Deprecated: MysqliDb::insertMulti(): Implicitly marking parameter $dataKeys as nullable is deprecated, the explicit nullable type must be used instead in /home/pcwfkjlw/public_html/admin/lib/MysqliDb/MysqliDb.php on line 833

PCWF വാർത്തകൾ

പൊന്നാനി: ബലിപെരുന്നാളിനോടനുബന്ധിച്ച് താലൂക്കിലെ വനിതകൾക്കായി പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി സംഘടിപ്പിച്ച മെഹന്ദി മത്സരത്തിൽ വാർഡ് 40 ൽ നിന്നുളള ആയിഷ തെസ്നി ഒന്നാം സ്ഥാനത്തിനർഹയായി. നൈതലൂർ വാർഡ് 13 ലെ ജസീല പി രണ്ടാം സ്ഥാനവും, വാർഡ് 4 ലെ തെൻസീറ മൂന്നാം സ്ഥാനവും നേടി. നിളാപാതയോരത്ത് നഗരസഭയുടെ ഡെസ്റ്റിനേഷൻ സെന്ററിൽ നടന്ന മത്സരത്തിൽ മുൻകൂട്ടി ഫീസടച്ച് രജിസ്റ്റർ ചെയ്ത 17 ഗ്രൂപ്പുകളാണ് പങ്കെടുത്തത്. വനിതാ അംഗങ്ങൾ തയ്യാറാക്കിയ പലഹാരങ്ങളുൾപ്പെടെയുളള ഭക്ഷ്യോൽപ്പന്നങ്ങളുടെ വില്പനയും ഉണ്ടായിരിന്നു. എം എം സുബൈദ ,ടി മുനീറ, എസ് ലത ടീച്ചർ, ആരിഫ മാറഞ്ചേരി, മാലതി വട്ടംകുളം, ഹൈറുന്നിഷ പാലപ്പെട്ടി, സബീന ബാബു, സുഹറ ബാബു, ആരിഫ കാലടി, സൽമ നസീർ, ഹാജറ സി വി, ബുഷ്‌റ, നസീമ, നിഷാബി തുടങ്ങിയവർ നേതൃത്വം നൽകി. പങ്കെടുത്തവർക്കെല്ലാം സർട്ടിഫിക്കറ്റും, ആദ്യ മൂന്ന് സ്ഥാനക്കാർക്ക് ഉപഹാരവും, ക്യാഷ് അവാർഡും മെയ് 30 ശനിയാഴ്ച്ച ഉച്ചയ്ക്ക് 2.30 ന് കെ കെ ജംഗ്ഷനിലെ ഐ എസ് എസ് സ്കൂളിൽ നടക്കുന്ന "വിജയതീരം 26" ചടങ്ങിൽ വെച്ച് നൽകുമെന്ന് ഭാരവാഹികൾ അറിയിച്ചു.

തുടരുക...

പൊന്നാനി : താലൂക്കിൽ നിന്നും വിജയിച്ച ജനപ്രതിനിധികളെ സന്ദർശിച്ച് പൊന്നാനി കൾച്ചറൽ വേൾഡ് ഫൗണ്ടേഷൻ സാരഥികൾ അഭിനന്ദനം അറിയിച്ചു. പൊന്നാനി നിയോജക മണ്ഡലം എം എൽ എ കെ പി നൗഷാദ് അലി, തവനൂർ നിയോജക മണ്ഡലം എം എൽ എ അഡ്വ: വി എസ് ജോയ് എന്നിവരെ ഷാൾ അണിയിക്കുകയും പൊന്നാനിയുടെ ചരിതം “പാനൂസ” പരിഷ്ക്കരിച്ച പതിപ്പ് കൈമാറുകയും ചെയ്തു. ഗ്ലോബൽ പ്രസിഡണ്ട് സി എസ് പൊന്നാനിയുടെ നേതൃത്വത്തിൽ കേന്ദ്ര സാരഥികളും, വനിതാ പ്രതിനിധികളും ചടങ്ങിൽ പങ്കെടുത്തു.

തുടരുക...

നരിപ്പറമ്പ് : പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി "മധുരം മാതൃത്വം" എന്ന ശീർഷകത്തിൽ മാതൃദിനം ആചരിച്ചു. പോത്തനൂർ നെല്ലാക്കര മൊയ്യാലത്ത് വളപ്പിൽ പരേതനായ കുഞ്ഞിബാവയുടെ ഭാര്യ തൊണ്ണൂറ്റിയഞ്ച് വയസ്സുകാരിയായ ആമിനക്കുട്ടി ഉമ്മയെ മാതൃദിനത്തിന്റെ ഭാഗമായി ആദരിച്ചു. ഗാന്ധിയൻ ദർശനങ്ങളിലൂന്നി സാമൂഹ്യ സാംസ്ക്കാരിക മണ്ഡലങ്ങളിലും, കാർഷിക മേഖലയിലും ഭർത്താവൊന്നിച്ച് സേവനം ചെയ്തിട്ടുളള ആമിനക്കുട്ടി ഉമ്മ എട്ട് മക്കളുടെ മാതാവാണ്. മൊയ്യാലത്ത് വളപ്പിൽ ഭവനത്തിൽ നടന്ന ചടങ്ങിൽ പി സി ഡബ്യു എഫ് വനിതാ കേന്ദ്ര കമ്മിറ്റി ഉപാധ്യക്ഷ ആരിഫ പി മാറഞ്ചേരി അധ്യക്ഷത വഹിച്ചു. ജനറൽ സെക്രട്ടറി എസ് ലത ടീച്ചർ ഉദ്ഘാടനം ചെയ്തു. ഹൈറുനിഷ പാലപ്പെട്ടി, റഫീഖത്ത് തവനൂർ, അസ്മാബി പി എ, റംല കെ പി, സബീന ബാബു, റോഷിനി, റജുല ബാവ (പൊന്നാനി) ആരിഫ, സാജിദ, മുനീറ (കാലടി) തുടങ്ങിയവർ സംബന്ധിച്ചു. മക്കളും പേരമക്കളും ഉൾപ്പെടെയുളള ബന്ധുക്കളുടെ സാന്നിധ്യം ചടങ്ങ് സന്തോഷകരമാക്കി. എം എം സുബൈദ പോത്തനൂർ സ്വാഗതവും, റംല കെ പി നന്ദിയും പറഞ്ഞു.

