ഒമാൻ: പി സി ഡബ്ലിയു ഫ് ഒമാൻ നാഷണൽ കമ്മിറ്റിയുടെ ആഭിമുഖ്യത്തിൽ ബദർസമ ഹോസ്പിറ്റലുമായി സഹകരിച്ചുകൊണ്ട് ഒക്ടോബർ 14 ശനിയാഴ്ച കാലത്ത് 8.30 മുതൽ ഒരു മണി വരെ രക്തദാന ക്യാമ്പ് സംഘടിപ്പിക്കുന്നു രക്തം ദാനം ചെയ്യാൻ താല്പര്യമുള്ളവർ താഴെ കാണുന്ന വാട്സ്ആപ്പ് നമ്പറിൽ രജിസ്റ്റർ ചെയ്യേണ്ടതാണ് +968 9919 0822 +968 9475 5916 +968 7903 1679 +968 9734 2567 PCWF ഒമാൻ നാഷണൽ കമ്മിറ്റി

കാലടി: പൊന്നാനി കൾച്ചറൽ വേൾഡ് ഫൗണ്ടേഷൻ കാലടി പഞ്ചായത്ത് കമ്മിറ്റിയുടെ ആഭിമുഖ്യത്തിൽ ഒക്ടോബർ 1 ഞായറാഴ്ച്ച കാലത്ത് 9.30 മുതൽ 12.30 വരെ കണ്ടനകം വിദ്യാപീഠം സ്ക്കൂളിൽ വെച്ച് സൗജന്യ മെഗാ മെഡിക്കൽ ക്യാമ്പ് സംഘടിപ്പിക്കുന്നു. പി സി ഡബ്ല്യു എഫ്   ഹെൽത്ത് ആന്റ് ഫാമിലി ഡെവലപ്പ്മെന്റ് കൗൺസിൽ, എടപ്പാൾ ആശുപത്രി , മലബാർ ദന്തൽ കോളേജ്, അഹല്യ കണ്ണാശുപത്രി, ഫിനിക്സ് ക്ലീനിക്ക്  സഹകരണത്തോടെ നടത്തുന്ന ക്യാമ്പിൽ കാൻസർ രോഗ സാധ്യത നിർണ്ണയം, ഓർത്തോ വിഭാഗം , ജനറൽ മെഡിസിൻ, ഡയബറ്റോളജി ,നേത്ര - ദന്ത വിഭാഗം , ഫിസിയോ തെറാപ്പി തുടങ്ങിയ സേവനങ്ങൾ ലഭ്യമാണ്. ക്യാമ്പ് കൂടാതെ സെപ്തംബർ 29 ന് പോത്തനൂരിൽ സ്വാശ്രയ തയ്യൽ പരിശീലന കേന്ദ്രം ഉദ്ഘാടനം , കാടഞ്ചേരി സ്ക്കൂളിൽ ലഹരിക്കെതിരെ ഹയർ സക്കണ്ടറി തല ബോധവല്‍ക്കരണം എന്നിവയെല്ലാം നടക്കുമെന്ന് ഭാരവാഹികൾ പത്ര സമ്മേളനത്തിൽ അറിയിച്ചു. ഗ്രാമ പഞ്ചായത്ത് പ്രസിഡന്റ് കെ ജി ബാബു, ഉപാധ്യക്ഷ ബൽഖീസ് കൊരണപ്പറ്റ, സി പി ബാവ ഹാജി മാണൂർ, ഡോ: റഹ്മത്ത് ബിയ്യം തുടങ്ങി സാമൂഹ്യ സാംസ്കാരിക ആരോഗ്യ രംഗത്തെ പ്രമുഖർ വിവിധ പരിപാടികളിൽ സംബന്ധിക്കും! പത്ര സമ്മളനത്തിൽ പങ്കെടുത്തവർ മുസ്തഫ കാടഞ്ചേരി (പ്രസിഡന്റ്, പി സി ഡബ്ല്യു എഫ് കാലടി) സുജീഷ് നമ്പ്യാർ (ജനറൽ സെക്രട്ടറി , കാലടി) ബൽഖീസ് കൊരണപ്പറ്റ (ട്രഷറർ, വനിതാ ഘടകം) മോഹനൻ പി (ചെയർമാൻ, സംഘാടക സമിതി) സാജിത പോത്തനൂർ (എക്സിക്യൂട്ടീവ് വനിതാ ഘടകം)

പോത്തനൂർ: പൊന്നാനി കൾച്ചറൽ വേൾഡ് ഫൗണ്ടേഷന് കീഴിൽ പ്രവര്‍ത്തിക്കുന്ന സ്വാശ്രയ തൊഴിൽ സംരംഭത്തിൻറ ഭാഗമായമായുളള സ്വാശ്രയ തയ്യൽ പരിശീലനത്തിന്റെ പുതിയ യൂണിറ്റ് കാലടി പഞ്ചായത്തിലെ പോത്തനൂരിൽ സപ്തംബർ 29 വെള്ളിയാഴ്ച്ച വൈകീട്ട് 4 മണിക്ക് കാലടി ഗ്രാമ പഞ്ചായത്ത് പ്രസിഡന്റ് കെ ജി ബാബു ഉദ്ഘാടനം ചെയ്യുമെന്ന് ഭാരവാഹികൾ അറിയിച്ചു. ഉപാധ്യക്ഷ ബൽഖീസ് കൊരണപ്പറ്റ മുഖ്യാതിഥിയായിരിക്കും. പി സി ഡബ്ല്യു സംഘടനയുടെ കേന്ദ്ര, പഞ്ചായത്ത് ഭാരവാഹികളും, സ്വാശ്രയ തൊഴിൽ സംരംഭം സമിതി അംഗങ്ങളും , പ്രവാസി പ്രതിനിധികളും സംബന്ധിക്കുന്നതാണ്.

മസ്കറ്റ് : പൊന്നാനി കൾച്ചറൽ വേൾഡ് ഫൗണ്ടേഷൻ ഒമാന്‍ നാഷണൽ കമ്മിറ്റിയുടെ കീഴിലുള്ള വിവിധ ഏരിയ കമ്മിറ്റികളുടെ വാർഷിക ജനറൽബോഡി യോഗങ്ങൾ നടക്കുന്നതിന്റെ ഭാഗമായി മസ്കറ്റ് ഏരിയ കമ്മിറ്റി വാർഷിക ജനറൽബോഡി യോഗവും, വിവിധ കലാ പരിപാടികളോടെ ഓണാഘോഷവും സംഘടിപ്പിച്ചു. ഇന്ത്യൻ സോഷ്യൽ ക്ലബ്ബ് സോഷ്യൽ വെൽഫെയർ കമ്മിറ്റി സെക്രട്ടറിയും, ഒമാനിലെ സാമൂഹിക സാംസ്കാരിക മണ്ഡലങ്ങളിൽ നിറസാന്നിധ്യവുമായ ഷമീർ പി ടി കെ ഉദ്ഘാടനം നിർവ്വഹിച്ചു, സ്വാഗത സംഘം ചെയർമാൻ ഒമേഗ ഗഫൂർ അധ്യക്ഷനായിരുന്നു. മസ്കറ്റ് ഏരിയ കമ്മിറ്റി സെക്രട്ടറി മുനവ്വർ പ്രവർത്തന റിപ്പോർട്ടും, നാഷണൽ കമ്മിറ്റി പ്രസിഡണ്ട് എം സാദിഖ് സംഘടനാ റിപ്പോർട്ടും അവതരിപ്പിച്ചു, നാഷണൽ കമ്മിറ്റി ട്രഷറർ പി വി സുബൈർ പുതിയ കമ്മിറ്റിയുടെ പാനൽ അവതരിപ്പിക്കുകയും, പുതിയ ഭാരവാഹികളെ പ്രഖ്യാപിക്കുകയും ചെയ്തു. 29 അംഗ എക്സിക്യൂട്ടിവ് അംഗങ്ങളെ തെരഞ്ഞെടുത്തു. ഭാരവാഹികളായി പ്രസിഡണ്ട് : സമീർ സിദ്ദീഖ് വൈസ് പ്രസിഡൻ്റ്: സഫീര്‍, നസറുദ്ദീൻ ജനറൽ സെക്രട്ടറി : ഷംസീർ കെ വി സെക്രട്ടറി : മുനവ്വർ, രതീഷ് ട്രഷറർ: സമീർ മത്ര എന്നിവരെ തിരഞ്ഞെടുത്തു.. വനിതാ കമ്മറ്റിയുടെ നേതൃത്വത്തിൽ കുടുംബാംഗങ്ങൾ പാകം ചെയ്ത ഓണസദ്യ വിഭവങ്ങൾ പ്രോഗ്രാമിന് മാറ്റുകൂട്ടി. കുട്ടികളുടെയും മുതിർന്നവരുടെയും വിവിധ കലാപരിപാടികൾ അരങ്ങേറി. പി വി ജലീൽ, ബാവ, നജീബ് കെ, റംഷാദ് കെ വി, ബദറു , രതീഷ്, സുഭാഷ്, ഷാജി കടവനാട്, എന്നിവർ പരിപാടികൾക്ക് നേതൃത്വം നൽകി. വനിതാ കമ്മിറ്റി പ്രസിഡന്റ് സൽമ നസീർ, ജനറൽbസെക്രട്ടറി ഷമീമ സുബൈർ, ട്രഷറർ ലിസി ഗഫൂർ എന്നിവർ ആശംസകൾ നേർന്നു. ടിവി ഇസ്മായിൽ സ്വാഗതവും, പുതുതായി തെരഞ്ഞെടുക്കപ്പെട്ട സെക്രട്ടറി ഷംസീർ നന്ദിയും പറഞ്ഞു.

