പൊന്നാനി : സ്വദേശത്തും വിദേശത്തുമുളള പൊന്നാനി കൾച്ചറൽ വേൾഡ് ഫൗണ്ടേഷൻ അംഗങ്ങളുടെ സാമ്പത്തിക ഉന്നമനം ലക്ഷ്യമിട്ട് സ്വാശ്രയ പ്രൈവറ്റ് ലിമിറ്റഡ് കമ്പനിയുടെ കീഴിൽ ഉറൂബ് നഗറിൽ നിർമ്മാണം നടന്നുവരുന്ന സ്വാശ്രയ മാൾ സംബന്ധിച്ച് കമ്പനി ഡയറക്ടർമാർ, പൊന്നാനി കൾച്ചറൽ വേൾഡ് ഫൗണ്ടേഷൻ ഹൈപ്പവർ കമ്മിറ്റി സാരഥികൾ, മുനിസിപ്പൽ പഞ്ചായത്ത് കമ്മിറ്റി ഭാരവാഹികൾ എന്നിവരുടെ സംയുക്ത മീറ്റിംഗ് ചേര്‍ന്നു. 2024 ജൂൺ 19 ബുധനാഴ്ച്ച വൈകിട്ട് 4 മണിക്ക് നൈതല്ലൂർ എൻ പി അഷ്റഫ് വസതിയിൽ ചേർന്ന യോഗത്തിൽ കമ്പനി ചെയർമാൻ ഡോ: അബ്ദുറഹ്മാൻകുട്ടി അധ്യക്ഷത വഹിച്ചു. മാമദ് കെ മുഹമ്മദ് സ്വാഗതം പറഞ്ഞു. ഷെയർ അപ്ഡേറ്റ്, ബിൽഡിംഗ് വർക്ക് അപ്ഡേറ്റ് പ്രോജക്ട് മാനേജർ ഖലീൽ റഹ്മാൻ അവതരിപ്പിച്ചു. സംഘടനയുടെ എല്ലാ മീറ്റിംഗുകളിലും സ്വാശ്രയ നിക്ഷേപം സംബന്ധിച്ച് ബോധവത്കരണം നടത്താൻ എല്ലാ ഘടകങ്ങൾക്കും നിർദ്ദേശം നൽകണമെന്ന് ധാരണയായി. രണ്ടു മാസത്തിലൊരിക്ക ലെങ്കിലും സംഘടനയുടെയും സ്വാശ്രയ കമ്പനിയുടെയും പ്രതിനിധികൾ ഒരുമിച്ചുള്ള യോഗങ്ങൾ സംഘടിപ്പിക്കാനും, പ്രവർത്തനങ്ങൾ വിലയിരുത്തി മുന്നോട്ടു പോകാനും തീരുമാനിച്ചു. നിക്ഷേപം കൂടുതൽ ആളുകളിലേക്ക് വ്യാപകമാക്കുന്നതിൻറ ഭാഗമായി എല്ലാ യൂണിറ്റുകളിൽ നിന്നും ഷെയർ എടുക്കാൻ സാധ്യതയുള്ളവരുടെ ലിസ്റ്റ് തയ്യാറാക്കി സ്വാശ്രയ ഓഫീസ് നമ്പറായ 7356526526 എന്നതിലേക്ക് ജൂൺ 30 നുളളിൽ വാട്സ്ആപ്പ് ചെയ്യാൻ തീരുമാനമായി. ഓരോ പഞ്ചായത്ത് മുനിസിപ്പാലിറ്റിയിലെയും ഷെയറുമായി ബന്ധപ്പെട്ട കാര്യങ്ങൾ ശ്രദ്ധിക്കുന്നതിന് താഴെപ്പറയുന്നവരെ ചുമതലപ്പെടുത്തി. ലത്തീഫ് കളക്കര, ഗഫൂർ അൽഷാമ (മാറഞ്ചേരി, പെരുമ്പടപ്പ്, വെളിയങ്കോട്, പൊന്നാനി) അബ്ദുൽ അസീസ് പി എ (കാലടി, തവനൂർ ) അഷറഫ് എൻ പി (എടപ്പാൾ, വട്ടംകുളം ) രാജൻ തലക്കാട്ട് (നന്നംമുക്ക്, ആലങ്കോട്) പലവിധത്തിലുളള ബിസിനസ് സംരംഭങ്ങൾ തുടങ്ങുകയും ഒടു ങ്ങുകയും ചെയ്തുവരുന്ന ഇന്നത്തെ സാഹചര്യത്തിൽ ഈ പദ്ധതി സംബന്ധിച്ച് കൃത്യമായ വിവരങ്ങൾ നൽകാനും, പദ്ധതിയുടെ മികവുകൾ പ്രവർത്തകരിലേക്കും പൊതുജനങ്ങളിലേക്കും കാര്യക്ഷമമായി എത്തിക്കുന്നതിനുള്ള രൂപ രേഖ തയ്യാറാക്കി നടപ്പിൽ വരുത്തണമെന്നും, വിശ്വാസ്യത, സുതാര്യത എന്നിവ നിലനിർത്താൻ നമ്മൾ എപ്പോഴും ശ്രദ്ധിക്കേണ്ടതുണ്ടെന്നും യോഗം വിലയിരുത്തി. ഈ പദ്ധതിക്ക് മാത്രമായി സംഘടനയുടെയും സ്വാശ്രയയുടെയും പ്രതിനിധികളെ ഉൾപ്പെടുത്തിക്കൊണ്ട് ടാസ്ക് ഫോഴ്സ് രൂപീകരിക്കാൻ തീരുമാനിച്ചു. പി കോയക്കുട്ടി മാസ്റ്റർ, സി വി മുഹമ്മദ് നവാസ് , ഇ പി രാജീവ് , അഷ്റഫ് നെയ്തല്ലൂർ, അബ്ദുല്ലത്തീഫ് കളക്കര, സലിം കളക്കര, മുഹമ്മദ് അഷ്റഫ് ദിലാറ, എ എം സാലിഹ്, അബ്ദുൽ ഗഫൂർ അൽ ഷാമ , പി എ അബ്ദുൽ അസീസ് (യു.എ.ഇ) ബിജു കെ ദേവസി (സഊദി) യൂസഫ് കെ വി (കുവൈറ്റ്) പി എം അബ്ദുട്ടി, നാരായണൻ എം, മുജീബ് കിസ്മത്ത് (പൊന്നാനി) ഹൈദരലി മാസ്റ്റർ (മാറഞ്ചേരി) ജി.മുഹമ്മദ് സിദ്ദീഖ്, അൻവർ പി ആർ (തവനൂർ) ഏട്ടൻ ശുകപുരം, മോഹനൻ പാക്കത്ത് , മാലതി (വട്ടം കുളം) പി വി അലി , മുനീർ (വെളിയങ്കോട്) പ്രദീപ് ഉണ്ണി (നന്നമുക്ക്) സുജീഷ് നമ്പ്യാർ (കാലടി) തുടങ്ങിയവർ ചർച്ചയിൽ പങ്കെടുത്ത് സംസാരിച്ചു. ഹനീഫ മാളിയേക്കൽ നന്ദി പറഞ്ഞു.

പൊന്നാനി: ഈ വർഷത്തെ SSLC, +2 വിജയികൾക്കുള്ള അവാർഡുകൾ വിതരണം 2024 ജൂൺ 20 വ്യാഴാഴ്ച്ച ഉച്ചയ്ക്ക് 2 മണിമുതൽ പൊന്നാനി പളളപ്രം ബെസ്റ്റ് മലബാർ ഓഡിറ്റോറിയത്തിൽ വെച്ച് നടത്താൻ പി സി ഡബ്ല്യു എഫ് കേന്ദ്ര വിദ്യാഭ്യാസ സമിതി തീരുമാനിച്ചു. പളളപ്രം ഡോ: അബ്ദുറഹ്മാൻ കുട്ടി വസതിയിൽ ചേർന്ന സമിതി യോഗത്തിൽ ചെയർമാൻ പ്രൊഫ: വി കെ ബേബി അധ്യക്ഷത വഹിച്ചു. ഗ്ലോബൽ പ്രസിഡന്റ് സി എസ് പൊന്നാനി ഉദ്ഘാടനം ചെയ്തു. കൺവീനർ അടാട്ട് വാസുദേവൻ മാസ്റ്റർ സ്വാഗതം പറഞ്ഞു. പി കോയക്കുട്ടി മാസ്റ്റർ, യു എം ഇബ്രാഹിം കുട്ടി മാസ്റ്റർ, സി വി മുഹമ്മദ് നവാസ്,ഡോ: അബ്ദുറഹ്മാൻ കുട്ടി, മാലതി വട്ടം കുളം, അബ്ദുല്ലതീഫ് കളക്കര, പി എം അബ്ദുട്ടി (പൊന്നാനി) അബ്ദുല്ലതീഫ്, ഡോ: തൗഫീഖ് റഹ്മാൻ (മാറഞ്ചേരി) ഖലീൽ റഹ്മാൻ (എടപ്പാൾ) റഷീദ് അറയ്ക്കൽ, അബ്ദുല്ല കുട്ടി മാസ്റ്റർ (വട്ടംകുളം) മുഹമ്മദ് അനീഷ് (യു.എ.ഇ) മാമദ് കെ , അൻവർ സാദിഖ് (സഊദി) യൂസുഫ് കെ വി (കുവൈറ്റ്) തുടങ്ങിയവർ ചര്‍ച്ചയിൽ പങ്കെടുത്ത് സംസാരിച്ചു. ജോ: കൺവീനർ എസ് ലത ടീച്ചർ നന്ദി പറഞ്ഞു.