തുടരുക...

നരിപ്പറമ്പ്: പൊന്നാനി കൾച്ചറൽ വേൾഡ് ഫൗണ്ടേഷന്റെ ജനോപകാര പ്രവർത്തനങ്ങളിലൊന്നായ കൂടയുളളവർക്ക് കൂടൊരുക്കാം ഭവന പദ്ധതിയുടെ ഭാഗമായി കാലടി പഞ്ചായത്തിലെ വെളേപ്പാടത്ത് പി പി ആരിഫക്ക് പണിത് കൊടുക്കുന്ന ആദ്യ വീടിൻറ തറക്കല്ലിടൽ കർമ്മം പൊന്നാനി മഖ്ദൂം എം പി സയ്യിദ് മുത്തു കോയ തങ്ങൾ നിർവ്വഹിച്ചു. സ്വന്തമായി വീടോ, സ്ഥലമോ ഇല്ലാത്ത, വാടക വീട്ടിൽ കഴിയുന്ന തികച്ചും അർഹതപ്പെട്ട ഈ കുടുംബത്തിന് ഉദാരമതിയായ വ്യക്തി സൗജന്യമായി നൽകിയ മൂന്ന് സെന്റ് സ്ഥലത്താണ് വീട് പണിത് നൽകുന്നത്. പി സി ഡബ്യു എഫ് സംഘടന നാളിതുവരെ ചെയ്ത് വരുന്ന ഒട്ടേറേ നന്മയാർന്ന പ്രവർത്തനങ്ങളിൽ സാമ്പത്തികമായി ഏറെ ബാധ്യത വരുന്ന പദ്ധതിയാണിത്. പ്രയാസപ്പെടുന്നവർക്ക് സാന്ത്വനമേകാൻ ജാതി മത ഭേദമില്ലാതെ സംഘടനക്കൊപ്പം ഒന്നിച്ച് നിൽക്കുന്ന കരുണവറ്റാത്ത ഹൃദയങ്ങളുടെ കനിവിലാണ് സംഘടനയുടെ പ്രതീക്ഷ. തറക്കല്ലിടൽ ചടങ്ങിൽ പി കോയക്കുട്ടി മാസ്റ്റർ , ഡോ : അബ്ദുറഹ്മാൻ കുട്ടി, എം എം സുബൈദ പോത്തനൂർ, ഹനീഫ മാളിയേക്കൽ, കാട്ടിൽ മുഹമ്മദ് കുട്ടി, തൂമ്പിൽ കുഞ്ഞി മൊയ്തീൻ കുട്ടി, എ വി അബ്ദുൽ ജലീൽ, എം ടി നജീബ്, വാർഡ് മെമ്പർ സലീം, ബിജുദേവസി, സാലിഹ് ഉസ്മാൻ (ദമാം - സഊദി) ജി സിദ്ധീഖ് തുടങ്ങിയവർ സംബന്ധിച്ചു.

തുടരുക...

സലാല: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) സലാല കമ്മിറ്റിയുടെ ആഭിമുഖ്യത്തിൽ ബദർ അൽ സമാ ഹോസ്പിറ്റൽ ഗ്രൂപ്പും യാറ ഓപ്റ്റിക്കൽസും സംയുക്തമായി 2026 മെയ് 1 വെള്ളിയാഴ്ച വൈകുന്നേരം 7 മണി മുതൽ ബദർ അൽ സമാ ഹോസ്പിറ്റലിൽ വെച്ച് “വിഷൻ 2026” സൗജന്യ നേത്ര പരിശോധന ക്യാമ്പ് സംഘടിപ്പിക്കുന്നു. പരിപാടിയുടെ ഫസ്റ്റ് ലുക്ക് പോസ്റ്റർ PCWF സലാല കമ്മിറ്റി പ്രസിഡന്റ് കബീർ കെ, ബദർ അൽ സമാ ഹോസ്പിറ്റൽ സലാല ബ്രാഞ്ച് മാനേജർ അബ്ദുൽ അസീസിന് നൽകി പ്രകാശനം നിർവഹിച്ചു. PCWF സെക്രട്ടറി മുഹമ്മദ് റസ്, യാറ ഓപ്റ്റിക്കൽസ് മാനേജർ ജൈസൽ എടപ്പാൾ, വലീദ് (ബദർ അൽ സമാ), മുസ്തഫ, മണികണ്ഠൻ, ശിഹാബ് മാറഞ്ചേരി, ഗഫൂർ (ബദർ അൽ സമാ), അരുൺ എന്നിവർ ചടങ്ങിൽ പങ്കെടുത്തു. ക്യാമ്പിന് ഡോ. കീർത്തന പെരലയ (MBBS, MS – Ophthalmology) നേതൃത്വം നൽകും. ക്യാമ്പിനോടനുബന്ധിച്ച് നേത്ര ആരോഗ്യ ബോധവൽക്കരണ ക്ലാസും സംഘടിപ്പിക്കുന്നതാണ്. സൗജന്യ കണ്ണ് പരിശോധന, കാഴ്ച പരിശോധന, ഓപ്റ്റിക്കൽ നിർദ്ദേശങ്ങൾ തുടങ്ങിയ സേവനങ്ങൾ ക്യാമ്പിൽ ലഭ്യമാകും. എല്ലാവർക്കും പങ്കെടുക്കാവുന്ന ഈ ക്യാമ്പിലൂടെ കണ്ണിന്റെ ആരോഗ്യ സംരക്ഷണത്തെക്കുറിച്ചുള്ള ബോധവൽക്കരണവും ലക്ഷ്യമിടുന്നതായി സംഘാടകർ അറിയിച്ചു.

തുടരുക...