മനാമ: പൊന്നാനി കൾച്ചറൽ വേൾഡ് ഫൗണ്ടേഷൻ ബഹറൈൻ കമ്മിറ്റിയുടെ ആർട്സ് വിഭാഗം സൽമാനിയയിലുള്ള ഇന്ത്യൻ ഡിലൈറ്റ് റെസ്റ്റോറന്റിൽ വെച്ചു വിപുലമായ ഓണാഘോഷം സംഘടിപ്പിച്ചു. ഓണസദ്യ, കുടുംബസംഗമം, കലാ കായിക മത്സരങ്ങൾ സമ്മാനദാനം, തുടങ്ങിയവ പരിപാടിക്ക് ആവേശമായി. ആർട്സ് കൺവീനർ നസീർ കാഞ്ഞിരമുക്ക് അധ്യക്ഷത വഹിച്ചു. PCWF പ്രസിഡന്റ് മുഹമ്മദ് മാറഞ്ചേരി ഉദ്ഘാടനം ചെയ്തു. രക്ഷാധികാരികളായ ബാലൻ കണ്ടനകം, സദാനന്ദൻ കണ്ണത്ത്, ഫസൽ പി കടവ് എന്നിവർ ആശംസകൾ നേർന്നു. ഇന്ത്യയുടെ സ്വതന്ത്ര ദിനത്തോടനുബന്ധിച്ചു നടത്തിയ ഓൺലൈൻ ക്വിസ് മത്സരത്തിൽ വിജയികളായ 11 പേരിൽ നിന്നും നറുക്കെടുപ്പിലൂടെ സുരേഷ് ചരൽപറമ്പിൽ ഒന്നാം സ്ഥാനവും, ഹൈറുന്നിസ റസാക്ക് രണ്ടാം സ്ഥാനവും അർഷാദ് റാസി മൂന്നാം സ്ഥാനവും നേടി. വിജയികൾക്ക് ട്രോഫിയും സർട്ടിഫിക്കറ്റും വിതരണം ചെയ്തു. ക്വിസ് മാസ്റ്റർ ഷബീറലി കക്കോവിന് പ്രസിഡന്റ്‌ മുഹമ്മദ്‌ മാറഞ്ചേരി മൊമെന്റോ നൽകി ആദരിച്ചു. PCWF ന്റെ പ്രത്യേക ഉപഹാരം മികച്ച ഫോട്ടോഗ്രാഫർ കൂടിയായ സെയ്തലവി ഏവിക്ക് PCWF ജനറൽ സെക്രട്ടറി ജഷീർ മാറോളിയിൽ നൽകി ആദരിച്ചു വിവിധ കലാ പരിപാടികൾക്ക് പിടി അബ്ദുറഹ്മാൻ, മുസ്തഫ കൊളക്കാട്ട്, ഷറഫ് വിഎം പുതുപൊന്നാനി, ഷഫീഖ് പാലപ്പെട്ടി, റംഷാദ് റഹ്‌മാൻ , നബീൽ എം വി കൊല്ലൻപടി സുരേഷ്,അലി കാഞ്ഞിരമുക്ക് , ഷമീർ പുതിയിരുത്തി, ദർവേഷ് പൊന്നാനി, എംഎഫ് റഹ്‌മാൻ ഷാഫി പുത്തൻപള്ളി മുജീബ്‌ വെളിയങ്കോട്, നൗഷാദ് എന്നിവർ നേതൃത്വം നൽകി . ഹസൻ വിഎം മുഹമ്മദ് പ്രോഗ്രാം കോ-ഓർഡിനേറ്ററായ പരിപാടിയിൽ സെക്രട്ടറി ജഷീർ മാറോളിയിൽ സ്വാഗതവും മധു എടപ്പാൾ നന്ദിയും പറഞ്ഞു.

കേരള ഫിഷറീസ് & സമുദ്രപഠന സർവ്വകലാശാല (കുഫോസ്) യിൽ നിന്ന് എം.എസ്.സി ക്ലൈമറ്റ് സയൻസിൽ പൊന്നാനി സ്വദേശി സുഹൈലത്തുൽ ആദില മൂന്നാം റാങ്ക് നേടി. PCWF ദുബൈ ഘടകം എക്സിക്യൂട്ടീവ് അംഗം പണ്ടാരത്തിൽ സൈനുദ്ദീന്റെ മകളാണ്. മാതാവ്: സുലൈഖ

പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ന്റെ വാട്സ്ആപ്പ് ചാനൽ ജി സി സി കോർഡിനേറ്റർ ഡോ: അബ്ദുറഹ്മാൻ കുട്ടി ഉദ്ഘാടനം ചെയ്തു. PCWF ന്റെ വാർത്തകളും വിശേഷങ്ങളും അറിയാൻ എല്ലാവരും താഴെ കൊടുത്ത ലിങ്ക് വഴി വാട്സ്ആപ്പ് ചാനൽ ഫോളോ ചെയ്യണമെന്ന് അഭ്യർത്ഥിക്കുന്നു. https://whatsapp.com/channel/0029Va4xwasLdQebBzpoOp16

