസറും, സാമൂഹ്യ പ്രവർത്തകനുമായ നിർമൽ തോമസ്, പ്രവാസി ക്ഷേമനിധി, നോർക്ക സേവനങ്ങൾ, ആനുകൂല്യങ്ങൾ എന്നിവയെ സംബന്ധിച്ച് വിശദീകരിച്ചു. 49 വർഷത്തെ പ്രവാസ ജീവിതം അവസാനിപ്പിച്ച്‌ നാട്ടിലേക്ക് മടങ്ങാൻ ഒരുങ്ങുന്ന, ജീവ കാരുണ്യ സേവനങ്ങളിലും സംഘടനാ പ്രവർത്തനങ്ങളിലും സജീവ സാന്നിധ്യമായ അബുദാബി ഘടകം വൈസ് പ്രസിഡന്റ്‌ മുഹമ്മദ്‌ കുട്ടി മാറഞ്ചേരിയേയും, പ്രിയ പത്നിയേയും ചടങ്ങിൽ ആദരിച്ചു. സെക്രട്ടറി ബഷീർ പാലക്കൽ പ്രവർത്തന റിപ്പോർട്ടും, ട്രഷറർ ഷഹീർ മുഹമ്മദ്‌ സാമ്പത്തിക റിപ്പോർട്ടും അവതരിപ്പിച്ചു. "ജീവിതം സന്തോഷകരമാക്കാൻ മദ്യവും, മയക്കുമരുന്നും ഉപേക്ഷിക്കൂ” എന്ന ശീർഷകത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ ലഹരി വിരുദ്ധ ക്യാമ്പയിൻ്റെ ഭാഗമായി ലഹരി വിരുദ്ധ പ്രതിജ്ഞ എടുത്തു. തുടർന്ന് 2025-2027 വർഷ കാലാവധിയുള്ള കമ്മിറ്റി പുനഃസംഘടിപ്പിച്ചു. GCC കോ-ഓർഡിനേറ്റർ മുഹമ്മദ്‌ അനീഷ്‌, സെൻട്രൽ കമ്മിറ്റി സെക്രട്ടറി ശിഹാബ് കെ കെ എന്നിവർ നേതൃത്വം നൽകി. പുതിയ ഭാരവാഹികൾ: കേന്ദ്ര പ്രധിനിധികൾ: അബ്ദുൽ റഷീദ് ഹാജി ഷബീർ മുഹമ്മദ് റാഷിദ്‌ നാലകത്ത് ഷാനവാസ്‌ പി അഷ്‌കർ പുതുപറമ്പിൽ പ്രസിഡന്റ്‌- ബഷീർ പാലക്കൽ. സെക്രട്ടറി - ഷഹീർ മുഹമ്മദ്‌. ട്രഷറർ - അബ്ദുറഹ്മാൻ പുഴമ്പ്രം. വൈ: പ്രസിഡന്റ്: സിറാജുദ്ധീൻ കുവക്കാട്ടെയിൽ സുധീഷ് പി വി. ജോ: സെക്രട്ടറി: ഫാസിൽ നജീബ് ഗസൽ അബൂബക്കർ ഫൈസൽ മായിന്റകത്ത് എക്സിക്യൂട്ടീവ് അംഗങ്ങൾ: 1. അബ്ദുൽ ഗഫൂർ 2. കുഞ്ഞിമോൻ എം 3. അഷ്‌റഫ്‌ വി കെ 4. നവാസ് ഹംസ 5. സൈനുദ്ധീൻ പി വി 6. ഷമീർ ബനിയാസ് 7. യൂനസ് കെ കെ 8. നൗഫൽ ആലിയമാക്കാനകം 9. ജംഷീർ വലിയവളപ്പിൽ. 10. ലബീബ് പി ടി 11. ഷബ്നാസ് തങ്ങൾ 12. ഷംസുദ്ധീൻ പി 13. മുഹമ്മദ്‌ ബാരിക് 14. ദിൽഖുഷ് മാങ്കുഴിയിൽ 15. അബ്ദുൽ ആദിൽ 16. ഇബ്രാഹിംകുട്ടി (കമറു) 17. മുഹമ്മദ്‌ റാഫി പി 18. ആദർശ് ഇ വി അബ്ദു റഷീദ്‌ ഹാജി, ഷാനവാസ് പി, അലി ഹസ്സൻ എന്നിവർ ആശംസകൾ നേർന്നു. ജനറൽ സക്രട്ടറി ബഷീർ പാലക്കൽ സ്വാഗതവും, സെക്രട്ടറി ഷഹീർ മുഹമ്മദ്‌ നന്ദിയും പറഞ്ഞു.