ദമ്മാം: പൊന്നാനി കൾച്ചറൽ വേൾഡ് ഫൗണ്ടേഷൻ ദമ്മാം കിഡ്സ് ക്ലബ്ബ് സംഘടിപ്പിച്ച “ഹുബ്ബുൽ റമളാൻ കിഡ്സ് ടാലെൻറ് മീറ്റ്” ശ്രദ്ധേയമായി. “വിശ്വാസം വളർത്താം, കഴിവുകൾ പ്രകടിപ്പിക്കാം” എന്ന സന്ദേശവുമായി വിശുദ്ധ റമളാൻ മാസത്തോടനുബന്ധിച്ച് കുട്ടികൾക്കായി സംഘടിപ്പിച്ച പരിപാടി ആവേശകരമായ പങ്കാളിത്തം കൊണ്ട് ശ്രദ്ധ നേടി. മലയാളം ഭാഷയിൽ വിവിധ പ്രായവിഭാഗങ്ങളിലായി സംഘടിപ്പിച്ച മത്സരങ്ങളിൽ ഇസ്ലാമിക ഗാനം, കഥപറയൽ, പ്രസംഗം, ഹിഫ്‌ള് എന്നിവ ഉൾപ്പെടുത്തി. കുട്ടികളുടെ കഴിവുകളും ആത്മവിശ്വാസവും വളർത്തുന്നതിനൊപ്പം റമളാന്റെ ആത്മീയ സന്ദേശങ്ങളും പകർന്നു നൽകുന്നതായിരുന്നു പരിപാടിയുടെ പ്രധാന ലക്ഷ്യം. ഹിഫ്‌ള് മത്സരത്തിൽ റഫാൻ മുഹമ്മദ് ഒന്നാം സ്ഥാനവും, ആയിഷ സമ്രീൻ രണ്ടാം സ്ഥാനവും, ത്വാഹ മൂന്നാം സ്ഥാനവും നേടി. പ്രസംഗ മത്സരത്തിൽ മുഹമ്മദ് അയ്മാൻ ഒന്നാം സ്ഥാനം കരസ്ഥമാക്കി. ഇസ്ലാമിക ഗാന മത്സരത്തിൽ അമീർ അബ്ദുള്ള ഒന്നാം സ്ഥാനവും, അഹദ് അബ്ദുള്ള നഹാസ് രണ്ടാം സ്ഥാനവും, ഹൈഫ സ്വാലിഹ നിയാസ് മൂന്നാം സ്ഥാനവും നേടി. കഥപറയൽ (ചരിത്ര അവതരണം) മത്സരത്തിൽ റൂഹി സിബി ഒന്നാം സ്ഥാനവും, ഹവ്വ ഫഹദ് രണ്ടാം സ്ഥാനവും നേടി. വിവിധ മേഖലകളിൽ കുട്ടികളുടെ കഴിവുകൾ കണ്ടെത്താനും പ്രോത്സാഹിപ്പിക്കാനും ഇത്തരം പരിപാടികൾ ഏറെ സഹായകരമാണെന്ന് സംഘാടകർ അറിയിച്ചു.

തുടരുക...

റിയാദ്: Ponnani Cultural World Foundation (PCWF) റിയാദ് കമ്മിറ്റിയുടെ ആഭിമുഖ്യത്തിൽ ജനദ്രിയയിലെ മരുഭൂമിയിൽ കഴിയുന്ന ഇടയ സഹോദരങ്ങൾക്ക് പെരുന്നാൾ പുതുവസ്ത്രം വിതരണം ചെയ്ത് മനുഷ്യത്വത്തിന്റെ മനോഹര മാതൃക സൃഷ്ടിച്ചു. കഴിഞ്ഞ വർഷങ്ങളിൽ റിയാദിലെ പൊതുസമൂഹത്തെ ഉൾപ്പെടുത്തി വിപുലമായ രീതിയിൽ സംഘടിപ്പിച്ചിരുന്ന ജനകീയ ഇഫ്താർ വിരുന്ന്,നിലവിലെ സാഹചര്യങ്ങൾ പരിഗണിച്ച് ഈ വർഷം ഒഴിവാക്കിയിരുന്നു. അതിന് പകരമായി സമൂഹത്തിലെ പിന്നാക്ക വിഭാഗങ്ങളിലേക്കെത്തി അവരുടെ പെരുന്നാൾ സന്തോഷത്തിൽ പങ്കുചേരുക എന്ന ലക്ഷ്യത്തോടെ ഈ കാരുണ്യ പ്രവർത്തനം സംഘടിപ്പിക്കുകയായിരുന്നു. പരിപാടിയുടെ ഭാഗമായി മരുഭൂമിയിലെ ഇടയ സഹോദരങ്ങൾക്ക് പുതുവസ്ത്രങ്ങൾ വിതരണം ചെയ്തതോടൊപ്പം, സംഘടനയിലെ അർഹരായ അംഗങ്ങളുടെ കുടുംബങ്ങൾക്കു പെരുന്നാൾ സമ്മാനങ്ങൾ നൽകുകയും ചെയ്തു. PCWF റിയാദ് കുടുംബത്തിന് വേണ്ടി പ്രസിഡന്റ് അൻസാർ നൈതല്ലൂർ, ജനസേവനം കൺവീനർ റസാഖ് പുറങ് , നാഷണൽ കമ്മിറ്റി രക്ഷാധികാരി ഷംസു പൊന്നാനി , വൈസ് പ്രസിഡന്റുമാരായ അസ്‌ലം കളക്കര , സുഹൈൽ മഖ്ധൂം എന്നിവർ ഈ സൽകർമത്തിന് നേതൃത്വം നൽകി. മനുഷ്യസ്നേഹവും സാമൂഹിക പ്രതിബദ്ധതയും ഉയർത്തിപ്പിടിക്കുന്ന ഇത്തരം പ്രവർത്തനങ്ങൾ തുടരുമെന്ന് ഭാരവാഹികൾ അറിയിച്ചു.

തുടരുക...

