ദമാം : പ്രവർത്തന മികവിൻറ നിറവിൽ പൊന്നാനികൾച്ചറൽ വേൾഡ് ഫൗണ്ടേഷൻ സൗദി ദമാം ഘടകം അർദ്ധ വാർഷിക ജനറൽ ബോഡി യോഗം ചേർന്നു. റോസ് ഗാർഡൻ റെസ്റ്റോറന്റിൽ നടന്ന ചടങ്ങ് മുഖ്യ രക്ഷാധികാരിയും ഗ്ലോബൽ കമ്മിറ്റി സെക്രട്ടറിയുമായ എൻ പി അഷറഫ് നൈതലൂർ ഉദ്ഘാടനം ചെയ്തു. നാഷണൽ കമ്മിറ്റി ജനറൽ സെക്രട്ടറി അൻവർ സാദിക്ക് മുഖ്യ പ്രഭാഷണം നടത്തി. ദമാമിലെ പൊന്നാനി താലൂക്ക് നിവാസികളിൽ പി സി ഡബ്ല്യൂ എഫ് ചെലുത്തിയ സ്വാധീനവും, കമ്മിറ്റിയുടെ പ്രവർത്തനങ്ങളും യോഗം ചര്‍ച്ച ചെയ്തു. പ്രസിഡന്റ് ഷമീർ എൻ പി അധ്യക്ഷ വഹിച്ചു. ജനറൽ സെക്രട്ടറി ഖലീൽ റഹ്മാൻ പ്രവർത്തന റിപ്പോർട്ട് അവതരിപ്പിച്ചു. സംഘടന അംഗത്വം എടുത്തവർക്കായി വ്യക്തിത്വ വികസനത്തിനു വേണ്ടി പി.സി.ഡബ്ല്യൂ.എഫ് ലീഡർഷിപ്പ് അക്കാദമി (PLA) യുടെ കീഴിൽ ആരംഭിക്കുന്ന പദ്ധതിയെ സംബന്ധിച്ച് സിജി റിസോഴ്സ് പേർസൺ കൂടിയായ ദമ്മാം കമ്മിറ്റി ഉപാധ്യക്ഷൻ ഇഖ്ബാൽ വെളിയങ്കോട് വിശദീകരിച്ചു. സ്വാശ്രയ പൊന്നാനി കമ്പനി പ്രോജക്ട് ഡയറക്ടറും ദമ്മാം കമ്മിറ്റി ട്രഷർ കൂടിയായ ഫഹദ് ബിൻ ഖാലിദ് അവതരിപ്പിച്ചു. ദീപക് ചങ്ങരംകുളം, അബൂബക്കർ ഷാഫി നൈതലൂർ, ബിലാൽ പെരുമ്പടപ്പ് എന്നിവരെ എക്സിക്യൂട്ടീവ് അംഗങ്ങളായി തെരഞ്ഞെടുത്തു. അൽ ഹസ്സ മേഖലയിൽ ഏരിയ കമ്മിറ്റി രൂപീകരിക്കുന്നതിന് വേണ്ടി ജനസേവനം ചെയർമാനും, അൽ ഹസ്സ മേഖല ഇൻചാർജുമായ മുജീബ് റഹ്മാനെ ചുമതലപ്പെടുത്തി. സ്വാശ്രയ ഷെയർ ഹോൾഡറും, ദീമ ടിഷ്യുസ് മാനേജിങ് ഡയറക്ടറുമായ ഷാഫി, രക്ഷാധികാരി അബ്ദുൽ ജബ്ബാർ എന്നിവർ ആശംസ നേർന്നു. ഭാവി പ്രവർത്തനങ്ങൾ ചർച്ച ചർച്ച ചെയ്ത് പദ്ധതികൾ ആവിഷ്കരിച്ചു. ജുബൈൽ സബ് കമ്മിറ്റി പ്രസിഡന്റ് സുജിത്ത് അയിലക്കാട്, വിവിധ സമിതി അംഗങ്ങളായ സമീർ കൊല്ലൻപടി, സിറാജ്, ഷാജഹാൻ, ഹംസ കോയ, സൈഫർ, വനിതാ വിഭാഗം പ്രതിനിധി ആശ്ന അമീർ എന്നിവർ സംസാരിച്ചു. അംഗത്വ കാംപയിന്റെ ഭാഗമായി പുതിയ മെമ്പർഷിപ്പ് വിതരണം ചെയ്തു. ജുബൈൽ കമ്മിറ്റി ജനറൽ സെക്രട്ടറി ഫൈസൽ ആർ വി യുടെ നന്ദിയോടെ യോഗം പിരിഞ്ഞു . സംഗീത വിരുന്നും , പങ്കെടുത്തവർക്കെല്ലാം ഭക്ഷണവും ഉണ്ടായിരുന്നു.