അജ്‌മാൻ : പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ സെൻട്രൽ കമ്മിറ്റി പ്രവർത്തക സമിതി അംഗങ്ങൾക്കായി കുടുംബ സംഗമം സംഘടിപ്പിച്ചു. അജ്‌മാൻ ഹീലിയോ സീ ടീ ഫാമിൽ നടന്ന സംഗമം ഡോ: ഷാജി ഇടശ്ശേരി ഉദ്ഘാടനം ചെയ്തു. സംസ്ഥാന - ദേശീയ നീന്തൽ മത്സരങ്ങളിലൂടെ പൊന്നാനിയുടെ അഭിമാനമായ ഹയാൻ ജാസിറിനെ ചടങ്ങിൽ ആദരിച്ചു. ഷാജി ഹനീഫ് ഉപഹാരം സമ്മാനിച്ചു. പ്രസിഡന്റ്‌ മുഹമ്മദ്‌ അനീഷ് അദ്ധ്യക്ഷത വഹിച്ചു. സി എസ് പൊന്നാനി മുഖ്യ പ്രഭാഷണം നടത്തി. തുടർന്ന് വനിതാ സെൻട്രൽ കമ്മിറ്റി ജനറൽ ബോഡി നടന്നു. *വനിതാ ഘടകം പുനഃസംഘടിപ്പിച്ചു* 25 അംഗ എക്സിക്യൂട്ടീവ് രൂപീകരിച്ചു. *പ്രധാന ഭാരവാഹികൾ* ബബിതാ ഷാജി (ചെയർ പേഴ്സൺ , ഉപദേശക സമിതി) മുംതാസ് ബഷീർ, സുബൈദ മൊയ്തുണ്ണി (അംഗങ്ങൾ) റഹ്മത്ത് സി ഷാർജ (പ്രസിഡന്റ്‌ ) സമീറ നൂറുൽ അമീൻ ഫുജൈറ (ജനറൽ സെക്രട്ടറി) മിഥില മുരളി അബുദാബി (ട്രഷറർ ) വൈ: പ്രസിഡന്റ്: സെറീന ഇക്ബാൽ (ഷാർജ), ആയിഷ ഷീഹ (അബുദാബി) ഫായിസ ഷബീർ (ദുബൈ) സെക്രട്ടറി: റംഷിദ സുനീർ (അജ്‌മാൻ) , സമീറ അലി (റാസൽ ഖൈമ) രഹ്‌ന ആഷിക് (ദുബായ്) നാട്ടിൽ നടന്ന പ്രവാസി സംഗമത്തിൽ പ്രവാസി എക്സലൻസ് അവാർഡ് കരസ്ഥസമാക്കിയ ബബിത ഷാജിയെ പൊന്നാട അണിയിച്ച് ആദരിച്ചു. അബ്ദുസ്സമദ് വി, ശിഹാബ് കെ കെ, അലി എ വി, അബ്ദുൽ ജലാൽ, ഷബീർ മുഹമ്മദ്‌, സുനീർ പി കെ, അബ്ദുലത്തീഫ്, മുനവ്വർ അബ്ദുള്ള എന്നിവർ സംബന്ധിച്ചു. ഷബീർ ഈശ്വരമംഗലം, ഹബീബ് റഹ്മാൻ, അഷ്‌റഫ്‌ സി വി, നൂറുൽ അമീൻ, ആഷിഖ് സി, മുഹമ്മദ്‌ ഇക്ബാൽ, ഷഹീർ ഈശ്വരമംഗലം, അമീൻ മാറഞ്ചേരി, നവാബ്, ഇസ്മായിൽ, സിയാദ്, തുടങ്ങിയവർ നേതൃത്വം നൽകി. വിവിധ കലാ കായിക മത്സരങ്ങൾ നടന്നു. വിജയികൾക്കെല്ലാം സമ്മാനങ്ങൾ വിതരണം ചെയ്തു. മുപ്പത്തി മൂന്ന് വിഭവങ്ങളടങ്ങിയ ഓണ സദ്യ പരിപാടിക്ക് മാറ്റേകി. പ്രോഗ്രാം കമ്മിറ്റി ചെയർമാൻ ജിഷാർ അബൂബക്കർ സ്വാഗതവും കൺവീനർ ഹാഫിസ് റഹ്മാൻ നന്ദിയും പറഞ്ഞു.

പൊന്നാനി: ലഹരി വിരുദ്ധ സമൂഹ സൃഷ്ടിക്കായ് പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗം പോലീസ് - എക്സൈസ് വിഭാഗത്തിന്റെ സഹകരണത്തോടെ നടത്തി വരുന്ന ലഹരി വിരുദ്ധ കാംപയിന്റെ ഭാഗമായി ഹയർ സെക്കണ്ടറി തല ബോധവല്‍ക്കരണം സംഘടിപ്പിച്ചു. എം ഇ എസ് ഹയർ സെക്കണ്ടറി സ്കൂളിൽ നടന്ന ചടങ്ങ് എക്സൈസ് പ്രിവൈൻറിങ്ങ് ഓഫീസർ മുരുകൻ ഉദ്ഘാടനം ചെയ്തു. പി ടി എ പ്രസിഡന്റ് എസ് ഇബ്രാഹിം അധ്യക്ഷത വഹിച്ചു. പ്രമുഖ മോട്ടിവേഷൻ ട്രൈനർ വി കെ സുരേഷ് ബാബു കണ്ണൂർ ബോധവല്‍ക്കരണ ക്ലാസ് എടുത്തു. പി സി ഡബ്ല്യു എഫ് വിദ്യാഭ്യാസ സമിതി ജോ : കൺവീനർ എസ് ലത ടീച്ചർ ലഹരി വിരുദ്ധ പ്രതിജ്ഞ ചൊല്ലി കൊടുത്തു. പ്രൊഫ: വി കെ ബേബി, പി കോയക്കുട്ടി മാസ്റ്റർ, കെ വി സുധീഷ്, ടി വി അബ്ദുറഹ്മാൻ കുട്ടി മാസ്റ്റർ, അടാട്ട് വാസുദേവൻ മാസ്റ്റർ, ഡോ :അബ്ദുറഹ്മാൻ കുട്ടി, അഷ്റഫ് നെയ്തല്ലൂർ, ശരീഫ് മാസ്റ്റർ ആലങ്കോട്, പി എം അബ്ദുട്ടി, കെ പി അബ്ദുറസാഖ് തുടങ്ങിയവർ സംബന്ധിച്ചു. ടി വി സുബൈർ സ്വാഗതവും, റംല കെ പി നന്ദിയും പറഞ്ഞു.