പൊന്നാനി :വനിതകൾക്കായി പൊന്നാനി കൾച്ചറൽ വേൾഡ് ഫൗണ്ടേഷൻ മുൻസിപ്പൽ കമ്മിറ്റി സംഘടിപ്പിച്ച മെഹന്ദി മത്സരത്തിൽ വാർഡ് 44 ലെ അനീഷ ഒന്നാം സ്ഥാനക്കാരിയായി. താലൂക്കിലെ വിവിധ പഞ്ചായത്തുകളിൽ നിന്നും മത്സരിച്ച മുപ്പതോളം പേരിൽ നിന്നാണ് വിജയികളെ തെരെഞ്ഞെടുത്തത്. രണ്ടാം സ്ഥാനം ഏഴാം വാർഡിൽ നിന്നുള്ള ഫിദാ മുഹമ്മദും, മൂന്നാം സ്ഥാനം മാറഞ്ചേരി ഒന്നാം വാർഡിൽ നിന്നുള്ള ഷാലിമയും കരസ്ഥമാക്കി. രോഷ്നി ബുഷൈറും, സഫരിയ നാസറും ജൂറിമാരായിരുന്നു. ഒമാൻ ഘടകം വനിതാ പ്രസിഡന്റ് സൽമാ നസീർ ചടങ്ങ് ഉദ്ഘാടനം ചെയ്തു. അഷറഫ് നെയ്തല്ലൂർ, മുനീറ ടി, അബ്ദുട്ടി പി എം, സഹീർ ഈശ്വരമംഗലം, റംല കെ പി , ഹനീഫ മാളിയേക്കൽ, നാരായണൻ മണി, മുജീബ് കിസ്മത്ത്, മുത്തു ആർ വി എന്നിവർ സംബന്ധിച്ചു സബീന ബാബു ,മിനി കെ പി, ഹഫ്സത്ത്, ഹാജറ ബാഷ, റെജീന, സുഹറ, റഹിയ, ഹൻസിറ ബുഷൈർ എന്നിവർ നേതൃത്വം നല്‍കി.

പൊന്നാനി: ജീവകാരുണ്യ രംഗത്തെ നിറസാന്നിധ്യമായിരുന്ന പി വി അബ്ദുൽ ഖാദർ ഹാജിയുടെ മൂന്നാമത് അനുസ്മരണം പൊന്നാനി കൾച്ചറൽ വേൾഡ് ഫൗണ്ടേഷൻ മുൻസിപ്പൽ കമ്മിറ്റി ചന്തപ്പടി പി വി എ ഖാദർ ഹാജി മെഡിക്കെയർ പരിസരത്ത് സംഘടിപ്പിച്ചു. സംഘടനയുടെ കേന്ദ്ര വർക്കിംഗ് പ്രസിഡന്റായിരുന്ന ഖാദർ ഹാജി ഇന്നും ദീപ്ത സ്മരണയായി ജനമനസ്സുകളിൽ നിറഞ്ഞു നില്ക്കുന്നത് അദ്ധേഹം പി സി ഡബ്ല്യൂ എഫ് സംഘടനയുടെ നേതൃത്വ രംഗത്തിരുന്ന് നടത്തിയ നിസ്വാർത്ഥ സേവനത്തിൻറ പ്രതിഫലനമാണെന്ന് അനുസ്മരണ പ്രസംഗം നടത്തിയർ അഭിപ്രായപ്പെട്ടു. പിസി ഡബ്ലിയു എഫ് അംഗങ്ങളും കുടുംബമിത്രാദികളും ചടങ്ങിൽ ഒത്തുകൂടി. പി എം അബ്ദുട്ടി അധ്യക്ഷത വഹിച്ചു ടി മുനീറ അനുസ്മരണ പ്രഭാഷണംനടത്തി. ബീവിക്കുട്ടി ടീച്ചർ, സുബൈദ പോത്തനൂർ, അഷറഫ് എൻ പി, സുബൈർ ടി വി, കെ പി അബ്ദുറസാഖ്, എ എം സാലിഹ്, ഷഹീർ ഈശ്വരമംഗലം, എന്നിവർ സംസാരിച്ചു.. നാരായണൻ മണി സ്വാഗതവും മുജീബ് കിസ്മത്ത് നന്ദിയും പറഞ്ഞു.

പൊന്നാനി/ മാറഞ്ചേരി: പരിസ്ഥിതി സംരക്ഷണ സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ പൊന്നാനി മുൻസിപ്പൽ കമ്മിറ്റി യും മാറഞ്ചേരി പഞ്ചായത്ത് കമ്മിറ്റിയും പരിസ്ഥിതി ദിനം ആചരിച്ചു. ചന്തപ്പടിയി പി സി ഡബ്ലിയു എഫ്‌ കേന്ദ്ര കമ്മിറ്റി ഓഫീസിൽ നടന്ന വൃക്ഷ തൈ വിതരണത്തിന് എവർഗ്രീൻ ചെയർപേഴ്സൺ ശാരദ ടീച്ചർ നേതൃത്വം നൽകി. വേപ്പിൻ തൈകളും ,വിവിധ പച്ചക്കറി തൈകളുമണ് പങ്കെടുത്തവർക്കെല്ലാം വിതരണം ചെയ്തത്. മാറഞ്ചേരിയിൽ നടന്ന വൃക്ഷ തൈ നടലിന് എവർ ഗ്രീൻ കൺവീനർ ഹൈദരലി മാസ്റ്റർ നേതൃത്വം നൽകി.