പൊന്നാനി: സാമ്പത്തികമായി പിന്നോക്കം നിൽക്കുന്ന തികച്ചും അർഹരായ ആയിരം കുടുംബങ്ങൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ ഭക്ഷണക്കിറ്റുകൾ വിതരണം ചെയ്തു. പി സി ഡബ്യു എഫ് അംഗത്വമുളള പൊന്നാനി മുൻസിപ്പാലിറ്റിയിലെ വിവിധ വാർഡുകളിലെയും, പഞ്ചായത്ത് കമ്മിറ്റികളിലെയും അർഹതപ്പെട്ടവരുടെ ലിസ്റ്റ് തയ്യാറാക്കി കേന്ദ്ര വനിതാ വിഭാഗത്തിന്റെ നേതൃത്വത്തിലാണ് വിതരണം പൂർത്തിയാക്കിയത്. വെളിയങ്കോട് പഞ്ചായത്തിൽ നടന്ന വിതരണോദ്ഘാടന ചടങ്ങ് ഗ്ലോബൽ ഉപാധ്യക്ഷൻ ഡോ. അബ്ദുറഹിമാൻ കുട്ടി നിർവഹിച്ചു, ജനറൽ സെക്രട്ടറി സി. വി മുഹമ്മദ് നവാസ് മഖ്യ പ്രഭാഷണം നടത്തി. സുഹറ ബാബു , അബ്ദുസമദ് മാനത്ത് പറമ്പിൽ, ഇക്ബാൽ, മൊയ്തുട്ടി, എന്നിവർ സംസാരിച്ചു. തവനൂർ പഞ്ചായത്ത് കമ്മിറ്റി മാത്തൂർ സ്വാശ്രയ തയ്യൽ പരിശീലന കേന്ദ്രത്തിൽ വെച്ച് നടത്തിയ ചടങ്ങ് വനിതാ കേന്ദ്ര സെക്രട്ടറി റംല കെ പി ഉദ്ഘാടനം ചെയ്തു. തൂമ്പിൽ കുഞ്ഞിമൊയ്തീൻകുട്ടി അധ്യക്ഷത വഹിച്ചു. ഗ്ലോബൽ സെക്രട്ടറി ജി സിദ്ധീഖ് മുഖ്യ പ്രഭാഷണം നടത്തി. ആമിനു വി വി, സുലൈമാൻ ഹാജി എന്നിവർ സംസാരിച്ചു. റഫീഖത്ത് സി സ്വാഗതവും, ഹസീന പി ടി നന്ദിയും പറഞ്ഞു. നഗരസഭയിലെ 49 ആം വാർഡിൽ നടന്ന കിറ്റ് വിതരണോദ്ഘാടനം മുൻസിപ്പൽ സെക്രട്ടറി മുജീബ് കിസ്മത്ത് നിർവ്വഹിച്ചു. ആലങ്കോട് പഞ്ചായത്ത് തല വിതരണം പ്രസിഡണ്ട് വി.വി. മുഹമ്മദ് അഷ്റഫ് മാസ്റ്റർക്ക് കിറ്റ് കൈമാറി ഗ്ലോബൽ കമ്മറ്റി ട്രഷറർ അടാട്ട് വാസുദേവൻ ഉദ്ഘാടനം ചെയ്തു. അയിഷ ഹസ്സൻ,ടി.വി. മുഹമ്മദ് അബ്ദുറഹിമാൻ, പി ഐ റാഫിദ, സുജിത സുനിൽ എന്നിവർ പങ്കെടുത്തു. തവനൂർ പഞ്ചായത്ത് ഒന്നാം വാർഡിൽ നടന്ന കിറ്റ് വിതരണത്തിന് ജി സിദ്ധീഖ്, സൈനുദ്ധീൻ ഹാജി, റഫീഖത്ത് സി, സുധീന പി കെ, ശോഭിത എന്നിവർ നേതൃത്വം നൽകി.

തുടരുക...

സലാല: 27 വർഷത്തെ പ്രവാസ ജീവിതത്തിന് വിടപറഞ്ഞ് നാട്ടിലേക്ക് മടങ്ങുന്ന PCWF സലാല എക്സിക്യൂട്ടീവ് അംഗം അക്ബർ പൊന്നാനിക്ക് PCWF സലാല കമ്മിറ്റി സ്നേഹപൂർവ്വമായ യാത്രയയപ്പ് നൽകി. എലൈറ്റ് റെസ്റ്റോറന്റിൽ സംഘടിപ്പിച്ച ചടങ്ങിൽ കമ്മിറ്റി പ്രസിഡന്റ് കെ. കബീർ ഉപഹാരം കൈമാറി. സെക്രട്ടറി മുഹമ്മദ് റാസ്, എക്സിക്യൂട്ടീവ് അംഗങ്ങളായ മുസ്തഫ ബലതിയ, ശിഹാബ് മാറഞ്ചേരി, ഗഫൂർ ബദർ അൽ സമാ, അബൂബക്കർ, മൻസൂർ പൊന്നാനി, ഖലീൽ എന്നിവർ പങ്കെടുത്തു. പ്രവാസ ജീവിതകാലയളവിൽ സലാലയിലെ സാമൂഹിക, സാംസ്കാരിക, ജീവകാരുണ്യ രംഗങ്ങളിൽ സജീവ സാന്നിധ്യമായിരുന്ന അക്ബർ പൊന്നാനി, അദ്ദേഹത്തിന്റെ സമർപ്പണവും പ്രവർത്തനങ്ങളും PCWF സലാലയുടെ വളർച്ചയ്ക്ക് ശക്തമായ പിന്തുണയായി മാറിയതായി ഭാരവാഹികൾ അഭിപ്രായപ്പെട്ടു.

തുടരുക...

റിയാദ് : പൊന്നാനി കൾച്ചറൽ വേൾഡ് ഫൗണ്ടേഷൻ റിയാദ് കമ്മിറ്റിയുടെ നേതൃത്വത്തിൽ അംഗങ്ങൾക്കായി സൗഹൃദ ഇഫ്താർ വിരുന്ന് സംഘടിപ്പിച്ചു. മൻസൂറ ഇന്ത്യൻ ബ്രീസ് റെസ്റ്റോറന്റിൽ വെച്ച് നടന്ന വിരുന്നിൽ നൂറിലധികം അംഗങ്ങൾ പങ്കെടുത്തു. മുൻ വർഷങ്ങളിൽ റിയാദ് പൊതു സമൂഹത്തെ മുഴുവൻ ഉൾകൊള്ളിച്ചു നടത്തി വന്നിരുന്ന ജനകീയ മെഗാ ഇഫ്താർ നിലവിലെ സാഹചര്യങ്ങൾ കണക്കിലെടുത്തു ഇത്തവണ അംഗങ്ങൾക്കു മാത്രമായി നിച്ചപ്പെടുത്തുകയായിരുന്നു. പ്രമുഖ വ്യവസായിയും സാമൂഹ്യ പ്രവർത്തകനുമായ മുഹമ്മദ്‌ കണ്ണൂർ മുഖ്യാതിഥിയായിരുന്നു. സലീം കളക്കര,റസാഖ് പുറങ്ങ്, അൻസാർ നൈതല്ലൂർ,കബീർ കാടൻസ്, ഷമീർ മേഘ, ഷംസു പൊന്നാനി, അസ്‌ലം കളക്കര, സുഹൈൽ മഖ്ധൂം,അൻവർ ഷാ, അഷ്‌കർ.വി,ലബീബ് മാറഞ്ചേരി, സാഫിർ പൊന്നാനി,ബക്കർ കിളിയിൽ,ബാസിൽ ഇബ്രാഹിം,മുക്താർ വെളിയംകോട്, അൽത്താഫ്.കെ, രമേശ്‌ വെള്ളേപ്പാടം,അൻവർ കറുകതിരുത്തി, നിഷാം,അഷ്‌കർ വെളിയംകോട്, ഷമീറ ഷമീർ, റഷാ സുഹൈൽ, നിഷ ഷംനാദ്,സാബിറ ലബീബ് തുടങ്ങിയവർ നേതൃത്വം നൽകി.

തുടരുക...

പൊന്നാനി: സ്ത്രീകൾക്ക് അർഹമായ അവകാശങ്ങളും ബഹുമാനവും നൽകുന്നത് ഔദാര്യമല്ല, മറിച്ച് സമൂഹത്തിന്റെ നിലനിൽപ്പിന് അത്യാവശ്യമാണ് എന്ന സന്ദേശമുയർത്തി പൊന്നാനി കൾച്ചറൽ വേൾഡ് ഫൗണ്ടേഷൻ കേന്ദ്ര വനിതാ കമ്മിറ്റി അന്താരാഷ്ട്ര വനിതാ ദിനമാചരിച്ചു. പൊന്നാനി നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സൗദാമിനി ടീച്ചർ ഉദ്ഘാടനം ചെയ്തു ചമ്രവട്ടം പാലക്കൽ ഓഡിറ്റോറിയത്തിൽ നടന്ന ചടങ്ങിൽ വെച്ച് പി സി ഡബ്യൂ എഫ് സെക്രട്ടറിയായിരുന്ന ഒ കെ ഉമ്മർ അഞ്ചാം അനുസ്മരണവും നടന്നു. ഗ്ലോബൽ ജനറൽ സെക്രട്ടറി സി വി മുഹമ്മദ് നവാസ് അനുസ്മരണ പ്രഭാഷണം നിർവ്വഹിച്ചു. വനിതാ പ്രസിഡന്റ് മുനീറ ടി അധ്യക്ഷത വഹിച്ചു. ജനറൽ സെക്രട്ടറി എസ് ലത ടീച്ചർ സ്വാഗതം പറഞ്ഞു. ബെൻസി ഹോസ്പിറ്റൽ ഗൈനക്കോളജിസ്റ്റ് ഡോ: റിൻസി എം ബഷീർ സ്ത്രീ രോഗങ്ങളെക്കുറിച്ച് വിശദമായ ബോധവൽക്കരണ ക്ലാസ് നടത്തി. വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ, ഡോ. അബ്ദുറഹ്മാൻ കുട്ടി, ടി വി സുബൈർ, ഹനീഫ മാളിയേക്കൽ എന്നിവർ ഒ കെ ഉമ്മറിന്റെ ഓർമ്മകൾ പങ്കുവെച്ച് സംസാരിച്ചു. കാരുണ്യ സ്പർശം പദ്ധതിയുടെ ഭാഗമായി വിധവകൾക്കുള്ള ധനസഹായം രണ്ടാം ഘട്ട വിതരണവും നടന്നു. 36 പേർ സഹായം കൈപ്പറ്റി. വനിതാ കേന്ദ്ര കമ്മിറ്റി ഭാരവാഹികൾ, മുൻസിപ്പൽ / പഞ്ചായത്ത് പ്രതിനിധികൾ തുടങ്ങിയവർ സംബന്ധിച്ചു. വനിതാ കേന്ദ്ര ട്രഷറർ ആയിഷ ഹസ്സൻ നന്ദി പറഞ്ഞു.

തുടരുക...