ഹയർ സെക്കണ്ടറി തല ബോധവല്‍ക്കരണം സെപ്തംബർ 12 ചൊവ്വാഴ്ച്ച  കാലത്ത് 10 മണി , എം ഇ എസ് ഹയർ സെക്കണ്ടറി, പൊന്നാനി പ്രിയരെ, നമ്മുടെ സമൂഹത്തിലെ നിരവധി വ്യക്തികളേയും കുടുംബങ്ങളേയും സമൂഹത്തെയാകെത്തന്നെയും നാശത്തിലേക്കും തീരാദുരിതത്തിലേക്കും തള്ളിവിടുന്ന വില്ലനായി മദ്യവും മയക്കു വസ്തുക്കളും അരങ്ങ് തകർത്തു കൊണ്ടിരിക്കുകയാണ്. ഇതിനെതിരായി പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗം ആരംഭിച്ച ഏഴുമാസം നീണ്ടുനില്‍ക്കുന്ന ലഹരി വിരുദ്ധ കാംപയിൻറ ഭാഗമായുളള ഹയർ സെക്കണ്ടറി തല ബോധവല്‍ക്കരണം വിദ്യാഭ്യാസ സമിതിയുടെ സഹകരണത്തോടെ താലൂക്കിലുടനീളം നടന്നു വരികയാണ്. പൊന്നാനി എം ഇ എസ് ഹയർ സെക്കണ്ടറി  സ്ക്കൂളിൽ  വിമുക്തി ക്ലബ്ബിൻറ സഹകരണത്തോടെ  സംഘടിപ്പിക്കുന്ന ബോധവല്‍ക്കരണ പരിപാടി സെപ്തംബർ 12 ചൊവ്വാഴ്ച്ച കാലത്ത് 10 മണിക്ക് നടക്കുന്നു... കാര്യ പരിപാടി സ്വാഗതം : സുബൈർ ടി വി (കൺവീനർ, ജനസേവന വിഭാഗം) അധ്യക്ഷൻ: എസ് ഇബ്രാഹിം (പ്രസിഡന്റ്  , പി ടി എ ) ഉദ്ഘാടനം : ശ്രീ: മുഹമ്മദ് റിയാസ്  പി എം  (എക്സൈസ് സർക്കിൾ ഇൻസ്‌പെക്ടർ,പൊന്നാനി) ബോധവല്‍ക്കരണ ക്ലാസ്: വി കെ സുരേഷ് ബാബു കണ്ണൂർ (മോട്ടിവേഷൻ ട്രൈനർ) പ്രതിജ്ഞ ചൊല്ലൽ : എസ് ലത ടീച്ചർ (ജോ : കൺവീനർ, വിദ്യാഭ്യാസ സമിതി) വേദിയിൽ പ്രൊഫ: വി കെ ബബി (ചെയർമാൻ PCWF വിദ്യാഭ്യാസ സമിതി) കെ വി സുധീഷ് (പ്രിൻസിപ്പൾ) ടി വി അബ്ദുറഹ്മാൻ കുട്ടി മാസ്റ്റർ (സെക്രട്ടറി , എം ഇ എസ് ഹയർസെക്കണ്ടറി സ്ക്കൂൾ) അടാട്ട് വാസുദേവൻ മാസ്റ്റർ (കൺവീനർ PCWF വിദ്യാഭ്യാസ സമിതി) പി എം അബ്ദുട്ടി (പ്രസിഡന്റ് PCWF പൊന്നാനി മുൻസിപ്പൽ കമ്മിറ്റി ) രാജൻ തലക്കാട്ട് (ചെയർമാൻ, ജനസേവന വിഭാഗം) നന്ദി: റംല കെ പി (പ്രസിഡന്റ്, PCWF പൊന്നാനി മുൻസിപ്പൽ വനിതാ കമ്മിറ്റി) PCWF ജനസേവന വിഭാഗം & വിദ്യാഭ്യാസ സമിതി

കാലടി: പൊന്നാനി കൾച്ചറൽ വേൾഡ് ഫൗണ്ടേഷൻ കാലടി പഞ്ചായത്ത് കമ്മിറ്റി സംഘടിപ്പിക്കുന്ന മെഗാ മെഡിക്കൽ ക്യാമ്പ് ഒക്ടോബർ 1 ഞായറാഴ്ച്ച കണ്ടനകത്ത് വെച്ച് നടക്കുമെന്ന് ഭാരവാഹികൾ അറിയിച്ചു. സെപ്തംബർ മധ്യത്തിൽ കാടഞ്ചേരി ഹയർസെക്കണ്ടറി സ്കൂളിൽ ലഹരിക്കെതിരെ ബോധവല്‍ക്കരണവും, സെപ്തംബർ 29ന്  സ്വാശ്രയ തൊഴിൽ സംരംഭത്തിന്റെ ഭാഗമായി സ്വാശ്രയ തയ്യൽ പരിശീലന കേന്ദ്രം പോത്തനൂർ യൂണിറ്റ്  ഉദ്ഘാടനവും നടക്കുമെന്ന് പ്രസിഡന്റ് മുസ്തഫ കാടഞ്ചേരി, ജനറൽ സെക്രട്ടറി സുജീഷ് നമ്പ്യാർ എന്നിവർ പറഞ്ഞു. ഇത് സംബന്ധമായി ചേർന്ന സംയുക്ത എക്സിക്യൂട്ടീവ് യോഗം ഡോ : ഷാജി ഇടശ്ശേരി (യു.