ബലി പെരുന്നാളിനോട് അനുബന്ധിച്ച് കിഴക്കൻ പ്രവിശ്യയിൽ താമസിക്കുന്ന പൊന്നാനിക്കാർക്കായ് പി സി ഡബ്ല്യൂ എഫ് ഈദ് മീറ്റ് സംഘടിപ്പിക്കുന്നു. *ജൂൺ 19 ബുധനാഴ്ച രാവിലെ 9 മണി മുതൽ രാത്രി 9 മണി വരെ* അൽ വാദി റിസോർട്ട് ഉമ്മുൽ സാഹിക് (സഫ്‌വ) കുട്ടികൾക്കും മുതിർന്നവർക്കുമുള്ള വിവിധ മത്സരങ്ങളും പരിപാടികളുമായി ഈ പെരുന്നാൾ നമുക്കൊരുമിച്ച് ആഘോഷിക്കാം * ⁠പെരുന്നാൾ വിശേഷങ്ങൾ * ⁠ഇഷൽ സന്ധ്യ * ⁠പായസ പാചക മത്സരം * ⁠മെഹന്ദി മത്സരം * ⁠ചിത്ര രചന തുടങ്ങി വിവിധ പരിപാടികൾ.. മുൻകൂട്ടി രെജിസ്റ്റർ ചെയ്യുന്ന വ്യക്തികൾക്കും/ കുടുംബങ്ങൾക്കും മാത്രം പങ്കെടുക്കാൻ അവസരം നിങ്ങളുടെ സാന്നിധ്യം ഉറപ്പിക്കാൻ താഴെ കൊടുത്ത ഗൂഗിൾ ഫോം ഫിൽ ചെയ്യുക https://docs.google.com/.../1FAIpQLSeFPWEkBIN.../viewform... *മത്സരങ്ങൾക്ക് പങ്കെടുക്കാനും മറ്റുമുള്ള കൂടുതൽ വിവരങ്ങൾക്ക്* 055 572 6613, 050 148 3349

പൊന്നാനി: ഉയര്‍ന്ന മാർക്കോടെ എം.ബി.ബി.എസ് കരസ്ഥമാക്കിയ നൈതല്ലൂർ സ്വദേശിനി ഡോ. എൻ പി അമൽ അഷ്റഫിനെ പൊന്നാനി കൾച്ചറൽ വേൾഡ് ഫൗണ്ടേഷൻ സഊദി നാഷ്ണൽ കമ്മിറ്റി അനുമോദിച്ചു. പി സി ഡബ്ല്യൂ എഫ് കേന്ദ്ര കമ്മിറ്റി സെക്രട്ടറിയും, സഊദി നാഷണൽ കമ്മിറ്റി ഉപദേശക സമിതി അംഗവുമായ എൻ പി അഷ്റഫ് നൈതല്ലൂരിന്റെ മകളാണ്. നൈതല്ലൂരിലെ വസതിയിൽ നടന്ന അനുമോദന ചടങ്ങിൽ കേന്ദ്ര കമ്മിറ്റി വർക്കിംഗ് പ്രസിഡൻ്റ് പി കോയക്കുട്ടി മാസ്റ്റർ അധ്യക്ഷത വഹിച്ചു. സൗദി നാഷ്ണൽ കമ്മിറ്റി പ്രസിഡൻ്റ് ബിജു ദേവസ്സി ഉപഹാരം കൈമാറി. സൗദി നാഷ്ണൽ കമ്മിറ്റി ജനറൽ സെക്രട്ടറി അൻവർ സാദിഖ്, മുഖ്യ രക്ഷാധികാരി മാമദ് പൊന്നാനി, അഷ്റഫ് ദിലാറ, കേന്ദ്ര കമ്മിറ്റി ഭാരവാഹികളായ അടാട്ട് വാസുദേവൻ മാസ്റ്റർ, അബ്ദുട്ടി പി എം, ഖലീൽ റഹ്മാൻ വനിതാ കമ്മിറ്റി ഭാരവാഹികളായ മുനീറ ടി, ലത ടീച്ചർ തുടങ്ങിയവർ ആശംസകളർപ്പിച്ചു സംസാരിച്ചു. സമൂഹത്തിന് ഉപകാരപ്പെടുന്ന രീതിയിൽ തൻ്റെ പ്രൊഫഷൻ ഉപയോഗപ്പെടുത്തുമെന്ന് ഡോ.അമൽ മറുപടി പ്രസംഗത്തിൽ പറഞ്ഞു. സൗദി റിയാദ് ഘടകം വൈസ്.പ്രസിഡൻ്റ് അസ്‌ലം സ്വാഗതവും, ഗ്ലോബൽ കമ്മിറ്റി സെക്രട്ടറി ലത്തീഫ് കളക്കര നന്ദിയും പറഞ്ഞു.