പൊന്നാനി: സ്നേഹത്തിൻ്റെയും, സൗഹൃദത്തിൻ്റേയും കാഹളം മുഴക്കിക്കൊണ്ടും, ലോക ജനതയെ ആശങ്കയിലാഴ്ത്തിയ യുദ്ധഭീഷണിയെ അപലപിച്ചു കൊണ്ടും, യുദ്ധം അവസാനിച്ച് സമാധാനം പുലരാനുള്ള പ്രത്യേക പ്രാർത്ഥന നടത്തി കൊണ്ടും പൊന്നാനി കൾച്ചറൽ വേൾഡ് ഫൗണ്ടേഷൻ അക്ബർ ഗ്രൂപ്പുമായി സഹകരിച്ച് നടത്തിയ സൗഹൃദ സംഗമവും, സമൂഹ നോമ്പ് തുറയും ശ്രദ്ധേയമായി. ലോകത്തിന്റെ വിവിധ ഭാഗങ്ങളിൽ പ്രത്യേകിച്ച് പശ്ചിമേഷ്യയിൽ നില നിൽക്കുന്ന യുദ്ധത്തിന്റെയും, വിലാപത്തിന്റെയും സാഹചര്യത്തിൽ സമാധാനം നില നിറുത്താൻ മാനവികത ഉയർത്തിപ്പിടിക്കണമെന്ന് ചടങ്ങ് ഉദ്ഘാടനം ചെയ്ത് കൊണ്ട് പി നന്ദകുമാർ എം എൽ എ പറഞ്ഞു. പൊന്നാനി മാസ് ഓഡിറ്റോറിയത്തിൽ നടന്ന സംഗമത്തിൽ സാമൂഹ്യ-സാംസ്കാരിക -രാഷ്ട്രീയ രംഗങ്ങളിലെ പ്രമുഖരും ജനപ്രതിനിധികളും പങ്കെടുത്തു. യുദ്ധത്തിന്റെ ആകുലതയിലും നമ്മളെല്ലാം ഒന്നാണെന്ന പൊന്നാനി പാരമ്പര്യത്തെ ഉയർത്തിപ്പിടിച്ച് ഏവരെയും ചേർത്ത് പിടിക്കുന്ന പി സി ഡബ്യു എഫ് സംഘടനയുടെ മാതൃകാ പ്രവർത്തനങ്ങൾ അഭിമാനകരമാണെന്ന് മുഖ്യ പ്രഭാഷണം നടത്തിയ സാഹിത്യകാരനും, പി.സി. ഡബ്ലിയു എഫ്. ഉപദേശക സമിതി ചെയർമാനുമായ കെ.പി.രാമനുണ്ണി അഭിപ്രായപ്പെട്ടു. ഗ്ലോബൽ പ്രസിഡണ്ട് സി.എസ്. പൊന്നാനി അധ്യക്ഷത വഹിച്ചു. വഖഫ് ബോർഡ് ചെയർമാൻ എം.കെ. സക്കീർ മുഖ്യാതിഥിയായിരുന്നു. കൂടെയുള്ളവർക്ക് കൂടൊരുക്കാം' എന്ന പേരിൽ PCWF പുതുതായി ആരംഭിച്ച ഹോം പ്രൊജക്റ്റ് പദ്ധതിയുടെ ഡിസൈൻ പ്രകാശനം അക്ബർ ഗ്രൂപ്പ് ചെയർമാനും മാനേജിങ്ങ് ഡയറക്ടറുമായ ഡോ: കെ.വി.അബ്ദുൽ നാസർ നിർവ്വഹിച്ചു. പെരുമ്പടപ്പ് ബ്ലോക്ക് പഞ്ചായത്ത് പ്രസിഡണ്ട് റമീന ഇസ്മായിൽ, കാലടി ഗ്രാമ പഞ്ചായത്ത് പ്രസിഡണ്ട് മുബ്സിറ സിറാജ്, പെരുമ്പടപ്പ് ഗ്രാമ പഞ്ചായത്ത് പ്രസിഡണ്ട് കെ. വത്സല കുമാർ, മാറഞ്ചേരി ഗ്രാമ പഞ്ചായത്ത് വൈ: പ്രസിഡണ്ട് ഖദീജ മുത്തേടത്ത്, ആലംകോട് ഗ്രാമ പഞ്ചായത്ത് വൈ: പ്രസിഡണ്ട് സുബൈർ ഉദിനുപ്പറമ്പിൽ, അജയ് മോഹനൻ, ടി എം സിദ്ധീഖ്, അജിത് കോളാടി, രവി തേലത്ത്, അഹ്മദ് ബാഫഖി തങ്ങൾ, കെ പി നൗഷാദ് അലി, മുഹമ്മദ് പൊന്നാനി, പി പി സക്കീർ തുടങ്ങിയവർ ആശംസകൾ നേർന്നു. ടി കെ അഷ്റഫ്, ഒ സി സലാഹു, സി കെ മുഹമ്മദ് ഹാജി, പ്രൊഫ: വി കെ ബേബി, ശ്രീധരൻ മാസ്റ്റർ, ടി മുനീറ, ഡോ: അബ്ദുറഹ്മാൻ കുട്ടി, ബീകുട്ടി ടീച്ചർ, അടാട്ട് വാസുദേവൻ മാസ്റ്റർ, എം എം സുബൈദ, ശാരദ ടീച്ചർ, ആയിഷ ഹസ്സൻ, ശിഹാബുദ്ധീൻ കെ കെ (യു എ ഇ) എന്നിവർ സംബന്ധിച്ചു. ട്രോമകെയർ ടീമിന് യൂണിഫോം വിതരണം, സ്വാശ്രയ കമ്പനി ഡയറക്ടർ ബോർഡ് വൈ: ചെയർമാൻ ഡോ. ഷാജി ഇടശ്ശേരിയും, കഅബ് ചികിത്സാ സഹായ സമിതിക്ക് ഫണ്ട് നൽകൽ പി കോയക്കുട്ടി മാസ്റ്ററും, സ്വാശ്രയ തൊഴിൽ സംരംഭത്തിന്റെ ഭാഗമായുളള തയ്യൽ മെഷീൻ വിതരണം നഹൽ ഗ്രൂപ്പ് സ്ഥാപക ഡയറക്ടർ ടി എ റഫീഖും നിർവ്വഹിച്ചു. വിദ്യാഭ്യാസ സഹായം എഡ്യു സമിതി കൺവീനർ എസ് ലത ടീച്ചർ ഏറ്റുവാങ്ങി. ഗ്ലോബൽ ജനറൽ സെക്രട്ടറി സി വി മുഹമ്മദ്‌ നവാസ് സ്വാഗതവും, സംഘാടക സമിതി കൺവീനർ മുജീബ് കിസ്മത്ത് നന്ദിയും പറഞ്ഞു. തുടർന്ന് നടന്ന സമൂഹ നോമ്പുതുറയിൽ രണ്ടായിരത്തി ഇരുനൂറ്റമ്പതിലധികം പേർ പങ്കെടുത്തു. പി എം അബ്ദുട്ടി, സുബൈർ ടി വി, റഷീദ് അറയ്ക്കൽ, ഹൈദരലി മാസ്റ്റർ, അഷ്റഫ് മച്ചിങ്ങൽ, ജി സിദ്ധീഖ്, അബ്ദുല്ലതീഫ് കളക്കര, ഹനീഫ മാളിയേക്കൽ, തൂമ്പിൽ കുഞ്ഞിമൊയ്തീൻ കുട്ടി, റാഫി തവനൂർ, ടി മുസ്തഫ നടുവട്ടം മൊയ്തുട്ടി വെളിയംങ്കോട്, ശഫീഖ് പാണക്കാട്, മാലതി വട്ടംകുളം, ആരിഫ മാറഞ്ചേരി, ഹൈറുന്നിഷ പാലപ്പെട്ടി, റംല കെ പി, സബീന ബാബു, മിനി ടി, അസ്മാബി ആർ വി, മൂത്തു, നാരായണൻ മണി, ബാബു എലൈറ്റ്, ഫൈസൽ ബാജി പി എ, റജുല ബാവു, റഫീഖത്ത്, ആമിനു, ഹസീന (തവനൂർ) സുഹറബാബു വെളിയങ്കോട്, അബ്ദുസമദ് മാനാത്ത് പറമ്പിൽ, ഷീജ മാറഞ്ചേരി, റഷീദ് സി വി റഷീദ മാറഞ്ചേരി, സുബൈദ, സുലൈഖ, നിഷാബി, സഫിയ പി വി, ഫാത്തിമ മുജീബ് പെരുമ്പടപ്പ്, ജലീൽ കുന്നനിയിൽ, കബീർ എൻ വി തുടങ്ങിയവർ നേതൃത്വം നൽകി.

തുടരുക...

ദമാം: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ദമാം ചാപ്റ്റർ സംഘടിപ്പിച്ച ഇഫ്താർ സംഗമം ജനപങ്കാളിത്തം കൊണ്ടും സംഘാടന മികവ് കൊണ്ടും ശ്രദ്ധേയമായി. ദമാമിലെ പ്രവാസി സമൂഹത്തിന്റെ നാനാതുറകളിൽ നിന്നുള്ള എഴുന്നൂറോളം പേർ പങ്കെടുത്ത സംഗമം, പൊന്നാനിയുടെ തനതായ അതിഥി സൽക്കാരത്തിന്റെയും സാഹോദര്യത്തിന്റെയും നേർക്കാഴ്ചയായി മാറി. വിശുദ്ധ റമദാൻ പകർന്നു നൽകുന്ന കാരുണ്യത്തിന്റെയും സഹവർത്തിത്വത്തിന്റെയും സന്ദേശം ഉൾക്കൊണ്ടാണ് സംഗമം സംഘടിപ്പിച്ചത്. കൺവീനർമാരായ ശഫായത്ത്, നഹാസ്, ആസിഫ്, ഫസ്ന ആസിഫ് , ജസീന റിയാസ് എന്നിവർ പരിപാടിക്ക് നേതൃത്വം നൽകി. സാജിത ഫഹദ്, രകീബ നൗഫൽ, ആഷ്ന അമീർ, അർഷിന ഖലീൽ, മേഘ ദീപക്, ജെസ്സി ഷാജഹാൻ, സാദിയ ഫാസിൽ, മുഹ്സിന നഹാസ്, സബിത ഉമ്മർ, നഫീസ ഉമ്മർ എന്നിവരുടെ നേതൃത്വത്തിൽ വനിതാ കമ്മിറ്റി അംഗങ്ങൾ തയ്യാറാക്കിയ തനത് വിഭവങ്ങളും വിഭവസമൃദ്ധമായ ഇഫ്താർ വിരുന്നും അതിഥികൾക്ക് ഹൃദ്യമായ അനുഭവമായി. പി സി ഡബ്ല്യു എഫ് ഗ്ലോബൽ കമ്മിറ്റി സെക്രട്ടറി അഷ്റഫ് നൈതല്ലൂർ, സൗദി നാഷണൽ കമ്മിറ്റി പ്രസിഡന്റ് ബിജു ദേവസി സന്നിഹിതരായിരുന്നു. പി സി ഡബ്ല്യു എഫ് ദമ്മാം കമ്മിറ്റി പ്രസിഡന്റ് ഷമീർ, സെക്രട്ടറി ഖലീൽ, ട്രഷറർ ഫഹദ് ബിൻ ഖാലിദ് തുടങ്ങിയവർ പരിപാടികൾ ഏകോപിപ്പിച്ചു. സാലി, നൗഫൽ, ഫൈസൽ ആർ വി, സലീം ഗ്ലോബ്, ദീപക്, അബൂബക്കർ ഷാഫി തുടങ്ങിയവർ വിവിധ വിഭാഗങ്ങളുടെ മേൽനോട്ടം വഹിച്ചു. സൗദ് മുഹമ്മദ് അൽ യാമി, മുഹമ്മദ് സാലിം അൽ യാമി, മുഹമ്മദ് ഖാലിദ് അൽ അലി മുഖ്യാതിഥികളായിരുന്നു. ഷാജി മതിലകം, ദമ്മാം ഇന്ത്യ ഫുട്ബോൾ അസോസിയേഷൻ വൈസ് പ്രസിഡന്റ് സഫീർ മണലോടി, മലയാളി സമാജം പ്രതിനിധികൾ മാലിക് മക്ബൂൽ, ഡോ: സിന്ധു ബിനു , ഷനീബ് അബൂബക്കർ, ഷാജു അഞ്ചേരി, ഷഹീർ മജ്‌ദൽ, നൗഷാദ് ഏഴര, ബഷീർ ബുഖാരി ദമ്മാമിലെ മറ്റ് സാംസ്കാരിക സാമൂഹിക മേഖലയിലെ പ്രമുകരുടെയും ഇഫ്താറിന്റെ ഭാഗമായി. ഉമ്മർ ഖോബാർ, ഉമ്മർ കൊളക്കാട്ട്, ഇക്ബാൽ വെളിയംകോട് എന്നിവർ അതിഥികളെ നിയന്ത്രിക്കുന്നതിനും സ്വീകരിക്കുന്നതിനും നേതൃത്വം നൽകി. ജുബൈൽ, ദമാം, ഖോബാർ, അൽ ഹസ്സ, തുടങ്ങിയ വിവിധ മേഖലകളിൽ നിന്നുള്ള പ്രമുഖരും യുവാക്കളും വനിതകളും അടങ്ങുന്ന വലിയൊരു നിര തന്നെ സംഗമത്തിന്റെ ഭാഗമായി. പ്രവാസ ലോകത്ത് പൊന്നാനി നിവാസികളുടെ ഒത്തൊരുമയും കരുത്തും വിളിച്ചോതുന്നതായിരുന്നു ഈ സംഗമമെന്ന് സംഘാടകർ അറിയിച്ചു. കഫീൽ, നൗഷാദ്, സൈഫർ, ഹാരിസ്, സിറാജ്, ഫാസിൽ, രജീഷ് ,അമീർ, നിയാസ്, സുഹൈൽ, അബ്ദുറഹീം ഷമീർ കൊല്ലംകോട്, ഷാരു, അജ്മൽ, ബഷീർ, നിഷാർ തുടങ്ങിയവരും പരിപാടിയുടെ വിജയത്തിനായി സജീവമായി രംഗത്തുണ്ടായിരുന്നു. ഇഫ്താർ സംഗമത്തിൽ പങ്കുചേർന്ന ഏവർക്കും PCWF ദമാം ചാപ്റ്റർ ഭാരവാഹികൾ നന്ദി അറിയിച്ചു.

തുടരുക...