എ.ഇ) ഉദ്ഘാടനം ചെയ്തു. മുസ്തഫ കാടഞ്ചരി അധ്യക്ഷത വഹിച്ചു. കെ പി അബ്ദുറസാഖ് മുഖ്യ പ്രഭാഷണം നടത്തി. സുബൈദ പോത്തനൂർ,  കെ ജി ബാബു, ബൽഖീസ് കൊരണപ്പറ്റ, അബ്ദുൽ ഗഫൂർ കണ്ടനകം, ബഷീർ ടി തുടങ്ങിയവർ സംസാരിച്ചു. സുജീഷ് നമ്പ്യാർ സ്വാഗതവും, രാജ ലക്ഷ്മി നന്ദിയും പറഞ്ഞു. പരിപാടിയുടെ വിജയത്തിനായി സംഘാടക സമിതി രൂപീകരിച്ചു. സി എസ് പൊന്നാനി (മുഖ്യ രക്ഷാധികാരി) ബാലൻ കണ്ടനകം, ഡോ: ഷാജി ഇടശ്ശേരി, സുബൈദ പോത്തനൂർ, മുസ്തഫ കാടഞ്ചേരി (രക്ഷാധികാരികൾ) മോഹനൻ പി (ചെയർമാൻ) സുജീഷ് നമ്പ്യാർ (കൺവീനർ) അബ്ദുൽ ഹമീദ് യു (കൺവീനർ, ഫിനാൻഷ്യൽ) അപ്പു കുണ്ടൂളി (വൈ: ചെയർമാൻ) രാജ ലക്ഷ്മി (ജോ : കൺവീനർ) ബഷീർ ടി (ഫുഡ് കൺവീനർ)   ജ്യോതി   (പരസ്യ പ്രചരണ കൺവീനർ ) മുബഷിർ (വളണ്ടിയർ ക്യാപ്റ്റൻ) മുസ്തഫ കാടഞ്ചേരി (കോ-ഓർഡിനേറ്റർ, ലഹരിവിരുദ്ധ ബോധവല്‍ക്കരണം ) ബൽഖീസ്  കൊരണപ്പറ്റ (കോ-ഓർഡിനേർ  സ്വാശ്രയ തയ്യൽ പരിശീലന കേന്ദ്രം) 

എടപ്പാൾ: ലഹരി വിരുദ്ധ സമൂഹ സൃഷ്ടിക്കായ് പോലീസ് - എക്സൈസ് വിഭാഗത്തിന്റെ സഹകരണത്തോടെ പൊന്നാനി കൾച്ചറൾ വേൾഡ് ഫൗണ്ടേഷൻ ജനസേവന വിഭാഗം ആരംഭിച്ച ലഹരി വിരുദ്ധ കാംപയിന്റെ ഭാഗമായുളള ഹയർ സെക്കണ്ടറി തല ബോധവത്കരണത്തിന് എടപ്പാൾ ഗവണ്മെന്റ് ഹയർ സെക്കണ്ടറി സ്കൂളിൽ നിന്നും തുടക്കം കുറിച്ചു. പി.ടി.എ പ്രസിഡന്റ് അഡ്വ. കബീർ കാരിയത്തിന്റെ അധ്യക്ഷതയിൽ നടന്ന ചടങ്ങ് വട്ടംകുളം ഗ്രാമപഞ്ചായത്ത് പ്രസിഡന്റ് കഴുങ്കിൽ മജീദ് ഉദ്ഘാടനം ചെയ്തു. മദ്യനിരോധന സമിതി സംസ്ഥാന കോ-ഓർഡിനേറ്റർ ഇ.എ ജോസഫ് ബോധവൽക്കരണ ക്ലാസ് നയിച്ചു. ഏട്ടൻ ശുകപുരം ലഹരി വിരുദ്ധ പ്രതിജ്ഞ ചൊല്ലി കൊടുത്തു. കെ. എം. അബ്ദുൾ ഗഫൂർ (പ്രിൻസിപ്പാൾ) മോഹനൻ പാക്കത്ത് (പ്രസിഡന്റ് PCWF വട്ടംകുളം), അബ്ദുൾ റഷീദ് (സെക്രട്ടറി PCWF വട്ടംകുളം) എന്നിവർ സംസാരിച്ചു. ജൂൺ 26 ന് ആരംഭിച്ച കാംപയിൻ ഡിസംബർ 31 നാണ് സമാപിക്കുന്നത്. PCWF വിദ്യാഭ്യാസ സമിതിയുടെ സഹകരണത്തോടെയാണ് ഹയർ സെക്കണ്ടറി തല ബോധവത്കരണങ്ങൾ സംഘടിപ്പിച്ചു വരുന്നത്.