റിയാദ് : ഈ വർഷത്തെ ഹാജിമാർക്കായുള്ള കരുതൽ രക്ത ശേഖരണത്തിലേക്കായ് പൊന്നാനി കൾച്ചറൽ വേൾഡ് ഫൗണ്ടേഷൻ സഊദി- റിയാദ് കമ്മിറ്റിയുടെ നേതൃത്വത്തിൽ ശുമേഷി കിംഗ് സൗദ് മെഡിക്കൽ സിറ്റിയുമായി സഹകരിച്ചു രക്തദാന ക്യാമ്പ് സംഘടിപ്പിച്ചു. നൂറിലധികം ആളുകൾ രക്തദാനത്തിൽ പങ്കാളികളായി. ജനറൽ സെക്രട്ടറി കബീർ കാടൻസ് സ്വാഗതം പറഞ്ഞു. വൈസ് പ്രസിഡന്റ്‌ സുഹൈൽ മഖ്ദൂം അധ്യക്ഷത വഹിച്ചു.. വനിതാ വിഭാഗം പ്രവർത്തക സമിതി അംഗം ഡോ.ഷഹാന ഷെറിൻ ചടങ്ങ് ഉദ്ഘാടനം നിർവഹിച്ചു . ബ്ലഡ്‌ ബാങ്ക്‌ ഡയറക്ടർ ഡോ: ഖാലിദിൽ നിന്നും പി സി ഡബ്ല്യു എഫ് സഊദി നാഷണൽ കമ്മിറ്റി മുഖ്യ രക്ഷധികാരി സലീം കളക്കര റിയാദ് കമ്മിറ്റിക്ക് വേണ്ടി ഉപഹാരം ഏറ്റുവാങ്ങി. നാഷണൽ കമ്മിറ്റി രക്ഷാധികാരി ഷംസു പൊന്നാനി സെൻട്രൽ ബ്ലഡ്‌ ബാങ്കിനുള്ള ഉപഹാരം കൈമാറി. പ്രസിഡന്റ്‌ അൻസാർ നൈതല്ലൂർ, വൈസ് പ്രസിഡന്റ്‌ അസ്‌ലം കളക്കര,ട്രഷറർ ഷമീർ മേഘ,ജനസേവനം ചെയർമാൻ എം എ ഖാദർ, സെക്രട്ടറി ഫാജിസ് പിവി, ഐടി വിഭാഗം സംറൂദ് , അൽത്താഫ് കളക്കര,അൻവർ ഷാ,വനിതാ വിഭാഗം പ്രസിഡന്റ്‌ ഷമീറ ഷമീർ, ട്രഷറർ ഷിഫാലിൻ സംറൂദ്,സാബിറ ലബീബ്,ഷഫീറ ആഷിഫ്,ഷംസു കളക്കര, അഷ്‌കർ വി, മുക്താർ എന്നിവർ ക്യാമ്പിനു നേതൃത്വം നൽകി...

സലാല : പൊന്നാനി കൾച്ചറൽ വേൾഡ് ഫൗണ്ടേഷൻ സലാല ഘടകത്തിന്റെ അഞ്ചാം വാർഷികത്തോടനുബന്ധിച്ച് നടക്കുന്ന വിവിധ പരിപാടികളുടെ ഭാഗമായി വനിതാ വിങ്ങ് നേതൃത്വത്തിൽ 31/05/2024 വെള്ളിയാഴ്ച വൈകിട്ട് 6 മണി മുതൽ ആർട്ട് ഓഫ് സ്പൈസസ് റസ്റ്റോറന്റിൽ വെച്ച് പാചകമത്സരം സംഘടിപ്പിക്കുന്നു. പരിപാടി വിജയിപ്പിക്കുന്നതിനായി സ്വാഗതസംഘം രൂപീകരിച്ചു. സ്വാഗത സംഘ രൂപീകരണ യോഗം PCWF വനിതാ കമ്മിറ്റി ഉപദേശക സമിതി അംഗം ഷമീല ഇബ്രാഹിംകുട്ടി ഉദ്ഘാടനം ചെയ്തു. ആയിഷ കബീർ അധ്യക്ഷത വഹിച്ചു. സ്നേഹ, റിൻസില റാസ് എന്നിവർ പ്രോഗാമിനെ സംബന്ധിച്ച് വിശദീകരിച്ചു. റിൻസിലാ റാസ് സ്വാഗതവും, ഷെയ്മ ഇർഫാൻ നന്ദിയും പറഞ്ഞു. തീരുമാനങ്ങൾ പാചക മത്സരം നടത്തുന്നതിനായി ബിരിയാണി ഐറ്റം തെരഞ്ഞെടുത്തു കുട്ടികൾക്കും മുതിർന്നവർക്കുമായി കലാപരിപാടികൾ നടത്തുവാനും തീരുമാനിച്ചു. സ്വാഗതസംഘം ഭാരവാഹികൾ ചെയർപേഴ്സൺ : ഷമീല ഇബ്രാഹിം കുട്ടി വൈ: ചെയർപേഴ്സൺ : ആയിഷ കബീർ കൺവീനർ : സ്നേഹ ഗിരീഷ്‌ വൈ: കൺവീനർ: ഷൈമ ഇർഫാൻ ട്രഷറർ : റിൻസില റാസ് പ്രോഗ്രാം കോർഡിനേറ്റർസ് ഷിംന ജെയ്സൽ, ജസീല ഷെമീർ, ഷാനിമ ഫിറോസ് ഫർഹാന മുസ്താക്, ധന്യ വിവേക്, റംഷി ഖലീൽ. കിഡ്സ് പ്രോഗ്രാം കോർഡിനേറ്റർസ് സലീല റാഫി, ബൽക്കീസ് റംശാദ്, സഫൂറ മുജീബ് മുഹ്സിന അശ്ഫാഖ്. പ്രോഗ്രാമിന്റെ വിജയത്തിനായി എല്ലാവരുടെയും സഹായസഹകരണങ്ങൾ ഉണ്ടാകണമെന്ന് സ്വാഗതസംഘ യോഗം ആവശ്യപ്പെട്ടു *PCWF സലാല വനിതാ വിങ്*

പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ ചാപ്റ്ററിന്റെ നേതൃത്വത്തിൽ ജൂൺ 20 ന് അൽ അഹ്‌ലി ക്ലബ്‌ സ്റ്റേഡിയത്തിൽ *യുണൈറ്റഡ് കപ്പ് 2K24* സീസൺ 1 പ്രൊഫഷണൽ ഫുട്ബോൾ ടൂർണമെന്റ് സംഘടിപ്പിക്കുന്നു. ടൂർണമെന്റിന്റെ ഫസ്റ്റ് ലുക്ക്‌ പോസ്റ്റർ പ്രകാശനം PCWF കലാവേദി ഒരുക്കിയ ഈദ് - വിഷു ആഘോഷ ചടങ്ങിൽ വെച്ച് റസാഖ് ബാബു വല്ലപ്പുഴക്ക് നൽകി ഗ്ലോബൽ ഐ ടി കൺവീനർ ഫഹദ് ബിൻ ഖാലിദ് (സൗദി) നിർവഹിച്ചു. ബാലൻ കണ്ടനകം, മുഹമ്മദ്‌ മാറഞ്ചേരി, സദാനന്ദൻ കണ്ണത്ത്, ഫസൽ പി കടവ്, ഷഫീഖ് പാലപ്പെട്ടി, പി ടി അബ്ദുറഹ്മാൻ, ഹസൻ വി എം മുഹമ്മദ്‌, നസീർ പൊന്നാനി, റംഷാദ് റഹ്മാൻ, മുസ്തഫ കൊലക്കാട്, ഷമീർ പുതിയിരുത്തി, ശറഫുദ്ധീൻ വിഎം, അലി കാഞ്ഞിരമുക്ക്, മാജിദ്, സൈതലവി, നബീൽ എം വി, ബാബു എം കെ, മുജീബ് വെളിയംകോട്, അക്ബർ എന്നിവർ സന്നിഹിതരായിരുന്നു

മനാമ: പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ കമ്മിറ്റി കലാവേദിയുടെ നേതൃത്വത്തിൽ ഇന്ത്യൻ ഡിലൈറ്റ് ഹാളിൽ വെച്ച് വിവിധ കലാ പരിപാടികളോടെ ഈദ്, വിഷു ആഘോഷം അതി വിപുലമായ രീതിയിൽ സംഘടിപ്പിച്ചു PCWF ബഹ്‌റൈൻ കമ്മിറ്റി പ്രസിഡന്റ് മുഹമ്മദ് മാറഞ്ചേരി അധ്യക്ഷത വഹിച്ചു. ഗ്ലോബൽ ഐടി കൺവീനർ ഫഹദ് ബിൻ ഖാലിദ് (സൗദി) ഉദ്ഘാടനം നിർവ്വഹിച്ചു. കലാവേദിയുടെ സീനിയർ ഗായകരായ ഷമീർ കണ്ണൂർ, അലി കാഞ്ഞിരമുക്ക്, ഷഫീഖ് ചാലക്കുടി, മുബീന മൻഷീർ, സുരേഷ് ബാബു, ഹിജാസ്, അൻവർ പുഴമ്പ്രം, വിശ്വ സുകേഷ്, ജോഷി, ബിജു വൈഗ, അജയ്‌ഘോഷ്, ഷബീർ കാവുങ്കൽ, മൻസൂർ, റസാഖ് ബാബു, സജ്‌ന എന്നിവർക്കൊപ്പം ജൂനിയർ വിഭാഗത്തിൽ ആലിയ ഷാനവാസ്, ആമില ഷാനവാസ്, നജ ഫാത്തിമ, സഹല മറിയം, ഷെൻസ ഫാത്തിമ, സ്നിഗ്ദ പ്രമോദ്, ഫർഹ, റിമിഷ റാഫി, നൗറിൻ റാഫി എന്നിവരും വിവിധയിനം കലാപരിപാടികൾ അവതരിപ്പിച്ചു. മനാമ ക്വീൻസ് ടീമിന്റെ ഒപ്പന, ശരത് പരപ്പനങ്ങാടിയുടെ മിമിക്രി, മധുരം മലയാളം, കഹൂത് ക്വിസ് മത്സരം കളരിപ്പയറ്റ് എന്നിവ കാണികളിൽ ആവേശമുണർത്തി. റംഷാദ് റഹ്മാൻ അവതാരകനായ ഈദ് വിഷു ആഘോഷത്തിന് ബാലൻ കണ്ടനകം, സദാനന്ദൻ കണ്ണത്ത്, ഷഫീഖ് പാലപ്പെട്ടി, ഷമീർ പുതിയിരുത്തി, അബ്ദുറഹ്മാൻ പിടി, മുസ്തഫ കൊളക്കാട്, ഫസൽ കടവ്, മാജിദ്, നബീൽ, എം കെ ബാബു, മുജീബ് വെളിയംകോട്, അക്ബർ, നൗഷാദ് എന്നിവർ വിവിധ വിഭാഗങ്ങൾക്ക് നേതൃത്വം നൽകി. മത്സര വിജയികൾക്ക് സമ്മാനങ്ങളും, കലാകാരൻമാർക്ക് മൊമെന്റോയും നൽകി. PCWF കലാവേദി കൺവീനർ നസീർ പൊന്നാനി സ്വാഗതവും, ശറഫുദ്ധീൻ വിഎം നന്ദിയും പറഞ്ഞു.

പൊന്നാനി കൾച്ചറൽ വേൾഡ് ഫൗണ്ടേഷൻ സൗദി - റിയാദ് ഘടകം വനിതാ കമ്മിറ്റി രൂപീകരിച്ചു. റിയാദ് എക്സിറ്റ്‌ 18 അഗാദിർ ഓഡിറ്റോറിയത്തിൽ വെച്ച് സംഘടിപ്പിച്ച പൊന്നാനിക്കാരുടെ കുടുംബസംഗമം *പിരിശം പൊന്നാനി* വേദിയിൽ വെച്ച് PCWF റിയാദ് ജനസേവനം കൺവീനർ അബ്ദുൽ റസാഖ് പുറങ്ങ് പുതിയ കമ്മിറ്റിയെ പ്രഖ്യാപിച്ചു. *ഭാരവാഹികൾ:* റഷ റസാഖ്, അസ്മ ഖാദർ (രക്ഷാധികാരികൾ) സമീറ ഷമീർ (പ്രസിഡന്റ്) റഷ സുഹൈൽ (ജനറൽ സെക്രട്ടറി), ഷിഫാലിൻ സംറൂദ് (ട്രഷറർ) ഷഫ്‌ന മുഫാഷർ, തസ്‌നി ഉസ്മാൻ (വൈസ് പ്രസിഡണ്ട്) നജ്മുനിസ നാസർ, മുഹ്സിന ശംസീർ (സെക്രട്ടറി) *എക്സിക്യൂട്ടീവ് അംഗങ്ങൾ:* 1. Dr. ഷഹന ഷെറിൻ 2. സാബിറ ലബീബ് 3. ശബാന ആസിഫ് 4. ബുഷ്‌റ ശരീഫ് 5. റൈന ബഷീർ 6. ഹഫ്സ അൻസാർ 7. ഷിഫാന അസ്‌ലം 8. സഫീറ ആസിഫ് 9. ഷമി കബീർ 10. സൽ‍മ ഷഫീഖ്.

പിസിഡബ്ല്യൂഎഫ് ബഹ്‌റൈൻ ചാപ്റ്റർ സ്പോർട്സ് വിംഗ് *2024 ജൂൺ 20* ന് അൽ അഹ്‌ലി ക്ലബ് സ്റ്റേഡിയത്തിൽ സംഘടിപ്പിക്കുന്ന *PCWF UNITED CUP 2K24* സീസൺ 1 പ്രൊഫഷണൽ ഫുട്ബോൾ ടൂർണമെന്റിന്റെ പോസ്റ്റർ ഇന്നലെ (26.04.2024- 4:30PM) ആന്തലൂസ് ഗാർഡനിൽ വെച്ച് PCWF രക്ഷാധികാരി ഹസൻ വിഎം മുഹമ്മദ്‌ സ്പോർട്സ് കൺവീനർ ഷഫീഖ് പാലപ്പെട്ടിക്ക് നൽകി പ്രകാശനം ചെയ്തു. ചടങ്ങിൽ റസാഖ് ബാബു വല്ലപ്പുഴ മുഖ്യാതിഥി ആയിരുന്നു. ബാലൻ കണ്ടനകം, മുഹമ്മദ്‌ മാറഞ്ചേരി, സദാനന്ദൻ കണ്ണത്ത്, ഫസൽ പി കടവ്, ഷമീർ ലുലു, നസീർ പൊന്നാനി, അബ്ദുറഹ്മാൻ പിടി, നബീൽ എംവി, അക്ബർ, ഷബീർ കാവുങ്കൽ, ഇജാസ് എന്നിവർ പങ്കെടുത്തു.