പൊന്നാനി: ലോക പരിസ്ഥിതി ദിനം പൊന്നാനി കൾച്ചറൽ വേൾഡ് ഫൗണ്ടേഷൻ എവർ ഗ്രീൻ സമിതി ആചരിച്ചു. കേന്ദ്ര കമ്മിറ്റി ഓഫീസിൽ നടന്ന ചടങ്ങ് ഡോ: അബ്ദുറഹ്മാൻ കുട്ടി ഉദ്ഘാടനം ചെയ്തു. ശാരദ ടീച്ചർ പരിസ്ഥിതി ദിന സന്ദേശം നൽകി. ഹൈദരലി മാസ്റ്റർ മുഖ്യ പ്രഭാഷണം നടത്തി. മോഹനൻ പാക്കത്ത് അധ്യക്ഷത വഹിച്ചു. സി എസ് പൊന്നാനി, സി വി മുഹമ്മദ് നവാസ്, ടി മുനീറ, പി എം അബ്ദുട്ടി, രാജൻ തലക്കാട്ട്, സുബൈദ പോത്തനൂർ, ജി സിദ്ധീഖ്, ഹനീഫ മാളിയേക്കൽ, മുജീബ് കിസ്മത്ത് എന്നിവർ സംബന്ധിച്ചു. ഓഫീസ് പരിസരത്ത് വൃക്ഷ തൈകൾ നടുകയും, പരിസ്ഥിതി സംരക്ഷണ പ്രതിജ്ഞ ചൊല്ലുകയും ചെയ്തു. റാഫിന സ്വാഗതവും, സബീന ബാബു നന്ദിയും പറഞ്ഞു.

അജ്‌മാൻ: പൊന്നാനി കൾച്ചറൽ വേൾഡ് ഫൗണ്ടേഷൻ അജ്‌മാൻ ഘടകം വാർഷിക ജനറൽ ബോഡി യോഗത്തോട് അനുബന്ധിച്ച് അജ്മാൻ മീറ്റ്’25 ഫുഡ്‌ എക്സ്പ്രസ്സ്‌ റെസ്റ്റോറന്റിൽ സംഘടിപ്പിച്ചു. അജ്‌മാൻ ഘടകം പ്രസിഡന്റ്‌ ഹാഫിസ് റഹ്മാൻ അധ്യക്ഷത വഹിച്ചു. ജി സി സി കോ-ഓഡിനേറ്റർ മുഹമ്മദ്‌ അനീഷ് ഉദ്ഘാടനം നിർവഹിച്ചു. ഗ്ലോബൽ പ്രസിഡന്റ്‌ സി എസ് പൊന്നാനി മുഖ്യ പ്രഭാഷണം നടത്തി. സെക്രട്ടറി മുഹമ്മദ്‌ പുതുപൊന്നാനി പ്രവർത്തന റിപ്പോർട്ടും, ട്രഷറർ നൂറുൽ അമീൻ സാമ്പത്തിക റിപ്പോർട്ടും അവതരിപ്പിച്ചു. സെൻട്രൽ കമ്മിറ്റി ജനറൽ സെക്രട്ടറി ശിഹാബ് കെ കെ, യു എ ഇ വനിതാ ഘടകം സെക്രട്ടറി സമീറ നൂറുൽ അമീൻ, ഇബ്രാഹിം കുട്ടി കിഴിഞ്ഞാലിൽ കെഎംസിസി അജ്‌മാൻ ജനറൽ സെക്രട്ടറി എന്നിവർ ആശംസകൾ നേർന്നു. അജ്‌മാൻ ഘടകം 2025 2027 വർഷ കാലാവധിയുള്ള പുതിയ കമ്മിറ്റിയെ തെരഞ്ഞെടുത്തു. പുതിയ ഭാരവാഹികൾ: ~~~~~~~~~~~~~~~~~~~ കേന്ദ്ര പ്രതിനിധി: ശിഹാബ് കെ കെ. പ്രസിഡന്റ്‌ : ഹാഫിസ് റഹ്മാൻ സെക്രട്ടറി : മുഹമ്മദ്‌ പുതുപൊന്നാനി. ട്രഷറർ : നൂറുൽ അമീൻ വൈ: പ്രസിഡന്റ്‌: അബ്ദുൽ സലാം, ഉവൈസ് കെ. അബ്ദുൽ കെരീം ജോ : സെക്രട്ടറി : അഷ്‌കർ കെ വി ഷഫീഖ് കെ മുഹമ്മദ്‌ നിഷാബ് എക്സിക്യൂട്ടീവ് അംഗങ്ങൾ: 1. സുബൈർ എം 2. അബ്ദുൽ റസാഖ് 3. ഹാരിസ് അബൂബക്കർ 4. അഫ്സൽ 5. അമീർ റഹ്മാൻ 6. ബഷീർ പാലപ്പെട്ടി 7. റാഷിദ്‌ 8. റിയാസ് 9. സുഹൈൽ 10. യാസിർ 11. അബ്ദുൽ മജീദ് 12. നാസർ പന്താവൂർ 13. ബഷീർ കെ കെ സെക്രട്ടറി മുഹമ്മദ്‌ പുതുപൊന്നാനി സ്വാഗതവും, ജോ : സെക്രട്ടറി മുഹമ്മദ്‌ നിഷാബ് നന്ദിയും പറഞ്ഞു.

പൊന്നാനി : ഈ അധ്യായന വർഷം 9,10,11,12 ക്ലാസുകളിൽ പഠിക്കുന്ന സാമ്പത്തികമായി പിന്നോക്കം നില്‍ക്കുന്ന മുന്നൂറോളം കുട്ടികൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ സൗജന്യ നോട്ട് പുസ്തകം വിതരണം ചെയ്തു. ചമ്രവട്ടം ജംഗ്ഷൻ പാലക്കൽ ഓഡിറ്റോറിയത്തിൽ നടന്ന ചടങ്ങ് സി എസ് പൊന്നാനി ഉദ്ഘാടനം ചെയ്തു. പി കോയക്കുട്ടി മാസ്റ്റർ അധ്യക്ഷത വഹിച്ചു. സി വി മുഹമ്മദ് നവാസ് സ്വാഗതം പറഞ്ഞു. ടി മുനീറ, എൻ പി അഷ്റഫ്, ജി സിദ്ദീഖ്, ഹനീഫ മാളിയേക്കൽ, മുജീബ് കിസ്മത്ത്, അബ്ദുറസാഖ് പുറങ്ങ് തുടങ്ങിയവർ സംബന്ധിച്ചു. ലഹരി വിരുദ്ധ പ്രതിജ്ഞയും ചടങ്ങിൽ വെച്ച് നടന്നു റംല കെ പി നന്ദി പറഞ്ഞു. പി സി ഡബ്ല്യു എഫ് സഊദി- റിയാദ് കമ്മിറ്റിയുടെയും, യു എ ഇ വനിതാ കമ്മിറ്റിയുടെയും സാമ്പത്തിക സഹായത്തോടെയാണ് പുസ്തക വിതരണം നടത്തിയത്.