പൂനൈയിൽ നടന്ന മൂന്നാമത് നാഷണൽ ഫിൻ സ്വിമ്മിംഗ് ചാമ്പ്യൻഷിപ്പ് 400 മീറ്റർ റിലേയിൽ കേരളത്തിന് വേണ്ടി സ്വർണ മെഡൽ കരസ്ഥമാക്കിയ പൊന്നാനി സ്വദേശി ഹയാൻ ജാസിർ ന് പൊന്നാനി കൾച്ചറൽ വേൾഡ് ഫൗണ്ടേഷൻ  അഭിനന്ദനങ്ങൾ ...... ദുബായ് ഇന്ത്യൻ ഹൈസ്ക്കൂൾ ആറാം ക്ലാസ് വിദ്യാർത്ഥിയായ ഹയാൻ, ജാസിർ നഫീസ നുസ്രത്ത് ദമ്പതികളുടെ മകനാണ്... അണ്ടർ വാട്ടർ സ്പോർട്സ് ഫെഡറേഷൻ ഓഫ് ഇന്ത്യ കൊച്ചിയിൽ സംഘടിപ്പിച്ച സംസ്ഥാന നീന്തൽ മത്സരത്തിൽ ഒരു വെളളിയും വെങ്കലവും നേടിയിരുന്നു.... യു.എ.ഇയിൽ മാതാപിതാക്കളോടൊത്ത് താമസിക്കുന്ന ഈ പതിനൊന്നുകാരൻ കഴിഞ്ഞ ഏഴ് വർഷമായി ദുബായിൽ നീന്തൽ പരിശീലനത്തിൽ ഏർപ്പെട്ടിരിക്കുകയാണ്. സെപ്തംബര്‍ 17 ന് അജ്മാനിൽ സംഘടിപ്പിക്കുന്ന PCWF സംഗമത്തിൽ വെച്ച് യു.എ.ഇ കമ്മിറ്റി അനുമോദനം നൽകുന്നുണ്ട്...

ചങ്ങരംകുളം: പലതായി കണ്ടെതിനെ ഒന്നായി കാണാൻ പഠിപ്പിച്ചവരാണ് ഗുരുക്കന്മാരെന്നും, സമത്വ ബോധത്തെ ശിഷ്യ ഗണങ്ങളിലേക്ക് പകര്‍ന്നുനല്‍കിയ ഇത്തരം ഗുരുക്കന്മാരാണ് കേരളത്തിൽ നവോത്ഥാനം സാധ്യമാക്കിയതെന്നും പ്രശസ്ത സാഹിത്യകാരൻ ആലങ്കോട് ലീലാകൃഷ്ണൻ അഭിപ്രായപ്പെട്ടു. അറിവ് കൊണ്ട് വെളിച്ചം പകർന്നവരാണ് അധ്യാപകരെന്നും, പൊന്നാനി പളളിയിൽ ശൈഖ് സൈനുദ്ധീൻ മഖ്ദൂം കത്തിച്ച അറിവിന്റെ വിളക്ക് ഇന്നും കെടാതെ നിലനില്‍ക്കുന്നുണ്ടെന്നും, ഭാരതത്തിലെ സനാതന ധർമ്മങ്ങളും, ഉപനിഷത്തുകളും മറ്റു വേദ ഗ്രന്ഥങ്ങളുമെല്ലാം പഠിക്കുന്നതിലൂടെ ഈ വെളിച്ചമാണ് കൈമാറ്റം ചെയ്യുപ്പെടുന്നതെന്നും അദ്ദേഹം കൂട്ടി ചേര്‍ത്തു. പൊന്നാനി കൾച്ചറൽ വേൾഡ് ഫൗണ്ടേഷൻ കേന്ദ്ര വിദ്യാഭ്യാസ സമിതി അധ്യാപക ദിനത്തിന്റെ ഭാഗമായി പന്താവൂർ ഇർഷാദ് സ്കൂൾ ഓഡിറ്റോറിയത്തിൽ സംഘടിപ്പിച്ച ആദരം, അനുസ്മരണം ചടങ്ങ് ഉദ്ഘാടനം ചെയ്തു സംസാരിക്കുകയായിരിന്നു അദ്ദേഹം. അധ്യാപക വൃത്തിയിൽ നിന്നും വിരമിച്ചതിന് ശേഷവും സാമൂഹ്യ സാംസ്കാരിക ജീവകാരുണ്യ സേവന പ്രവർത്തനങ്ങളിൽ സജീവ സാന്നിധ്യങ്ങളായ പ്രൊഫ: പി.വി.ഹംസ (പൊന്നാനി) , അടാട്ട് വാസുദേവൻ (ആലങ്കോട്), എസ്. ലത (മാറഞ്ചേരി) എന്നിവരെ ചടങ്ങിൽ ആദരിച്ചു. നന്നംമുക്ക് മൂക്കുതല സ്വദേശിയും, പ്രമുഖ വിദ്യാഭ്യാസ വിചക്ഷണനും സാംസ്കാരിക നായകനുമായിരുന്ന പി. ചിത്രൻ നമ്പൂതിരിപ്പാടിനെ ചടങ്ങിൽ അനുസ്മരിച്ചു. വിദ്യാഭ്യാസ സമിതി ചെയർമാൻ പ്രൊഫ: വി കെ ബേബി അധ്യക്ഷത വഹിച്ചു. വി.