എടപ്പാൾ : പൊന്നാനി കൾച്ചറൽ വേൾഡ് ഫൗണ്ടേഷൻ മുൻ വൈസ് പ്രസിഡന്റും, ഉപദേശക സമിതി അംഗവും, സാമൂഹ്യ - സാംസ്കാരിക - ജീവകാരുണ്യ പ്രവർത്തന മേഖലകളിലെ നിറസാന്നിധ്യവുമായിരു ന്ന ഏട്ടൻ ശുകപുരത്തിൻ്റെ ഒന്നാം ചരമവാർഷിക ദിനത്തിൽ പി.സി.ഡബ്ലിയു.എഫ്. വട്ടംകുളം പഞ്ചായത്ത് കമ്മറ്റിയുടെ ആഭിമുഖ്യത്തിൽ അനുസ്മരണ സംഗമം നടത്തി. ശുകപുരം കുളങ്ങര ദേവി ക്ഷേത്ര ഓഡിറ്റോറിയത്തിൽ വെച്ച് നടന്ന ചടങ്ങ് വട്ടംകുളം ഗ്രാമപഞ്ചായത്ത് വൈസ് പ്രസിഡണ്ട് എം.എ. നജീബ് ഉദ്ഘാടനം ചെയ്തു. ഗ്ലോബൽ ട്രഷറർ അടാട്ട് വാസുദേവൻ അനുസ്മരണ പ്രഭാഷണം നടത്തി. വട്ടംകുളം പഞ്ചായത്ത് കമ്മിറ്റി പ്രസിഡന്റ് മോഹനൻ പാക്കത്ത് അധ്യക്ഷത വഹിച്ചു. വർക്കിങ് പ്രസിഡണ്ട് പി. കോയക്കുട്ടി മാസ്റ്റർ, ജനറൽ സെക്രട്ടറി സി വി മുഹമ്മദ് നവാസ്, വൈസ് പ്രസിഡന്റ് റഷീദ് അറയ്ക്കൽ, കെ. ശങ്കരനാരായണൻ, അജിതൻ പള്ളിപ്പാട്, ഭാരവാഹികളായ, ടി. മുസ്തഫ, എം.എം സുബൈദ, എം.മാലതി, പ്രണവം പ്രസാദ്, കാലടി ഗ്രാമപഞ്ചായത്ത് മുൻ പ്രസിഡന്റ് കെ ജി ബാബു, വട്ടംകുളം ഗ്രാമ പഞ്ചായത്ത് അംഗം ചന്ദ്രബോസ്, ടി വി മുഹമ്മദ് അബ്ദുറഹിമാൻ, കെ. വേണു, കെ.വി. അബ്ദുള്ളക്കുട്ടി മാസ്റ്റർ, ഏട്ടൻ ശുകപുരത്തിൻ്റെ മകൻ കിഷോർ ശുകപുരം, പി ജി സിന്ധു, അബ്ദുള്ളക്കുട്ടി ഹാജി വട്ടംകുളം, മജീദ് കഴുങ്കിൽ, എൻ വി അഷറഫ് തുടങ്ങിയവർ പ്രസംഗിച്ചു.

തുടരുക...

സലാല: പൊന്നാനി കൾച്ചറൽ വേൾഡ് ഫൗണ്ടേഷൻ സലാല ഘടകത്തിന്റെ ആഭിമുഖ്യത്തിൽ ഈ വർഷത്തെ ആദ്യ ഇഫ്താർ സംഗമം സലാലയിൽ സംഘടിപ്പിച്ചു. സലാലയിലെ പൊന്നാനി താലൂക്ക് നിവാസികളും സാമൂഹിക-സാംസ്‌കാരിക രംഗത്തെ പ്രമുഖരും പങ്കെടുത്ത സംഗമം ആത്മീയതയും സൗഹൃദവും ഒന്നിച്ചു ചേർന്ന മനോഹര വേദിയായി മാറി. റമദാനിന്റെ സന്ദേശമായ ഐക്യം, സഹോദര്യം, പരസ്പര സ്നേഹം എന്നിവ പ്രകടമായ അന്തരീക്ഷത്തിലായിരുന്നു പരിപാടി നടന്നത്. സമൂഹത്തിലെ വിവിധ മേഖലകളിൽ പ്രവർത്തിക്കുന്ന അംഗങ്ങൾ ഒത്തുചേർന്ന ഇഫ്താർ സംഗമം, ആത്മീയ അനുഭവത്തോടൊപ്പം സൗഹൃദ ബന്ധങ്ങൾ കൂടുതൽ ശക്തിപ്പെടുത്താനുള്ള അവസരമായി. പരിപാടിക്ക് PCWF സലാല പ്രസിഡന്റ് കെ. കബീർ, സെക്രട്ടറി മുഹമ്മദ് റാസ്, ഡോ: ഷെമീർ ആലത്ത്, മുസ്തഫ ബലദിയ, ശിഹാബ് മാറഞ്ചേരി, ജൈസൽ എടപ്പാൾ, അരുൺ കുമാർ, ജയരാജൻ, മണികണ്ഠൻ, സവാദ്, ഖലീൽ, ഗഫൂർ ബദർ സമാ, അബൂബക്കർ, അഖിൽ, മുഹമ്മദ്, നൗഷാദ് ഗുരുക്കൾ, റെനീഷ്, സുധീർ, ബാലൻ മുജീബ്, ഫർഷ്ദ്, സ്നേഹ, റിൻസില, സലീല, ആയിഷ, ഷിംന എന്നിവർ നേതൃത്വം നൽകി. ഇത്തരം ആത്മീയ-സൗഹൃദ സംഗമങ്ങൾ സമൂഹത്തിൽ ഐക്യവും കൂട്ടായ്മയും ശക്തിപ്പെടുത്തുന്നതിൽ നിർണായക പങ്കുവഹിക്കുന്നതായി സംഗമത്തിൽ പങ്കെടുത്തവർ അഭിപ്രായപ്പെട്ടു.

തുടരുക...

നാടിന്റെ നന്മയിൽ നിങ്ങളും
പങ്കാളിയാവുക

ഞങ്ങളോടൊപ്പം കൈകൾ കോർക്കുവാൻ താഴെ കാണുന്ന ബട്ടൺ വഴി അപേക്ഷ ഫോം പൂരിപ്പിക്കുക.

Contact Us
+91 75588 33350