മാറഞ്ചേരി: സിവിൽ സർവ്വീസ് പരീക്ഷയിൽ 477-ാം റാങ്ക് നേടി വിജയിച്ച മാറഞ്ചേരി സ്വദേശിനി ലക്ഷ്മീ മേനോനെ പൊന്നാനി കൾച്ചറൽ വേൾഡ് ഫൗഡേഷൻ വിദ്യാഭ്യാസ സമിതിയുടെ ആഭിമുഖ്യത്തിൽ അനുമോദിച്ചു. പി സി ഡബ്ല്യു എഫ് വനിതാ കേന്ദ്ര കമ്മിറ്റി ജനറൽ സെക്രട്ടറി ലത ടീച്ചറുടെ മകളാണ് ലക്ഷ്മി. ഗ്ലോബൽ കമ്മിറ്റി വർക്കിംഗ്‌ പ്രസിഡണ്ട് പി.കോയക്കുട്ടി മാസ്റ്ററുടെ അധ്യക്ഷതയിൽ വിദ്യാഭ്യാസ സമിതി ചെയർമാൻ പ്രൊഫ.വി.കെ. ബേബി ചടങ്ങ് ഉദ്ഘാടനം ചെയ്തു. ജനറൽ സെക്രട്ടറി സി വി. മുഹമ്മദ് നവാസ് സ്വാഗതം പറഞ്ഞു. അടാട്ട് വാസുദേവൻ മാസ്റ്റർ, എ.അബ്ദുൾ ലത്തീഫ് മാറഞ്ചേരി, എം.എം. സുബൈദ, ലത്തീഫ് കളക്കര, ടി മുനീറ, എം.ടി. നജീബ്, എസ്. ലത ടീച്ചർ തുടങ്ങിയവർ പ്രസംഗിച്ചു. എഞ്ചിനിയറിങ്ങ് ബിരുദം നേടിയ ശേഷം മൂന്നുവർഷത്തോളം ഒരു കമ്പനിയിൽ എഞ്ചിനീയറായി ജോലി ചെയ്തിരുന്നു. പ്രസ്തുത ജോലി രാജിവച്ചാണ് ലക്ഷ്മി സിവിൽ സർവ്വീസ് പരീക്ഷക്ക് തയ്യാറെടുപ്പ് നടത്തിയത്. തൻ്റെ മാതാപിതാക്കളുടേയും അധ്യാപകരുടേയും മറ്റ് അഭ്യുദയകാംക്ഷികളുടേയും പ്രോൽസാഹനവും തൻ്റെ വിജയത്തിന് ഏറെ സഹായകമായെന്നും അനുമോദനത്തിന് നന്ദിപ്രകാശിപ്പിച്ചു കൊണ്ട് ലക്ഷ്മി പറഞ്ഞു.

ജിദ്ദ : പൊന്നാനി കൾച്ചറൽ വേൾഡ് ഫൗണ്ടേഷൻ സൗദി ജിദ്ദ കമ്മിറ്റിയുടെ ആഭിമുഖ്യത്തിൽ അൽ മർവ ഷാം റെസ്റ്റോറന്റിൽ ഇഫ്താർ സംഗമം സംഘടിപ്പിച്ചു. PCWF ജിദ്ദ കമ്മിറ്റി പ്രസിഡന്റ്‌ സദഖത്തിന്റെ അധ്യക്ഷയിൽ രതീഷ് പൊന്നാനി ഉദ്ഘാടനം നിർവഹിച്ചു. ജിദ്ദയിൽ താമസിക്കുന്ന പൊന്നാനി താലൂക്കിലെ കുടുംബങ്ങൾ ഉൾപ്പടെയുള്ളവർ സംഗമത്തിൽ പങ്കെടുത്തു. നാടും വീടും വിട്ട് പ്രവാസ ഭൂമികയിൽ കഴിയുന്ന പൊന്നാനിക്കാരായ പ്രവാസികൾക്ക് നാട്ടുവിഷേശങ്ങളും റമളാൻ വിശേഷങ്ങളും പങ്ക് വെക്കാനും, കൂട്ടുകാരെയും നാട്ടുകാരെയും കുടുംബങ്ങളെയും ഒന്നിച്ചു കാണാനും സന്തോഷം പങ്കിടാനുമുള്ള വേദിയായി മാറി ഇഫ്താർ സംഗമം. ഇഫ്താർ സംഗമത്തിന് മൊയ്തു മോൻ, ആബിദ് പൊന്നാനി, ബഷീർഷാ, ഫൈസൽ KR എന്നിവർ നേതൃത്വം നൽകി.