വി.രാമകൃഷ്ണൻ മാസ്റ്റർ അധ്യാപക ദിന സന്ദേശം നൽകി. പി കോയക്കുട്ടി മാസ്റ്റർ, സി വി മുഹമ്മദ് നവാസ്, ഏട്ടൻ ശുകപുരം, ടി മുനീറ, ഡോ അബ്ദുറഹ്മാൻ കുട്ടി, അഷ്റഫ് നെയ്തല്ലൂർ, ഡോ : ഷാജി ഇടശ്ശേരി, സിദ്ദീഖ് മൗലവി അയിലക്കാട്, ഇ.പി.രാജീവ്, എം.ടി. ഷറീഫ്, പ്രണവം പ്രസാദ്, പ്രദീപ് ഉണ്ണി നന്നംമുക്ക്, എം പി അബ്ദുല്ല കുട്ടി വട്ടംകുളം, സുബൈദ പോത്തനൂർ, ശാരദ ടീച്ചർ, ബീക്കുട്ടി ടീച്ചർ, പി എം അബ്ദുട്ടി , ഹൈദറലി മാസ്റ്റർ, ആരിഫ പി എന്നിവർ സംബന്ധിച്ചു. അബ്ദുല്ലതീഫ് കളക്കര സ്വാഗതവും, ആയിഷ ഹസ്സൻ നന്ദിയും പറഞ്ഞു.

എടപ്പാൾ : ലഹരി വിമുക്ത സമൂഹ സൃഷ്ടിക്കായ് 2023 ജൂൺ 26 ന് ആരംഭിച്ച ലഹരി വിരുദ്ധ കാംപയിൻറ ഭാഗമായുളള ഹയർ സെക്കണ്ടറി തല ബോധവല്‍ക്കണം സെപ്തംബർ 5 ന് എടപ്പാൾ ഗവണ്മെന്റ് ഹയർ സെക്കണ്ടറി സ്ക്കൂളിൽ നടക്കുമെന്ന് പി സി ഡബ്ല്യു എഫ് വട്ടംകുളം പഞ്ചായത്ത് കമ്മിറ്റി ഭാരവാഹികൾ അറിയിച്ചു. സെപ്തംബർ 5 ചൊവ്വാഴ്ച്ച ഉച്ചയ്ക്ക് 2 മണിക്ക് നടക്കുന്ന ചടങ്ങ് വട്ടംകുളം ഗ്രാമ പഞ്ചായത്ത് പ്രസിഡന്റ് മജീദ് കഴുങ്കിൽ ഉദ്ഘാടനം ചെയ്യും! കേരള മദ്യ നിരോധന സമിതി സംസ്ഥാന കോർഡിനേറ്റർ ഇ എ ജോസഫ് ബോധവല്‍ക്കരണ ക്ലാസിന് നേതൃത്വം നല്കുന്നതാണ്. എം എ നജീബ്, ഏട്ടൻ ശുകപുരം, കെ വി വാസുദേവൻ, പ്രൊഫ: വി കെ ബേബി, അഡ്വ: കബീർ കാരിയത്ത്, അടാട്ട് വാസുദേവൻ മാസ്റ്റർ, ടി വി സുബൈർ, കെ എം അബ്ദുൽ ഗഫൂർ, മോഹനൻ പാക്കത്ത്, അബ്ദുൽ റഷീദ് അറയ്ക്കൽ തുടങ്ങിയവർ സംബന്ധിക്കുന്നതാണ്. പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗവും വിദ്യാഭ്യാസ സമിതിയും സംയുകമായി പോലീസ് , എക്സൈസ് വിഭാഗം സഹകരണത്തോടെ സംഘടിപ്പിക്കുന്ന കാംപയിൻ ഡിസംബർ 31 വരെ നീണ്ടുനില്‍ക്കുന്നുണ്ട്. കാംപയിൻറ ഭാഗമായി താലൂക്ക് അടിസ്ഥാനത്തിൽ വിവിധ ഘട്ടങ്ങളിലായി ലഘുലേഖ വിതരണം,കാമ്പസ് തല പ്രചരണങ്ങൾ , റോഡ് ഷോ, സൈക്കിള്‍ റാലി, ബൈക്ക് റാലി , മാരത്തണ്‍, സെമിനാർ, ചിത്രപ്രദര്‍ശനം തെരുവുനാടകം, പ്രബന്ധ - പ്രസംഗ മത്സരം ,പോസ്റ്റർ & കാർട്ടൂൺ മത്സരം കലാ കായിക മത്സരങ്ങൾ തുടങ്ങിയവ സംഘടിപ്പിക്കുന്നുണ്ട്.